天丼

營業中

休息中

紅磡舊區的那邊一向餐廳眾多，原來開了一間主打天婦羅的日式餐廳，上網查一下見到在不同地區都有分店。餐牌上一般可以選擇跟配烏冬的天婦羅，或者我選擇的其中一款天婦羅丼飯上天丼($72)。丼飯類會跟配一碗味噌湯，但這碗湯沒有甚麼材料味道又很鹹，日式餐廳來說表現參差。天婦羅包括有蝦、蟹柳、豆角、蓮藕和茄子，碗大但白飯少於半碗，份量不算多。不過，想不到樣子平平無奇的天婦羅卻有點驚喜。每一件天婦羅的炸衣都是香脆薄薄的，不會死實厚身，吃起來不會感到很有負擔，炸漿是做得不錯的；天婦羅裡面的材料都不錯，用上的質素以及拿去油炸的時間都是控制得剛好，最後放上白飯面上菜亦不會很油。本身見到白飯的份量比較少還以為食完會覺得剛剛好，但始終是油炸，天婦羅會比較膩，所以吃完一碗丼飯感覺有點撐，因此份量是足夠的。計上加一服務費後這頓午餐大概$80，以地區來說不算是便宜的午餐，但若這個價錢食到有質素的日式天婦羅我覺得是值得的，因香港很多餐廳以便宜或者同樣的價錢也未必做到這個質素，而天丼的天婦羅是有點驚喜的

It was no surprise that the summer in Hong Kong is extremely ho, so what’s better to have a cold noodle! There has been a lot of Tempura Tendon Tenya brunches popping out lately, but I never had the chance to taste it. They are often crowded with a huge line outside, and it’s definitely not a great temperature to queue outdoor.The one located at Hung Hom has a fair amount of wait time, so I recently had the pleasure of trying the Tempura Tendon Tenya and overall to my surprise, it was not bad at

餐廳嘅menu雖然選擇唔多，但係勝在容易保持食物嘅水準！天婦羅蕎麥麵(醬油湯)天婦羅外層鬆脆，裡面鎖住水分，食落一啲都唔油膩。最欣賞天婦羅蝦，size大隻而且蝦肉爽口。蕎麥麵配醬油湯，感覺好健康🤣 麵質柔韌，湯底清得黎富醬油香。

睇食評，見到話經常要排隊，一直都未有來光顧。今個月，兩次平日午餐來碰碰運氣，發現都坐唔滿，無咩人，可能食物價位較高，熱潮一過，試過食過，就無咁多人了！我兩次都係食「天婦羅湯烏冬」，情有獨鍾。烏冬質素很高，第一次係醬油湯，真係好好味，令人難忘！天婦羅蝦、蟹柳、豆、蓮藕、茄子，不會太油，軟硬適中。今次試吓豚骨白湯，感覺遜色一點！與烏冬唔係好夾，個人口味，都係醬油湯同烏冬夾一啲。份量適中，令人滿足的午餐！

經過見到排曬隊，望下原來食天婦羅🍤店鋪裝修好日式，思鄉情意結出曬黎，於是排下試試😂當時排第5左右，結果10分鐘唔洗已經安排入座👍🏼見到menu唔止有丼飯，仲有蕎麥麵😍即刻order佐兩個青森季節限定😉落完單店員突然走埋黎話因為order兩個季節限定套餐，有一次抽獎🤣抱住玩下嘅心態都抽中一包蒜味仙貝🍘未食嘢已經有禮物。等佐大概10分鐘主角到啦，雖然人多，但店員熱情，上菜速度都快。炸物分別有海老、墨魚餅、帶子、紫菜、菇、仲有個幾特別嘅洋蔥硯肉餅唔會太油膩，店員亦會提醒帶子需要食先，以防入面爆汁令到外面唔夠酥脆最後兩個人埋單都只係$200尾，唔洗三百，抵食又解到相思苦

穴子海老天丼🦐🍱好開心喺紅磡都可以食到天丼，lunch time去到都多人㗎，不過好彩咁啱有位，今次試咗穴子海老天丼，見到滿滿嘅天婦羅蓋滿晒成個飯真係好興奮，天婦羅即叫即炸，又香脆又乾身唔會油淋淋，味道雖然比較清淡，所以一定要落餐廳提供嘅靈魂醬油汁，配埋白飯就真係超夾，比起普通醬油較甜，仲有鰹魚味添，連唔鍾意食飯嘅，都食晒成碗飯😋天丼#天天飲食_紅磡 #天天foodies評分：8/10

高級職員指著原來是不收現金, 沒有看清楚.炸物很新鮮很好吃, 只嫌淋身一點不夠脆.叫了一個最便宜的飯, 上天丼... 飯很少, 少得可憐, 飯就像配菜一樣的少...服務員很有禮貌的來點菜及送餐.怕要等所以6時趕著去, 幸好還有一些位置. 但感覺很迫很不舒服.飯跟湯, 炸物有2只黑虎蝦, 茄子, 蟹柳, 四季豆及蓮藕. 炸物就真的很豐富, $66加一不過, 和想像中有一些距離...大家也可以試試, 給與一些意見.

