天丼

營業中

休息中

主要想介紹返兒童餐。紅日假期黎到餐廳11:30 剛開門人流唔多，行哂成個yoho 望下d 有兒童餐既餐廳之後決定黎到天丼。$68 有飯/烏冬，天婦羅，茶碗蒸都好相宜。仲要有芒果西米底+芒果雪糕做甜品（雖然我冇俾小朋友食）。天婦羅味道同質素同大人既一樣，小朋友都食得好滋味。見到同場都有兩三枱小朋友食客，見到隔籬枱小朋友唔食蝦，餐廳亦都可以幫佢轉埋做天婦羅蟹棒。 茶碗蒸嘅雞蛋都好滑，熱辣辣。鰹魚湯烏冬，可能對於我嘅小朋友就太重味，未食得慣。下次再去會叫白飯。甜品我地大人幫佢食左，西米唔算多，但味道可以。大人就食左一個期間限定同埋一個天丼（鰻魚）食到中段都開始要排隊，餐廳都坐滿哂。野食新鮮，但始終天婦羅多食都會有油膩感。不過，對兒童餐滿意，唔係其他餐廳咁食薯條，火腿，腸仔等垃圾食物，又有bb 凳，應該都會再訪。

有一日等睇戲，唯有喺附近食晚餐經過見到YOHO有天婦羅丼或麵食跟住就入咗去坐低點餐我order咗一個巨星天丼入面有黑虎蝦、帆立貝、魷魚、蟹柳、紫菜、菇、四季豆食材，因為本身自己好鍾意食蝦同帆立貝。我覺得佢哋嘅醬汁同天婦羅好夾，餐廳亦都提供辣味粉、鹽🧂共調味之用另外個餐就包咗一個麵豉湯。整體嚟講都尚算好食，店員亦都會自動幫客人添茶

喺商場行街求其搵嘢食，天氣好熱特別想食啲開胃啲嘅嘢食，冷烏冬冷蕎麥麵就最好不過。見到做推廣有青檸柚香冷素面，感覺好Fresh好開胃😳 整體烏冬、蕎麥麵，同埋面汁都係好食，蕎麥麵略嫌林身，青檸柚香汁清新，柚香味唔算太濃。天婦羅炸粉份係薄身嘅，所以唔會食到好滯，亦都唔油膩，唔錯。份量都係大份的啱啱先咁入嚟，OpenRice見到負評都幾多，但係自己試過喺冇先入為主嘅感覺下，整體都唔錯，店員嘅服務亦都好Nice，期間唔小心倒瀉咗水，請求佢哋幫手，佢哋都好有善即刻處理。有機會會再幫襯！

假期下午去食，去到得兩枱客，商場入面好多人但係鋪頭裡面員工仲多過客人。坐低後發現餐牌唔同左唔岩食已經即刻想走。以前定食每款$80-$90都有跟2隻蝦，新菜單得番1隻仲要$100up完全唔夠食！由於唔鐘意食蔬菜，我淨係會叫定食或淺草海老丼。今次去到兩個餐都無埋，散叫又貴成$26一隻蝦！半年前蝦都只係$19一隻。總結：野係好食不過食唔飽，建議改番舊菜單或自選天婦羅定食會更吸引新客及留住舊客種種原因我已經勸退左身邊朋友。

唔知做乜安排左個位係熱加少焗，咁啱又有太陽曬，嗌左個茶碗蒸就合格，天丼就中規中矩，材料靚，米飯好食，唯一就係越食越熱，跟住又焗，窗邊位有太陽曬住，一路食一路有少少辛苦😓，飲左三杯茶（熱🔥），張櫈又唔 好坐….. 價錢還好，侍應都有禮貌～但冷氣既問題要改善🤦🏻‍♀️

非常同意之前兩個post。最近去改了menu, 套餐選擇少了，大不如前，份量少，以前有兩隻炸蝦現在變了一隻，又或者沒有蝦，要加單點，platter 只有5種選擇，飯更少，只有3種，例如食野菜盛合，要單點加蝦，失望！質素方面同以前差不多，但油不及以前新鮮，有些少油益味。服務方面ok。用餐時也聽到其他顅客有類似意見，如果不改善，排隊條龍以後將會日漸消失。總括來說，已沒有以前的滿足感，如果要付現在的價錢而只有這餐牌，以後會減少光顧什至不會再去。

一向喺YOHO食開呢間，不嬲都覺得呢間做得好好，食物keep到水準，價錢又合理。但今日去食，發現佢加咗價， Menu唔同咗，嗌咗個蝦汁烏冬套餐，要$168但係嚟到真係好失望。炸物份量少，得嗰三舊嘢，然之後一陣油溢味，以前食開嗰個套餐平靚正，有兩隻蝦，依家都冇得返一隻。重點係食完今次呢個餐唔飽，以前嗰餐會食得好飽。然後未食完就被趕住埋單，以前都唔係咁。好失望，以前最鍾意YOHO嘅餐廳就係呢間，依家個質素真係唔同晒。

呢間舖頭以前日日排長龍係因為食物價錢合理。但係最近加咗價，一個天婦羅烏冬餐最少要$108，以前有兩隻天婦羅蝦，而家得返一隻。D天婦羅仲一陣油益未。佢本來攞走咗嗰隻蝦，用天婦羅chicken nugget. (我真係未食過chicken nugget 天婦羅。除此之外，每枱限時45分鐘。夠鐘就真係會趕人走。收人舊幾水，茶記服務。好離譜。

