天后串燒餐廳

營業中

休息中

點餐紙系吾會寫價錢 入面無人 個阿姐見到你入去好似搵到條救命草 我叫外賣比我隔离緊嘅朋友 求其嗌左5串串燒 200幾 午餐肉 肥牛金針菇而已 仲要吾收信用卡 叫你去出面禁錢 我一聽吾收信用卡即刻叫佢幫我取消張單 大佬 岩岩落單一分鐘都無 你同我講話已經煮好曬 死都吾比我走仲要推我 真系痴線。成世人未試過咁痴線嘅餐廳 垃圾 痴線 態度勁差 真系10蚊都吾想幫襯佢 就放長雙眼睇下佢幾時汁各位兄弟 真系吾好去 我平時系根本吾會花時間打篇咁長嘅文出黎 哩間真系好能差！

入去叫外賣，唔知究竟行埋收錢位叫定向個老闆娘叫，一行入去只係第一時間要閂好道門，埋邊伙記就忙緊，個老闆娘一路行一路嘰尼古嚕！之後叫我講喇講喇講號碼原來唔得既，講完號碼又問係咪乜乜乜叫3個外賣，係唔平二百幾蚊仲要受你氣！味道又一般，以後不了！做街坊生意都係做口碑，你串到咁又貴到咁！真係會同街坊講唔會幫襯你囉！如果你地咁把閉不如揀客做喇有禮貌既客原來你地唔做既話！

眼見大量負評，想為佢平反一下。大家要留意，其實佢提供嘅係「地度港式串燒」，如果你抱住去食「日式串燒」既心態，一定唔符合期望，繼而失望。食物：作為一間港式串燒，食物種類當然五花百門，除平時食開嘅燒雞翼燒、粟米、白鱔，亦有燒魚蛋、燒燒賣、燒芝士腸之類。串燒都幾香口，係鹹左少少，建議order少鹹。服務：似係家庭式經營，唔算好有經驗，至少有禮貌反應快。裝修：非常「地度」，打算同女朋友浪漫一番就唔好啦... 價錢：位處電氣道地鋪，要求「平」也未免係強人所難罷...

外賣串燒等左1 個鐘 燒出黎同用水煮過嘅無分別焦糖燒菠蘿， 好似用水煮完用火槍燒兩下就算⋯⋯⋯⋯⋯⋯⋯⋯燒粟米都係似用水煮完用火槍燒兩下就算⋯⋯⋯⋯⋯⋯⋯⋯燒韮菜 似用水煮完用火槍燒兩下就算⋯⋯⋯⋯⋯⋯⋯⋯燒雞髀菇勁呀終於似燒出黎嘅， 不過濃左⋯⋯⋯唔好食都算啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯仲要等一個鐘⋯⋯⋯⋯⋯

去天后、食串.燒下一站天后😂😂😂😂成條街好多嘢食👏👏見到有間食串燒，————————壽司刺身就麻麻地反而串燒燒得唔錯食物價錢屬於偏貴價錢食物質素不成正比例————————-帶子壽司🍣：帶子的確好大件三文魚壽司🍣：三文魚就一般般三文魚炙燒：灸燒吃來較平均花之戀：蟹籽吃落脆卜卜三文魚腩：如果厚點更好吃雞皮串：炸得脆卜卜、唔會肥溜溜雞軟骨：軟骨有咬口、食完唔會滯羊肉串：一口羊肉軟綿綿五花腩：腩肉係我嘅至愛燒秋葵：秋葵香口又健康燒粟米🌽：香燒粟米卜卜脆燒茄子🍆：茄子又香又好味京蔥串：大蔥爽口又夠甜銀杏串：銀杏越吃越香口芝士年糕🥪：年糕煙靭芝士滿炸豆腐：皮香肉滑熱辣辣燒鯖魚：鯖魚夠香夠嫩滑可樂：經典又飲枝可樂鹹檸七：檸檬酸甜又夠汽———————串燒吃完再Encore開心🥳........就係咁簡單———————-

