太平館餐廳

營業中

休息中

來到牛脷文同豬脾安都來食飯既元祖佐敦 #太平館 ，當然要食返條岑味牛脷，岑味意思係用鴿肝煮成既汁醬，出面好難搵地方食到，係非一般手工菜，大大份一碟三件，剛好同朋友w及c瓜分跟住要試既係瑞士汁雞翼，又係招牌菜，味道信心保證👍再食埋焗葡國雞飯，呢道應該要改名做焗葡國肥雞飯，件件雞🐔都肥底，但肥既程度又可以接受。好彩無叫到雪山梳乎厘，眼見其他枱上菜人頭咁大個，我地一行三人食完主菜已經無胃攝甜品喇！🫢🫢

本人約埋三五知己去食晚餐，包括有最出名瑞士雞翼、葡國雞飯、厚切牛舌、超級大疏乎厘，樣樣都好食，環境舒服，服務一流，禮貌貼心，評價激讚，五粒星🌟🌟🌟🌟🌟

在此餐廳食飯，枱枱食客多數都點果幾味。瑞士汁雞翼、瑞士汁炒河，我都一樣，最後上的是梳乎厘。當我差不多食晒主菜時，梳乎厘就到。超失望！縮晒塌晒同其他枱明顯不同！真想退貨！！

經常從朋友口中聽到這間百年歷史的懷舊港式西餐廳「太平館餐廳」，今天終於有機會試到各款招牌美食，一進去就覺得有一種重拾那些年舊香港的情懷。太平館燒乳鴿 (HKD160) 會將乳鴿先生炸，令外皮香脆之餘又帶有光澤，乳鴿肉質鮮嫩，再配上太平館古法秘製醬汁，色香味美。太平館干炒牛河 (HKD133) 跟平常在外面吃的干炒牛河與別不同，以太平館自家製之醬汁再配上鮮嫩的牛肉，每條河粉都色澤均勻，而且彈牙，醬汁不會過多而搶了牛肉的味道，亦不會太少而令河粉味道不一。盡顯炒河粉的火喉十足，令干炒牛河變得不平凡。太平館焗梳乎厘 (HKD152) 是今餐最期待的一道打卡招牌甜品！這是最傳統的梳乎厘做法，主材料就是雞蛋，即叫即焗，未上碟已經聞到陣陣蛋香。上碟時更加有驚喜，黃金色巨型的梳乎厘，外型十分可愛。外面帶有微微焦香，𥚃面是充滿蛋香，像泡泡般的梳乎厘入口軟綿綿，很快就在口中溶化，香濃幼滑的蛋味在口腔中停留，配上脆皮吃，這種強烈的口感對比，令人心情開朗。這𥚃還有很多招牌菜未能一一盡試，但從同行友人口中得知，有很多都很好吃。太平館瑞士雞翼、懷舊煙䱽魚、烚鹹牛脷、焗蟹蓋都是推介！

“太平館”，以前所謂嘅小高檔西餐廳，而家入到去好似食快餐咁，未坐定已經拿住支筆同簿楝係度問你食乜，唔使5分鐘上餐湯餐包，湯都未飲曬同擺咗半個餐係碟上就拿拿聲過嚟收碟，侍應問我嗰半個餐包仲要唔要⁉️（我都未食完😪）全晚唔知食咗乜，我真心覺得我煮得好味啲，所以連佢哋最出名嘅“梳乎厘”都費事叫（因為覺得唔方好食，本身叫侍應預留之後叫起，佢話都係你自己預番時間叫，我驚我唔記得咗，呢個十分好笑）。❌豬肶薄片飯❌湯喳雜菜2️⃣碟❌“非洲”瑞士汁炒牛河❌“非洲”炸乾乳鴿❌“非洲”瑞士汁雞翼❌“有色無味”乾炒牛河❌賣相嚇人嘅厚切牛舌❌“縮”嘅椰子奶凍+“縮水”雪糕球❌最好笑我訂咗20：00，六點幾嗰陣餐廳打嚟問我哋可唔可以早啲到，因為嗰時有位，我本身留咗七位（如果可以早我就卜6、7點唔係8：00啦），唔通佢想我立即打6個電話比我啲朋友叫即刻嚟！？我仲問餐廳今日係咪會早收，我20：00去驚我趕唔切食嘢，對方答：唔係，哈哈！食到一半其實我都係食咗少少嘢，侍應就輪流過嚟收餐牌（已經講咗仲有一位朋友未到），佢哋咁趕收工，我哋已經無心機再叫食物，食呢餐飯真係好大壓力。