次次都見好多人排隊，難得唔駛等位，終於有機會試下。 如果以炸物專門店黎講，呢間價位算經濟。一坐低，店員會俾杯麥茶你，茶係免費而且店員會主動幫你加茶。我哋叫左‘魚喜’天丼同華味鳥天丼加一份番薯天婦羅。食飯會有麵豉湯跟上。碗飯看似好多餸但主菜其實得兩舊，其他都係炸配菜，不過佢啲配菜都係高質的。炸物中其中一塊雞肉係最驚喜，有鮮味，好彈牙好似食緊魷魚咁，其他炸物其實都正正常常，唔係特別好食，當然佢個炸粉係唔錯，但係冇覺得超好食嘅感覺。另外，炸番薯有點失望，因為番薯唔甜，佢選用咗橙色品種嘅番薯，呢隻係難啲好食。總括而言，呢間炸物店普普通通，以呢個價錢都ok嘅，下次有機會可能試吓啲蕎麥麵同烏冬。

餐廳主打天婦羅，每次夜晚去都好多人係到排緊隊，搞到我都心郁郁想去食一次！早兩日見到門口冇乜人排隊就心諗機會黎啦！就去試下佢先！餐牌選擇唔係話好多，不過都有得揀下，我就揀左穴子海老天丼$89，有黑虎蝦、穴子、蟹柳、紫菜、本菇、茄子同四季豆，都幾多！睇落去超豐富！炸得超唔錯，外皮炸得金黃酥脆，好有咬口！而且食落去十分清爽，一啲都唔覺得油膩，配埋天婦羅汁更加美味！份量都好多一個成年男人都會食得飽，價錢黎講我覺得係有少少貴，不過都可接受。

聞說這間是在日本🇯🇵天婦羅Tempura 🍤 No.1 的食店，之前一直想試，試到搬埋舖先嚟試吓，好彩都係同一個商場🏬。 之後一直排長龍，仲要用膳時間係45分鐘🛎️😱是晚晏少少去，排咗5分鐘左右就有位🤗。 座位非常迫，坐到好密質質咁。天婦羅蕎麥麵（冷麵）～ 人氣之選，我當然要叫呢個，天婦羅有2隻蝦🍤🍤，1件蟹柳，茄子🍆，蓮藕及豆角🫛🫛。 炸粉非常薄，賣相靚，唔會覺得油膩👍🏻。 蕎麥麵就配醬油，份量還可以😌，蔥同Wasabi就另上，幾細心👍🏻佢佢鰻魚丼就配中華沙律及麵豉湯，中華沙律🥗就唔係平日食開嗰類，不知是否售罄，比咗啲不大好食嘅沙律🤣。

其實Yoho 好多食肆選擇，但係呢間都係幾新咁又唔係太多人排隊就試吓，食物係好味的，我個湯麥麵上面放咗幾條柚子絲，令到成碗面好清新好特別，價錢合理，招呼唔錯，侍應會不停加水唔使叫，另外見到有個大肚媽媽用膳後起身準備離座，有位侍應好細心拉開張凳等佢可以慢慢離坐，又用手擋住其他凳怕撞到個位大肚媽媽好貼心。

今日嚟咗元朗呢間過江龍連鎖天婦羅專門店-天丼Tenya天婦羅蕎專麵定食 ($88)夏日天時，涼浸浸嘅蕎麥麵，加上冷麵汁同wasabi，消暑一流。主菜嘅天婦羅就正正常常，除咗蝦天婦羅嘅炸皮比較厚之外，蓮藕、蟹柳等等嘅天婦羅都唔錯。整體嚟講份量足夠，正常發揮。

經過yoho見到呢間主打炸蝦天婦羅店, 夏日炎炎, 唔想食熱野, 唔算太多人, 又唔洗等位, 價錢就唔算貴, 所以入去一試😛😛巨星天丼上菜速度都幾快, 巨星天丼有炸蝦、帆立貝、本菇、魷魚、蟹柳、四季豆同埋紫菜。炸蝦爽口彈牙, 帆立貝同魷魚都好鮮甜, 完全冇雪味, 粉槳好脆, 沒有掩蓋蝦嘅鮮味, 粗身蟹柳咬落好有口感, 本菇夠Juicy加埋四季豆減少油膩感, 點埋天婦羅醬汁非常配合😋珍珠米夠軟熟, 粒粒分明, 呢個價錢絕對超值👍👍👍

一到夏天就會好頻繁咁想食呢間日式冷烏冬，每次去都仲有或長或短既人龍，但都無阻我要食既慾望😆主食當然係天婦羅，配搭方面可以凍食可以熱食，有飯，烏冬，素麵，喬麥麵，冷麵或熱湯麵都可以食到。 每次都食冷烏冬，真係好彈牙好有口感，一試難忘，好專一冇食過其他😆 個冷面汁甜咸度適中，加d wasabi同小蔥花再夾埋烏冬食，真係消暑好開胃。天婦羅唔需多講，一定係必食，碟碟新鮮炸出黎，炸粉唔會太多，有蝦兩隻，有四季豆x2，蟹柳x1，茄子x1， 蓮藕x1，相當豐富。餐廳裝潢小清新風，尚算寬敞，乾淨企理。價錢個人黎講都尚可接受，但好似愈來愈貴，仲要加一，唔好持續加價就好了🥰