奇華餅家 (皇后大道東)

中秋節過左咁耐，今年有機會試左幾款唔同牌子月餅。幾款都有post過，今次終於輪到講下奇華。呢款迷你款，size係正常細。所以連個黃都細，細粒唔緊要，如果好食就得。我想講佢個黃，係偏乾，冇流油，好似室溫牛油咁凝固，但又唔係軟。而個白蓮蓉都唔好食，同另一間大牌子美X真係食得出有好大分別。個蓮蓉又係硬同乾，超級甜。面層塊餅皮一切就有少少散，因為塊餅皮油脂唔夠。我未試過奇華其他系列，但呢款迷你白蓮蓉整體全部都唔好食。…查看更多

奇華月餅買了奇華的迷你蛋黃純白蓮蓉月餅,  小小一個, 很適合食用, 因為不怕吃不完, 樣一小個的量剛剛好, 吃起來不會太膩, 尤其適合喜歡吃蓮蓉的人, 因為相對地白蓮蓉的比例比較多。皮軟, 不硬, 回油功夫做得好, 吃起來很油潤, 自己做月餅很難回油回得那麼好, 而且厚薄均勻, 最忌是吃到太厚的皮, 這裡並不會,  亦不會太薄, 因為我都挺喜歡吃月餅皮的。盒子包裝精美, 又可以回收再用, 很實際, 送禮亦相當得體。蓮蓉比想像中好吃, 還以為白蓮蓉會很膩, 但一點也不會, 每一口都是蛋黃的甘香, 我很喜歡, 下午茶時間吃一個剛剛好, 不用喝茶解膩都不會有食滯的感覺, 實在很好吃, 如果不是只有中秋節期間限定時吃到就更幸福了。…查看更多

臨近農曆新年當然要買定d賀年食品送禮自用。今年就見到奇華出咗迪士尼米奇與好友賀年禮盒，包裝喜慶得嚟又夠晒精美特別，送俾親朋戚友就啱晒。迪士尼米奇與好友系列賀年炮仗禮盒 $298呢款模仿炮仗外型嘅禮盒設計就夠晒特別，外面印有迪士尼人物嘅唐裝造型，打開入面除咗有兩個迷你年糕，仲有花生脆糖、黑糖杏仁脆糖、歡樂笑口棗同鬆化香酥角4款小食，有齊晒新年基本嘅要嘅賀年食品。兩款迷你年糕，分別係米奇造型嘅亞嫲糖年糕同米妮造型嘅椰汁糖年糕，睇得又食得。迪士尼米奇與好友系列賀年什錦蛋卷禮盒 $92另一款鐵罐裝禮盒，入面有獨立包裝嘅特濃朱古力蛋卷同牛油蛋卷，蛋卷夠晒鬆脆，亦好香蛋味。呢兩款迪士尼禮盒仲做緊限時優惠，只要係奇華會員(優惠期至15/1)，又或者用Citibank信用卡/Alipay(優惠期至20/1)就有優惠。精選迎春禮盒 $138另外仲買咗個迎春禮盒擺喺屋企，入面有齊蝴蝶酥、曲奇同蛋卷。當中嘅曲奇有杏仁片朱古力、小紅莓牛油、腰果牛油同椰絲蛋白4種口味，歡歡都咁鬆脆香口，啱晒成家唔同人口味。紅棗桂圓烏龍茶年糕 $128今年年糕就揀咗佢哋呢款全新研製、純素嘅紅棗桂圓烏龍茶年糕。加入咗紅棗同桂圓呢d養生食材，未切開已經見到勁足料。清香嘅烏龍茶味仲可以中和年糕嘅膩感。…查看更多

🥮週末無咩計，走咗入一間老字號香港式糕餅店嚟個小探險。一入到門口，就聞到一股撲鼻嘅酥香混合住各種烤餅嘅香氣，立即食指大動！🤤第一擊係招牌流沙包，咬落去外皮超級鬆軟，黃金流沙餡即刻溢出，呢個甘香絕對係閃亮嘅開場！轉個頭，又鎖定咗個肉鬆芝麻脆餅，肉鬆入面嘅混合咸香與芝麻嘅香脆對碰，真係咁滑嘅perfec match！試完呢啲，絕對唔可以錯過佢哋嘅牛油菠蘿包😍，外面嘅菠蘿皮香甜得嚟帶點酥脆，牛油味濃郁不膩，個包彈性十足，麵包控必撲。每款小吃都有佢獨特嘅香味，味道正宗得黎又唔會太甜，適合大朋友小朋友。尋日嘅短暫品味之旅，真係令我食到停唔到口，期待下次再嚟尋寶！🧧…查看更多

尋日經過奇華原來已經開始有得賣臘腸喇，店員仲介紹我哋好受歡迎嘅珠姐XO醬👏🏻我哋即刻買返屋企試🥰🐷奇華切肉臘腸用咗每日新鮮運到嘅豬上肉作為主要材料，加入香醇玫瑰露酒同自家調配嘅頂級醬油，味道濃郁且香甜美味🤤💰(4條裝) $95 (10條裝) $228🦐奇華極上珠姐XO醬獨門秘製配方加上頂級瑤柱、金華火腿、蝦米及蝦籽等多種矜貴材料熬煮👩‍🍳味道香濃惹味，加入食材後烹調絕對能夠提升餸菜鮮味😋💰(100克) $110 (170克) $155…查看更多