天鴻燒鵝飯店

營業中

休息中

入元朗，除了懂得識B仔之外，天鴻燒鴻也是不可錯過的地點。它特選5-6斤的燒鵝，比一般酒樓的4-5斤大，貨源更是同鏞記一樣的佛山黑鬃鵝，老闆每日早上9點就把冰鮮鵝清油上色，睇火燒脆，不是靠工場大量生產。我光聽到這 ，已經眼睛發亮，準備大快朵頤。說真的，它小店還真有個性，每日開11點至3點，5點至10點半，鋪位亦只有約廿位。如果想食燒鵝，請閣下早點出門。千里迢迢來到元朗，一吃便要食盡它，就來一碗 叉鵝脾飯($125)，不消十數分數，熱騰騰的叉鵝脾飯便出爐了。大大隻鵝脾，顏色油亮，棕紅色的，看似又入味又脆皮，而叉燒也不遜色，肥瘦均勻，更附有少許焦香，光看它美艷動人，但還是食左先講。事不宜遲，先食燒脾，一吃就是它份量夠。第一，肉多油夠，鵝的嫰肉混合香透鵝油，每口都是精彩，怕食得太濃，呷一口白飯中和一下，然而又再食一件鵝脾。第二，皮脆味香，吃燒鵝最忌食塌掉的鵝皮，油淋淋的令人倒胃口。而它就是正脆的鵝皮附帶一層鵝脂，香味四溢。而叉燒的表現亦不錯，肉質鬆香烤得不俗，如果甜味再多一點，會更合我胃口。可能你說那樣的鵝很肥不好吃，但是你食燒鵝，就是要享受那滿咀鵝油的滋味，那口感那味道，你是不可錯過的。

那天天氣凍突然想起天鴻燒鵝, 難得我放早所以馬上急急步去了. 我Order了燒鵝瀨粉和例湯(紅青蘿蔔湯). 以下是我的comment紅青蘿蔔湯 -熱辣辣, 好多料和無味精. 味道有點淡, 但配上濃味的燒鵝又不錯咼.燒鵝瀨粉 - 鵝肉味道跟平常一樣高質濃味, 雖然肉質有點韌但仍然皮脆有肉汁, 配上酸梅汁真是一絕. 仲有少許椰菜. 讚

這個晚上，在元朗尋覓吃晚餐的地方，本想去友人推介的咖啡店，但路過這間以燒鵝馳名的「天鴻燒鵝飯店」，立刻讓自己改變主意。雖然前次到來，自己對那次所吃的燒鵝有點失望，但後來聽友人說那次的燒鵝不夠好，可能是因為不是新鮮出爐的關係，所以正好趁這天店內難得地沒有甚麼客人，可以舒舒服服地入內用餐的機會，再試它的招牌燒鵝，看看是否會比前次為佳。兩夫妻這次雖然沒有吃店內最吸引的「原隻免切燒鵝脾」（$110/隻），可也叫來有鵝髀在內的「燒鵝下裝例牌」（$135）做主菜，再加碟「豉油生菜」和例湯、白飯兩碗，做這夜的豐富晚餐。這夜的「燒鵝下裝例牌」完全沒有令自己失望，肉嫩，皮脆、汁好，脂膏雖有，但不多不少，把燒鵝的甘香提升，又不會太肥膩，確是佳作。雖然這燒鵝可能因為已經出爐一段時候，稍欠熱燙，生菜、例湯也只是普通，一碟靚燒鵝已能令自己一再回味了。

小女子為元朗人，非常為食，特別喜歡吃燒鵝。本以為在元朗有天鴻，就不用去遠遠的中環一樂，就可以享受皮香肉嫩的燒鵝。相信大家也會認同，燒鵝價錢貴一點不是問題，最緊要是食得值同好食，所以我一向大概每兩個星期下班後就會去天鴻買外賣半邊燒鵝同屋企人分享。在最近的一個下班晚上大概七點到八點的時候（他們也差不多要打烊），我如常買半邊燒鵝，一向負責切燒鵝的那位伙計繼續一向自負以為自己好巴閉好有料到但最後來他也是負責切燒鵝，另外負責收錢的疑似老細（重來只會見到大明星光顧才會笑，從門口的照片可見）也繼續一向的以輕視態度看待每一個人客，收錢重來多謝也沒句。但是我覺得，能吃好燒鵝，貴一點，受一點氣也沒問題。可能因為差不多要收舖加上賣不完兩邊上裝，他們向我硬銷，我堅持要全半邊（不用解釋，肶最好食），他們臉色肯定是黑。我也在等等的時候去附近便利店買點東西。怎料回家打開盒子吃的時候，開始吃面的幾件也還可以，但我老公發現越吃越有問題，底下的皮不香不在話下，肉吃起來真的很硬，口感完全不像鵝，根本是鴨，我吃完也有同感，從肉眼看也看得出面跟底的鵝/鴨件不是來自同一動物。以我們吃了這麼多年經驗，一吃就能分辨。我們倆真的很忿怒

