天天海南雞飯 (Fashion Walk)

營業中

休息中

今日特登過嚟試下米芝蓮海南雞！可惜上次去新加坡冇時間食，成日經過都好想食今日終於有時間俾我試吓😆-我幾鍾意呢度嘅環境，好乾淨光猛，另外佢有戶外同埋室內，好光猛，感覺有少少酒吧嘅感覺～-天天海南雞（中份） $169最期待就係呢個米芝蓮嘅海南雞真係我食過最好食嘅海南雞除咗雞超滑之外雞皮彈牙到好似啫喱又夠薄而中間都有層啫喱絕對係佢嘅精華肥瘦又均勻肉質非常嫩滑就算唔掂佢哋嘅醬都已經好好食但點埋就會濃味少少味道有另一個風味尤其鍾意佢中間橙色嘅醬辣辣地酸酸地咁☺️唔使講海南雞真係必叫😉-參巴辣椒炒通菜 $99又香又惹味又濃郁嘅森巴辣椒醬惹味得來又唔會太辣一上枱勁有鑊氣配埋佢哋嘅蝦米好香趁熱食非常惹味！-花膠太史蛇羹 $99第一次唔喺蛇舖度食蛇羹😆冇諗過呢度都係非常足料有超多蛇肉同埋花膠每一啖都係材料非常濃厚鮮甜😋-小籠包 $59店員都好貼心見到我哋未食晒枱上嘅嘢都會同我哋詢問需唔需要遲啲先打開個籠蓋上面有好得意嘅造型裝住啲醋小籠包裏面都好多肉汁夠鮮味～-咖央醬炸饅頭 $39第一次試呢種組合通常都係配多士但今日真係非常之想試吓炸饅頭炸饅頭配咖央醬真係非常之夾咖央醬同煉奶一樣都係有少少甜不過就多咗種斑斕

人到中年，呢刻唔係諗緊身家有幾多，唔係諗緊將來婚禮有幾華麗，而家最想簡簡單單有餐安樂茶飯咁就夠，做人既野最緊要量力而為，妄想一朝發達，個人永遠都會迷失。👇🏻📌招 牌 推 介 -▪ 新 加 坡 天 天 無 骨 海 南 雞 - $169▫ 第一道必試經典「新加坡天天無骨海南雞」，三款醬汁包括黑醬油、薑蓉、辣椒醬，鍾意濃味既一定要配搭埋一齊食，而雞肉夠入味，肉質嫩滑，同朋友一人一碗油飯，雞油香十足，真係欲罷不能。▪ 黃 金 蠔 烙 - $99▫ 第二道又係必食既「黃金蠔烙」，有少少似蚵仔煎，但相對更加脆口，配上星加坡既獨製辣椒醬，夠哂惹味，蠔肉份量又夠多，食落外脆內軟，好滿足。▪ 豆 漿 海 南 雜 菜 煲 - $109▫ 一個「豆漿海南雜菜煲」食勻哂娃娃菜、本菇、粉絲、紅蘿蔔、雞腎、西蘭花、椰菜花、蝦乾，再配上豆漿湯底，送飯一流。

老婆話要買拖鞋！又喺度銅鑼灣血拼嘅時候！😎已經去咗三次SOGO啦，分三次！😅⋯⋯分三日！🤣我哋當然支持香港經濟啦！不過首先係要醫肚先！老婆話想食海南雞飯！但係我又好想食酸菜魚！呢間餐廳就啱晒啦！餐廳位於Fashion Walk地點非常方便⋯⋯餐廳有兩部份！一個係餐內！座位寬闊！非常型格！另一個係室外！非常有情調！都幾有feel 㗎！😎天天海南雞天天在新加坡非常出名！唔係猛龍唔過江！雞件嫩滑可口！外皮薄又爽滑！接近零脂肪！一啲都唔油膩！雞味香濃！備有三款醬汁：薑蓉，甜豉油，酸辣醬汁⋯⋯酸辣醬汁能夠帶出雞嘅鮮味😋超正⋯⋯👍👍黑磨豉醬炆豬軟骨豬軟骨由熱鍋奉上！能夠保持溫度！豬軟骨肉質軟腍入口即化！加上黑磨豉醬，非常惹味！原條酸菜魚酸菜魚採用原條，頭和魚尾炸得非常香脆⋯⋯魚肉吸收晒酸菜花椒嘅香氣，鮮味十足！酸酸辣辣有獨特嘅風味！枝竹非常軟滑👍吸收晒湯汁非常惹味！仲有大量薯粉！😋😋⋯⋯雞油飯雞油飯吸收晒雞油非常香口！滲出海南雞嘅香氣！配襯餸菜不可缺少！

