太極樓京滬飯店

📍#太極樓京滬飯店.🇭🇰香港柴灣柴灣道238號青年廣場4樓A號舖🇭🇰 Shop A, 4/F, Youth Square, 238 Chai Wan Road, Chai Wan.#柴灣 #中菜 #MFJ柴灣 #MFJ中菜#ChaiWan #ChineseFood #MFJChaiWan #MFJChibeseFood .人均消費: HKD138.味道: 👅👅👅賣相: 👀👀👀👀價格: 💰💰💰💰環境: 🌹🌹🌹服務: 性價比: ⭐️⭐️⭐️回頭率: 🔆🔆🔆.太極樓不經不覺係柴灣已經咁多年！好食又說不上，一向屬同區實際性價比中尚的京滬菜！.⭐️#紅燒元蹄 ⭐️#水晶肴肉 HKD168HKD168有份紅燒元蹄加水晶肴肉真心抵！元蹄無論口感，味道都好好，膠質重，十分有口感但又不覺膩！可惜不能熱😞水晶肴肉好靚，味度不錯，亦不會過咸不淡！.Ⓜ️#賽螃蟹 HKD75好久沒食賽螃蟹，其實賽螃蟹個 賽 字是北京話解媲美，即是炒蛋白可以媲美蟹肉，相傳用黎呃慈禧太后🙊細個時香港好多餐廳都有賽螃蟹，今次味道偏淡，主要味道都係伴醋而黎，不過應該加了少少蝦膠一起炒，多左少少口感咁啦😂.⭐️#上海粗炒 HKD60上海粗炒雖然沒什麼鑊氣，但味道又挺好味.Ⓜ️#上海小籠包 HKD32小籠包湯汁較少，比較普通.四個人吃了六道菜，HKD500多真的很平宜，味道未到驚喜程度，但性價比絕對高！不過服務就認真比較差，如果想舒服有享受可以未必適合.#mfoodjournal #instagfood #foodstagram #foodie #hkfoodie #foodblog #hkfoodblog #foodporn #fooddiary #相機食先 #吃貨 #食好西 #香港美食指南 #美食推介 …查看更多

本身同屋企人去咗好多次，因為住柴灣，嘢食唔差，訂枱易，之前員工都唔錯！但近排唔知是否轉了老細，員工也不同了～昨晚我嘅生日又去，但十分之不愉快！11人食咗$1400， 埋單時無detailed Check單,到碌卡之後呢check看到最後多了三籠小籠包，我哋本身叫了2籠，問佢哋之下告訴我們人哋枱嘅小籠包嚟咗我哋枱，所以我哋要俾錢😱但我哋確係冇食到多3籠，只食咗兩籠本身自己叫的，我們理論啦，他們呢態度好差咁話碌咗卡冇得void, 第一次聽！無道理！真係食咗就唔介意俾錢...但真係冇食五籠囉😑我哋死都嘈，最後他們極不滿咁改單寫住個3籠是免費比我們...搞錯！屈人寺都咁，下次唔會再去了！到走時他們態度都好差咁望住我哋，阻收工？如此服務，真心唔會再幫襯～不如check CCTV? Crazy!! …查看更多

本身諗住黎食西餐，點知包左場。隔離日本野勁難食，所以就腳就唯有㨂太極樓，呢間野其實都勁，開左咁耐都仲未執✨叫左個小籠包，估唔到原來一籠得兩粒🤭不過認真係皮薄多汁，呢個出奇地好食，但到喉唔到肺。✨黃金炒飯：呢個飯味道ok幾有咸蛋香，不過食落好乾好乾，同埋除左蝦就真係乜料都無。✨菜肉雲吞饀多大大粒，味道ok正正常常。呢度傾計黎講幾舒服，環境夠大茶水任斟，坐幾耐都得。仲有自來雀添wo😂，個fd 話好有外國feel, 真係笑左。…查看更多

本身book左中秋打邊爐，訂位前已經問當日是否仍享有生日優惠，果個男職員話有，係電話問埋要唔要登記左先，男職員話唔洗，到時出示第份證就可以了，滿心歡喜去，就係惡夢既開始...去到餐廳無人會招呼你，你要自己搵人安排你個位(訂檯係廢既)，食具污糟又有裂口，未食已經心諗瀨野...你係唔會有水俾你沖洗d餐具既，可能餐廳響應環保掛到個爐先精彩，肥滔講得真係好岩，打邊爐最緊要係個爐，佢個國產爐煮極都唔滾，問佢拎蓋焗下佢喇，佢話d蓋爛晒wo, 佩服佩服！到埋單果陣，個職員話今日係無生日優惠，但明明訂檯果時問左話有，我先來食，食完先話無，根本口同鼻講，又話無男職員本人點點點，完全係不負責任，我唔係無錢俾！係唔中意d人咁做生意！劣評…查看更多

