太興 (企業廣場)

營業中

休息中

熱鍋胡椒濃湯魚肚路邊雞 ($58) 名符其實, 個湯真係好濃, 奶白色的湯, 好重白胡椒味, 湯底還有鮮百合, 紅棗, 配料有芹菜, 雲耳 魚肚厚身大件 好多雞脾肉, 肉質鮮嫩, 啖啖肉 咖喱牛腩飯 + 羅宋湯 ($44) 一上桌已聞到椰香, 咖喱汁滿滿的, 好香濃, 帶點微辣 牛腩切得好大件, 炆到好稔, 肉質鬆軟 , 還有少少入口即溶的牛筋

與朋友於MegaBox 睇完葉問2, 肚子好餓, 見到太興就一支箭衝了入去。我不喜歡吃燒味, 朋友笑我去太興不吃燒味就似去KFC不吃雞一樣, 但沒有辦法, 掛住它的奶茶嘛~我們分別叫了蒜茸汁燒雞扒飯+ 熱奶茶, 叉燒燒鵝飯+ 冰震奶茶。蒜茸汁燒雞扒 - 雞扒厚薄適中, 雞皮燒得很香, 雞肉嫩滑, 連我不吃雞皮的人都一整塊幹掉了~ 蒜茸汁很杰身, 不會水汪汪, 蒜茸味很香, 好好食!叉燒燒鵝飯 - 朋友叫的, 叉燒看上去瘦多肥少, 色澤偏深, 給予我的印象似已經放了良久兩碟飯的分量都偏少, 我就OK, 朋友之後要去McCafe食多件cake才夠~冰震奶茶 - 茶味依然濃郁, 奶又香, 100分!熱奶茶 - 基本上與冰震奶茶一樣, 但冰震的分量多很多, 較為抵飲!整體Ok, 不過本人覺得太興不吃燒味還有很多選擇嘛, 何況燒味又不是真的很好...

印象中，好似未在太興食過晚餐，上星期在MegaBox睇戲7點四，我們六點九才到MegaBox，冇乜時間之下，就在太興食了晚餐。我們一行五人，叫了以下食物：1) 大砂煲蝦乾醬炒北京芥蘭苗：砂煲真的十分大，芥蘭炒得唔錯，由於在砂煲中焗了一陣，幾「林」和入味，加埋有蝦乾，十分好食。2) 菜膽松籽蔥爆隔水海南雞：雞幾滑幾好味，但比較肥，汁好香，可以送飯。3) 菜遠蒜香煎焗安格牛柳絲：菜遠一般，牛柳幾好，可能真係安格斯喇！4) 回味菠蘿咕嚕肉：呢碟真係好普通，冇特別回味。四個菜剛好足夠五人食（2男3女），加埋杯冰鎮奶茶，好滿足！埋單二百八十幾，每人大約80元，都算是不錯的選擇。

Magebox......的太興.........唉~~~一言難盡服務態度一流，叫燒腩仔變燒肉（已經講左三次啦！）黎到D燒腩仔皮居然唔脆，好明顯擺左好耐！叫燒味時明明我見餐牌寫$96... 個侍應就話$70... 跟住轉頭同我講係$96... 好食的話呢個價錢都OK... 但呢個質數... 真係街市D燒臘檔都好味過佢!! 乜太興唔係做燒味出名咩??? 招牌菜都做唔好... 執鬼左佢啦~~最離譜係...個侍應仲要兇我.. 我明明清清楚楚講要瑞士汁牛河... 佢竟然好惡咁問我叫河定叫麵!!!! 問佢（侍應姐姐）有咩油菜，佢就不停話餐牌得依兩種款式的菜！（又係那些幾條菜加幾片肉再打漿住喉嚨嘅茨，又收你四五六十蚊！~~~搵鬼食咩！）我再問：有冇灼那些菜即係油菜？亞姐答：菜芯.......（我地等左佢三四秒.....）就問：重有其他咩菜？亞姐：無啦....得菜芯！我地咪唯有叫菜芯。但當什麼瑞士汁炒牛河上枱時，我地發現有四條介蘭？？？？不是只有菜芯嗎？.......正當滿腦疑惑時，我們同時發現.....菜芯根本沒有下單....於是我再追單... 個呀姐黎到我問佢個菜心係咪無落單(但我地明明為油菜

今日去太興試左一試d早餐俾我一個好大既驚喜一個餐蛋飯都比普通茶餐廳好味 good!而且d蛋炒得好靚.味道亦都好好!搞到我想知個chef係邊個~真係正 一個早餐令我回味左幾日價錢可能貴左小許,但係絕對抵食!