突然好想食下海南雞飯，好自然就諗起好有名氣嘅天天海南雞飯，一於同埋朋友黎開餐先，呢次我地叫左酥炸椒鹽板豆腐($49)、黑胡椒羅氏蝦粉絲煲($149)、天天海南雞(中份)($169)、雞油飯(碗)($23)、豆花椰奶咖啡($35)、茶位($10/位)*2先放低壺茶，飲落茶香撲鼻內裡乾淨企理，仲會見到牆嘅位置貼滿唔少名人合照，顯得人氣十足😄食物齊晒當然影返張大合照😁酥炸椒鹽板豆腐：呢個板豆腐係外脆內嫩嘅完美代表。炸到金黃香脆，入口先係酥脆嘅口感，跟住就係豆腐滑溜嘅細膩口感，再配上椒鹽嘅鹹香，再點埋醬汁黎食，簡直係小食之選😋黑胡椒羅氏蝦粉絲煲：呢道菜一上枱已經聞到濃郁嘅黑胡椒香氣，羅氏蝦大大隻，新鮮彈牙，味道鮮甜。粉絲吸晒濃濃嘅黑胡椒醬汁，夠晒惹味🤤天天海南雞(中份)：呢度嘅海南雞可以話係招牌菜，雞肉鮮嫩滑溜，雞皮啱啱好啲啲膠質，夾埋秘製醬汁，真係越食越上癮😍中份啱啱好夠兩個人分享，唔夠滿足仲可以選擇大份添😉雞油飯(碗)：配海南雞當然要加碗雞油飯啦！飯粒煮得剛好，粒粒分明，又吸晒雞油嘅香味，食落去真係無敵好味。淨係食飯都想加多一碗👍 豆花椰奶咖啡：呢杯豆花椰奶咖啡係我嘅心水推介！咖啡嘅醇香加

今次嚟到呢一間新加坡過江龍，第一間新加坡米芝蓮餐廳主打海南雞，店舖環境優雅，服務周到，見到有好多明星嚟食。海南雞燒雞雙拼 $299 油飯$23好有氣派好正宗，個碟擺盤擺得好靚，海南雞同燒雞份量都好多🤩，海南雞肉質出奇地嫩滑😍，食落好有雞味，配埋啲海南雞專用嘅醬一齊食，令雞嘅鮮味更突出，更惹味。而燒雞個皮好薄，又好脆，肉質嫩，食落好有油香，沾埋椒鹽一齊食更香口😛。食到咁上下仲可以食返啲瓜嚟解膩。另外叫咗碗油飯，聞到好香，啲飯粒粒分明，有黃薑粉味，配埋雞一齊食啖啖肉嘅感覺好滿足🥳。串燒 $129雞牛豬各有兩串，幾有特色，上枱之後會即場用火槍再幫你燒多幾下🔥。各有千秋，燒完雞牛豬各自嘅風味帶出，配左個沙嗲醬同豉油，食落甜甜地，既Juice又開胃😋。美祿恐龍 $35好貼心地用一個竹籃裝住個玻璃杯，相信係為咗唔會凍親隻手，又有特色✨。美祿好濃朱古力味🍫，加埋上邊嘅美祿粉未完全凝固嘅口感，令味道層次更豐富。

好朋友來港旅遊，我同佢去銅鑼灣行下，朋友喜歡食海南雞，就去咗附近嘅天天海南雞飯食晚飯，餐廳是新加坡米芝蓮推介餐廳，獲無數獎項，享譽世界被譽為雞飯之王。天天海南雞（大）：海南雞採用皮下脂肪少的白羽肉雞，所以雞皮爽滑，肉厚零脂肪，口感嫰滑，就連雞胸也絲毫不嚡口。加上秘製雞汁，特別惹味。雞油飯（大）：食海南雞不可缺少的就是油飯，廚師會先炒香蒜、斑蘭葉等，再放湯和米再炒，待收水之後再蓋上蓋子蒸，使每粒米都吸收湯的精華，無論味道或口感都極佳。黑胡椒羅氏蝦粉絲煲：原煲用火熱住上枱，熱辣辣即時香氣四溢，羅氏蝦好大隻，味道鮮甜，肉質彈牙，粉絲吸收蝦的精華和黑胡椒醬汁，真係夠晒惹味！

