太湖海鮮城

營業中

休息中

太湖海鮮城宵夜時段氣氛熱鬧，餐廳空間寬敞，裝潢典雅中帶現代感，枱距適中，環境整潔，即使深夜人流多仍不顯擠迫。服務員態度親切，落單和上菜效率高，補茶和清理桌面也很勤快，適合朋友小聚或下班後輕鬆用餐。1. 啫啫通菜
這道啫啫通菜用砂鍋盛載，熱氣騰騰，菜葉爽脆，保留了通菜的清甜，搭配濃郁的蒜蓉和豉汁，帶有微微的辣椒香氣，鍋氣十足。啫啫的烹調方式讓醬汁滲入菜莖，入口鮮香惹味，是宵夜時段的絕佳小菜。份量適中，適合多人分享，配飯或單吃都開胃。2. 叉燒燒肉
叉燒燒肉拼盤是太湖的經典菜式。叉燒蜜汁塗得均勻，色澤誘人，肥瘦適中，入口軟嫩帶有甜香，蜜汁調味不過膩。燒肉皮脆肉嫩，油脂分布均勻，帶有輕微炭燒香氣，搭配芥末或豉油食用更佳。兩者搭配豐富了口感層次，作為宵夜主菜相當滿足。3. 椒鹽豆腐
外皮酥脆，內裡軟嫩，椒鹽調味帶微辣和香氣，撒上蔥花和辣椒碎，開胃又下酒。油分稍重，但味道出色，性價比高。4. 豬肺湯
湯頭清甜，帶中藥材的滋補香氣，豬肺軟嫩無腥味，加入杏仁和紅棗，暖胃舒緩，非常適合深夜享用。5. 九層塔花甲
花甲新鮮，九層塔與蒜蓉、辣椒的搭配香辣濃郁，醬汁惹味，入口鮮甜，無沙粒，適合沾麵包或撈飯。

星期日中午同同事一行六人去咗**太湖海鮮城（銅鑼灣分店）**飲茶，整體氣氛熱鬧，坐得舒適，枱與枱之間唔會太迫，啱晒多人聚餐。埋單六百八十幾蚊，人均一百一十左右，以港島區嚟講，價錢算相當平宜。今次點咗多款點心，包括**香煎叉燒兩件、家鄉韭菜角、鮮蝦燒賣皇、杏甫蓮藕枝、蓮藕芝麻球（糯）**等。點心上枱速度快，熱辣辣、賣相吸引，餡料足、味道亦有水準。其中「太湖招牌餃皇」用料豐富，口感紮實，係當日焦點之一。餐廳服務有禮，落單清晰，補茶收碟都勤快。雖然係大型酒樓，但用餐過程流暢無混亂，適合朋友、同事飯聚。整體而言，係一次味道穩定、價格實惠、環境舒適嘅午市體驗，有機會會再嚟。

前幾天去太湖食飯，又多咗啲新款菜式，其中一個石崇魚蕃茄豆腐湯幾好味又有益，好過自己煲！仲有一個酸菜魚雲粉皮又幾特別，裏邊加咗新鮮蠶豆，好特別，價錢又唔貴！魚湯係我嘅至愛！

在清明節假期一家人食飯，朋友介紹往銅鑼灣太湖海鮮城晚飯，當晚很滿座，但菜式很有水準，六個人埋單約千三元，服務都不錯，還有甜品送，很有人情味的酒家。我十分推介他們的金湯焗龍蝦加煎米底！ 好像沒有在其他洒家食過，十分特別和煎米底很香口另外，我們也有叫蟹皇翅，初時以為$98的蟹皇翅是gimmick，但原來入邊真的有魚翅，份量還不少， 十分有誠意。太湖海鮮城簡直是便宜和好吃之選，但記得要預先訂座，如果唔係要等位

