天仁茗茶 (V Walk)

營業中

休息中

以前買開有幾個男仔都正正常常，依家次次去都係成班女職員黑口黑面。唔會開口問你要啲咩。平時多數用外賣平台落咗單去拎，之前見佢關咗個外賣平台唔接單，以為好多人，去到一個客都冇，成班係度吹水。有次就去到拎佢話未整好，但佢整好咗又唔叫number,我就係度企到啲人都走曬主動問佢先知佢整好咗。之前都見過有其他客鬧佢地態度差。今日買珍珠鮮奶綠又比錯珍珠鮮奶茶，個茶底仲好似溝左水勁難飲。之前都試過幾次比錯野/比少咗料。

服務態度方面，有位店員細細粒好可愛，服務態度好好沖嘢飲沖得好快，唔係等咗好耐就有得飲 環境方面算幾乾淨同衛生，見到店員沖嘢飲之前會洗乾淨個榨汁機同抹乾淨個洗手盤。Overall手搖飲品嚟講呢間天芢好值得推介

連鎖品牌，先不論產品質素，店舖員工態度極差，長遠只會趕客，整體感覺整差，建議嚴格篩選員工，市場選擇唔少，暫時不會再幫襯，消費受氣之選，服務水平唔應該係大型商場出現

前晚大概9點去到店外諗住買珍珠奶茶，應該咁啱已經收鋪。個店員一開始講左句「收左舖la」。ok, 冇問題。我同我老公只係企左喺度咩都冇講研究下個menu有咩茶，過左5秒個店員再一次好冇禮貌好大聲講「收左舖la!!!!」係咪睇下menu 都唔得？其實如果佢覺得我地聽唔到佢話收左舖以為我地仲想order, 可以客氣少少加多句唔好意思…. 咁既服務態度真係以後都唔想再幫襯！而家大把選擇，絕對唔洗揀天仁！😡

Weekend前見到有post話星期五至日有買一送一，係某信用卡嘅優惠，當然enjoy呢個著數優惠啦！唔想飲奶所以揀咗個比較清新嘅選擇—百香鮮橙綠茶，本身天仁都有鮮橙綠茶飲過都唔錯，幾天然味道唔假。今次新推出百香味鮮橙綠茶就要試試啦！凍飲冰涼感覺夏天飲好清爽，入面仲有好多百香果籽，食得出係新鮮果籽，口感唔錯！$34買一送一更係抵飲。有優惠都預咗等候時間會比較長，等左幾個字後見到號碼較後嘅客人向店員催單，而店員亦應佢要求先做咗佢地嘅單先，對前面嘅客人係唔公平。希望店員面對呢個情況都係順返號碼去整飲品會較好。

平時都會幫襯開，覺得天仁啲珍珠真係幾好，不過今次真係太失望，叫咗珍珠奶綠竟然冇珍珠，當時又唔係多人，兩個職員做都可以錯，咁既失誤真係好唔應該⋯以後都唔會幫襯啦😪

基本上每次都係叫黑鑽鮮奶茶, 因為其他大部分飲品都係用奶粉精沖嘅，淨係寫明鮮奶茶嗰啲先至可以係真正鮮奶沖， 仲要應該係用明治鮮奶沖。黑鑽鮮奶茶裏面仙草同奶茶夾嘅，唔鍾意飲珍珠嘅人，係另一個好嘅選擇依家新出咗個福圓薑茶同埋福圓薑奶, 之前飲過福圓薑茶淨係得熱飲真係好薑好飲。福圓薑奶其實係好飲嘅，但係又係用奶粉精沖，問佢可唔可以加錢轉鮮奶係唔可以嘅。覺得如果呢個福圓薑奶係真係可以用鮮奶沖嘅話應該係會好飲好多, 因為奶粉精同鮮奶個奶味真係爭好遠

一直以來，或者咁講，過去五年，我都係佢哋嘅忠實粉絲，但隨着時間餐牌沒有新產品，服務又唔見得好，依家仲要賣埋口罩真係對佢哋越嚟越失望。就好似今次咁，佢哋嘅橙茶我不嬲都好鍾意，因為佢哋應該係用新鮮橙汁嚟整，由於天氣轉凍，咁橙茶當然沒有熱飲，咁我唯有叫走冰，我知走冰對於一間茶飲店來說是比較麻煩，但唔知係咪唔記得咗，首先冇走到冰，而且我叫了少甜，根本就係冇少甜。我知天仁係香港最多分店嘅茶飲店，但老實說，不進則退，其他後起之秀我相信未來一兩年唔排除取替天仁。當然我唔係話唔再飲佢，佢哋嘅珍珠都係我鍾意嘅珍珠，水果類嘅茶都非常好飲，只係我想佢做好啲