老友生日請吃飯, 話食豪d, 選了這華麗店舖我們二人一入已給環境吸引, 圓圓的榙, 每榙距離很闊, 容易傾談, 有私隱而且三位職員熱情招呼已加分不少但先看看食物如何先我們點了招牌菜, 天天海南雞, 果然肉質很滑, 不太肥, 細細件上碟, 應該是很嫩的雞, 加上我喜歡的甜豉油和薑蓉, 更加相得益彰說人氣雞飯王真是沒誇張另外加了一碗油飯, 應是清雞湯煮的,非常大碗, 飯香而且軟的, 合我們心水再點了星洲福建蝦麵大份油麵也是非常大碟, 足可三人吃, 有很多不同的配料, 有蝦,菜, 花甲, 栗米芯, 蠔仔, 而且新鮮好味,特別在有生芽菜, 真是很星洲風味, 欣賞很地道味道, 值得讚是蝦很大隻, 新鮮不梅, 少少辣很好, 還有炒得不太多油最後來的是黑磨豉炆豬軟骨, 煲煲上, 其實我從未吃過此配搭,上枱時出煙的, 豬軟骨炆得軟身, 大大件多肉, 有少少肥, 反而我們喜歡口感很喜歡所有菜式同時間一起上碟, 不用等住吃本想吃甜點但實在太飽了, 一定下次再點最後配上好喝的中國茶, 消油脂, 寫下呢餐完結的一段見到有星洲旅客來, 應是出名好味，和他們吃大排檔完全不同

環境寧靜，海南雞配油飯是絕配，當日一共叫咗兩碟大海南雞，一碟大燒雞。飲品方面朋友們極喜歡豆腐花奶茶、豆腐花咖啡，喜歡吃豆腐花的朋友，不妨試試。甜品是炸涼粉，外面炸面充滿椰子味，一碟有六件，一人一件剛剛好。

之前經過成日要排隊，見人流冇咁多，終於可以去試吓😃 海南雞，果然名不虛傳，連雞胸都好滑溜，好軟熟。肉骨茶裏面有好多料，湯底濃郁，仲可以refill添👍🏻 豬頸肉好爽口，仲有些少表演睇㖭🤣

天天海南雞飯⭐️天天燒雞⭐️黑松露醬酥炸大生蠔⭐️砂鍋新加坡黑胡椒羅氏蝦粉絲煲⭐️雞油飯想食新加坡嘢嘅時候通常都會去天天海南雞飯，鍾意佢環境舒服，食物水平又穩定。今次試咗佢嘅黑松露醬炸生蠔，兩隻生蠔都大大隻丶好厚肉，炸衣係偏厚少少嘅，感覺有啲似食緊蚵仔煎嘅炸面衣，配上黑松露醬香脆又美味。天天燒雞就一如既往咁好食，燒雞外皮微脆，雞肉好嫩滑，就算係雞胸嘅部份都唔會覺得鞋，配上三款醬汁轉換下口味，每次嚟都會叫。最後嘅羅氏蝦粉絲煲食落去好似去左新加坡咁，每一隻羅氏蝦都充滿着滿滿嘅蝦膏，配上黑胡椒粉絲就係夠晒惹味，送飯一流。

今日約咗個舊同事見面，同佢喺附近行下街；之後就搵嘢食揀咗呢間天天海南雞因為知道佢鍾意食海鮮。呢度除咗出名食海南雞，亦都出面食蟹。點咗個新加坡黑胡椒蟹肉粉絲煲；砂鍋新加坡麥皮羅氏蝦同埋黃金八爪魚呢度裝修（店鋪名個牌匾）都好有新加坡feel，嘆住茶等食物到。好快黃金八爪魚就煮好，香味十足，外皮被鹹蛋黃流沙包住，食落去非常惹味，炸漿夠曬薄脆，熱辣辣炸起。裏面嘅八爪魚非常大又彈牙，食起嚟煙煙韌韌又唔會難咬。邪惡好味道！轉頭麥皮蝦都整好喇，用上好多麥皮同埋洋蔥烹煮，砂鍋煮法令到佢哋更加香。蝦肉同樣彈牙而且啖啖肉，夠晒新鮮。我同朋友都係第一次食麥皮做法，又唔會好似清蒸白烚咁淡但係又畀起其他濃郁嘅醬汁更加食到蝦嘅鮮味，好特別。至於黑胡椒蟹同粉絲煲熱辣辣滾住，底下嘅粉絲吸曬精華，非常惹味開胃；蟹肉份量都好多，拆咗肉亦都方便易食，新鮮好食，太正！凍凍地嘅天氣，食物熱住嚟食，邊傾邊食，特別滋味。今餐海鮮餐真係高質素，舊同事係海鮮控都非常滿意。