價錢接受。食物大眾化。味道就如果對食冇咩要求都可以。題外話。本人於7月6日已致電打電話去book7月20日晚和屋企人興祝生日食飯。7月6日致電問了有冇房先book。接聽電話個人話暫時未有人book房。可以預留給我。跟著滿心歡喜通知屋企人。到了7月19日，我都怕擔心有任何差池。所以我再致電 double confirm 是否已預留房給我。接聽電話個人依然答我：係呀！係呀。已預留比你。點知，當日我準時6點半到達，伙記翻查記錄，話沒有預留房給我。我話：有冇搞錯，我早2星期前打來book 話有我先會book ，如當時一早話冇房，我跟本唔會book 。當時真係火都嚟埋。咪同佢地理輪..........................搞完一輪緊係冇房比我啦。佢仲話我冇問聽電話個人性咩？有冇搞錯。一味話無辦法無辦法。跟著又話人地早幾個月前已book。總之，一定冇下次。…查看更多

大家住係附近，同朋友晚上8點15左右來試下呢間酒樓？完全無宣傳，住附近都唔知有呢間野係到，不過朋友話食過幾次，環境幾好上到去，見成層（仲有其他餐廳)都好清靜，日本餐廳直頭無開入到去，食火鍋得4枱客左右，之後有多了2台以呢個入座率可以生存咁耐應該有啲料到我地叫左個麻辣湯底，咸左少少，唔算差，都夠辣食物海鮮都有唔少，蠔，蝦，貝殼都有食落去又唔差喎最主要係環境一點也不嘈，係我呢世仔食過最寧靜一餐打邊爐，哈哈，而且無限時入座率唔應該我地食客擔心，我只關心食物質素，環境，不過有一點要改善，就係餐具有點污糟，希望會改善…查看更多

今天放假，在柴灣一帶食午餐，上了青年廣場上的太極樓，點了一個二位午市超值套餐。叫服務人員開茶，等了5分鐘，仍未開，要再催才開了一壺茶來，叫服務員取點餐紙，整張飛過來，態度認真惡劣！雖則食物可接受，但我想我不會再來這地方吃東西，貼錢買難受！…查看更多

每年到咗四月底，所有香港嘅墳場附近都特別多孝子賢孫，無論天雨路滑定係烈日當空，都無阻一群群趁假期去拜山嘅人群。今年我哋又來啦，同時都衍生出一啲問題。一大棚人同時上山，同時拜山，同時落山，係咪想像到果種誇張陣勢？然後，好多人一齊落山——搵嘢食！於是成個柴灣，無論茶餐廳、快餐店或者係茶樓，都爆滿晒，真係搵食艱難！所以今次我哋醒啦，一早訂咗呢間太極樓，貪佢就腳又近地鐵站。間嘢主要食北方嘢，喺柴灣來講都應該比較少有。以下係我哋嘅試食報告。份量幾多下，湯料好充足，雞絲、蛋皮、木耳絲、腐皮、粉絲，添胡椒加醋更好味。雞絲粉皮冇乜特色，唔係好夠味。口水雞似乎唔係用新鮮雞，所以有啲鞋，同時唔係好夠啦。水煮牛肉啲牛肉肉質好韌，可取嘅係佢個粉浸耐咗之後惹味十足。第一次試呢種做法，上檯見到唔好睇，反而味道幾好，酸酸甜甜又開胃。好大陣煙燻味，原來半隻咁少，同埋略乾，不推薦。一個字：酸！如果你對呢口味麻麻地就唔好試啦。穩陣之選！唔知點解，食食下嘢，有隻雀仔喺個頭頂飛⋯⋯真嘅雀仔啊，唔知係咪間鋪太開陽。Anyway 試過，知道係乜嘢就算啦，總體，不過不失。…查看更多

柴灣的餐廳選擇不算多，吃久了自然想不出有什麼好吃，然而，碰巧讓我想到這所在青年廣場四樓的飯店，便決定一試。老實說，柴灣的上海北京菜真的沒有幾間，因此要求也不能太高，算是一解心頭之癮罷了。我們三人點了套餐，先來湯羹，不錯的，喝完也撐了肚子一半的空間。再來便是涼菜，雞絲粉皮，表面淋上花生醬，伴了青瓜絲，但就是感覺差了點什麼，對！是麻醬，所以還有進步的空間。再來是這碟黃金蝦，實在是有夠失望了，可說是吃過最不像樣的黃金蝦，本身吃東西也不挑，但這黃金蝦沒有起沙，沒有蛋黃的鹹，更是沒有黃金蝦應有的質感！大家真的不要點，無論什麼人也吃不到這種口味，因為根本不是口味的問題然後便是獅子頭，這個肉不錯，但可以再稔一點，但汁和肉也可以。…查看更多

平安夜不吃西餐，反倒跑了去吃中菜。加上原本柴灣的青年廣場就沒什麼人 ... 所以一來就有位了有套餐，但想吃的不包括在套餐內～所以最後還是單點太極小籠包 ($32/4隻)皮稍為厚了點，不過有滿清的肉汁。紅燒獅子頭 ($75)獅子頭的色澤看起來很入味，吃起來也確實如此 ... 但肉質的口感很奇怪 Orz上海生煎包 ($25/3隻)比起小籠包，我覺得這個的味道更好！外層煎得脆脆的，內裡的肉汁也很豐富！上海炒年糕 ($72)年糕煙煙韌韌的很有咬口，醬汁味頗濃。整體來說，味道真是一般而己。或許下次真的有機會再來還是只打邊爐就好!?另外晚市的茶價每位$10 喔！…查看更多

