天下糧倉牛肉火鍋專門店

營業中

休息中

天下糧倉專心一意做牛肉火鍋，究極和牛放題由二百多元起，已經可以任食澳洲M7和牛、澳洲和牛金錢展、安格斯牛肩胛、牛板腱、封門柳、鮮牛肉、肥牛及牛舌片等，如果對牛肉有要求的，此專門店應該可以滿足。叫完湯底後，精選牛肉寶盒已經即上，每款牛肉放得很工整，賣相不俗。各款牛肉中，比較喜歡安格斯牛肩胛，肩胛肉油脂分布均勻細緻，肉質厚實軟嫩，能品嘗到牛肉本身的美味。除牛肉外，其他火鍋配料可以自取，蔬菜類如粟米、冬菇、唐生菜均清甜爽脆，水魷厚身爽甜，食味甚佳。飲品中試了兩款有氣涼茶竹蔗茅根及洛神花，味道甚有驚喜，有氣少甜，與火鍋很匹配。雪糕有da dino及大阪牛乳，咖啡雪糕味道非常香濃軟滑，不失為一個好選擇。

最近天氣凍咗，好適合打邊爐，今次同朋友嚟到位於旺角嘅天下糧倉牛肉火鍋專門店，位置喺鬧市方便就腳。可以任食到澳洲和牛放題，包括湯底、8款牛肉、另外自助區提供多款火鍋配料、飲品、雪糕等，性價比高。究極和牛放題店員先上一大盤牛肉拼盤，牛肉種類繁多，拼盤有澳洲M7和牛、Prime牛板腱、安格斯牛肩胛、一級肥牛、封門柳、澳洲和牛金錢展、牛脷片、鮮牛肉等，另外仲有豬梅片同埋涮羊肉提供。個人鐘意澳洲和牛，雪花分佈均勻，牛肉味濃；Prime牛板腱，嫩中帶爽，彈性十足，肉味濃郁。湯底火鍋湯底用上龍鼎鍋盛載，好有氣勢，而湯底選擇超過10款，我哋選擇咗鴛鴦湯底，芫荽皮蛋鍋拼豬骨栗米湯，芫荽皮蛋鍋，湯底用料十足，好多芫荽，味道清新，好啱芫荽控；豬骨栗米湯，健康養生，粟米好甜，味道清潤鮮美。火鍋配料自助區自助火鍋配料肉類有五花腩、豬頸肉、牛百葉、雞中翼中、午餐肉、大腸頭、鵝腸、紅腸等；丸類有牛丸、香菇貢丸、墨魚丸、海膽丸等；餃子類有粟米豬肉、白菜豬肉、韭菜豬肉等；蔬菜類有油麥菜、唐生菜、娃娃菜、金菇、蕃茄、白蘿蔔、冬瓜、蓮藕、萵筍等。粉麵類有前一丁、辛辣麵、福麵、銀針粉、烏冬等；另外海鮮類有青口、水魷。個人鍾意

同朋友大胃去食放題，去之前我話估佢食唔到好多，佢叫我唔好睇小佢，閒閒地十幾20碟完全唔會有問題。如果唔係俾十蚊我，一坐低，佢就即刻主動俾咗五蚊我，佢話投降輸一半。睇吓一碟個份量，你就知咩事！ 🍖放題做到宴客咁嘅擺盤，大堆頭得嚟又美觀，只有糧倉可以做到。八種牛肉，八種味道。1澳洲M7和牛，肉質細膩，而且薄薄甘切，簡單淥幾下，即刻食出鮮嫩質感，溶化於口。2澳洲和牛金錢展，同樣薄薄咁樣切開，除咗嫩滑，仲帶有一份調皮嘅脆彈性。3牛脷片，除咗爽彈口感，又帶有多一分嚼勁，但係因為切得夠曬薄，唔需要太用力，已經輕易咬開。4封門柳同5牛肩胛就係肉味突出之選，封門柳肥肉部份較少，牛香都較少，但係入口之後，牛味反而突出，牛肩胛就以大塊取勝，整整一大塊入口，完全充滿口腔，想唔感受肉味都幾難。6牛板鍵就係介乎於前三者同埋4,5之間，系追求平衡嘅人嘅選擇。7,8然後就係嫩牛同埋一級肥牛，呢兩樣野似近還遠，明明系港式打邊爐必點嘅菜式，但係放上去又唔係平時見到嘅樣，增添咗一份高貴同優雅，但嫩牛的確系保持到超鬆軟嘅港式口感，而外形最大不同嘅肥牛，仍然系沙嗲湯底，同埋即食麵嘅最佳朋友。 🍖講翻即食麵，有辛辣麵，出前一丁

