太興 (富榮花園)

營業中

休息中

小弟在太興吃過早餐, 下午茶, 燒味外賣... 都覺得不錯, 所以想跟大家分享一下 味道早餐之一 "頂級午餐肉煎蛋公仔麵" 一向都做得不錯, 份量也充足, 只是湯太鹹, 有很多食客都會要求少鹹, 小弟這個不太好鹹的人便要求淡湯 下午茶的 "正版星洲炒米" 有鑊氣, 蝦仁有2-3粒, 份量亦有4-5 碗仔.. 可是已經叫了少油, 但比想像中多油下午茶其二的 "雞中翼"(全名忘記了, sorry), 有4 隻, 說多不多, 說少不少... 但味道搭夠, 好味道!當然也不可不說著名的 "冰鎮奶茶", 茶濃奶滑 --- 正!! 在太興叫凍飲不叫 "冰鎮" 很傻至於燒味, "叉燒" 呢, 小弟就覺得不果不失啦... 有些地方做得比它好而價錢又平宜些可是, "燒肉" 呢, 就是一流了! 當然, 小弟勸告大家要在每日兩個燒味出爐時才購買, 會新鮮多半... 建議買1 條外賣斬件, 跟女朋友在人少的地方 "野餐" 環境店內有多張卡位, 地方也寬闊, 多人時不會太嘈吵... 而且冷氣十足, 是消暑好去處價錢比一般茶餐廳貴, 但比翠華平宜... 份量亦比貴價茶餐廳多服務比一般茶餐廳好, 每張卡位抽屜有刀叉

The prices at Tai Hing keep going up and they put the price even before the inflation started. But the quality keep going down down down. The portions are getting smaller. I had breakfast this morning. They only put one small teaspoon of satay chicken in my rice noodles. It's getting really bad. If they are serving the Gai Fong here, they should really lower the prices !!!!

星期日下晝去屋企樓下間太興食tea,上次食過個健怡三文治餐,覺得唔錯,健怡三文治好味健康之餘,又有燕麥鮮奶飲,都只係$22,真係唔錯,所以今次都諗住照叫番呢個餐,點知,個姐姐同我講,無晒燕麥鮮奶,所以唔可以叫,咁我話,不如俾我改其他野飲,佢話唔得,無左一樣野,就成個餐無晒,唔叫得,我心諗,邊有咁rigid架?佢話一係我散叫,即係叫一個健怡三文治($18)再加飲品($13),咁我覺得價錢又差太遠喎!況且,我只係想要個熱Horlick,肯定比個燕麥鮮奶平個喎,咁都唔得?佢話,係唔得就唔得!我覺得真係太唔識轉彎喇,我唔知係咪新式舖就係咁,電腦set死晒,少少野都不能改,令人氣餒!最後,點左個厚多士餐,要粗粒花生醬,都算唔錯既,幾多花生粒粒,好味,個多士都新鮮夠脆,不過都係健怡三文治好味D…仲有一點,D野黎得好慢,真係好慢…等到我…唔餓變好肚餓…

呢間太興,係我坐過咁多間太興最舒服既一間,因為我有朋友住係富榮,而我好耐以前經常都上朋友屋企打通宵機,而有時又訓一兩晚,所以附近既食品,基本上我都有試過....而太興出名燒味,不過,我唔多試,因為我朝早要返工,平日我朝早會同朋友食個早餐然後先去返工,不過係太興食早餐,仍然要面對一個字"貴"...差唔多要40蚊一個早餐,有時我同朋友夜晚打機打到冇食晚飯,之後就等到太興開門去食兩個早餐,埋單!?每位80啦...係附近或者出面,每人已經食到四個早餐了...不過,佢地既份量當然都有番咁上下,但係分得太散了,例如,有既,又唔會有粉麵配埋一齊...要既話就要分開嗌...其實真係有d搶錢之嫌...至於佢地開忠名義既無冰奶茶,其實,都並唔係有咩咁特別,我係灣仔,連依家既美心,都已經見識過...奶茶!?奶味有既,但可以再撞得多幾次,始終唔夠滑...我個人黎講,一個正宗既港式早餐,係香港人不可缺少,我寧願分量少,但每樣都做足港式早餐風格,咁至係生存之道...有麵,有蛋,有多士,咁先係架嘛....不過值得一讚既係,佢地既卡位真係好舒服,尤其係早上冇咩人去太興既時候,我同個好兄弟就會坐上六人既卡位度,輕輕鬆鬆

叉燒飯外賣由$28 加到$29.加價唔緊要, 但今次又係斬D 有筋部位比我食,切得大大舊, 又硬又難趙>< (已經係第三次了)份量少左好多. 極度失望.大家樂, 美心的出品都唔會差到咁.唔知燒味佬有心定無意,我真係未試過食一盒飯食得咁難過.我以後都唔會再幫襯! 仲話同翠華平起平坐,太興連呢D 野都可以比人食, 真係笑死人(有相為証, 見到都唔開胃)

星期六下午悠悠閒閒,想食個下午茶,但係諗唔到去邊度食,於是走去樓下太興,好多人,仲有人等緊位,但係又竟然俾我地搵到個卡位,所以唔理三七二十一就坐低食野。本來想要厚多士,但又俾我見到有個健怡下午茶餐,$23,有個蕃茄生菜烘底三文治,寫明走牛油,加個燕麥鮮奶或紅豆豆腐花,於是要左呢個餐!蕃茄生菜烘底三文治分開四小件,做到好似公司治咁,每作有牙籤,賣相都幾靚,雖然無牛油,但係原來用左好多jam,所以三文治係甜既,但係好好食,尤其是係烘左底,而且好似幾好特色,都未試過有咁既三文治!揀左燕麥鮮奶,個餐牌好搞笑,寫住超級好飲,但係一到,發現原來係十字牌燕麥鮮奶(屋型)一盒,個心有點覺得搵笨,當初以為自家製好有特色,但係原來係現成野,點知開左一飲,先知真係好野,真係超級好飲!同鈣思x果的唔同,雖然係燕麥鮮奶,但竟然唔覺得有燕麥味,而且甜甜地,總之好好味囉!呢一餐下午茶,yummy!覺得幾抵食!

