天下茶屋 (奇妙坊)

營業中

休息中

今日經過這間餐廳，見食物賣相精美，就入去試一試，人流都多，但等位不算等太久就可以入座。這店不收加一，不過大家要留意，這間店只收現金，內進前要留意一下呀我們點了溫泉蛋生薑豚肉丼，蒲燒鰻魚帆立貝溫泉蛋丼，菠蘿蘋果寒天乳酸和香桃小丸綠茶。菠蘿蘋果寒天乳酸和香桃小丸綠茶的賣相雖然不算特別，但味道清新，配上丼可以令食慾大增。菠蘿蘋果寒天乳酸內有椰果，增加口感。香桃小丸綠茶的小丸也不錯，細細的不會塞住飲管，方便飲用。溫泉蛋生薑豚肉丼的肉份量都算多，配上適量的木魚和紫菜，還有半熟溫泉蛋，味道和份量剛好，如果薑味再重啲就更好味。😋蒲燒鰻魚帆立貝溫泉蛋丼也非常好味足料野味。我們等餐的時間不需等很久便可以進食，整體感覺不錯，下次再來試食其他主餐先。

黃埔出咗名係美食天堂 有好多餐廳 有好多唔同嘅選擇但如果要介紹 都會介紹呢間日式餐廳🙈餐廳最主要食咖喱飯 烏冬 同埋丼飯而今次就食咗咖喱飯 同烏冬 仲叫咗兩杯嘢飲係咖喱豬軟骨蛋包飯 滑蛋要另外加$14呢個飯都值得推介 因為佢個蛋 好滑好香☺️而啲豬軟骨 煮到好林 細細力就可以咬到😋另外咖喱可以揀辣或者唔辣 今次揀咗個辣嘅 但都係第一啖辣辣地 之後習慣咗就唔辣🙆🏻‍♀️另外就係帆立貝烏冬 湯底揀咗櫻花蝦忌廉薯蓉🙈呢個超級值得推介 真係好食 😋啲湯好濃郁 成碗面同湯都會食晒 同飲曬☺️烏冬好彈牙 質感好好🙆🏻‍♀️最後叫咗兩杯嘢飲 🍸兩杯都係抹茶一杯係抹茶豆腐 本身苦苦地嘅抹茶 加甜甜地嘅豆腐花 係絕配 好好味 值得一試🙈另外一杯係小丸子抹茶 呢杯就普通啲 但都可以試吓😛餐廳入邊嘅環境都算整齊乾淨店員嘅態度都相當之好 好有禮貌🙈

每次路過【天下茶屋】都客滿，這次晚上9點才路過，總算有一兩桌沒人，不用排隊，馬上進去。店內主要提供日式烏冬和日式咖哩。菜單選擇豐富，花多眼亂，大部分菜色都合胃口，一輪糾結後，點了【咖哩牛肉飯】和【炸雞烏冬】，用5分鐘糾結輪迴到初心。日式咖哩真的是王道，香濃帶甜、亦不會很辣，配上牛肉，是我這種不受辣的人最佳選擇……但看到旁邊桌咖哩配上了炸豬扒，高下立見，我後悔了。炸雞烏冬可以選忌廉湯，但我最終選了基本的烏冬湯，應該就是醬油湯。烏冬彈牙有咬勁，好吃滿意。炸雞香口，四件的份量，吃完其實也滿飽的。後來加配一杯香桃小丸子綠茶，沒什麼驚喜，也忘了沒拍照。這家店烏冬和咖哩都有一定水準，就怕款式太多，對有選擇障礙戶是個困難。

去咗黃埔試天下茶具居一入到去收銀員望都無望，好努力數錢，直到我哋問佢係咪隨便坐，佢先安排我們就坐。環境係舒服嘅，地鐵站出嚟行50步就到。枱與枱中間都有少少空隙，唔會太擠擁點咗一個炸豬扒咖喱湯烏冬，一個焗飯烏冬- 係讚岐烏冬，彈牙炸豬扒- 炸得偏乾，雖然都幾大塊咖喱湯- 有見到咖喱嘅色，不過冇乜咖喱味。應該係加得太多水，太稀。焗飯- 比茶餐廳的好少少，不過冇咩特色要成$70幾蚊性價比都算貴兩個人叫咗一個麵，一個飯。要成$150落樓，食物質素普通，服務態度有待改善。應該唔會再有下次