最近在銅鑼灣發現了一間新加坡融合菜餐廳，形式有啲似food court，但係有職員提供服務。其中一間餐廳係新加坡過江龍——天天海南雞。餐廳的裝潢簡約而現代，色調明亮，給人一種放鬆的感覺。雖然空間不大，但桌椅安排得當，讓人不會感到擁擠。職員熱情周到，整個用餐體驗愉快。食物方面叫左這裡的招牌菜，新加坡天天無骨海南雞 ($169/中份)。海南雞係用美國白雞，即係肥雞，雞皮爽滑唔肥膩，雞肉多汁，推薦配上的辣醬油。這道菜的雞油飯也值得一提，一鍋$69，米飯粒粒分明，吸收了雞油的香氣。另外一個大推嘅菜式係黑松露酥炸大生𤐶 ($69)。炸皮金黃酥脆，𤐶大隻唔腥，搭配黑松露醬，讓每一口都充滿了奢華感。這樣的創新口味，令人感受到新加坡料理的多樣性。我地叫左個班爛汁椰奶鱈魚 ($89)。鱈魚肉質滑嫩，椰奶的香甜與班爛汁的酸味相互交融，呢度菜唔會食膩。最後叫左個楊枝甘露芋圓水果餃子冷火鍋 ($109)作為甜品，這道冷火鍋好igable。有芋圓，黃桃啫喱，芒果爆珠，夠曬得清涼。

Can it satisfy your cravings for the authentic Michelin🇸🇬Hainanese Chicken Rice? Well yes! You don’t have to actually fly over to Singapore for their Tian Tian Hainanese Chicken Rice, you can simply have it in Causeway Bay❗️I have tried the authentic one at Maxwell Food Centre and I’d say the HK one does it justice😋high quality food and comfy environment makes the perfect meal👍🏼

之前係新加坡都食過超出名嘅天天海南雞飯，而最出名嘅一定係海南雞飯，嚟到香港開就梗係要食下。相比起新加坡，香港分店地方較闊落，環境比較舒適👍🏻👍🏻招牌天天無骨海南雞(中份)海南雞夠滑身，雞皮薄而滑身，連唔鍾意食皮嘅我都忍唔住食左少少，雞件無骨食落好方便，底下有啲青瓜條用嚟解膩。薑蓉、酸辣汁同黑醬油都係食海南雞必備嘅醬汁，有清新、酸辣、傳統三種調味任勻選擇😬😬食海南雞一要有嘅雞油飯，飯粒粒粒分明，雞油已經索曬落啲飯度，唔會太油膩，配埋海南雞係perfect match👍🏻👍🏻新加坡黑胡椒蟹肉粉絲煲新加坡除左海南雞飯出名之後，仲有黑胡椒蟹都有好多人慕名而嚟，蟹肉加入黑胡椒粒更加惹味，粉絲索哂黑胡椒蟹同洋蔥嘅鮮甜味，十分惹味!!!😋😋😋

今日好想食新加坡菜，突然諗起呢間位於銅鑼灣京士頓街嘅天天海南雞，就坐言起行，即刻訂枱食個晚飯。🥢 天天燒雞呢碟燒雞好大份，雞嘅外皮燒到好脆口，而裡面嘅雞肉重好滑嫩，配埋豉油膏、薑蓉、辣椒醬等配料，更能提昇雞味。🥢 砂鍋新加坡黑胡椒羅氏蝦粉絲首先會有個熱爐暖住個煲，誠意感十足。打開煲蓋，4隻超大羅氏蝦鋪在香噴噴嘅粉絲上，羅氏蝦嘅肉質好彈牙兼鮮嫩多汁，吸收咗黑胡椒嘅香味，好味到難以形容。而粉絲夠晒軟糯又富彈性，每一口粉絲都滿滿蝦肉和黑胡椒嘅香氣。🥤龍眼冰呢杯龍眼冰夠晒清甜潤喉，而且裡面重有多粒龍眼果肉，感覺好正。🥤恐龍美禒非常濃郁嘅冰凍美禒，上面加咗一層厚厚嘅美禒粉，更加濃郁美味。🥄 芒果糯米飯呢個甜品係即叫即整，夠曬新鮮，糯米飯夠軟糯可口，配埋清甜多汁嘅芒果肉，作為這頓飯嘅完美結束。