本來想趁我放假帶阿爸阿媽去食靚靚半自助午餐或自助餐，阿爸卻說帶我去元朗吃靚靚燒鵝！店面不大，可以坐廿餘個客人，店標旁食物無味精添加。例湯10蚊碗，冬瓜豬骨湯，很大碗，兩個人一碗都可以。清淡，可以消暑去膩 燒鵝飯46蚊碗 燒鵝厚肉皮脆，我有隻肥脾呢!!仲有肉的份量絕不吝嗇，好好味。唔用咩汁點都好味架~!~!半隻燒鵝238,好大碟架，四個人食就差不多，但見人地好多都兩個人甲半隻，真令人垂涎欲滴 本身想叫醉雞，但冇喎，就叫左叉燒壹條$50。叉燒都不錯，半肥瘦的，好淋。

家人提議去元朗覓食，咁就去行下啦，第一個感覺係好多人揸車去元朗開餐！好不容易搵到車位！就喺車上之前傾左話食燒鵝！咁就選擇左試試天鴻燒鵝！座位當然係麻麻啦，對坐位有要求要諗下！點左秘製花彫醉雞半隻同埋燒鵝半隻！係幾唔錯喎！醉雞酒味勁香，雞肉嫩滑！燒鵝皮夠脆口，鵝汁撈埋啲飯食勁掂！

無端端有日假期，男A晨咁早來找女A跑步和做gym，十分充實。但因為女A跟住要做野，男A便自動請纓，寧願多走幾步，去聽聞最好食的天鴻買雞鵝飯。這店應該燒鵝最有名吧！女A話佢係自家鵝場的，而且單拼燒鵝比其他拼燒鵝的雙拼都要貴，可見燒鵝的重要性。但路途遙遠，送到返去俾女A只得返微熱，反而男A就因為行咗好多路而很熱。燒鵝都果然肉香皮脆，但比較鹹，反而隻油雞味道比較適中。本來佢切隻鵝脾來，應該加佢分的，但佢竟然無俾梅汁！！其實出發前女A都提醒了要攞梅汁，但男A以為買燒鵝一定有梅汁，原來要額外要求才有，受教了……

作為時常到元朗搵食的屯門友，偶爾路過某某人龍食店，便會把它視為下一個嚐味目標。而天鴻燒鵝除了是人龍店外，還聽說有不少食友是從外區遠渡而來的呢。                 順理成章，它就成了我的開飯目標。也許天鴻是開飯熱店關係，即使已過了晚飯時間，門外等候的人也不少。             未入座前，侍應先問我們要不要留燒鵝，首次光顧的我們，不明就裏的回說留四分之一。不過入座後，我們還是按餐牌所示，簡單點了兩份雙拼飯便算了。         我們坐的是店內一角，窄得不可再窄的位子。而且還要與人分坐，小小的座位擠了四個人。再看看告示，提示限坐45分鐘，其實相信沒人願意多坐一會的。       未入座前，在門外已聽見了客人與侍應有點小爭執。看到告示也明白是甚麼一回事了，原來是關於肉搭配的爭拗。      餐牌只能看牆上的，視力不佳只有胡亂點了。先來碗例湯(+$10)，味道偏淡，聊勝於無。       兩份雙拼飯上桌子，以大碗盛着，飯量甚多。燒鵝叉燒飯($49)，搭配的是鵝胸和鵝背邊位各半。不是那種帶脆感的外皮，入口有點韌，但醃得頗入味。鵝味不算出眾，肉偏乾且硬，而且脂肪甚多，感覺該是

常常聽我住元朗的朋友說天鴻好好食一定要食一次所以專誠等到五點佢再開工果時買番半隻番屋企加餸其實都真係幾好食外脆內軟但又不會過份咸啲汁佢分開上等食果陣先加落去唔會令到外皮唔夠脆

