天星雲南米線

營業中

休息中

我都係睇 米線群組 後先知有呢間餐廳的存在. 呢排見太子區有間米線店最近結業, 所以就好想食米線...首先講下等候時間, 剛開店 (12點) 第一鄰差唔多每個客都要等 30 分鐘以上先有得食. 有些客等得太耐而投訴. 我諗係唔夠人手(廚房), 同埋有些單的次序亂左? 講真, 又真係太多客, 呢樣都唔可以怪間餐廳..我就由落單等左 40 分鐘左右先有得食.. 我隔離就等左10 分鐘左右就有得食, 但第一位入坐的客人反而遲過我先有碗麵... 又有枱客因為放lunch 要趕, 等左 30 分鐘後決定離開. 我諗老闆應該提醒客人俾佢地知有心理準備要等 30 分鐘或以上.食物方面, 酸湯底真係好正.. 今日係我第一次食, 已經令我覺得回味無窮, 絕對係top 5.. 碗米線配腩肉 (係五花腩) 真係一絕. 炸醬都好味. 豬軟骨就冇想像中咁入味, 但都還可以. 點都好, 只要係好食, 我都會再幫襯.而呢間餐廳, 的確logisitics 方面有進步空間, 但只係講食物就絕對交足貨!

麻辣鴨血豬軟骨米線湯底有啲失望 唔夠麻辣😅份量就好足夠豬軟骨都好淋身酸辣豬軟骨蘿蔔米線蘿蔔好淋身都好入味朋友都覺得湯底就麻麻地米線偏淋身 啱我口味雖然湯底唔係特別出色不過如果行開旺角都會再去食

天星雲南米線個名係幾得意嘅O(∩_∩)O黃立倉米線$62魚肉都OK 比我想像中大條嘅另外朋友試咗個麻辣肥牛響鈴米線響鈴滲晒啲麻辣汁惹味 不過肥牛就少咗啲裏面話大唔大 又唔算細

出開旺角，行行吓本身想去食餃子，點知冇堂食，就去咗食米線🤩🤩呢間米線關注組都時時有人出post，久仰大名好耐，終於食到😂😂叫咗碗麻辣豬頸肉（轉清湯）因為我驚太辣🤣🤣再加多2款餸，雲吞同豆卜😍清湯都好好味，絕對唔係味精湯，似豬骨湯，豆卜入晒味！好正！雲吞都唔錯，主角豬頸肉先係重點，上面有辣粉，好惹味🤩🤩好食👍🏻👍🏻👍🏻朋友叫嗰碗亦都超正🤣小鍋米線有肉碎🤩我都食咗啖！好香！好味！有雞翼同腩肉，仲加餸叫咗墨魚餅，好好食，好食到相都唔記得影😂😂😂另外梗係要叫多樣小食啦！揀咗好多人都介紹嘅秘製金沙骨（椒鹽味）🤩🤩真係好食👍🏻炸得剛剛好，份量都多🤤必推介😍

米線愛好者一定試過依間啦～我都係慕名而嚟試吓～雖然鋪仔細細～聽講個湯底好正～兩餸米線一律$47台灣鴨血豬軟骨酸辣米線～秘製湯底真係好正夠酸夠濃～配酸菜、韭菜、芫荽、芽菜～台灣鴨血大大嚿～好入味同普通車仔麵豬血差天共地～二大舊豬軟骨煲得好淋好入味～咬落去軟骨好綿招牌腩肉大腸酸辣米線～豬大腸都洗得幾乾淨～入味又淋～切薄片嘅腩肉唔會好韌～加上吸收左湯底嘅味正外買各$2～跟餐加$5熱奶茶外賣$49嘅二餸米線偏貴～但係湯底真係好正值回票價