近排少左對住小妹, 行完mega box, 走上上層睇下有咩買返去同佢share先~是日飲料:- 太興罐裝奶茶小妹每日唔飲過唔安樂架!有罐裝就可以俾佢隨時隨地飲喇~我好少飲奶茶都試下啦, 咁特別第一次飲到咁香茶味, 同埋好滑.就算茶餐廳, 都奶多茶少, 所以我一直都唔喜歡.試過太興奶茶, 我諗我可以入番d貨慢慢嘆!

十月一直覺得以連鎖燒味店質素來說，太興較美心、大家樂更物有所值，靠得住粥店比太興集團收購後，出品仍保持水準，是堅持美味原則的飲食集團，聞說老闆及出品部經理常在Mega Box的大廚房研發新菜，又會辦私房形式酒宴，然而只聞樓梯響，直至食友K.T兄發起的私房大閘蟹宴，才有機會一嚐另一風味的太興。是夜菜式甚豐，先說燒味拼盤，叉燒瘦肉多肥肉少，吃起來有彈性，味調得好，比較肥叉，我還是喜歡肉性強一點部分，是晚的很滿意。蟹不算贅手，卻是足六兩有餘，反行其道，先吃易冷的蟹腳，今日的大閘蟹肉很難會有鮮甜難忘的味道，是日蟹肉薄有蟹鮮、纖嫩，滿意了，惜蟹醋是行貨，吃起來很嗆，蘸蟹的話僅有鮮味都會被掩蓋．．．更多小菜X蟹宴故事分享＠http://foodxfile.blogspot.com/2009/11/blog-post_19.html

與友人逛街期間想找個地方歇一歇,看見太興下午茶價錢不高,而且環境看似頗舒服,於是決定在此來個tea吧!我叫了一個奶醬厚多,多士厚而鬆化,花生醬頗厚而且帶有少許花生粒,不過本人認為略甜了少許冰鎮奶茶,不俗,但沒甚驚喜tea來說算是不錯,價格合理亦夠飽。

又係我茶餐廳怪客的食遊記今次見客的地點係太興, 下午茶, 多花款, 有我至愛的奶油包仔, good 煉奶淋落個圓 muffin 上面, 比起用方包既高級, 又更好食! 呢款圓包連麵包皮都好食, 所以我已經火速愛上了凍檸茶都ok, 幾有茶味, 價錢唔貴, 約客傾生意的一個上佳選擇

因為忽然想食燒鵝，又因要去九展探KITTY，所以近近地去食太興啦嚟到剛啱2點，有下午茶時間 "正"燒味双并 $70 (轉肶+ $10)燒鵝肶比較肥皮下有幾多肥糕，肉質少少韌味道就唔錯叉燒有豐富嘅蜜汁屬於3分肥7分廋，肉質都幾腍叉燒同燒鵝份量都唔算多。粒粒花生醬厚多士 Tea Set $25有好多粗粒花生嘅花生醬搽上厚厚多士上，非常香脆凍檸檬茶肉碎米粉、炒蛋多士 Tea set $31肉碎米粉份量OK，但肉碎太少所以可能會淡咗D炒蛋都好滑多士係薄唔係厚嘅。香滑冇冰凍奶茶，當然冇冇題啦，好飲

我一向都喜歡呢度嘅早餐，今日早咗有時間嚟呢度嘆個早餐。火煺通粉 - 通粉不太淋，火煺口感不錯，好味，仲有生菜 tim，不過湯底冇之前咁好味。 Overall 都唔錯嘅。腸仔多士 - 多士好脆，腸仔冇乜特別。奶茶 - 奶茶香濃又冇苦味，正！嘆有個好味嘅早餐，人都開心D。