今日同師傅去太湖慶祝生日，點咗一枱豐富嘅菜式，有乳豬、元貝、貴妃蚌、三味牛肉、芝麻雞、脆皮蝦球，甜品仲有蛋散紅豆沙，雖然仲有好多餸冇影相，但已經食到好滿足！人均 $422，覺得好抵食，值得同大家分享下！首先講講個乳豬，端上枱時真係好震撼，成隻乳豬皮脆肉嫩，切開後皮薄得黎入口即化，油香四溢，肉質嫩滑，唔會太肥，配上旁邊嘅甜醬同酸薑片，解膩之餘仲增添咗層次感。師傅話好耐冇食過咁正宗嘅乳豬，我都覺得係今次宴席嘅亮點！貴妃蚌同元貝都係海鮮控嘅最愛。貴妃蚌用蒜蓉粉絲蒸，粉絲吸滿咗蚌嘅鮮味，蒜蓉香氣撲鼻，蚌肉嫩滑得黎帶點嚼勁，仲有蔥花同紅椒點綴，食落去好清新。元貝就更加鮮甜，入口即化，調味簡單但突顯咗海鮮嘅原味，師傅同我都食得好開心。三味牛肉真係驚喜，牛肉切得厚薄適中，燜得軟腍入味，醬汁濃郁，帶點微甜同鹹香，仲有薑蔥同蒜粒嘅香氣，牛肉同醬汁好夾，每啖都好滋味。呢道菜同飯一齊食真係一流，可惜我哋太忙食，唔記得影多啲相！芝麻雞同脆皮蝦球都係經典嘅中式菜式。芝麻雞外皮香脆，裹上濃濃嘅蜜糖醬汁，芝麻香氣好突出，雞肉嫩滑，甜而不膩，食咗幾件都唔會覺得滯。脆皮蝦球就更加出色，蝦肉彈牙，外層炸得金黃酥脆，掛咗一

今晚叫左圍12人餐食餐廳太窄 坐得唔太舒服服務員又趕住收碟😂😂😂更加見識到何其差既服務感度有個女既服務員大喝個客？問佢咩事 佢答驚人郁到佢失手整親我地？？即係我乜都唔理你會唔會郁我喝定你先？_？合理化咁接受左俾你喝 因為又係為我好？唔怪得咁多香港人北上😂😂😂野食整體上唔錯龍蝦好食蒸魚好食得獎鹽焗雞都好食個蟹黃翅都好好食 每位都附有個熱蠟燭慶住不過真係唔洗搞咁多野正正經經上檯咪算囉😂😂個泡枸杞無啦啦變左合掌瓜😅最後仲有好食既蛋散但服務態度咁惡劣 就唔係好想再俾錢受氣啦😂

第二次来了，一般需要提前电话预约一下，翻台率蛮快的，需要坐扶梯上两层，然后有四部电梯可以上来，大厅里大约有40桌，菜式还算是比较全面，但一般来都是喝茶，吃些茶点，吃了两次大概20个菜都没有踩雷的，乳鸽尤其不错，有点深圳光明乳鸽的味道，酥脆美味。

壽辰喜宴，中餐確實係最佳選擇，一大班親朋戚友，聚首一堂，共度開心快樂時光🎉🥳乳豬香脆好好味花膠燉湯超足料芝麻雞麻香肉嫩龍蝦大隻啖啖肉東星斑鮮甜美味黃金炸魚皮酥脆炒飯炒麵夠火候大大大滿足😚😋

今天弟弟來港，難得一家團聚，選中了太湖海鮮城吃晚餐。我們八點半到達，已座無虛席，還好有預先訂座。 今晚主要吃海鮮及火鍋，熟食有蝦醬通菜炒鮮魷、椒鹽鮮魷和蝦醬碎炸雞， 火鍋魚湯湯底，配料則有象拔蚌、澳洲龍蝦、牛肉、芥菜及芥蘭。