今日凍凍地黎左旺角打邊爐，見到呢度只係二百幾蚊就可以任食和牛，即刻過嚟試吓😎湯底我哋揀咗鴛鴦鍋，牛骨鍋配芫荽皮蛋鍋，芫荽皮蛋鍋好香，係爆多芫荽，芫荽愛好者記住叫，而牛骨鍋都好香牛肉味😎店員先俾你一碟好大碟嘅牛，有齊晒唔同部位，全部都可以再任食，回本之選😎牛肉全部都好新鮮，最好味嘅係澳洲M7和牛，牛味好重，而且入口即溶😻自助區有好多飲品可以任拎，同埋有其他蔬菜丸類，公仔麵嗰啲都係任食嘅，最後仲有香港生產嘅雪糕，以二百幾蚊呢個價錢真係性價比超高😻好過自己屋企打邊爐😎

天氣轉涼又係時候約埋朋友打邊爐🍲今次朋友帶路去左呢間喺旺角百寶利商業中心5樓嘅「天下糧倉」打邊爐 我哋簡左究極和牛放題2小時 $217 一個人🤩我地就叫左嘅鴛鴦鍋 我哋叫左個秘制沙嗲同皮蛋芫荽湯底 芫荽湯底比較好味 清清地放啲牛肉落去打邊爐就可以食到牛嘅鮮甜味 仲有好重芫荽味 仲可以清熱氣添🤪店員好快就上左一盤牛比我地 入面有超級多種類嘅牛 包括有澳洲M7和牛 Prime牛板腱 安格斯牛肩胛 一級肥牛 封門柳 澳洲和牛金錢展 牛脷片同鮮牛肉 真係好多選擇🤤咁多種牛入面 我就最中意澳洲M7和牛同埋鮮牛肉 牛肉嘅肉質極為嫩滑 咀嚼嘅時候非常順口同埋感受到肉的彈性和細膩口感 好滿足😚另外 餐廳仲設有自助區可以比你攞火鍋配料 麵食 醬料同埋甜品 基本嘅火鍋配料大致上都有嘅 唔同嘅丸類 蔬菜 餃子類同埋少量鮮海鮮等等 果度嘅餃子係手工製作的餃子 一盒六件 我哋就試左韭菜豬肉餃 煮完很多汁 韭菜又香 不過皮就厚左啲甜品方面 伯爵茶雪糕最好味😋見到飲品櫃有龜苓膏 都幾特別 當甜品吃也不錯🤣吃完火鍋清熱氣！

旺角🚇呢間天下糧倉牛肉火鍋專門店主打💰$217究極和牛放題，有多款唔同款式嘅🥩牛肉任你食，性價比十分之好👏，所以開業多年都依然人氣鼎盛。火鍋湯底🍲佢哋都有多款可以選擇，亦有多款可以加錢升級嘅特別湯底🥣，我哋今次就揀咗秘製沙嗲鍋，🌶️湯底味道十分之香濃。呢度一開波佢哋就會俾🤩一大盤牛肉拼盤你，入邊有澳洲🇦🇺M7和牛、Prime牛板腱、🥩安格斯牛肩胛、一級肥牛、🐂封門柳、澳洲和牛金錢展、牛脷片👅同埋鮮牛肉，每一款口感同埋味道都各有不同👍。另外仲有豬梅片🐖同埋涮羊肉🐐，全部都係可以任食，😍絕對係食肉獸嘅天堂！自助區💪仲有唔同款式嘅🍲火鍋配料，我就比較鍾意🥟水餃、青口同埋🪿鵝腸。呢度嘅🧃飲品款式亦都幾多元化🥰，特別嘅係仲有龜苓膏🍮，啱曬食完火鍋之後🔥清熱解毒。佢哋嘅🍨雪糕櫃仲有勁多款唔同口味嘅🥄雪糕，真係幾豐富😋。

