天仁茗茶 (青衣城2)

營業中

休息中

珍珠奶綠 大杯（$29）要咗少甜少冰，但都覺得有啲甜，下次改要半甜。綠茶茶底味夠。珍珠份量多，有少量中間似未煮透，有些少硬，但可以接受。Openrice 有 88折 現金券，以優惠價 $22 購買 $25 現金劵，即買即用，慳咗 $3。農曆新年期間，仲有揮春祝賀杯袋送。

這間鋪在青衣城已經很多年平時點台飲多數是珍珍奶茶，今次點了熱的四季烏龍鮮奶茶雖然都是鮮奶茶，台飲既奶味相對較國內既茶飲無咁重，可能是用既鮮奶脂肪比例或茶奶比例有關吧。講黎呢杯四季烏龍鮮奶茶，烏龍茶味入口好香，同茶味出，有機會可以淨叫茶。而奶就淡左一點，但都可接受。

常常想起台灣，懷緬年輕時行夜市掃街，那些年，必喝木瓜牛奶走甜，苦瓜汁走甜或苦瓜蘋果汁，初來台時必喝蕃茄汁，那種清新風味，現買現製的窩心，至今回味。這段時間香港熱暑人，36度，38度，怎能不喝冰呢？就去真正靚茶店，喝一口茶罷。天仁就是名茶，它的茶味濃是我至愛，今次選了洛神花綠茶，色澤紅潤，可愛如上妝仕女，茶味清甜香滑易入口。唔愛甜，所以走糖，更能喝出真茶味。平日能相見，多相見；能共聚，多聚首；因為明天怎樣我會並不知道……

前(24-7-2021 Sat)晚嚟屋企食完飯,就同老公去青衣城搵家品,但間嘢冇咗,咁就行吓啦,呢個場比較細,冇咩好行,老公見有天仁茗茶,佢又要買嘢飲喇. =.=”佢見有乳酪咁特別,就揀呢樣,要咩味呢?抹茶乳酪?太多抹茶了吧,士多啤梨?但貴啲,咁橙味啦,去到俾錢買,話冇晒橙味,老公就要士多啤梨味啦.好快就整好,顏色係好淺嘅粉紅,飲落,士多啤梨同乳酪嘅味道都唔太濃,質地稀,好一般.抵食係2.8分味道: 2  環境: 3  服務: 3  衛生: 5   抵食: 3    ok

真係不得不俾個差評佢😒首先真係要講一講幫我落單嗰Staff，黑面黑到🥲 真係有啲怕怕，落單叫咗四季烏龍鮮奶茶，少冰小甜，小冰都有半杯係冰，$27唔係想飲冰水呱，我絕對可以形容係難飲，不得怪我去咗Comebuy Tea，係嗰到$40買一杯都唔覺得貴，只要好飲😅 我記得以前呢間係好好飲，要等好耐，現加由買到拎得都唔洗等5分鐘都唔知應該讚定彈，因為我自己覺得材料係絕對無變，係沖嗰個人有無按照公司嗰比例去處理，希望會有人留意到重視下🥲

冰香橙乳酪綠💰 HKD $27-近日見到天仁茗茶出了新產品，順路經過的我當然買一杯試試啦﹗今次的新飲品是天仁茗茶與雀巢聯乘的乳酪特飲，以我的理解應是雀巢牌的乳酪再加以天仁茗茶一貫所沖製的茶飲而成的。如果對該新飲品有興趣的你，可以繼續留意下文～-本應想著飲品到手前，店員會先把它搖一搖，所以剛拿到飲品的我就急不及待地喝上一口，怎知就喝到一口很酸的味道。所以大家飲這個前一定要把它再搖得均勻些，不然就弄得滿口酸味。-搖勻後的酪綠的乳酪味道偏重，橙味則不是十分出眾，只有少許。口感尚算順滑，甜度合適。但喝到一半的時候，橙味會逐漸明顯起來，兩個味道慢慢達至平衡，挺神奇的感覺 Haha 😊。-簡言而之，這杯冰香橙乳酪綠的味道很一般，就是香橙綠茶再加乳酪，並沒有甚麼特別。我想我也不會再喝這杯飲料，喝天仁都是喝回日常餐單上的更好吧。-►好食指數：5/10非常普通的新產品，不會回購。-✎想看更多的請到IG @wd.smallworld

有一次到友人家中作客，碰巧她弄了台式食品，我們又買了天仁的珍珠奶茶上去。之前應該很久以前喝過一次，之後都沒有怎麼光顧天仁，因此都不太清楚其實天仁茗茶的甜度🤔或冰粒應該是半糖、小糖，半冰還是少冰應該怎麼去衡量🤔喝第一口，還不覺太甜，味道正常，但已不太富茶味珍珠，應該算是挺彈牙，咬口還不錯的。喝到最底感覺茶味更淡，冰粒雖少但融掉還是會淡化味道；珍珠份量夠多，喝完茶都還有不少在底部，彈力夠之餘也還有些甜味，味道還不錯