多次天后銅鑼灣搵食，踩雷極少，第一次試，因為原本想去的地方冇位，經過順便試試，四個人埋單1560。都覺得貴而無合理，食物普通，不過不失。 但環保點餐牌⋯多多陷阱。一串安格斯牛餐牌寫HK$ 80。 環保點餐紙⋯寫一份（2串） ，原來兩串收160。一串兩片⋯食物完全唔值咁價錢。餐牌和落單紙係唔同，點餐紙唔價錢提供。問店員，覆⋯妳可以叫半份即係一串。？疑惑，咁多間串燒唔知食物需要叫半份！ 相當無語，只係同自己講一次咁多，再唔會幫襯，偷雞情況嚴重！ 搵食試食特別小心

絕對係一個訓練你eq既好地方，叫左外賣自取，食之前你先要等1個半鐘，然後價錢非常之唔平民，不過老闆都有心，你問佢等幾耐既時候，佢會講都有唔少單係前面，然後佢就會叫你先留低電話 有得拎再同你講🥲

夜晚想食宵夜所以落街經過呢一間，就諗住試吓佢。啱啱過咗夜晚12點所以唔俾糖食就外賣買走，價錢真係偏貴因為夜晚嗌左幾串就已經百幾蚊。仲要雖然外賣唔收+1但係全部外賣每一樣都加兩蚊，係每一串到加。但佢唔係每一串都用獨立盒裝，真係好唔合理。最嬲係佢問我哋要唔要啦我哋講到明話唔要，但最後佢都係超級辣。仲要我哋返到去先知，都費事打電話落去同佢講。佢每一樣嘅串燒都唔算好好食，不過值得一提嘅係佢個燒三文魚頭。價錢好抵勁大嚿，燒得好入味。不過魚油就吸得唔夠！雞軟骨唔錯，不過個味唔係太好。

1- 服務可以，餐廳內幾位姨姨頗有禮貌。2-餐廳內食物價錢偏貴，而且份量略少。例如叫「燒茄子」（個人以往的經驗）餐廳都是全條上，而這家串燒店剛是/兩串各兩小塊/。3- 調味單一，無論是什麼類型的串燒，都是以同一隻調味粉灑上食物表面（蔬果與肉類亦然），多吃感略鹹。4- 食物質素頗低，未感新鮮。5- 餐桌之間距離太近，大概只有30cm，中間亦未有任何膠片隔開食客，似乎不太合乎防疫衛生標準； 當然，這樣相聚聊天，也不能聊得暢快。

夜晚過嚟天后揾食，周圍餐廳都排哂長龍。眼見呢間未滿座，即刻同朋友入去醫飽肚。店內裝修無太講究，枱與枱之間相隔幾近，坐低之後有少少逼。侍應俾咗個餐牌同點菜紙我哋，好奇怪地點菜紙無寫價錢，要對返個餐牌先知價錢。⚠️有啲串燒係至少要叫兩串。呢點要留意！佢哋所有串燒都有得揀大、中、小辣，今次我哋叫咗唔辣，想試返食材原始嘅味道。❤️串燒sss 串燒屬於港式串燒。燒原塊雞皮並非原塊😮 燒得脆但味道偏鹹； 燒五花腩、燒雞翼同燒金菇肥牛係同用一款調味粉，啲肉唔係特別新鮮，醃得唔太入味；燒雞軟骨鹹度啱啱好，好脆口。好食度：⭐️⭐️(2/5)❤️燒粟米 $28粟米本身甜，有輕輕燒過，正常發揮。好食度：⭐️⭐️(2/5)❤️燒茄子 $28醬汁ok，燒得恰到好處。好食度：⭐️⭐️(2/5)❤️燒香蕉 $18焦糖好脆，整體好甜，唔會燒得太熟太酸。好食度：⭐️⭐️⭐️(3/5）餐廳推薦度：⭐️⭐️(2/5)屬於普通港式串燒店，水準同環境都一般，價錢偏貴，cp值唔高。不過如果凌晨一兩點肚餓，都可以過嚟填下肚，呢間營業至凌晨三點。忠告一句：記得睇價錢叫串燒，好易叫咗double份量。

天后過咗凌晨一點，基本上可以選擇嘅食店唔多，天后串燒開到凌晨三點，要食宵夜基本上都只可以選擇佢。佢嘅食物非常之多元化，有串燒、拉麵、甜品等等。論食物質素，算係不過不失，唔同嘅丸類、金菇牛肉卷、雞軟骨、牛舌串等等，基本上都係用料唔靚，但係靠燒烤技巧，同埋調味令到佢尚算不錯。甜品方面，我叫咗而家最流行嘅薑湯芋圓，同樣都係不過不失，味道唔會好淡，芋圓亦都算煙靭，但係就冇好突出嘅地方。總之冇選擇之下都絕對算係一個選擇。