3月18日揾食肥華同靚媽，行完維園花展，便順道到銅鑼灣，呢間有米芝蓮星，光環照住嘅酒楼，食午饍，有米芝蓮車胎人，加持嘅效應下，此店非常旺埸有九成入座率，而此店各員工，對肥華及靚媽呢對稀客都服務週到，彬彬有禮，若果米芝蓮車胎人啲星，喺頒贈俾比店嘅，楼面前綫，服務員工，揾食肥華絕無異意。至於食品方面，肥華今餐除咗對，嗰味豉油皇鵝腸，感到滿意之外，其他嘅，䓤銀絲生蠔煲，啲蠔唔夠生鮮個芡汁似䊢糊，燒鵝飯碗飯夠唔淋口，啱肥華口味，但主角燒鵝，皮唔脆肉唔厚又淡口，兩個食品都係失敗之作，而個所謂雞絲粉卷，外層粉皮，又厚又嚡内祗見到， 一舊舊雞肉和配料，未見到有任何絲狀物體，咁嘅質素，鷄絲粉卷，更加喺，失敗中嘅失敗，所以此店得到米芝蓮星，應該喺憑，員工待客之道，並非；此店之食品！

龍蝦唔好食，D肉太韌，蒸魚過火唔好食，芝麻雞冇雞味，也唔好食……連碗白飯都唔知咩米，失望，蛋散太甜了，紅豆沙唯一還可以接受，其它全部都食一口都唔想再夾，點解可以差成咁！

老婆之前要趕Project, 所以晚餐的時間也很晏, 要在港島區晚上10時找到還有營業的晚餐, 還是不容易, 所以營業到深宵的太湖海鮮城是我的選擇, 而且經過我的介紹後, 老婆也不會抗拒. 晚巿孖寳的龍蝦份量不少, 是來自西澳的, 肉爽厚實夠件頭, 以芝士計處理, 和一般不同的的是色水更黃, 芝士味更濃, 配以底面也煎脆的米粉, 比伊麵更脆更健康. 除了海鮮之外, 它也有幾道撚手水菜, 除了之前介紹過的芝麻雞外, 也有這道三弄回味牛肉, 其實就是炆牛肋條, 以甜酸醋汁處理, 牛味更突出之餘也會更腍, 只是有點煮過頭, 肉質有點韌. 二百多元價錢來說, 定價依然相當有競爭力.

一家去了很多年的酒家，歷史悠久。海鮮小菜長期保持一貫的平穩高水平，而且價錢合理。本人喜歡海鮮，特別推介龍蝦伊面、三弄回味牛肉、金湯蟹皇翅、清蒸魚。特別季節必食清蒸長腳蟹。這里可說是與家人或朋友聚餐的好地方。在疫情期間都會買外賣，小炒都很實際。他們每年都在米芝連推介餐廳之列。員工這麼多年來都保持非常良好的服務態度。今年於周五六日或節日都非常旺，非常有港式酒樓的傳統氣氛。很多旅客都慕名而來，建議提前訂座。

基本上，我們是沒有在內進餐，因為一個李姓的侍應氣走！如果可以給負星，我會給五粒負星！我們大約六時三十分到達，當時詢問等待時間多久，當時李姓侍應回覆要到八時才有位。跟家人商量之後，我們也決定另覓地方。可是這李姓侍應呼喝：「快啲走！快啲走！」像是趕客，話氣十分惡劣！惹起我家不滿。雖然嚴姓經理出來平息，可是我們對此十分不滿！

一直都覺得太湖海鮮城是一間舊式酒樓，只是用蒸籠及碟盛載傳統點心便是了，但今次試了，給予我另一種感覺。到達酒樓，職員服務態度好，不會越叫越走，見到枱面有很多不同點餐紙， 今次一行四人，就點了一個午市孖寶推介，包括一個花竹蝦伊麵及一個點心拼盤，另外再點了多6款點心。孖寶只是138元，點心拼盤有8件點心，花竹蝦伊麵入面有兩隻花竹蝦，而且送到枱上是用火熱住，再加埋其他點心都有擺盤，不是求其用碟或籠盛載便算了。但個人覺得伊麵較咸，點心是可以的。一邊食一邊有職員捧著不同點心出來，因此，可以不需要一早點齊所有點心，可以一邊食一邊再選擇。另外，我們是星期六約中午十二點到達，到達時不用等位，可直接入坐，但當我們一點多離開時，則有很多人在等位，所以，建議如果可以的話早點到達，便不用花時間等位。