天后串燒餐廳

營業中

休息中

在天后閒逛尋找美食，意外發現了這間串燒小店，在門外看到很多老闆娘和明星的合照，因此和友人想也不想就踏進了這小店。點餐時本來抱滿希望，怎料食物卻令我大失所望。首先，牛脷和豬腩肉的用鹽太多，十分咸，令我用餐後亦感到十分口涸。另外，食物一下子就整碟上了，因為很快便變冷，冷了的串燒變得很乾，兩人埋單竟然要$543，食物的質素完全不值此價錢,絕對不會推介！！！

Right after I stepped into the restaurant with my bf, everyone - meaning all the workers in the restaurant, including the cook were sitting on the seats for the customers staring at us. The staring didn't end until the moment we finished our meals and stepped out of the restaurant. The evening got worse when a waiter cannot leave this alone to decide what to eat from the meal and when the cook started to sing along his very own and loud disturbing music in the restaurant. I swear I will never g

全晚的串燒都一樣味道。店員服務又不好。3個人冇飲啤酒都要9佰大元。雖不是太貴，但一點也不值得去。難得的Friday night就被此店totally destroyed=.=!!

一行六人食lunch, 入坐時唔算多人。落左order就玩下電話等食野。。。點知過左15 分鐘， 連遲過我地入坐既人都有野食時我地就問d staff我地d野食有未。點知個staff淨係講整緊。過多十分鐘再問另外一個staff先好似如夢初醒咁！！！仲要繼續同我地講整緊， 之後仲有另外一個呀姐問我地飲咩？點解佢唔去check下張單先？？態度整差，仲話我地唔洗返學。 即係返工遲到冇問題？點解漏左order 一句唔好意思都冇？仲可以串串貢？？？呢間野以後唔會再食

前幾天同朋友去食，個馬尾阿嬸好燥，又鬧客又鬧同事好大声慌死人吾知，仲親眼見佢不斷响客人用餐時頭頂冷氣機隊支掍抹，堅離譜! 跌D污jo野落D食物點計先，佢亦冇同客講声先抹，見個客都o晒嘴。另外食物質素差，價錢亦偏貴，絕不會再幫襯

食完之後，覺得係一個伏。。。伏在好似中左陷阱咁個餐牌串燒既價錢係一串，但係點菜紙迫你點兩串，仲無寫價錢，唔知有心定無意。食物質素一般，不過咁既價錢就真係 好。唔。抵。服務員好似係大排檔咁，係舖頭剪指甲、仲講出面望餐牌但最後無入黎幫襯既人壞話。話佢地冇禮貌。。 眼見同場有另一食客埋單時都問點解張單價錢 double 左。。我諗佢都意識唔到佢落單時已經中左伏BLACKLISTED...

食物不錯但燥底服務是曰下著雨，好不容易找到家餐廳坐下。一坐下，阿姐向所有食客破口大罵，話我們不應把傘帶入店內。但店外又沒有提供放傘的地方，你叫人把傘放在哪？我由點了餐到送餐，她都在喃喃自語在罵我們。但餐已點，不能一走了之，唯有硬食。海膽三文魚飯送上，海膽偏少但一D都唔腥，但又唔鮮甜，以百元樓下的質數算是合格吧。沙律普通，但算清爽。三文魚算是厚切，脂肪紋分布平均，質感肥美，不錯。食物水準合理，若果服務不是這樣差勁，我或許會再訪。