係呢頭住左咁耐,真係第一次試太興最出名既冰鎮系列,你話奇唔奇?哈哈哈!但係係真架!話說係附近食到無野好食,唯有走入太興,是是但但點個燒味飯,因為人地話呢間出名燒味...又真係幾好喎!雖然雙拼飯內既燒肉同乳豬竟然好似樣,差少少令人分唔出,但係出奇地唔肥,又唔會太油,燒肉同乳豬都同樣好味,尤其後者塊皮,薄薄脆脆,唔錯!本來想試冰鎮奶茶,但係怕點(問左侍應,佢話冰鎮係做定,無得甜),所以要鴛鴦,又幾好喎!因為夠濃,而且由頭到尾都夠味,只係飲到尾,冰溶左少少,杯中鴛鴦又無乜,個杯又輕,浮下浮下...整體而言,幾好呀!

冰鎮香滑奶茶, 真係好香滑, 而且冰鎮, 唔會飲耐左影響質數宵夜時段, 燒味雙拼飯是$40.00, 但雙拼粉是$30.00差$10.00, 所以食河粉, 不過河粉唔算滑, 但燒味真的不錯.

早幾日食午餐，叫個羅宋湯，由平時既大碗改為出面西餐既細碗，喂大佬，呢ｄ野駛幾錢呀，俾多少少都唔駛死啦，改為細碗之餘仲要唔滿。叫個鵝飯，就俾晒ｄ「岩杉」部位黎，個餐成４０蚊架，俾ｄ垃圾人地食，當人乞兒咩！以後都唔再去了。

屋企附近間間燒味檔啲叉燒都唔好味，有次走嚟太興試吓，啲叉燒真係好好味，不過就有少少貴囉...

(8/4/06)諗住去某間野,點知未開。見到太興,大家都好agree去。先來個义油雞飯,燒味係招牌,當然好味,不過义燒份量好似少左,切薄片左。到兩點鐘,叫個下午茶餐,沙嗲牛肉通心粉,炒蛋,牛油多士,餐茶:熱奶茶。沙嗲牛肉,唔熱o既...,而其餘既野都出色。呀!衛生有點問題,碟炒蛋送來時,蛋上面竟然有一條紙包飲品的飲管膠袋!我立刻說出,阿姐就拿番起,話啊..可能o岩o岩吹左落去,佢好細聲,似想話同我換,但我當時覺得都似剛黐落去,問題唔大既,就照要咯....。

好耐好耐無試過放假會正正經經咁, 坐低食番個正式早餐. 由於有事要辦, 稍為早起, 天氣又凍, 於是就搵左間茶記, 諗住食個豐富早餐.去到係全場滿座, 搭檯之下都有位坐低. 落左order之後搞下呢樣果樣, 等等下發覺唔多對路, 成個餐半樣野都未黎. 不過唔只我, 周圍人人都係咁, 即係唔似漏單啦, 咁就費事催. 又過左一陣, 估計都有成廿分鐘, 我終於忍唔住搵個阿姐問, 佢都好緊張咁即刻追廚房, 態度可嘉. 無耐終於有野黎, 但竟然係杯熱啡. 嘩, 以果度既速度, 容乜易我未開始食野, 杯啡已經凍晒? 我專登唔郁杯野住, 果然, 再過好幾分鐘依然無影, 而同檯早過我坐低既兩個人, order既食物先剛到. 既然如此, 我都無謂再等, 起身走人. 經過門口, 阿姐認得我, 聽到佢又即刻話廚房. 都好, 起碼呢位阿姐既態度, 令我對呢間餐廳既印象不至於貼地.真係未試過響茶記叫個早餐ABC, 竟然要等半粒鐘, 都仲係未等到!

病到死下死下, 樣樣野都唔想食, 全日無野落個肚. 媽咪見唔對路, 四點幾就"的"左我到對面o既太興食野. 望住個餐牌, 乜野都唔想食, 但媽咪唔肯過我, 唯有揀份量最細o既果占厚多士. 等左好耐先有得食, 我就無乜所謂, 橫掂唔想食, 但媽咪就好心急, 不斷催.佢地講到自己個厚多士"皮脆心軟", 好掂, 不過可能無胃口, 我覺得不過不失, 麵包唔夠澳洲牛奶咁鬆軟, 而且焗得乾左d.

很同意"專食ＣＨＥＡＰ0野"的意見, 一個下午茶餐要$25 (凍飲還要再加$3)是不便宜的, 要叉燒還可以啖啖肉,要燒鵝便有難,全部都是"岩杉"部份,想食有肉的就真是痴心妄想.哎!行遠ｄ去金家樂好過,燒味下午茶餐加凍飲都係$20 咋!

多次o係太興外賣蕃茄班塊返家加餸,每次. 尋日如常去買呢味餸作晚飯, 但係完全走晒樣! 班塊變左班片, 無左炸漿, 個汁稀淋淋, 無酸味亦無鹹味, 份量係以前o既一半, 勁唔掂!