天園餃子

營業中

休息中

最近我品嚐了他們的湯餃子，我必須說這是我吃過的最好吃的湯餃子之一。首先，湯餃子的餡料非常足，每一口都能感受到肉香味，讓人吃起來非常有飽足感。其次，湯餃子的皮薄餡多，口感非常好，吃起來很有嚼勁。最重要的是，湯餃子的味道非常棒，我可以感受到每個成分都非常新鮮，讓我一口接一口。整體而言，這家湯餃子店的湯餃子不僅足料，而且味道好食，是一道非常值得推薦的美食。如果你喜歡湯餃子，一定要來這家店試試，你一定會愛上它的美味。

見旺角排隊、來到土瓜灣不用排隊立刻試吓，唉⋯豬骨湯底！湯無味，加了好多生抽，湯才有味、麵好多、但係發漲麵極難吃，隔離枱叫only餃子，太叻！我好後悔咁蠢連麵，芫茜餃皮包得好差，過份overcook 、d皮已一溶左，好難吃，叫芹菜餃反而好d，起碼皮餃沒有溶左⋯唉⋯中伏佐！一次已夠

很少踏足土瓜灣，路過見到餃子一試。價錢不貴但5隻又怕太少問店員餃子尺寸如何，怎料店員說是雲吞黎....好吧不緊要，點了韭菜豬肉餃和白胡椒雜菌朱肉餃，店內兩枱客，等了10分鐘仍未有，心想莫非即叫即弄？幸好不趕時間。分量是比較少，10隻果然是用雲吞皮包的先說韭菜那款, 入口很重韭菜及味精, 有些失望, 韭菜浪費了說到白胡椒雜菌朱肉那款，材料很少，但下了很多胡椒，朱肉什菌完全分不出來，口感尚算清爽。原本味精衝擊令我很想叫些飲品，忍住了，試一下湯，咦？個湯咁清似清水味道那不用叫飲品，總算少少解決了勁口渴的苦惱。這間天園餃子（雲吞）令我口乾了一個晚上以上純個人感受，如有雷同屬不幸。

見係土瓜灣都幾出名 就同男友黎試下 等左成30分鐘黎到啲餃子穿哂皮 搞到個湯底都有啲餡 個湯底又得味精味得一塊蘿蔔 叫2樣野一個上完碗飯 另一碗淨水餃等多成15分鐘都未有 等到我男友啲飯都凍哂 其實做唔切就諗下點upgrade d設備或者早啲備貨啦 叫個水餃都等30分鐘 我自己煮埋食埋都得 呢啲湯餃子又唔係即叫即煎 滾一滾就上得既野 真心唔明點解可以耐成咁 等到燥 真心唔餓等到餓 blacklisted

今日約咗同事食午餐，臨近農曆新年諗住食清淡啲於是提議嚟土瓜灣食餃子呢間餃子之前都食過好幾次都覺得唔錯而且有好多唔同口味揀，午市仲有套餐跟小食12點45嚟到唔洗等位直接入得原來而家轉咗手機落單落單程式有啲位用起來唔太方便-韭菜煎餃 十隻賣相還好，好幾隻餃子皮爆開了，外脆且帶金黃色食落餃子皮厚薄適中，韭菜味香濃可口湯餃 十隻 (揀兩種口味，只能跟酸辣湯才能落單)酸辣湯幾足料，酸辣味平衡不會過重胡椒餃食落椒味強烈而濃厚，愈食愈辣嗆的粟米豬肉餃食落鮮美多汁且粟米味清新整體餃子還不錯，價錢實惠可以再來～

喺自己個區嘅餐廳永遠好少食。天園餃子hi就係其中一個例子，朋友成日過嚟土瓜灣，但係我日日可以經過都冇食。今日終於試到朋友T講嘅白胡椒雜菌豬肉餃，真係幾好，食完出哂汗，加個上海麵，一流，食麵記得點佢嘅辣椒油。另外煎韭菜豬肉餃依舊咁出色，椰菜粟米餃相對就正常發揮。不過最重要係由尋日開始，只要幫襯$100 ，係社交平台like page就會有一底蘿蔔糕送俾你，新年就最啱食。手快有，手快無啦。就趁新年，快啲過嚟攞底蘿蔔糕應吓節，有好多朋友都讚過佢嘅蘿蔔糕幾好食。

