太子美食

營業中

休息中

日式和風鰻魚拼吉列魚柳飯（$65）一上碟就見到賣相對於茶餐廳嚟講算ok ，面頭仲鋪咗啲木魚碎吉列魚柳大大塊，外皮炸到脆卜卜，食落口唔會空心食到入面既魚肉。而鰻魚就比較細塊，比木魚碎遮住左但係食落冇骨同冇咩腥味，撈埋照燒汁就夠曬和風感！

第二次來太子美食吃午餐，突然間想吃燒腩肉，睇到有骨腩先點嘅五寶飯，結果啲肉都係又柴又難吃！！睇到都沒胃口！吃佐兩三個雞肉就吃不下了！飲佐一碗紅蘿蔔湯，亦都吃唔飽！吃到這樣的菜真係勞氣！做不起就唔毛做啦，做成咁樣餵豬吃咩？好吃嘅話賣貴滴都無所謂！這樣的成品50蚊都不值！吃過一次不會再來吃！第一次來吃嘅金錢肚麵都覺得ok，今次吃到這樣差嘅燒臘飯真是倒霉！50蚊都係賺嘅黑心錢來嘅！！吃到這樣嘅菜根本就吾想俾錢！

由於工作關係，條村得一間茶計，見光光猛猛就去食個早餐啦，點知，環境衛生真的麻麻，周圍都很污糟，姐姐和應該係男經理態度真係有待改善，野食質素，叫在個扒餐，D炒蛋生水的，茄汁豆就變到黑黑地，睇落好唔新鮮牛就似擦膠，野飲叫在檸檬茶，沒有中伏，正正常常！評價是不會再去😑😑😑

屋企唔煮早餐接近20年，食唔食到早餐就睇瞓醒嘅時間，今日一早起身，落街早餐，食嘢不礙乎兩種情況，唔係外賣就緊係堂食。今日堂食，作為出哂名，上哂報紙電視影片分享網站嘅食肆交通沙漠雙冠軍嘅富亨邨，係懶得出大埔中心/大元邨嘅情況下，不嬲對食好極端嘅我，好嘅，好捨得去食，唔好嘅，接受程度好大。係食物沙漠，揀咗我認為仲可以擺得落口嘅太子美食。食物唔評論啦！擺得落口落到胃，唔肚痾就得。今次想講嘅係，洗碗姐姐，推住架收咗好多碗碟杯嘅手推車，經過我隔離時，跌咗個碟落地下，係碟落地之前，啲汁飛哂落我度。洗碗姐姐無道歉，執返個碟就走，而侍應姐姐就目睹事情，視若無睹。直至我出聲要求要紙巾嘅情況下，之死死地氣去拎紙巾比我，加上一句毫無誠意嘅「唔好意思」！

呢度就係做街坊生意嘅，早餐同粉麵嘅話就普通啲，但小菜小炒係真係幾有鑊氣！宜家叫外賣要去自取，就叫咗個芝士白汁焗魚柳意粉，焗飯都得嘅～意粉我覺得可以咸多少少，但芝士都比得幾多。啲白汁唔夠濃，有少少水，魚柳就幾好食，份量仲比得好多添！土魷肉餅好鬆軟，又夠入味！送飯一流呀！鬆軟得黎又唔會太散，唔錯，不過平時食開嘅梅菜蒸肉餅就更好味喇雖然都等左廿分鐘，呢份我叫咗跟餐，有飯有湯，晚餐嚟講算唔錯頒發軍階：上將🎖🎖🎖🎖

諗住快趣食個潮州米粉，點知都可以中伏，三寳米，米粉有意式風情（硬硬地）, 魚蛋好䭃，無味，墨丸似粉團，豬肉丸雪氣長存。湯底就唔好講啦。三十幾蚊，以現今世代，應該係無咩要求，但係食落，真係無樣可取，認真難得！