元朗多好嘢食就係人都知，日泰韓美味多的事。今次來呢度食，係朋友上次行過，見到好多人排隊，所以想嚟試吓。我心諗：燒味啫，都要排咁多人？！一試，肉嫩皮脆，已經正，呢啲亦係堂食嘅投入之處😋。鵝肉真係好嫩，除咗胸肉有少少嚡之外，整體係軟熟多汁。而味道上，不太鹹不太濃味，好好味，因之前食過啲岀名或唔岀名，都係偏鹹又濃味，食過幾件已投降。今次食，真係食完一件又一件，加上舖面貼住無加味精，咁就更安心食😋。今晚，成間舖嘅燒味鹵味，已經响夜晚8:00賣晒，但都無趕我哋呢啲食水尾嘅客人食快啲，服務態度也不錯喲！😆再來！再來！下次可以再來！

呢間經常要排除既燒味店, 價格尚算合理, 因為味道真的不錯!$115上裝， 燒鵝皮食落絕對唔會有燶味, 香口又唔太肥膩, 肉質鬆軟有肉汁又唔SO, 啖啖肉! 真係會食過翻尋味!! 怪不得要排除!

燒味係中國人獨有既技倆…燒鵝應該係最受歡迎吧…而係元朗開業十多年也屹立不倒…就有呢間<天鴻>…老闆曾經好有自信咁講過>>“永遠只有人等鵝…無鵝等人”…☆。☆呢度燒鵝日賣過百隻…對於擁有年資廿多年既老闆...絕對無難度啦...我地7點左右黎到…門口滿哂人…伙記見我地係門口下…就話比我地知...得返last一隻下裝...我地梗係諗都唔駛諗...拿拿林入去坐啦…^o^...真係好好運呢…由於師傅要招呼左d外賣客先...所以我地就飲住湯等...>，<…今日係南北杏蜜棗紅蘿蔔粟米湯...十蚊碗大大碗...好多料...熱辣辣…又無味精...甜酸醬...當然係用黎沾燒鵝用...除左燒鵝…仲叫左碗义燒飯…义燒燒鵝放埋一齊…淨飯上…仲有鼓油添…其實係鵝油精華至真…甜而不膩…齋用黎撈飯都已經好好味啦…^^！等左十數分鐘…終於有得食啦…估唔到咁大碟…色澤光亮…香味撲鼻…墊底有鵝腳鵝頸…仲有椰菜添…唔駛齋做食肉獸哪…椰菜仲可以沾鵝油食…一d都無浪費…>，<…據聞老闆係選用佛山黑鬃鵝…此鵝皮豐厚油份多…燒出黎特別皮脆甘香…而且即劏即運…絕不冰鮮

星期日晚，非常多人排隊堂食及買外賣。內外堂伙記的態度圴傲慢惡劣，大概自恃客多名氣大。若然出品高質素，我不介意零服務。坐下叫了一碗燒鵝飯，盛惠四十九大元，絕不便宜。鵝件的賣相普通平常，脂肪甚多。咬下鵝皮，薄而不脆，再嚼鵝肉，冷而老乾，調汁方面，明顯過鹹。還記得一兩年前來吃過半隻燒鵝，印象不錯，今次嘛，差遠矣。若為斂財大量生產而犧牲質素，那無疑是自拆招牌。今後難再回頭光顧。

隻脾凍已是死罪，可能唔休做，收得 $115 (太 x 都係 $70），以為好嘢，默知中伏，d 皮無光澤, 又斬得樣衰，皮肉分離, 亂糟糟的, 汁又欠奉, 完全唔顧賣相, 以為不靠外表, 但真材實料, 點知隻脾凍o既，老實說, d 嘢食凍, 你整得幾好食都無用啦, 況且就算熱, 我都唔會覺得佢特別好食，但特別貴就真嘅, 一般燒味檔質素...

聖誕假期，可以走遠一點這天來到元朗，第一站便是天鴻燒鵝飯店下午茶時段，倆口子就來每人一碗燒鵝瀨$49，覺得貴?不過看看瀨粉上排得滿滿的燒鵝，反覺得物有所值鵝，來貨跟鏞記的一樣，不過卻燒得更好吃，皮脆肉香，更有誘人的羶香若分碟上，又或是加錢配燒鵝肶，應該更滿足~看着鄰桌的一家人，一隻燒鵝配三碗瀨粉，實在羡慕!