我哋係食究極和牛放題（$217）咁第一件事就梗係要講咗佢哋嗰個湯底先啦我哋揀咗要鴛鴦湯底（+$16）兩個湯底分別就揀咗要秘製沙嗲鍋/喇沙湯喇沙湯底食落去都好入味💖💖配埋響鈴一齊食就Perfect Match沙嗲鍋食落去都好濃郁咁之後就講吓佢哋嘅牛肉啦🐮🐮第一輪會俾曬8款唔同嘅牛肉👍👍（其實食完呢度差唔多已經飽咗根本唔係好需要再加單😂😂）我自己就幾鍾意食封門柳同埋澳洲M7和牛👍👍封門柳食落去就會比較煙靭而我差M7和牛食落去就有少少入口即化嘅感覺而我朋友就幾鍾意食佢哋嘅牛脷片🥰🥰食落去幾有咬口嗰個澳洲和牛金錢展係比較細粒嘅不過佢食落去幾爽口之後就講吓其他嘅打邊爐配料啦佢嘅豚肉片食落去都幾滑嫩😋😋跟住出面亦都有好多唔同嘅丸類同埋海鮮可以任拎嘅我自己就比較鍾意食青口😉😉因為食落去幾爽口、彈牙除此之外佢嘅雪糕都算有幾多唔同口味可以揀👍👍我自己都幾鍾意荔枝同埋朱古力味

終於感覺到冬天嘅來臨🤭天氣開始涼涼地，火鍋小隊又要開始出動覓食😆今日同朋友喺旺角睇完戲就嚟咗呢間位於旺角百寶利商業中心嘅「天下糧倉牛肉火鍋專門店」，餐廳內嘅設計頗有古代風，混醬區叫做「補給站」好有特色😎打邊爐用嘅鍋好似龍鼎，好似回到古代時代🤣「天下糧倉」提供兩款任飲任食套餐，分別在於有冇雞煲同可否自選火鍋湯底，鑒於我哋兩位女士食量都唔算大，我哋就直接揀咗究極和牛放題，咁就可以盡情咁食和牛盛宴🤭湯底方面都有超過10款，我哋嘅鴛鴦湯底就揀咗芫荽皮蛋拼沙嗲。想清淡下火建議揀芫荽皮蛋湯底，芫荽份量超級多，最後煮到連湯都變成綠色，唔想食辣但係又想濃味啲可以揀沙嗲，沙嗲同牛肉真係絕配💯💯湯底ready 之後，店員隨即拎咗一大盤排得好整齊嘅牛肉豬肉拼盤😲份量超級驚人但打卡一流📸📸最有驚喜係鮮牛肉，真係超級軟稔🤩牛板腱同金錢展牛味濃濃，重點係食完仲可以加點😚⭐️澳洲M7和牛⭐️Prime 牛板腱⭐️安格斯牛肩胛⭐️一級肥牛⭐️封門柳⭐️澳洲和牛金錢展⭐️牛脷片⭐️鮮牛肉⭐️豬梅片除咗肉類🥩之外，自助區都有好多蔬菜🥬丸類、雞肉腸、脆皮腸、連辛辣麵同銀針粉都有，仲有好多款手包水餃🥟同小籠包😋😋甜品方面就有香港製造嘅雪糕杯，

首先聲稱只有佢一個人服務員姐姐，態度惡劣，去洗手間唔緊要，入到門口乜人都冇，仲要串串共話「我去咗廁所梗係冇人啦！」佢完全唔覺得自己有問題，如果唔係落咗$200訂金，我同我朋友會即刻轉身走人，唯有焗住照食，由落單到成個過程嘅態度係特別差，叫佢喺個火鍋度加湯，佢竟然幫我加熱水，我同個朋友都呆咗，食物質素好一般，所謂嘅黃牛完全唔係嗰樣嘢，如果比呢個錢我寧願食間再好啲，唔會再去!!永遠black list!!反正旺角仲好多選擇，

今晚趁回暖之前又去打吓邊爐先去咗百寶利食呢間天下糧倉佢除咗招牌究極和牛火鍋 仲可以加錢食雞煲眼見好多枱就咁打邊爐都夠 所以我哋都無加錢食雞 下次先試番啦217蚊一位 性價比算高啦嘢飲任飲 除咗啤酒要單點湯底揀鴛鴦鍋 （沙嗲+豬骨）沙嗲味幾濃郁 豬骨湯就清清哋主打淥吓瓜菜 店員隨即拎咗一大盆牛肉上枱花多眼亂 極為壯觀超適合食肉獸唔難理解點解成間餐廳都係後生仔女 咁嘅價錢食到咁多款牛肉 👍🏻甜品仲有唔同口味嘅雪糕可惜今次食得太飽 唯有再搵機會試吓佢而且店員會主動幫我哋加湯 🤩