今日放工行返屋企個時 心思思想買杯野飲 當獎勵一下自己星期五做完成個星期野 記得青衣城落車二期有一間天仁茗茶 就決定去買一杯外賣返屋企飲 天仁茗茶最鐘意飲就係913 茶王 選無糖仲可以飲到個隻回甘的茶味 次次幫襯都係叫佢 有常溫選擇 唔駛落冰覺得對身體都好d 加左錢配珍珠 飲茶都想要d 咬口 等左唔係好耐 就有得拎 基本上無論係邊一間分店 這隻茶的水準係幾穩定應該講 都冇咩失手的空間 如果穩打穩陣 我都會建議大家叫913 系列 😛廿幾蚊買杯野飲獎勵自己CP 值都Okay

最仲意係凍冷冷既天氣飲返杯暖野暖下個身同手同男朋友食飽飽等緊夠鐘睇戲期間🐒想飲返杯暖飲 加上喉嚨唔舒服 就飲返杯袖子蜜潤下個喉嚨啦🥰酸酸甜甜開胃又潤喉 暖笠笠又暖到身同手我覺得不過不失 都值得一試既😃

6/1晚上回家前去青衣城的天仁茗茶買杯沙冰喝，當時兩位店員一位在算錢一位在製作飲品，態度很好也沒有等太久。但問題是看到製造過程有點無言，店員在打冰沙時發現最後底部的冰沙不太容易倒出來，竟直覺打開水龍頭的水稀釋倒出。先不談那個水可否飲用，但我是點綠抹茶拿鐵冰沙而不是綠抹茶清水冰沙啊⋯⋯稀釋過後的沙冰，味道很淡底部還有兩大塊冰塊

人生要數一種令人感到極後悔的事，莫過於點了一杯不好飲的珍奶，好想馬上把它倒掉，但卻又因為不想浪費而會把整杯喝掉，脂肪長了卻沒換來快樂，問自己為何當初不乾脆買一瓶蒸餾水。珍珠不夠淋，口感已經很差，而且熱飲內的珍珠是凍的😔有名的珍奶店都不會這樣做！回去問店員是不是攪錯了， 她說珍珠只有冷的叫我攪一下，點攪珍珠都不可能變熱， 凍珍珠仲會令原本熱飲變得不暖不熨，非常傷心😭唯一安慰的是Pizza Express門口有個小位置，可以坐下來把那難喝的珍奶喝完。

見到天仁茗茶做緊推廣，用匯豐信用卡茶飲或者雪糕可以買一送一，即刻同女朋友去幫襯。可能推廣優惠太吸引，平時唔洗排隊嘅店鋪竟然大排長龍。我同女朋友排咗十分鐘左右先至到收銀。女朋友想食抹茶雪糕，但店員話只係得返鐵觀音味，有啲可惜，但排咗咁耐無理由唔食嘅。雪糕嘅鐵觀音茶味都幾出，賣相都唔錯。但可能實在太多人買、turnover 太高，雪糕明顯唔夠凍，有啲水水地嘅感覺。越食就越融得快，幾分鐘後就融晒變成鐵觀音茶...根本食唔切。唉，落得如此下場，有啲失望。其實雪糕機整唔切唔夠凍，可以暫停售賣一下。品質嘅穩定都幾重要。

青衣城二期的天仁茗茶。天仁茗茶除了為人熟知的奶茶之外，還有一系列水果茶選擇。夏日炎炎想說可以試下比較清爽的水果茶。於是這次買了一杯香燈綠茶，平常都買飲品都是半糖少冰。結果香燈味道比軟淡，而綠茶的茶香差一點。可能是因為店員的冰塊放得太多，喝到最後冰塊太多融了令到整杯飲品的味道已經淡得像水。

係青衣開天仁茗茶真係青衣人的恩物👏🏻每次去睇戲前都會買杯黎飲，今次買左杯913黑糖珍珠鮮奶茶（$28）冰量可以調整，味道都唔錯，珍珠有很重黑糖味，不過珍珠口感過林，同埋見到店員用明治鮮奶製作，飲落味道都不算太甜.

✏️熱香芋鮮奶綠 ($26)比起凍嘅 我覺得熱嘅香芋奶綠香味更加濃郁😚個奶味同茶香同樣會突出啲😛最鍾意飲到一粒粒芋頭粒 不過今次呢杯比起我之前飲嘅芋頭粒份量少左 所以飲完冇之前咁滿足🤣