近期米線關注組嘅人氣米線舖頭之一店面細細 但都好高人氣 我都慕名而來😂😂當日去到大概下午茶時間，所以我決定買個下午茶返屋企😂落單情況有啲混亂，叫佢阿叔喺門口負責收錢同落單但佢思緒應該係混亂嘅 前後嗌咗3次先寫到我食咩 但最後都係錯🤡🤡🤡下午茶係兩餸米線腩肉豬軟骨麻酸辣小辣 本身想轉紅薯粉，但阿叔落錯單😬所以無緣阿叔話下午茶同正常嘅分別係餸嘅多少以下係下午茶份量，但覺得其實都好足夠😂麻辣嘅味道比酸辣嘅味道更加突出唔係好食到酸辣，湯底表面雖然好油，但係去油後 會發現湯底非常之濃稠同一般米線舖嘅湯底非常之唔同豬軟骨當然係川之味最好食啦😂但呢度嘅豬軟骨都唔太差 有3舊之餘 軟稔程度未去到入口即溶，但係都已經唔使點咬😂😂腩肉份量都好多，好肥😂😂 個味道小辣ok仲送咗舊豬大腸😂但係稍為韌咗少少🤏同冇乜醃製過嘅味我會再食嘅！希望下次可以落到個啱嘅order啦😂😂

呢間天星相信米線愛好者都唔陌生，我應該食左起碼5次以上，但係佢d水準好飄忽，而且成日漏單加上唔近公司，呢排都好少幫襯。今日經開呢邊，於是就黎幫襯下，湯底同之前差唔多，但係米線煮得過淋，全無咬口，搞到我好失望。點知連堂食都係漏單嘅，不過佢補返俾我個份量就好足，咁就算啦，不過d腩肉比起之前好似稍為咸左d.個人認為都係鴨血同蘿白最好食

由於米線關注組近期大熱，所以專登同愛人一齊去朝聖一下，當天去到已經要排隊，但等了20分鐘很快就有位，可能疫情嚴重咗的關係，所以當天排隊人流較少，雖然鋪面裝修簡陋，座位也沒有很多，坐得不是很舒服哪種，但好的食物絕對能蓋過一切。我點了黃立倉米線中辣！落單後等了20分鐘，熱辣辣嘅米線到咗喺我面前，第一啖必須要飲湯，湯係非常之夠熱，食米線湯底非常重要，我點了麻酸辣湯，湯底絕對夠麻夠酸，最重點係夠熱。黃立倉新鮮好食，有一隻女仔手咁大。令一碗係蘿蔔豬軟骨豬潤米線，蘿蔔好腍，豬軟骨好入味，豬潤中規中矩，喜歡食米線的朋友可以推介你去試下。

成日在網上聽人講 旺角米線 天星雲南米線 有幾好食😂今日經開就過來買，今次買咗個外賣返去 大大碗$59配麻辣小辣湯底返去食。不用等好耐食物就可取走。回到家開外盒，睇到米線同湯分開，但感覺比較細碗咗啲。湯底幾特別小辣不辣反而感到有點孜然味，麻辣不太覺。米線🍜口感幾好彈牙。入面餸加配菜11樣，份量不多，丸類全部唔好食。牛肉雞肉有點薄同鞋，但都好過丸類，唔覺真係咁好味，反而有點失望。可能食返多人食嘅豬扒&鴨血會好食啲。

Ordered a disappointing 中辣魚腐酸辣米線Soup: WaterySpice: Not even bb spicySour: So-soDishes: has frozen smell Communication between staff and the chef is upset too, which they seems unfamiliar with their products. Sorry but no re-visit for sure.

天星二人套餐$146.痴線㗎咁平!!!!!!!!!!!!!!!!!!.先講一講個麵，每人可以叫兩餸，我哋一個嗌左豬腩肉同豬大腸酸辣米線，另外一個都係嗌左豬腩肉同響鈴清湯米線，我自己係食酸辣米線嘅個湯好好味，差老闆娘小小，但已經係其中一間食過好食嘅，豬腩肉係鹵過嘅，半肥瘦適中，豬大腸軟身冇異味，酸辣程度做得啱啱好。.豬耳辣得岩岩好，而且份量多爽口.個炸雞扒炸得好香脆，個份量都係好多，不過略嫌有啲雪藏味.Cp 值及夠飽: 每樣嘢嘅份量都好多，而且仲每人包一杯野飲，我哋一對情侶去食，食唔晒。不過環境係係差同逼嘅，要食好野定要食環境就自己決定啦.翻啅:真係好抵食一定要去再食