每次嚟天下糧倉，都覺得勁豐富首先叫完個湯底之後，佢就會比一個好精緻嘅木架，上邊鋪滿晒唔同嘅牛肉，豬肉，真係勁正，就咁睇樣，都覺得好澎湃，而且味道都唔錯，可以感受到佢嘅肉味然後湯底真材實料，我叫嘅粟米湯有好大舊粟米，其他火鍋配料嘅選擇都好多！甚至連小籠包都有雪糕選擇都好多，有普通嘅雪糕同雪葩而飲品方面就更加豐富啦無論氣水定係涼茶，甚至係有氣涼茶都會有得揀，而且仲會有龜苓膏可以選擇嘅添我都幾鍾意佢嘅有氣涼茶，飲落去就好似汽水，但又好健康另外不得不提佢嘅醬料，佢的蒜蓉整得好細所以更加入味，食落去更加正

約朋友打邊爐 現場見到好多人食雞煲 臨時變陣 先食雞煲 接住係和牛火鍋放題 嚟一餐豐盛嘅雙響炮😌-🥘雞煲醬汁味道濃烈唔辣 即席再點火加熱 切雞件更加入味 入口㷫烚烚 好惹味 - 🐂牛肉拼盤呢個招牌名物 每台必有一盤 講真一句 未食已經贏咗一半😙 因為視覺非常震撼 將牛嘅多個部位大晒冷 鋪得靚 刀工🔪精細 鍾意食肥啲半肥瘦 又或者鍾意肉味濃嘅 都可以滿足到要求-🍡自助補給庫土魷🦑 鵝腸 豬頸肉🥓 菜蔬🥬 連小籠包都有😬 食下🍨飲下🧃 已經好飽肚

天下糧倉牛肉火鍋專門店 (旺角)旺角西洋菜南街1A-1K號百寶利商業中心5樓501-506號舖-天氣開始轉涼，又係打邊爐既日子～今次試一試呢間喺旺角百寶利商業中心嘅火鍋放題！天下糧倉有8款牛肉可以選擇，大滿足～分別有澳洲和牛金錢展、澳洲M7和牛、鮮牛肉、牛脷片、封門柳、安格斯牛肩胛、一級肥牛同牛板腱！睇到有咁多款牛肉已經都流晒口水🥹蔬菜方面有唐生菜、油麥菜、金菇、娃娃菜、蓮藕等等，雪糕方面有勁多口味！包括蜜瓜、雲呢拿、海鹽，綠茶等等。仲有白菜豬肉，粟米豬肉，韭菜豬肉餃子，選擇豐富

12月是開始約朋友四出吃飯的日子，早前朋友想食火鍋放題，為方便大家便約去旺角食。搜尋網上資料，見這店有和牛火鍋，而且性價比高，於是便來一試。這店的火鍋放題，也可選擇要雞煲，但考慮到我們只有兩個人，怕吃不了這麼多，我們只專心一意地食牛。和牛火鍋放題（$246）吃火鍋必定要吃牛肉，而這店有多款牛肉任君選擇：澳洲M7和牛、Prime牛板腱、安格斯牛肩胛、一級肥牛、封門柳、澳洲和牛金錢展、牛脷片、鮮牛肉。所有款式的牛肉也不需額外收費。一次過品嚐多款的牛肉，各有不同的質感、脂肪比、牛肉味的濃度，真是大滿足。其次我最想一讚的是雞翼，又滑又香又入味！是沙薑雞翼，我們不為意，煮了很久，雞翼仍保持嫩滑、味濃。還要一提的是雪糕，這裏的雪糕有很多味道，而且味道香濃。更貼心的是，每杯只有60ml，細細杯可以讓我試多幾款味道。鴛鴦湯底（$16）我們今晚叫了鴛鴦湯底（芫茜皮蛋、潮汕牛骨湯），湯底也很足料、味道鮮甜。（需醬芥$13一位、加一服務費）

一到天氣凍我就最鍾意打邊爐，見open rice咁多好評，仲要係我屋企附近，即刻幫襯吓先🫰🏻🌟 ⭐️ 人均 💲3️⃣0️⃣0️⃣和牛火鍋放題🍲 ⭐️🌟火鍋係鴛鴦鍋底，我揀咗蕃茄羅宋湯&秘製沙嗲鍋💕店員即刻上左一個牛肉拼盤，有不同牛肉種類，啱晒我地可以一次過試晒咁多款😋試過晒之後就可以再order想食果款，個人最推薦係澳洲M7和牛、安格斯牛肩胛、牛板腱，食落肉質軟腍，真係入口即溶🤭出面仲有自助火鍋配料區任食，汽水任飲，食飽飽仲有雪糕做甜品，真心出色🍦