兩星期一日嘅cheat day當然要食好啲，黃埔呢間日式餐廳好似幾抵，又好掛住炸雞嘅味道，所以決定食佢嘅門司巷燒咖喱唐揚雞球飯($56)😍朋友叫咗咖喱牛肉飯($53)，午餐跟一杯熱飲，所以有柚子綠茶同加$2嘅蘋果乳酸🍎唔好睇佢細細個碗咁，其實好大份好多飯，一般女士可能食唔曬，但我呢啲大食怪當然無問題🤪表面鋪滿拉絲芝士，無諗過仲有隻震騰騰嘅溫泉蛋，拮開蛋黃睇住啲蛋汁流出嚟，吸引力同賣相都100分🤩芝士啱啱好配曬成碗飯，唔會太膩，但朋友同我都覺得食唔出燒過嘅焦香味，芝士味都冇乜，主要食個口感🥲溫泉蛋超滑無得頂🥰咖喱可以揀甘口或者辛口，甘口真係完全唔辣，但整體咖喱味唔濃，聞落都冇話好香，可能叫辛口會好啲🤔幾鍾意佢有唔少洋蔥、蘿蔔同薯仔粒，唔會得汁咁齋👍🏻可惜啲飯太濕，唔知係咪落得太多水煮，無辦法粒粒分明，加埋咖喱更加係黏住曬😗相信餐廳係即叫即炸，因為等咗好一段時間先有得食🤣雞球大大舊熱辣辣，雞肉嫩滑多汁，外皮同肉之間嘅肥膏唔會太厚又唔會完全無，係中上水平嘅唐揚雞球😚不過對比某啲餐廳佢嘅外皮唔係好脆，但起碼唔會無啦啦有層好厚嘅粉😉牛肉係正常肥牛，份量啱啱好鋪滿飯面，無咩太特別👌🏻朋友話蘋果乳酸

Nice option for casual lunch, setting is bright and comfy not cramped seating.Has a selection of japanese curry rice, udon and sashimi rice sets on offer. A ll sets include a hot drink, $2 extra for cold drink. Looking around seems the curry is popular amongst customers.We ordered :Vegetable hash brown cutlet rice.Can have the curry mild or spicy in flavour, went for spicy but wasnt that spicy hot at all.This is served with 2 pieces of 'hash brown' but its really more the japanese potato cakes s

因為服務店員用極其差劣的態度回應客人有關店舖地址的查詢，完全沒有心協助客人，絕不會再光顧，也奉勸大家不要去幫襯紅磡分店以前去過深水埗的分店，服務態度好得多，不明白為何紅磡分店就會這樣令人非常極之憤怒 今時今日咁既服務態度就算食物幾好都唔會想食希望該店員能好好反省自己的服務態度因此我不能不給予劣評完

招牌標榜日式咖哩，湯烏冬及喫茶，第一次食就先試左燒咖哩，燒咖哩芝士牛油烤雞飯 $63所謂燒咖哩其實睇英文餐牌就明，Baked Curry即係焗咖哩啦。個焗飯賣相都幾吸引，滿滿的芝士焗至微燶，旁邊一隻半熟溫泉蛋。芝士下係厚切雞扒，好大塊，夠嫩夠juicy！日式咖哩汁撈飯好正，不過我選了激辛但食落完全唔辣。上枱時望落唔算大碟，但最後我食唔晒啲飯，實在太邪惡，好味不過有點膩。之後再幫襯就試左湯烏冬，唐揚雞球湯烏冬 $64 / 吉列豬扒湯烏冬 $68，湯底選了櫻花蝦明太子薯蓉忌廉湯及黑松露薯蓉忌廉湯。先講湯底，櫻花蝦賣相唔錯，黑松露味道香濃，飲落嗒得出薯蓉味，但湯底唔算creamy，唔會好杰，我係差唔多飲晒成碗湯（邪惡...）本身烏冬湯裡有荷蘭豆，蘿蔔，魚片，隻碗細但烏冬份量亦唔少，差唔多裝滿。唐揚雞及吉列豬扒都幾好，炸粉唔厚，豬扒更是大塊兼肉厚，咬落唔會好乾。.平日午市跟餐配飲品，凍飲加$2，蘋果乳酸正正常常，如果飲其他特飲就二三十蚊杯，跟餐減$8。呢個價錢在紅磡區食個晏算偏貴，黃埔區則屬中等。但論食物質素及份量都算中上，但無論湯烏冬或燒咖哩都好邪惡，我唔可以成日食...