今晚去開九展睇show, 同事提議去MB搵食...同事話想食叉燒, 所以就直上太興!7點人唔多, 不過坐低咗先知.....太興竟然無叉燒???!!! 侍應姐姐話如果一定要嘅話就要等一個鐘喎...啞晒...唯有安慰同事一句: 你黑仔.......之後侍應姐姐建議我地食set dinner啦...不過係西式嘅...推介咖哩牛腩飯, 我同事就叫咗一客,我就要咗黑椒牛扒...首先要讚一讚呢個短髮侍應姐姐, 佢好幫忙~因為減肥, 所以我同佢講想唔要薯角淨係要菜, 佢初初都話未必得, 後來佢都幫我問廚房,最後都可以轉到淨菜俾我!! 落單之後, 餐茶好早就來咗, 所以杯熱奶茶到我食完個陣已經變咗凍奶茶...我問侍應姐姐可唔可以叮返熱杯熱奶茶?轉頭佢已經換過一杯新整嘅熱奶茶俾我~ 幾好!! 講返d野食先! 我地嘅set係有埋餐湯 / 田園沙律 / 飲品 : 餐湯 : 紅湯...味道一般, 無咩特別... 田園沙律 : 雪到好凍...加咗千島醬...不過d菜都幾新鮮~ 咖哩牛腩飯 : 試咗一舊...唔會好辣, 都幾焾... 黑椒牛扒 : 完全唔得...件扒好薄, 醃到實晒同埋無咩牛肉味, 好似茶餐廳廿幾

想嘆下太興既冰震奶茶, 就去左食佢地既下午茶, 平就當然唔係啦, 大份亦唔會覺得囉。不過, 太耐無食又想坐得舒服, 咪去食囉。點左個茶餐, 都要三十幾蚊, 肉醬米粉, 炒蛋多士配個冰震奶茶,。肉醬米粉, 米粉幾硬, 肉醬凍凍地, 唔難食就假。炒蛋略嫌多油, 好大陣油味, 雖然炒得好靚, 好滑, 此乃美中不足。最驚訝係當見到杯冰震奶茶既時候，下??????仲咩矮左既????? 好似大人變細路咁既款囉, 幾啖就飲晒, 點好飲都掃興啦, 咁細杯, 太過份了, 以前黎食跟餐都比大杯既, 宜家仲縮埋水, 個餐又唔係話平, 食物又唔覺好特別好食, 真的無下次啦 !!!!!!!!!!!!!!!!!!!!!!!!!!!!> _ < 對太興一次比一次失望, 對唔住無再黎既衝動!

每個星期總有一日會去太興食lunch, 今日同同事一如以往. 但今次無食燒味飯, 叫左午餐, 雪菜肉絲湯米粉+炒旦多士, 同事就叫左叉燒油雞飯其實不畢都知太興既燒味好好食. 但貪得意想食下其他. 結果就出事了..雪菜肉絲米粉 - 還可以, 但唔夠辣椒炒旦多士 - 炒旦有旦汁, 都滑, 但係完全無味, 應該係廚房一d 鹽都無落, 仲要d旦有一陣唔知算係油益味定咩味....多士唔脆.... 個例湯都還ok啦~始終燒味先係強項. 同事既叉油雞飯叉燒又林, 又唔會太瘦, 燒得岩岩好, 仲好夠蜜汁, 所以好甜好好味. 油雞唔肥, 仲要係雞脾. 下次都係食返燒味算喇

星期日去mega box shopping, 個商場唔算太多人, 落雨都唔係太熱鬧行到累, 入太興新世代坐坐順便食個tea, 咸魚雞粒炒飯連飲品, $35, 個炒飯好食吖, 炒得幾香, 幾有咸魚味, 飯身有少少油, 唔會太乾, 估唔到太興唔係只係得燒味好食, 個咸魚雞粒炒飯都做得唔錯! 有水準凍檸茶係我杯餐茶, 唔差, 三十幾蚊個下午茶有飯食, 價錢可以接受, 而且味道唔差, 食得過!