富亨邨是一個非常特別特屋邨，離市中心都要行20分鐘，入面一個小市區，基本需求都有。最初街市仍有人去買下餸，近呢幾年，越黎越少，因為衛生問題，同埋餐廳選擇少，居民多數去大埔中心食埋野再去街市走一轉，而大元邨街市又多野賣又平。最初因為示威行動，我迫不得意在呢間餐廳食。先講環境，全場包晒，街市唯佢獨尊。但枱椅既乾淨就一般，好多烏蠅飛， 同埋抹枱布一望就知由早用到晚。 伙記效率好快，但口面就因人而異， 熟客仔就會面帶笑容，最弊太過熱情，高談闊論，令環境嘈到不得了，帶住headphone都擋唔住。食物有d偏咸， 我食牛什麵，牛什味香濃，但個舊蘿蔔就做多咗，唔香唔熱，咬落去感覺曾經雪好耐，一咬就碎,但好彩其他都好熱，所以我覺得都值。 另一次食下午茶，酸辣豬扒米線，米線ok, 豬扒香，但個酸辣就怪d,佢既酸係黎自檸檬汁既酸，同平時x哥個d差好遠。不高呢度勝在食物種類多，如果改一下清潔，同服務員既嘈吵及態度，一定好過其他邨內的餐廳。

試過買外賣或者堂食，有啲姐姐態度都唔係太好，食物可以，但會比較貴。如果唔係因為冇得揀，我都唔會去食依間。反而外賣哥哥或者叔叔態度好好。希望佢哋會有改善一日。或者唔好太少份量。

這店在富亨邨多年。近年連燒臘、滷味也了。供應早、午、晚餐。價錢不算便宜但對我來話一勝在只叫一個早餐也肯送上門。我多數是得獨自一個人不想外出、自己煮食、叫其他外賣如翠華、KFC等等。我就會打電話下去叫外賣。較多叫的是清湯米線配豬扒或雞扒（下午茶約$40）。晚餐試過小菜、蒸魚（味道不過不失）個人叫得最多是~古法蒸多寶魚（晚餐連湯和飯$100）就像今天返完夜更放工回家感到肚食我但又不想再出門我就要了一個早餐~豬扒包、叉燒通粉、凍奶茶成為$44（價錢和翠華差不多）但質數就真的一般只想填飽肚上床睡覺。

今日路經大埔富享啇場，food court新装修完，坐位好舒服，感覺乾淨，服務都好，坐低食個下午茶先，好快就有得食。滑蛋牛飯34元，滑蛋唔夠，牛肉很多，算ok，罐裝可樂+5元，冰底又+2元，共41元，下午茶算貴。酸辣豬頸肉檬32元，好味2個人$78下午茶，不過不失。

叫個燒味雙拼下午茶，油雞鵝賴粉，點知比左個飯我，都算了，睇清楚啲燒味，全部係背……想點呀個師傅，切一兩件肉黎食下都唔得？同佢講叫佢換喇！佢仲話係咁架，係你唔識食，叫脾食咪有肉囉，咁樣講………55蚊食個下午茶，全骨，以後都唔洗我再黎。

今日一班同事去富亨太子美食度午飯，有兩個同事叫左豬扒飯，過左一陣見個女職員攞左兩碟豬扒飯去隔離枱，但人地話冇叫到，於是個同事就同個女職員講話叫左兩碟豬扒飯，點知個女職員就好冇禮貌咁話：〝一陣你要左人地碟飯呀﹗〞講完就攞埋兩碟飯去吧枱放低，跟左就行左去﹗果兩碟飯就響吧枱放左兩三分鐘冇人理，最後由另一個職員攞果兩碟飯過黎。後來果個冇禮貌女職員行過黎時，就同佢講依家果兩碟飯就係佢原先果兩碟，話佢放左響吧枱就算又唔跟番，點知個女人就開始發爛…或者果檔野佢有份(佢冇著制服)，就唔需要講禮貌，相反要D客睇佢面色﹗因為據同事講，個女人態度差已有前科。

街市自從重新裝修後，食肆都集中起來，清潔得多，而且更歸一，價錢相對地作了調整。太子美食在云云食檔中可說是最大，下午茶時間點了常餐，一碗雪菜肉絲公仔麵淥得恰到好處，最怕硬心麵。多士有點甩皮甩骨，但總算是厚多，不過不失，奄列其實無乜餡，偷雞之作，不過連凍飲都是$30，仲想點？