-蒲燒鰻魚凡立貝丼 $72生薑豬肉丼 $65右邊豬軟骨丼 $68香桃小丸子綠茶 $17小丸子牛乳抺茶 $20抺茶豆腐飲 $20三味玉子燒$36飯就好普通，至於飲品好淡味抺茶牛乳是綠茶味多過抺茶口味都沒有香的奶味玉子燒話有三個味，黑松露明太子芝士，以為入面有這些餡料，只是外面放了黑松露醬、明太子醬、芝士

呢間鋪頭由裝修開始期待左一排，終於開始試業，過到黎都幾多人係出面等，拎張飛仔可以附近行下，不過等十幾分鐘就已經有位好快。照燒雞扒飯（$56)個照燒雞扒賣相超靚，個雞扒肉冇乜肥肉，調味好好食，飯面有d 飯素同埋類似明太子既野，配合返d珍珠米好好食🍚咖哩吉列豬扒飯（$60)咖哩有得揀甘口同辛辣，朋友揀左甘口，豬扒炸得脆口啖啖肉，朋友激讚👍🏻但朋友話咖哩汁如果多少少就更完美，尾尾d 飯唔夠汁😆😆小丸牛乳抺茶 ($28)叫丼飯或者烏冬類加飲品可以減8蚊，睇到個飲品menu覺得好吸引，揀左小丸牛乳抺茶，香濃抺茶牛乳味道唔錯，小丸其實係白玉，煙煙韌韌幾好食📍 天下茶屋 (紅磡)紅磡必嘉街121號黃埔花園一期奇妙坊地下G6B號舖

黃埔開咗間日式餐廳，當然要去試試啦！我個人最欣賞就係個焗咖喱牛肉飯但係我竟然無影相！ ！焗咖哩牛肉飯需預20mins等候～但都值得-Poke bowl好掛住Hawaii d poke bowl所以叫左個自選系列試試雖然有得揀食材同汁，但都好港式🤣欣賞佢杯士多啤梨雲朵沙冰有真士多啤梨🍓好飲但好冰！要等佢溶少少先飲～海鮮湯烏冬，要左明太子櫻花蝦味湯底好正常，唔會好「結」又唔會好稀個味唔係太特別，有櫻花蝦好啲 但下次再去既話會試其他味😂

✨9 0 後 的 味 蕾✨📣please follow Instagram: 90s_taste-呢間餐廳係深水埗試過 記得佢杯抹茶豆腐好好味-啱啱係紅磡開咗間新分店，即刻再回味下-吉列豬扒咖喱飯 $60.塊豬扒係新鮮炸起，入口熱辣辣，表面脆卜卜，啲粉唔會好厚，內裏又好軟熟，啲咖喱係日式版，唔辣嘅，啱晒唔食辣嘅朋友--溫泉蛋生薑燒豚肉丼 $65.呢個飯嘅醬汁超惹味，甜甜地，撈飯一流，粒溫泉蛋一篤即刻流晒啲蛋黃醬出嚟，豚肉配埋啲醬好開胃，我個人會鍾意呢個飯多啲 -抹茶豆腐 $20.抹茶控一定要試試呢杯飲品，有濃香綠茶味 ，飲入口帶有少少粉粉地嘅感覺，最正係佢個底有好多好滑嘅豆腐-🔸溫馨提示：食到一半先叫嘢飲就唔使驚啲冰融晒，溝淡咗杯嘢飲，識飲梗係要咁飲😏-藍莓士多啤梨寒天乳酸 $18.鍾意飲冇乜氣嘅乳酸飲品既朋友仔可以試吓呢杯，我鍾意佢果汁唔會太甜，搶晒啲乳酸味--凡係叫咗正餐，嘢飲一律減$8📍紅磡必嘉街121號黃埔花園一期奇妙坊地下G6B號舖