食左個墨丸韭菜餃酸辣米線 湯底真我鍾意嗰個嚟嘅 但墨魚丸超級唔新鮮 係煮咗勁耐擺喺度嗰啲唔新鮮 韭菜餃可以接受 同埋一個小食麻辣豬耳全部都黐埋一住 但最驚喜係杯凍檸茶幾好飲

依間米線人唔算多，但味道就相當吸引。天星過橋米線大大碗🥢 $59 加$5 仲有跟餐茶/啡依碗麵嘅份量啱啱好，啱晒細食嘅人仕Share一碗有晒11款食材。全部食材味道正常，另外墨魚丸都幾爽口彈牙🙂至於精彩之處就係個湯底，唔會太咸食完亦都唔會口乾想飲水，我㨂咗麻辣口味，辣度適中。味道：💛💛💛環境：💛💛價錢：💛💛💛5x💛為最高回頭度：6/10整體而言我覺得依間米線好食，向旺角人流咁密集嘅地方實屬有驚喜，對得住個價錢。

最近有好多人喺米線群組推介這間天星雲南米線，所以今日專程去旺角試食。下午一點幾去到好彩唔駛排隊就有位。店舖坐位空間還可以，但望住啲店員喺狹窄嘅空間落單傳菜清潔時避來避去，真戥佢哋辛苦🙈。飲品先嚟，豆漿，凍檸茶走甜合格。老公碗腩肉大腸小窩米線小小辣嚟先。一試覺得幾好味。有小小孜然味，湯低唔係最濃厚嗰隻但都比譚仔同好多其他舖頭厚身。腩肉每片又薄又長，似五花腩有一層明顯嘅肥膏。大腸清晒啲肥膏，兩樣都好入味。我嗰碗就隔咗7-8分鐘先嚟！可能因為佢哋突然要整幾碗外賣先得閒整我嗰碗😅😅😅唔知呢個係咩logistic…我都叫咗小窩米線小小辣，但就試左豬軟骨同豬潤。飲左一啖湯，即刻覺得冇老公嗰碗咁好味😅 比佢嗰碗冇咁濃冇咁野味。豬潤一般，薄，唔夠爽滑豬軟骨就唔錯，夠淋但都好多肉同唔散。整體都合格，可以一試。但相對我心目中「世一」嘅嗰間米線鋪，湯底味道唔同，酸味唔夠、肉碎(人哋會俾炸醬囉)酸菜芽菜分量都少好多， 又冇腐竹….所以我都係會行番去太子「賣飛佛」嘅米線舖食。

原來朗豪坊行過啲就有間咁出色嘅米線小店～麵底份量足，配料用心煮，湯底又有新衝擊，大家行到肚餓就記得去支持吓喇😋✨✍🏻 / 酸辣豬軟骨蘿蔔淮山麵💵價錢：HK$45🔘美味指數：❤️❤️❤❤❤店內米線可免費轉紅薯粉、淮山麵或飯。大家可以試吓淮山麵，麵條彈牙，份量好足，想健康啲仲可以加HK$2配蕃茄湯，同淮生麵都好夾㗎！今次我試嘅酸辣湯底中，有齊酸味同辣味，而且仲有些少甜味畫龍點睛，係頗出色嘅酸辣湯底。豬軟骨同麵嘅份量一樣足，有約4舊，出手真係好大方，仲要煮到好腍好入味！而本來以為蘿蔔係配菜，但食落勁清甜👍🏻✨✍🏻 / 胡椒豬肚湯雲吞韭菜餃米線💵價錢：HK$47（包+HK$2轉胡椒豬肚湯底）🔘美味指數：❤️❤️❤❤❤原本係配上湯，但可以加HK$2轉胡椒豬肚湯底，大家記得加錢轉，因為真係好值得加！胡椒豬肚湯底仲要有好細舊嘅豬肚肉食，而且胡椒味濃，對於平時食開酸辣味嘅我，成功衝擊咗我味蕾～至於雲吞同餃子就脹卜卜，皮薄餡靚🥟💕✍🏻 / 涼拌麻辣豬耳💵價錢：HK$30🔘美味指數：❤️❤️❤❤❤平時好怕食一大舊嘅豬耳，但呢度嘅豬耳切到好幼，而且每條豬耳都爽脆㗎～麻辣味一啖食完又一啖，唔會特別辣，但有陣陣令人上癮嘅麻