lunch time 食飯，周圍都多人。 見到呢間天后串燒店個午餐菜單有刺身食, 一於入去試下啦，去串燒店唔係食串燒 ....  同同事一行3人，叫左3份午餐share 食， 滑蛋牛肉飯，角切魚生飯，加拿大海膽三文魚飯。 午市魚生飯係貴啲嘅，$68-$138不等。平民啲既午市廚師精選餐大約$48-$58。當然有咁嘅價錢都希望佢有番咁嘅質素， 食完之後 -- 呢到啲魚生飯果然不負眾望。角切魚生飯-$68  / 加拿大海膽三文魚飯$98  (5個為最高)雖然係角切，但都係大大粒同厚切嘅角切魚生， 角切魚生有三文魚，八爪魚，吞拿魚及玉子， 密麻麻咁鋪滿咗喺碗飯上面，飯上面仲灑左好多紫菜碎， 見到都已經好吸引。 魚生飯不經烹調，好唔好味真係睇啲魚生喇！ 不過呢到啲魚生係靚嘅， 望到啲色澤就知新鮮。 要紅嘅夠紅，要橙嘅夠橙。 你睇個加拿大海膽三文魚飯啲海膽同三文魚幾靚就知啦！ 三文魚都幾大片同唔薄嫁， 雖然唔算超級肥美， 但都好重三文魚味 , 海膽一啲都唔腥，但就真係少咗啲。 總括嚟講呢度啲魚生係好味同新鮮， 啲魚生一啲都唔似出面啲冇誠意嘅餐廳咁又薄又亁冇乜魚味， 望上去似就黎到期咁。滑蛋牛肉飯

是日和男朋友討論拍拖時的趣事時，就突然想起呢間天后的串燒店，因為呢間串燒係我地一齊之前已經光顧過的，當中不少事情依然印象深刻。所以我地決定再來呢度感受一下回憶的味道。天后串燒位處天后地鐵站附近，唔使5分鐘便到達了。呢度地方不大，約30個座位，但可能已經係十時的關係，我們不用等位便入座了。唔講咁多，我地一坐低就劃哂想食嘅先。味付螺肉一般質素燒芝麻雞翼一客只有兩隻，份量較少。外層炸得香脆，帶著芝麻香，入面的雞肉依然嫩滑，好味之餘又唔油膩。  燒五花腩男友最驚就係五花腩個陣羶味，但呢份五花腩加左調味再燒，非常香口，男友都讚好。燒雞腎雞腎燒到脆卜卜，勁爽口。燒厚切牛舌每次食串燒都必食的牛舌，雖然只係加上鹽和調味，但原汁原味先係最好食。燒豬頸肉每件豬頸肉爽口得黎又充滿肉汁，十分juicy。燒墨魚丸我最鍾意食墨魚丸中間個D墨魚肉，食起上黎個感覺好RICH。燒芝士獅子狗上枱時又小小凍左，可能擺左一陣，中間都無咁流心啦。 燒魚皮餃幾特別既配搭，味道唔錯。食物綜觀黎講都非常滿意，更何況係可以同自己鐘意既人一齊黎呢，我地一定會再黎架。

肥髀游完水好肚餓，本來想帶佢食一間拉麵店，可惜剛剛到了落場時間食唔到！在附近都有好多餐廳！揀咗間串燒店！入去係普通港式日本菜格局，黑色桌椅好迫好窄！牆上裝飾啲和式扇子同旗幟！一個馬尾嬸嬸放低餐牌比我哋，聽到我哋會食串燒就放低多兩張串燒點餐紙！午餐鍋燒烏冬（$50）鐵鍋上，熱辣辣，湯底甜甜地嘅味淋味道，加娃娃菜，及雞肉、海帶！烏冬彈粗身牙，雞肉係雞髀肉，彈牙但略嚡！娃娃菜嫩口爽脆！海帶爽口！味道好！串燒：羊架：肉質好肥美唔膻！香草醃得入味均勻！牛舌：皇牌必選，真係唔錯，出晒油好肥美，有咬口但唔硬，牛味濃又唔膻！面頭灑滿黑椒粉！微辣又惹味，正！蕃薯：一串四粒，好甜糯！皮唔硬！正！凍檸茶少甜：幾大杯，係我接受到嘅甜度，又唔會淡！我同肥髀一齊飲都夠！食物質素比想像中好，不過串燒感覺港式！員主要有兩個，馬尾嬸嬸比較掘，講說話好心急，其他食客攞杯或唔明佢講乜，佢會黑面！另一個後生女仔斯文！男店員負責收錢，有笑容！大致上都ok!