放工路過vwalk商場，見到有間天仁 當時仲要係冇人排隊。成日都飲奶茶，今日就試下桂花味加珍珠先😋味道選擇正常冇少甜冇少冰，味道比想像中冇咁甜， 有好濃郁桂花清香味👍珍珠彈牙冇失水準

幾年前舊公司附近有天仁，真係喪飲呀，最愛就係香芋奶綠，食lunch食到勁飽都會同同事share每人半杯。呢排叫外賣叫上癮，今日回味吓香芋奶綠先，而家有分鮮奶同普通奶精兩款，見好多人話鮮奶好味啲，咁就飲貴少少 - 香芋鮮奶綠啦，其實都好飲嘅，同以前差不多，但係feel唔到鮮...奶味，唯有相信比多幾蚊應該健康咗嘅。要叫兩杯先免運費，見咁多人推介913奶茶好出色、好有茶味，就叫杯比要求高嘅老公，順便試飲吓呢個913有幾特別，結果....係冇茶味喎，呢一杯好令人失望，未至於難飲嘅，奶茶有奶味囉。

農曆年假去咗新開嘅商場v walk 行街，行到口渴就梗係天仁茗茶嗰度叫咗一杯野飲平時都飲開奶茶類嘅，但係今日食完野之後有啲飽，唔想飲奶類製品，或者一陣決定嗌左杯香橙綠茶飲<香橙綠茶$23>香橙綠茶隻色同橙汁一樣，飲落味道好Fresh，好似飲緊新奇士橙汁咁，仲可以飲到橙汁嘅粒粒綠茶嘅味道唔算好重，可以飲到美味嘅地道綠茶味🍵總括而言杯野其實比較似橙汁多啲飲完之後都覺得好清新，成個人健康晒都算係一杯幾好飲嘅台式飲品

無論咩天氣 去到邊都要飲天仁茗茶 凍飲熱飲一樣好味 呢日經過見到呢間天仁竟然少啲人排隊 就入去買返杯嘢飲裏面間隔都算寬倘 櫃嗰邊就可以買啲茶自己返屋企沖黎飲 （唔係間間都有㗎 我之前喺金鐘海富中心嗰間就無 不過大部分都有嘅 所以如果大家想飲茶之餘都想買番啲茶返去嘆茶呢就要留意啦）除咗有得買茶葉 隔離仲有條長枱可以俾人企喺度嘆下冷氣飲嘢 913奶茶 $22 個杯同其他天仁唔同 好有特色 上面有個霓虹燈牌寫住香港 仲有架香港登山纜車添 杯913奶茶同其他分店嘅奶茶都一樣 茶味濃奶夠香滑 好爽 913係我喺天仁嘅最愛 ♥️

一向都是天仁的忠粉，深水埗深旺道Walk地下有間天仁，經過深水埗時忍不住買返杯解下癮。今次飲左珍珠鮮奶茶。點解咁鍾意天仁係因為它保持到水準，它的茶底真是無其他能及。鍾意它淡淡的茶香，但沒有苦澀的味道，再加埋它甜甜香香，煙煙靱靱的珍珠，和鮮香的牛奶，入口好有層次感。每次飲完都覺得解渴，和有Refresh的感覺。呢度附近我成日都會經過，依家開左天仁係呢度附近，我就可以成日久唔久去買返杯嘆下喇！真係好呀！

平時去天仁茗茶多數係去飲珍珠奶茶或者冬瓜茶，估唔到宜家越來越多野食。行過新商場，發現天仁茗茶有很多新奇的零食，又買黎試下。奇脆杯 $30 一杯，係鐵觀音雪糕黎，茶味香濃，上面有少少脆脆，味道幾好，食完有仲想再食的感覺。綠茶芥未花生感覺好有趣，既有綠茶的茶味，又有wasabi 既辣味，花生又香脆，加埋好得意，無唸過咁夾。黑糖珍珠奶茶味爆米花見到就買了，因為女女好中意黑糖珍珠奶茶，又好中意爆谷，2樣加埋，真係愛不釋手。奶茶味濃，爆谷又夠卜卜脆，一家三口爭住食。

香港的夏天愈來愈熱，所以每次行街都一定會飲珍珠奶茶解解渴，而宜家街上的珍珠奶茶店更加愈開愈多，但發現自己最愛喝的，還是天仁茗茶剛好今日同朋友逛到深水埗V Walk，就發現了一間新開的天仁茗茶，於是二話不說就買了我最愛的鐵觀音奶茶($28)。我喜愛天仁的原因就是它的茶味特別香濃，而且味道不會太甜，因為市面大部分的茶都落了很多糖，導致甜味蓋過了本身的茶味。另外，看到天仁還出了爆米花，於是我亦買了一包黑糖珍珠奶茶味的爆米花，味道非常特別，香脆可口，而且份量亦不少，相信我一班同樣愛珍珠奶茶的同事一定愛吃，於是另外買多了一包呢！