天下糧倉牛肉火鍋專門店

營業中

休息中

同朋友食完旺角超大盤牛肉配雞煲火鍋之後，真係好滿足啊！雞煲同火鍋湯底嘅款式真係好多，我哋揀咗奇味雞煲！啲雞肉又鮮嫩又多汁，味道又濃又香，真係令人回味無窮。奇味呢個口味惹味又香口！牛肉方面更加係驚喜！佢哋提供咗超級大盤同份量好大嘅牛肉選擇。個拼盤有一級肥牛、牛板鍵、安格斯牛肩胛、封門柳、澳洲M7和牛、牛脷片、澳洲和牛金錢展同鮮牛肉。每一款牛肉都咁鮮美！超級好食！除咗牛肉之外，仲有好多蔬菜、肉類丸類等等，全部都可以任食任拎。我哋可以自由搭配不同嘅食材，創造出屬於自己嘅火鍋風味，真係好開心！仲有美味嘅響鈴都係任拎㗎.飯後甜品同埋飲品都係任食任拎。我哋可以揀選心水嘅雪糕同飲品，真係一個完美嘅結尾。飽飽嘅肚子再加上甜品同飲品，真係享受到極致！

黃金時間，任飲任食兩小時，😘只需兩百多一位。很多人贊揚雞煲的美味，使得我也加入了這場盛宴。能夠加錢，用雞煲做湯底，單鍋雞肉的數量就讓人驚喜。雞肉嫩滑入味，口感極佳，🤓絕對值得一試。雞肉經過香煎的處理，質地更好吃，享用雞煲鍋底時，可以無加雞。為了滿足更多牛肉控的需求，店家精心準備了牛肉拼盤，🐮包含了八款鮮美的牛肉，全部都非常新鮮。其中我喜歡的部位是牛板腱，🥩肉質滑嫩，筋骨爽口，一吃下去便知美味正宗，實在是讓人回味無窮。

又再去糧倉 。去親呢個糧倉必定超飽 因為放題任食牛肉可以再加錢食埋雞煲 但係經過商量後，怕食唔晒都係淨食普通湯底算啦出邊自助區都好多丸同埋菜擺得都好整齊自選配料，又有一區自助飲品又有一區好多選擇連雪糕都擺滿一個雪櫃好多選擇先黎牛肉一盤 好多款牛脷 本地牛肉 澳洲和牛金錢展封門柳 一級肥牛 安格斯牛肩胛Prime 牛板腱 澳洲M7和叫咗粟米豬骨湯底啲牛肉煮一下就食得非常鮮嫩 同重牛肉味點埋啲汁料 味道更上一層樓最後一定食埋雪糕Gelato 乳酪 非常好味😋下次再嚟食過天下糧倉牛肉火鍋專門店 (旺角)旺角西洋菜南街1A-1K號百寶利商業中心5樓501-506號舖#天下糧倉牛肉火鍋專門店#旺角火鍋放題#hkfood#hkfoodblogger #hkfoodie

話說我大約夜晚9:00左右收工，突然之間好想食邊爐，於是經過旺角就去咗一間任飲任食邊爐，9:30後入座，只係217蚊再加一，非常抵食🥰當日雖然係閒日，仲要夜晚9:30 ，店舖唔算好大，不過都座無虛席。餐廳入邊擺放都非常有條理，入到去就可以方便拎到飲品，打邊爐的食物，甜品，以及有一個區域是混醬地方。～鍋底首先，講講鍋底，選擇都好多，而且好多湯底都好新奇出邊未見過，而我就選擇咗汕頭牛骨湯底，我特登當佢上鍋底嘅時候飲咗一啖湯，真係估唔到咁鮮味，用牛骨熬製，唔係用普通雞湯咁是但俾你打邊爐，當我打邊爐後期，我都不停飲佢湯底，真係好好味😆～牛肉牛肉選擇亦都非常多，包括頂級肥牛、封門柳、澳洲M7和牛、澳洲和牛金錢棧、牛板腱、安格斯牛肩胛、牛脷片以及鮮牛肉，肉類另外唔係牛嘅都可以選擇羊肉片同埋豬肉片，全部都係無限添加。開頭每款牛來了一次，真係估唔到完全唔會是但比一兩片，每一款都比好多，我兩個人食，只係叫咗一次已經唔使再翻叫。而且上菜嘅牛都非常新鮮，唔會話雪到硬晒，又或者放咗好耐溶晒出晒水咁樣🥰～其他食物出邊攞嘅食物都非常多元化，包括好少見嘅鵝腸、豬大腸、青口、牛柏葉都可以任食，當然包括平時見到嘅食材，

