天賜素齋

營業中

休息中

成日行經, 成日想試, 但都冇入去試, 因為見到入面全部8人枱, 又驚星期六/日多人搭枱, 所以搵咗日閒日去試, 開頭都有搭枱, 不過都係個別人士, 佢地好快食完走咗, 變相都係我地兩個人坐哂成張枱~由於第一次食, 而且佢D選擇都幾多, 所以都諗咗好耐先叫, 先試1個粥+2個小菜先~上菜速度唔算好快, 因為都係即叫即煮, 所以個粥會快D, 可以食住個粥等埋2個餸~  支竹羊腩煲個羊腩D質感真係好鬼死似羊腩, 佢仲冇咗份羶味tim~ 而且又冇真正羊腩煲咁肥咁油, 味道就9成似, 都係支竹最入味最好食~  粟米齋粥有多種齋菜切碎, 再加入粟米煮粥, 但味道偏淡~  西芹腰果炒牛膀呢味夠哂驚喜, 開頭仲以為牛膀係平時响街市或日式超市見到果d成條的日本牛膀, 但原來唔係, 佢食落好似魚蛋咁樣, 又彈牙, 又有少少魚腥味, 好正~ 下次可以試其他多d汁的餸, 然後叫白粥, 應該好正~

媽媽平時喜歡食齋，「天賜素齋」我們也經常光顧，地方比較細，但<b style="text-decoration: underline; ">這間齋菜水準的確不錯！雖然未到母親節，幸好早到剛有位，因未到七點己無乜位了，可能近母親節比較多人吧。（注意：人多預先book 定位會比較好）這裡齋菜不太油，不似出面個D齋舖。讚！「五柳仙班」（即芋頭魚），炸得夠脆，芋頭夠厚身，又夠淋，好味！「金菇鮮竹扒時蔬」金菇鮮竹夠淋，滲滿素蠔油味，配白菜仔也不錯（可改生菜都得架！）P.S. 這裡嘅「鮮竹」係好好味！平時我地會叫「豉椒鮮竹炒河」好食，又夠鑊氣！「干燒伊麵」，今天雖然人多，但炒得都好入味，伊麵𥚃面有幾種不同的菇。又不太油，唔錯。<div style="display: inline !important; ">@ 以前食過「法輪卷生菜」及「椒鹽琵琶豆腐」都好好味架！推介！<div style="display: inline !important; ">@ 這間「白粥」係好正架！但剛剛今天沒有，有些失望。(￣∇￣)！Ps. 去到原來我地食開有些餸也沒有

今日lunch食咗好多野所以dinner黎食番啲齋。之前黎過既次覺得哩度幾清又唔使等位。之前黎過覺得最好食係佢嘅欖菜炒飯，乾身，香，而且粒粒分明。今次同爸爸媽媽試第二啲野食。對住個觀音同下面個魚缸感覺心平氣和。加埋杯茶慢慢歎。鍾意佢啲齋鹵味有口感，無出面嗰啲咁人工化。味道都比出面嗰啲正常。麵質ok。雖然唔太彈牙但係每條都唔會話脹或者冧。湯好清淡，同配料好夾，係健康之選。佢應該落錯單，因為哩啲唔係腐竹。好大碟飯，啲汁淡咗啲。豆豉唔係好靚，媽咪食到一粒苦嘅。苦瓜本身唔夠苦（個人鍾意食苦啲）。強烈推薦大家試下炒飯！好抵食！

二人準備出去美孚探父母前，未食午飯，未食午茶。駒著南子的我們真的要多加思考才能找到有得免費泊車及有好野食的地方。想了，查了，禾輋原來有一間素袋館子。領匯商場嘛，一定有免費泊車，所以一開車，就駛入禾輋，醫飽自己先。屋邨小店，售的是傳統的齋菜；格局，也是傳統齋舖的格式，而且仲係收埋茶錢果隻。不過，後來計落，茶錢好像沒收我們多少，總算是比較合理的。左看右看，都係每人一碟好。不過，全是素食類，大家可以分食。分享各自喜愛的味道。星洲炒米，是太太常叫的炒粉麵。原因，是這一種炒米粉，在家裡，沒有鑊氣，是炒不出來的。然而，這個星洲炒米，味道還稱得上不錯，起碼沒有多添那些化學的素蝦之類的配料。而且有的味道，不單只是辣，有咸，有蔬菜的鮮，值得俾返一個 "LIKE" 佢。 有點後悔沒有叫飯，因為最後都係覺得，魚香茄子，配飯係好過配麵的。吃了一個就已經知，配麵，不能充分的發揮這個魚香茄子的精神所在。味，是濃郁的，茄子吸油吸味，一咬之下，熱力十足之餘，茄子亦充分的吸收了醬汁的精華，可是因為醬多，麵條已經不脆了，而且因為麵的空間多，不能盡量的盛載著個汁，不能清底也是遺憾之一。若是

我今次係初次寫食評.今日係齋期, 在這裡找來這間齋舖.見在朋友工作附近就揀來試試.網友介紹的 黑椒豬扒 真係吾錯, 真係似豬扒味. 因為我愛食豆苖. 又有薑茸炒豆苖., 就來一客, 我仲要佢加多d 薑, 真係好重手. 好夠薑味!至於個粟米粥...係咪因為上面兩道菜太重味, 反而覺得佢比較淡 總括來說 兩個女仔, 又吾係大食 都ok~ 價錢合理,

話說今日十五，神推鬼擁地行左去禾輋食齋﹗都係第一次來食，可能今日是十五的關係，成九點半都仲有幾枱客食緊野﹗先來一個紫菜豆腐羹，很足料，食落感覺很杰，全都是豆腐同埋濃厚既紫菜，裡面有好多切成粒粒既薑粒，都係第一次食呢個羹食有薑粒，是用來吊味的嗎？再來是老闆推介的黑椒豬扒，份量也不少，仲有好多蔬菜墊底，件豬扒真係有肉味，個味道好似麥記0的漢堡扒一樣，好得意，幾好食的﹗最後是火腿雲耳炒西蘭花，素火腿味道沒有頭先豬扒的強烈，有0的似午餐肉，西蘭花炒得爽脆，好味﹗今日食左好多菜，一定做到三高一低呢﹗

這間素食店有多款糖水供應, $8+1外賣, 是區內人士消夜的其中一個選擇吃了番著糖水, 番著很多, 但可惜整碗糖水太甜了, 在提倡三高一低的大氣候下, 應弄得健康一點吧