新開張 已經食過兩次～ 兩次假日午餐時段 都要等位～ 燒咖喱芝士豚肉飯(甘口) $63燒咖喱芝士牛油烤雞飯(激幸) $63即使係甘口定係激幸 咖喱味真係唔係重～ 仲有溫泉蛋！ 無論係豚肉同烤雞個份量都好多！ 而且烤雞一大舊 個皮燒到脆卜卜！ 個飯膩到食唔晒～唐揚雞球湯烏冬(櫻花蝦明太子薯蓉忌廉湯) $64唐揚雞球就正常水準 烏冬就望落少 食落多！本身以為個湯底係好濃稠～ 結果又唔係 但飲落就真係有薯蓉味！ 櫻花蝦都好多 不過明太子就飲唔出～加配嘢飲就減$8其實佢哋人手真係好唔夠 見到兩杯嘢飲都放咗好耐 無人送餐 大熱天時 半溶狀態～藍莓士多啤梨寒天乳酸 $18乳酸就唔係好推介 飲落都冇乜味 半溶情況下 已經唔係好凍～士多啤梨乳酪雲朵沙冰 $28反而呢個好好飲 用士多啤梨打成 有少少果肉！好清涼～

餐廳外貌裝修簡約，門外餐牌又好似好多選擇咁，既然寫住試業中就一於入去試試佢。環境唔算迫，因為可能時間尚早未坐滿人。沒有午市套餐，只有散叫主食、小食同飲品，主打日式料理。我哋叫左一個溫泉蛋叉燒丼、一個日式雞扒丼，一杯丸子牛奶抹茶同一杯寒天柚子綠茶。牛奶抹茶不能少甜。飲品好快送上，牛奶抹奶果真頗甜，柚子綠茶正常。雞扒味道一般，飯面鋪了一層飯素，所以d飯幾好食，但唔太夠熱。溫泉蛋有點過生，叉燒半肥瘦，非常一般。飯量都幾多，所以都唔係好食得曬。總結，因為沒有套餐要散叫，價錢會偏貴。飲品叫左主食可以減8蚊，但都係偏貴。食物一般，如果經過都可以試下、但不是嗰種特登去食嘅餐廳。

前幾日經過見到呢間野，覺得個menu都幾吸引就約埋fd一齊黎試下🤩 本身諗住趕埋啲assignment先黎，但係上網見到佢係黃店就覺得要今日要即刻黎懲罰下佢😈 🥤寒天柚子綠茶 $24 （跟住食-$8）想象中嘅味道，就係柚子綠茶加啲寒天😂 唔會太甜或者太淡。但係呢個價我就寧願去隔離啲手搖店買杯啦～ 🙊🐷 燒咖喱芝士吉列豬扒飯 $68賣相都唔錯，豬扒超大塊，幾吸引～🤩 炸得幾脆，但係有啲乾，唔夠juicy。佢啲咖喱有兩個辣度揀，今次嗌咗辣啲款。雖然少少辣，但係幾惹味😋 但唔係好夠汁，多啲汁唔洗咁乾會開心啲。🍟炸薯條配黑松露蛋黃醬 $28呢個價錢，份量都算好足！👍🏻 黎到雖然熱辣辣，好脆，但係薯條偏硬，同埋有啲薯條唔知點解空心？😳 蛋黃醬感覺好似溝過水咁🥶 黑松露味淡之餘，蛋黃醬都好似稀稀地咁🤔 下次都係會揀其他小食試。🐷溫泉蛋豬軟骨丼 $68黎到都覺得好吸引😍 豬軟骨已經切成8-9舊，食落超方便！溫泉蛋撈飯好難唔好食，但係加埋蔥花，木魚同埋紫菜就更加錦上添花😋 但係因為隻碗唔係太夠位撈，食食下淨返啲冇撈到嘅白飯😂 豬軟骨燜得幾入味，唔算硬，但係覺得可以再淋啲。可惜邊邊位又硬又柴又乾，有進步