一向有家庭聚會都會到太極樓，貪佢地方寬敞，食物都是普普通通。昨晚又再光顧，發覺人手不太夠，雖員工也看得出己盡力，但發覺樓面都是生手又無培訓，服務完全到位，知這餐飲集團如何期望做到好的成績。食物方面6小碟保持水準，風沙雞不香口，雞胸肉很鞋，百頁小棠菜味道及賣相都肥佬，雲吞雞内的豬肉梅梅地應是劣質食材，甜口方面高力豆沙及豆沙鍋餅都美味。這次是太太埋單，離開後看清楚張單發覺總消費是$2292, 加一$229.2, 加埋應是$2521.2，但張單己自動省去毫子位，但竟然是roundup至$2522, 由這點可見此食店的待客之道。…查看更多

有日中午路經柴灣，順便食埋個中午飯，但唔想食得咁隨便，唔係怕會無人俾面。咁就去咗柴灣青年廣場上面嘅一間叫太極樓嘅餐廳。太極+食肆=整饅頭嘅阿梅？非也。係一間可以飲茶食飯嘅京滬菜館。我得兩個人，人少少唯有點午市客飯。一個麻婆豆腐，一個鎮江小排骨。料唔高級，份量唔大，但其實食野無非係食味道，呢兩個餸味道一流，廚師嘅調味功力十足，麻婆豆腐，少少辣多數人接受到，但個麻嘅感覺力度十足非常爽，少有。鎮江小排骨，甜中有酸，個汁黏而不膩。仲有橙送俾我地食。環境大，又舒服。仲會有雀仔飛到入嚟，呢點其實我有點怕。33飯餐+7茶位+10%=44蚊…查看更多

太極樓 因為係近青年廣場 係四樓就係啦地區方便 價錢都合理平時食開小龍包 海皇羹 今次叫左個豬手 好大隻 四個人食 依個其實就飽左依個係每次必食既 京菜特色 鎮江肴肉個炒飯其實都好食既 但因為個豬手就真係太飽 依個飯打左包佢依度叫啤酒會有戰鬥碗 好有特色…查看更多

🌸🌸🌸🌸🌸🌸🌸🌸太極樓食了很多年了，由一開店，還是中學生已開始食，跟侍應們都熟悉了😂記得當年非常平，$25有個下午茶餐(麵+小籠包)🍜連豆漿🥤，之後慢慢加價 而加叫埋野飲大概$35埋單😊其實算很合理，加價不算大，都成七年了。我每次都會叫雞肉煨麵(走菜🥗🙅🏻‍♀️)， 真系好合我口味，其實都幾清淡 但唔知點解覺得呢間最好食！出面第間食過，用嘅雞肉同麵同呢度好唔同，呢度口感好好？？由一開始食到而加了😂無轉過口味😮小籠包都勁好食！不會太多料，其實有時候外面的小籠包太多料不一定好，呢度啱啱好。而且無加薑喺入面，正😋🌸🌸🌸🌸🌸🌸🐷🌸🌸🌸🌸🌸🌸🐷🌸🌸Thanks💓…查看更多

可一不可再！天氣太凍所以想打邊爐但柴灣無選擇所以去左呢間酒樓打。再先我地一行二人7點鐘到，但待應話要八點應先有位，我地等行左一個鐘後，到返酒樓都唔可以準時入座而且待應安排混亂。之後就點火鍋湯底，我地揀左蕃茄薯仔湯，點知一上菜，就得一煲清水入面得零丁幾舊蕃茄薯仔，完全唔可以接受，之後要求店員更換，但店員堅持唔更換，更稱咁樣係正常。之後再揾酒樓經理，酒樓經理都話係正常，話煲多兩煲就有色，如果無就去自助食物吧拎啲材料煲湯底，真係完全唔可以接受。重要服務態度差，完全覺得咁樣上菜無問題。之後呢間酒樓係用傳統gas爐，我地一開始個爐火力唔夠要求換gas,但三番四次待應都不願意換，之後經多次要求終於有待應幫我地換爐，但換完爐情況都係唔夠火力，只係好似用暖水浸住啲食材，真係無法接受。第三次有一位好心待應幫我地換爐先終於可以打到邊爐。但我地八點入座，果時個爐熱已經係九點三。而具落單有漏單情況，第一次落單係到齊。但第二次落單一碟都無上到。而且自助食品吧衛生情況差，好多食物俾人拎曬都無再補充。成餐飯好似咩都無食過。更令人嬲既係待應既服務態度，十問九唔應愛理不理，完全無視我地既意見，經理態度就更加惡劣，完全無解決食客問題。去呢一間餐廳根本貼錢買難受，永遠唔會再去，打食評係希望大家唔好中伏！如果去呢到打邊爐就不如去大型連鎖店打都無咁嬲。強烈建議大家唔好去呢家酒樓！…查看更多