🔅天園餃子🔅土瓜灣🔅餃子🔅天氣繼續凍～連續幾日係土瓜灣做野，決定去黃店餃子外賣同堂食，呢間餃子店選擇都唔少，仲有餃子套餐，配上唔同嘅小食，唔錯！我同朋友叫左：🥟 椰菜粟米豬肉湯餃湯餃皮薄餡靚，豬肉份量多椰菜唔會搶味，三種配料平均～好食！🥟 西洋菜豬肉湯餃湯餃繼續好食，西洋菜好札實，唔會影響餃子質感，做得好出色！🥟 黑椒洋蔥牛肉煎餃子呢個味道有驚喜！好香嘅黑胡椒味，牛肉味亦都好特出～煎餃佢係平面咁樣，唔係三角形，我覺得個平面大左，就脆面都多左～🥟 韭菜豬肉煎餃子呢個一般般啲，韭菜都好香～套餐亦都配小食，我都試左唔少～🔅 麻辣雞卷，雞卷卷好，都加上麻辣醬汁，好出色亦都偏辣🔅清湯白蘿蔔～好清甜，無渣，配湯餃真係一絕🔅酸辣湯～ 偏辣，但非常足料，紅蘿蔔、木耳、雞絲，可惜個芡唔勻，所以飲到最後會見到透明一塊塊😅黃到出晒面，支持初心💕天園餃子 網址: https://s.openrice.com/QrbS0j4OA00~uZ5MGAA地址: 土瓜灣北帝街41號地下B號舖電話: 56640237=====================#傳統美食 #傳統小吃 #餃子 #餃子黃店 #黃店餃子 #清湯白

唔知食乜，特登落土瓜灣，經過間餃子店，即管試下，入內後，感覺座位比較擠迫，慶幸不是坐滿，時間尚早，所以可以接受。用QR code落單，見到餐牌被兩張相片所吸引，椒鹽雞翼及豬手飯。既然今日到餃子店，先試湯餃，芹菜木耳豬肉餃拼芫茜豬肉餃，另外再叫椒鹽雞翼，雞絲粉皮，豬手飯。先講椒鹽雞翼，有兒時阿媽炸雞翼既味道，面脆又熱肉又滑，至於雞絲粉皮比較普通，湯餃皮薄餡靚多肉汁，好味道，試下枱面一罐麻辣醬，與湯餃非常夾，食唔到辣嘅人勿試真的非常辣。最後豬手飯，豬手有四嚿，入味又夠淋，但汁比較少唔夠撈飯，蘿蔔有一舊好入味，值得一試。

外賣咗個麻辣撈麪，雖然可能係我焗耐咗好淋。但係肚餓就照食啦，撈撈下發現一啲紅色都無。一食落去，麻辣撈麪無辣嘅！唔係唔夠辣，係無落到任何辣味。個麪又霉霉爛爛，又無辣！

今個weekend 同朋友去左佢介紹位於土瓜灣既餃子店，雖然假日店內已經人山人海，但好彩依然有兩個位比我地唔洗等✌🏼舖頭係scan QR code 落單，個人幾鍾意呢種落單方式，可以比自己慢慢揀😁白胡椒雜菌豬肉餃麵一碗有5隻餃，加上麵既份量好多，同埋係電話order 果時可以自己揀啲麵要唔要淋啲，多蔥少蔥走蔥果啲都可以自己揀，夠曬細心🥰 我冇特別揀個麵要淋啲，但係我食既時候個人覺得偏淋，同如果唔鍾意食太淋既朋友就要留意啦。不過餃子都好多餡，食落好香胡椒味，又咬到啲菌類既粒粒😋酥炸豬排撈麵本身見到個價錢覺得一碗撈麵要$50 有啲貴，不過見到碗麵之後覺得都抵，因為份量一樣係好多，雖然都係偏淋。同埋豬排都有好多好嫩滑，新解炸起既豬排外皮脆卜卜，下次可以再encore🤙🏼🤙🏼 煎韭菜豬肉餃主打餃子又點能夠唔試多款餃子😂 有5隻同10隻揀，因為驚食唔曬所以揀左5隻。一樣好足料，熱辣辣上檯，外皮好香口☺️我地仲加$10 要左個手工蜜桃紅茶，好香桃味又唔會太甜，好飲👍🏼總括而言，下次去開土瓜灣都可以再去，可以試埋其他野🤪😎