很久以前來過嘗試這裏的瑞士雞翼和乾炒牛河，兩款都是遠近馳名的菜色，但因為已經過了很久，味道已經忘記了，這次再來太平館，看見它的餐牌不算便宜，還需要+1服務費，香港這個價錢感覺還有很多好的選擇，但朋友選擇一場來到就回味一下，我點了 #岑味牛脷飯，醬汁真是不錯，特製的肉醬醬汁配搭入口即溶的牛脷，加上粒粒分明的炒飯，非常有驚喜，還點了接近$20一隻的招牌 #瑞士雞翼 (心想雞翼這價錢真的很貴)，原來這個瑞士汁真的很有層次，而且還有煙燻的味道，真的不是一般的瑞士汁~ 令我都想自己調校這個味道~ 還有這裏經典的特大 #疏乎厘 感覺到被其他餐廳出色 👍🏻真的要為他點讚，原來他的價錢不只是吃懷舊，真的值得一試！

為慶祝富貴同事生日我地揀咗太平館我們太耐冇食過，好掛住佢嘅太平館雞翼所以揀左呢間，不過個人嚟講覺得尖沙咀店坐得舒服啲🤭打電話嚟訂位只係留5分鐘咋，所以大家打電話book嘅時間記得預好啲，遲咗5分鐘，係當Walk in好彩係平日，所以遲咗10分鐘都有位不過其實個塲都幾爆嘅濕炒牛河真係好好食，極推介瑞士汁雞翼都係冇得頂好耐冇飲洋蔥湯有啲遜色記憶中以前塊芝士係好大塊冚住成個面而家剩係得一細塊仔😅仲有個疏乎厘，有小小失望入邊有一部份，係實的的，一啲都唔疏乎厘不過攞嚟影相打卡都攞番啲分另外提一提，以為咁衰遲5分鐘就唔留位以為啲服務唔好但係其實D待應服務都好好架好細心又真誠

提早為媽媽慶祝母親節，選擇左一間懷舊餐廳俾佢，招牌瑞士雞翼加瑞士汁牛河已經冇得輸，甜品再嚟一個大個小朋友塊面嘅疏乎厘同一個而家好少見嘅香蕉船，小朋友問媽媽咩叫香蕉船？原本小朋友想叫雪糕新地食，點知媽媽叫佢食香蕉船，因為媽媽兒時好想食，點知香蕉船出到嚟小朋友淨係食晒三球雪糕，媽媽話兒時見到把紙雨傘總會好開心，點知而家啲小朋友物質太過富裕，當媽媽同佢講以前我哋見到把紙雨傘會好開心時，小朋友好快就講咁我而家俾你啦😅

這星期非常之忙，趁有一個空檔，鼠入嚟這間餐廳下午茶，選擇這間餐廳的原因，因為一定比一般連鎖咖啡店寧靜。朋友坐下，二話不說，叫一個二人分享的巨型梳乎厘下午茶餐。疏乎厘，大約20分鐘，連兩杯餐飲，好似$160 +1 0 ％。值得一題的，是服務態度非常好，絕對有人情味。

懷舊港風❤️令人回味的瑞士汁雞翼午餐好抵食👻有麵包有餐湯有飲品麵包仍然是暖笠笠 鬆軟好味道配搭牛油～實在太美味了 餐湯可以揀忌廉湯和羅宋湯呢度好出名，就係瑞士汁雞翼同埋巨型疏乎厘我哋食午餐～ 📌瑞士汁肉片河兜亂📌葡國雞飯📌瑞士汁雞翼配薯菜仍然是甘好味🤤