⚠️食野前 唔好懶⚠️相信係好幾位寫左食評嘅食客同我嘅心聲！星期六要返工仲要OT...放工諗住一定要食好啲~撞正星期六2點幾3點繁忙時間想揸車入銅鑼灣真係好難🥴最後諗起清風街都有唔小好嘅餐廳就決定轉戰天后！點知好多餐廳唔係受疫情影響冇開就係落左場😥係附近亂行見到食串燒好吸引但居然放係餐廳門口嘅menu係食日本野天氣好熱都唔想再研究附近有咩食見menu都岩食就入左去餐廳入面裝修冇乜特別座位之間唔會太迫夾門口都有露天位可以安排比帶左寵物嘅食客坐👍🏼menu都有唔少選擇例如親子飯、滑蛋豬扒飯、牛肉飯…好多日本餐廳常見嘅菜式相反以為係主打嘅串燒Menu上冇列明價錢🤔亦唔覺係佢地重點推介嘅美食因為餐廳嘅牆都貼左好多壽司或者魚生嘅相最後點左一份三文魚腩飯上枱嘅時候內心不斷重複:依碗飯值$120~130??(唔記得確實價錢 淨係記得好貴)個樣唔似魚腩切嘅刀工唔似識切魚生…厚度各有不同食落口以為只係普通三文魚飯面有大量紫菜條略嫌放太多飯就醋味比較重午餐會送個蟹子沙律同飲品成個感覺好似係茶餐廳度食日本嘢水準非常之低🤦🏽‍♀️由於唔係附近生活唔清楚依間餐廳平日點做生意究竟老唔老實真係唔知😶或者揀熱食就唔會出事藉

今日下午試完呢間野之後，晚上心思思上黎睇食評，有一種恍然大誤既感覺，食個陣硬係覺得好多問題，但以為係自己問題，而家先知咁多人都有同樣問題我地係今日下午大概3點幾酒店check out後係付近搵食，而前一晚見到好多人食呢間所以最後就冇食另一間日式餐廳而行左黎呢間睇下，當時入面係冇客既，而老闆娘見我地望望下都即刻出黎招呼，所以就入左去啦1.Menu餐牌複雜，我同男友一心想食串燒，但點菜紙上係冇價錢的，而我個人比較懶而男朋友唔識中文，所以我望住本厚厚的餐牌全部都係字冇乜心機睇所以就直接點啦，而關於寫1其實係2串既問題老闆娘都有講既，不過我點既都係鐘意食所以照每樣2串2.食物「差燒豬骨拉面」，個湯係比較濃（重口味？），可能其他人會覺得味精重，但我同男朋友都鐘意食，佢就連湯都飲埋。「三文魚刺身」，老闆娘推薦話係一級刺身而點的，但同出面日式放題差唔多。「燒鯖魚」好食，大大條而串燒方面，上多左二串金菇肥牛卷，當時我心諗，得我地一枱客都可以落錯單？咁老闆娘就有游說我地要埋，但我麻麻地所以都冇要到。本來同男朋友係為左串燒先食，老實講，完全唔值呢個價錢我地叫左豬頸肉，羊肉，雞軟骨，安格斯牛肉，虎蝦（好似係

今日飄洋過海去港島聽講座…唸住食好D…點知中伏😩照燒牛肉飯價錢50蚊還算合理，但成碗飯非常之咁油😵食到最後覺得不能不彈，無錯! 餘下了大半碗…😞兩件吞拿魚壽司($48)…價錢唔平，但魚肉色澤差，口感好粉…唔好食😢兩件三文魚要$36…以為好大件，結果是最普通的Size...有點失望，但品質唔錯，是這餐最安慰的食物

年度大伏餐廳，2020年第一餐諗住食好啲，見個門面食日本野就入左去，點知中左個大伏😩由落單到野食到等左半個鐘，重點係我同朋友都係食魚生飯，又唔洗煮，吹左佢幾次終於到...服務員態度麻麻，聽到佢不停送錯餐比其他食客食物方面，魚生唔太新鮮，百幾蚊食個lunch完全唔值，真係不可一不可再到賣單個時，隔離枱食客收錯單...😅我同朋友都望清楚單先比錢