天園餃子行街坊舖頭路線，平靚正。個人覺得可以一試，但未必會再去食。*湯餃餃子皮似雲吞皮多啲，非常薄、魚尾收口，差在冇用蛋開皮。餡料份量唔多，菜肉比例1:1，用料新鮮，唔會有奇怪腥味。白胡椒雜菌豬肉餃 (餃子套餐$40)白胡椒非常強烈好攻鼻，去到最後先食到豬肉同隱約菇菌味。皇帝菜豬肉餃 (餃子套餐$40)我覺得皇帝菜其實冇乜人鍾意食，明顯我完全係非主流。菜味冇想像中咁強。韭菜豬肉餃 (餃子套餐$35)經典組合，正常發揮！麻醬雞絲粉皮 (套餐小食 +$20)我敢講麻醬份量比粉皮多好多，粉皮滑捋捋，每條都好短，俾好多麻醬包住，好濃芝麻味，雞絲得四五條。

見呢間餃子評價不錯，所以去試吓。用QR Code落單，叫左椰菜豬肉粟米湯餃、韭菜豬肉煎餃，加小食白灼菜心、雞絲粉皮同麻辣醬雞捲，價錢相宜。小食同湯餃好快送上，湯餃湯底較淡，但餃子味道不錯，雞絲粉皮惹味同夠凍，雞捲調味一般，辣味比咸味重，本身雞捲無咩調味，要點醬先有味。食完湯餃同小食，煎餃仍未到，距離落單時間已過20分鐘。雖然都知煎較一般需時較耐，但怕漏單都問下店員，店員亦稱煎餃需時較耐，但無向廚房查詢是否漏單。再過多10分鐘，煎餃仍未送上，望望附近周邊又真係無人叫煎餃，再問多次店員，佢先肯問廚房，但無回應我哋是否漏單，再過多陣見到有店員送煎餃去其他枱，我哋既煎餃都終於送上，即係叫煎餃需時至少30分鐘以上。煎餃雖然夠熱，但十分油膩，成隻碟都沾上油迹，餃子皮好厚，而且煎得比較濃。整體黎講，對呢間餐廳既食物質素同服務都係失望，可能只係我唔好彩啦，但同區都有其他更好味既餃子，所以唔會再幫襯。

去過不少次，餃子還不錯，始終覺得服務態度一般。但是昨天觸發底線，落定決心，不再光顧。昨日傍晚時間入座，人唔多，counter望住我地入座，同事過來拾隔離檯嘢，但過佐十分鐘都沒人給餐牌或者自助落單紙，工作人員甚至系旁边倾间…失望之极，极度差评，如果服务有得拣负分，我都会考虑…

今次去到土瓜灣食天園餃子，平日嚟到都要排下隊，因為好多中學生小學生都會放學過嚟食，趁住今日閒日星期六，去到唔使排隊就入去試吓。簡單叫咗個湯餃，椰菜粟米豬肉餃，落單都係自己手機囉，但係見到都唔係幾容易撳到，見到有幾台客人都要問返職員，但係職員都好友善同主動會幫返啲客人落單。講返個湯餃，啲皮好薄但係唔會爛晒，個皮都幾正。依啲餡都幾多，要分兩啖先食得晒一隻餃子，豬肉味同粟米味都好重，反而椰菜味就爭少少。但整體來講，餃子配埋啲辣醬同啲黑醋都幾好食。

放lunch行過諗住試一試，門口見冇咩人，一入就有位，睇左一陣就叫左過芹菜木耳素餃湯面。。。唔洗等好耐，就已經送到過黎，成碗湯好清，但就唔知點解有粒菇，試一試個湯，唔知點解有d酸酸地，味道怪怪地，之後再試埋個面個面就真係幾大獲下，好似仲味煮散咁，仲係一注咁，個面又好大陣怪味，唔知係咪冇過水之後同個餃，都算足料既，但個皮唔知係咪煮唔夠，有一兩啖好似d雪藏過既餃d皮咁會變泥。。。整體黎講，要叫都叫淨餃。。。