太平館餐廳成日網上見到個巨型舒芙蕾 想食好耐 今次終於黎到佐敦分店啦！呢間餐廳都係sell港式裝修 食個情懷啦瑞士雞翼係米芝蓮推介 🌟特別嘅地方係有埋雞翼尖 所以好似望落大隻d 不過我覺得食落就麻煩d 寧願要雞中翼😂 味道方面我同朋友都覺得普普通通 係入味嘅 不過有d太淋 影響口感。有d覺得名過其實啦🥲 乾炒牛河 呢個乾炒牛河反而有驚喜！河粉係比較粗 好Q彈 好有咬口。而且牛肉好爽滑 份量亦幾足 食落都無覺得好油 比出面好多餐廳都出色！石斑粟米飯呢個飯一上檯就覺得個賣相同碟頭飯差唔多 真係唔太討好😂 味道方面就普普通通啦 始終呢個菜式好難會出錯。唯一值得讚係始終呢個價錢 魚柳好明顯同出面幾十蚊嘅鯰魚柳有分辨 肉質真係實正好多 feel到小小誠意。巨型舒芙蕾終於到最期待嘅舒芙蕾啦！真係比想像中更大🤣🤣 但係個人認為真係太甜，好快就膩。而且嘅質感係好多泡泡，唔係想像日式舒芙蕾嘅蛋糕空氣口感，而係一口好濕嘅泡😂 應該都唔會再食下一次啦 👋

1860年在廣州創業，成為廣州最早出現的西餐廳，1937年在香港開設新店後輾轉營運至今的太平館，是一間港式西餐廳。而今天到訪的佐敦店也是自1964年開始營業至今，可謂歷史悠久。這餐廳其中最著名的「瑞士汁」乃當年翻譯之誤（Sweet 被誤會是Swiss，所以甜豉油汁就變成了今天的瑞士汁），無論如何，瑞士汁雞翼和瑞士汁炒牛河，還有燒乳鴿，岑味牛脷，和煙䱽魚等都是必吃之選，而最後來個必吃甜品，焗巨型梳乎利就更完滿了。

𝓜𝓮𝓶𝓸𝓻𝓲𝓮𝓼 𝓫𝓻𝓲𝓷𝓰 𝓫𝓪𝓬𝓴, 𝔀𝓲𝓽𝓱 𝓽𝓱𝓮 𝓸𝓵𝓭 𝓿𝓲𝓷𝓽𝓪𝓰𝓮 𝓷𝓮𝓿𝓮𝓻 𝓰𝓮𝓽 𝓸𝓵𝓭 港式情懷兒時味道｜太平館餐廳｜呢間傳統餐廳仍然保留住香港舊式嘅味道，店員仲食著哂恤衫西裝。成間餐廳都好有懷舊味道。呢個巨型疏乎厘😍一上枱即刻話哇一聲因為真！係！超！大！！仲大過我個頭🤣 但唔好睇佢咁大以為會好膩，都係空氣嚟，所以食落都okay，一人食啲都冇哂，打卡一流！而且用匙羹搞佢時，彈下彈下好過癮。

趕及食下午茶餐，叫了焗葡汁三寶，等了15min才到，一碟葡汁牛脷，蝦和雞，另一碟反上。肉是煮好後才淋上葡汁，肉質不會淋，萄汁熱辣辣椰香噴噴，可能下午茶份量一般偏小。跟餐咖啡漏單要追。餐廳內設計不變，很有特色。

歷史悠久「太平館餐廳 」1860年創立，其實甚少嚟食，心血來潮，let’s go受人歡迎，招牌菜 梳乎厘，乳鴿、雞翼、牛河等等…讚不絕口。一行三人，不太肚餓，點三款 已經足夠了😊餐牌清炒菜心，嫩綠好吃，就是豉油太多，偏咸烚咸牛脷 $168嘩啦啦！四大塊，厚切，誘人，啖啖肉，鮮嫩無比，仲有薯仔、椰菜、西蘭花🥦 最後 必食甜品，太平館焗梳乎里 $168制作需時，大約半小時啦香噴噴🤗 超級大大大個，外脆內軟，甜甜啖啖軟滑