行過想食幾次，老公同個仔做先頭部隊，食完大讚，再帶我去食盛宴の選，好似係限定，新鮮熱到，非常好味，仲教我地點食先好味，其中入面個鯛魚，連老公不喜歡食魚都話正巨星天丼，我為咗粒帆立先叫佢，無失望！好有鮮味阿仔要食烏冬，熱辣辣，湯底正甜品時間，抵到你唔信豆腐雪糕，有2粒番薯天婦羅抹茶布甸，濃濃的抹茶味，加紅豆，perfect match和麻薯，阿係最鐘意，又食得又玩得最後係菠蘿天婦羅雪糕，如果係新鮮菠蘿，應該更正，不過無影相

Had lunch here today and there were quite a number of lunch set options.I ordered the one with 3 prawns but they served me the one with 2 prawns.... glad that the server ratified the issue right away which I appreciated. Taste wise was just OK, the tempura was a bit oily and not crispy enough.The not so good part was that dining time was 45 minutes, but they emphasized that food preparation time takes 25 minutes, so we only had 20 minutes to finish the meal and the server rushed us to leave

第一次食天婦羅，個味道可以咁清淡，食食材的原味道😅乜都想試，就叫咗個巨星天丼$82有蝦、菇、魷魚、蟹柳、凡立貝、四季豆、紫菜。通常食天婦羅都會食到啲咸味提升個鮮味，但這間的天婦羅，食每件都覺得淡🙃個麵豉湯反而幾好味，因為唔似一般的咸。食完呢餐食，只有一個深刻印象，淡😝介紹完畢🥹

同朋友近近地嚟紅磡搵嘢食，見到天丼Tenya立即想食即叫即做的tempura! 餐廳午市時間都多人，排隊排咗20分鐘，但諗到新鮮熱辣嘅天婦羅，配上冷麵感覺好清新，就算要排一陣隊都在所不辭！我哋三個人除咗天婦羅之外，另外叫咗一個鰻魚飯！非常美味！最愛最愛都係天婦羅八爪魚，大大條啖啖肉。店員幫我哋剪開一段段，鮮味彈牙好好味！本來想叫多一份，因為實在太好味，但因為都好飽所以下次啦！- 天婦羅蕎麥麵（湯）- 天婦羅蕎麥麵（冷麵）- 鰻魚盛盒丼- 八爪魚天婦羅

一次好失望的午飯之前聽朋友介紹話呢間天婦羅好食，於是星期六經過紅磡就打算入去試下，午飯時間人多要排隊係好正常，但由入餐廳開始，個個店員都無好面色。因為第一次食，唔知可以電話scan code落單，入餐廳時店員亦無提醒，舉左手幾次都無人理，最後要出聲搵人，店員就聲氣好差咁講，有得電話落單，你地要人手落單呀？我以為得罪左你地，已經成肚氣。到食完去賣單，我比現金，之後個女收銀，串到爆咁話我地唔收現金wo，淨係電子支付，好啦咁咪比電子支付，仲要串多句話，你後面貼左提示架wo，串過馬頭咕喱。我覺得好差，你係咪應該貼係收銀後面比客人睇，而唔係貼係門口，個客比錢係睇唔到架，你比自己睇架？！另外有無考慮過老人家唔識電子支付架但公平講句，食物水準係ok嘅，對得住個價錢，但要受氣，我唔會再食第二次，如果你唔介意的話，推薦去食。

好好食😋好多款可以揀 今次食巨星 人氣之選 裹面有黑虎蝦 帆立貝魷魚蟹柳紫菜 菇 四季豆 好好食 老公就試左華味鳥 裏面有雞肉雞寶四季豆蓮藕溫泉蛋 雞肉老公話吾錯吾會好老 店內服務態度好好😀

星期三既一人晚餐, 都要排隊等幾枱, 但好快等兩三個字就入得。叫左天婦羅蕎麦麺定食(冷)。非常好食! 麺煮得啱啱好, 有過足冷河, 彈牙仲涼涼地。有45分鐘用餐限制, 但都足夠時間食既。天婦羅係即整 (上枱仲熱既, 又爽脆!), 要少少時間等出菜。店員仲會提你天婦羅要趁熱食呀, 灑塩會好食啲呀...服務幾好。

專程來食佢既天婦羅開店前12點已經排定隊入非常期待原本以為滑蛋係好似親子丼既炒滑蛋 舖係飯面頭但原來得一隻雞蛋係上面見落單無落錯 唔知係咪上錯左飯不過都唔差 隻蛋係流心既話就更好好大份天婦羅炸起好新鮮 又脆口但可惜無天婦羅汁點問左店員話要另外加錢飯可以加佢既秘制鰹魚醬油加左係重味啲啲既~烏冬都好彈牙唔立有天婦羅汁之外仲有薑同白蘿蔔溝埋一齊好夾欣賞佢個醬油湯底 好濃味天婦羅浸入湯食都好入味有機會想試另外一個湯底