呢間打邊爐絕對係食肉獸既福音!! ⚠️呢度主打牛食任食火鍋！淨係牛肉既不同部份已經有以下8款咁多! 🥩澳洲M7和牛🥩Prime牛板腱🥩安格斯牛肩胛🥩一級肥牛🥩封門柳🥩澳洲和牛金錢展🥩牛脷片🥩鮮牛肉如果唔夠仲可以加多128蚊就有奇味雞煲🐔， 肉質鮮嫩， 雞味特出， 件件都啖啖肉。 除左牛肉雞煲外， 仲有各種新鮮嘅🍖肉類同🦐海鮮可以選擇，例如雞肉、豬肉、羊肉等等。仲有各種🥬蔬菜同豆腐等等配料，可以自己搭配。湯底可以選擇自己鍾意嘅口味，鍾意重口味既可以揀重慶翡翠綠麻辣鍋， 鍾意清淡既就可以揀潮汕牛骨湯底、豬骨粟米湯等等。真係誠意十足!食到咁上下見到個飲品櫃有超過20款飲品任飲🥂， 實在多到花多眼亂!最估唔到係連龜苓膏都有 岩晒打完邊爐又想降降火既朋友。 簡單泥講以呢個價錢可以享受到呢種高質牛肉，雞煲，湯底，飲品同配料真係CP值極高💫。絕對唔洗擔心食唔飽!📍旺角西洋菜南街1A-1K百寶利商業中心5樓

💡和牛火鍋放題任食一間主打牛肉既火鍋店，座位簡潔舒適，將枱都夠大，有足夠位置放食物。要留意平日去都好full，想去記得book定枱。🍽️火鍋湯底今次揀咗潮汕牛骨湯，湯底鮮甜，仲有牛骨、粟米、蘿蔔等。除此之外，仲有秘製沙嗲鍋、肉骨茶、麻辣鍋等，選擇都多。除咗邊爐，仲可以加錢要奇味雞煲任食，加左錢之後就可以無限追加。🍽️精選牛肉一上枱就有一盤牛肉，有七款唔同部位，例如：澳洲M7和牛、牛舌、牛板鍵、安格斯牛肩胛、澳洲和牛金錢展等。個人覺得牛舌最好食，有牛味又有咬口。🍽️火鍋配料除左一般一定有嘅菜、萵筍、丸、菇、魚皮、響鈴等走唔甩；仲有白菜豬肉餃、粟米豬肉餃，絕對係心機之作；虎蝦、青口、鵝腸、鴨胸、大腸頭都係任食，的確係幾吸引了。🍽️飲品、甜品飲品甜品選擇都多，汽水、果汁仼飲，仲有檸檬雪葩、士多啤梨乳酪雪糕等出面少啲有嘅選擇，作為晚餐與尾聲已經相當滿足。

作為和牛同火鍋嘅愛好者，真係好難抗拒黎「天下糧倉」🥰滿滿嘅肉肉係度呼喚緊我。以任食和牛做主打，一共有8️⃣款牛可以任食，包括✅澳洲M7和牛✅Prime牛板腱✅安格斯牛肩胛✅一級肥牛✅封門柳✅澳洲和牛金錢𦟌✅牛脷片✅鮮牛肉。叫齊咁多款，成個拼盤一齊上真係好澎湃好壯觀😳 最鐘意一定係澳洲M7和牛，超嫩滑超香濃；Prime牛板腱同安格斯牛肩胛肉質鮮嫩，油脂均勻；牛脷片好爽彈。其實可以先食雞煲後火鍋！有兩款雞煲可以選擇，螺片鮑魚雞煲（+$268）同奇味雞煲（+$128）。不過我同老公得兩個人，所以決定主力攻打火鍋😂湯底10選1，叫左潮汕牛骨湯，好濃郁好夠味。其餘既配料（包括好重要嘅稻庭烏冬☺️）都係係雪櫃自取。飲品方便有多款茶/韓式飲品/涼茶任飲。最貼心嘅係有龜苓膏提供任食🙌🏻

餐廳裝修同個名一樣，都好似糧倉咁🤣完全估唔到呢間啲牛咁高質，款式多之餘又新鮮，放題嚟講呢個價錢真係好抵食，淨係食牛都回返本😳所以牛魔王一定要試😗.🥘究極和牛放題 $217 (2130後入座)呢個時間雖然晏啲啲，但係真係好平好抵食🥹除咗各款牛肉之外，另外出面都有自助區有各種唔同嘅食物，例如丸類、蔬菜等，不過都係建議留肚食牛肉❣️想食雞煲的話仲可以另外加錢，湯底係勁濃嘅沙嗲湯，超級入味😳.💰人均消費：～$250.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

今次嚟食火鍋放題，👻我哋仲另外加咗錢追加雞煲，🐤原來加錢之後更可以無限去追加。先嘗一嘗「奇味雞煲」，🍗味道濃郁，雞肉烹制得入味十足，上面還撒上了大量的芫荽，香氣四溢。至於牛肉，🐮店家還貼心地準備了名牌，讓顧客無需擔心混淆。安格斯牛肩胛值得一試，牛肉有韌性，但可輕鬆咀嚼，味道濃郁。🥢牛脷片是我個人的最愛，爽口有嚼勁，新鮮美味。鮮牛肉也是不可錯過的佳餚，新鮮嫩滑，讓人欲罷不能。一級肥牛是必嘗的招牌菜，🥩肉質鮮嫩，燙幾秒鐘就能品嘗，口感絕佳。

本身冇乜期望，嚟到嘅時候驚佢即刻上一盤靚肉，就覺得有啲驚喜，啲肉嘅質素都真係唔錯，不過佢始終都夾咗啲肥牛，同埋鮮牛肉，一啲質素比較低嘅去食飽你🧐不過都唔緊要，做生意明嘅。但係你都開宗明義係放題嚟，點解我再追加同樣嘅牛，質素會差咗咁多呢？又難咬，又大嚿，根本就係想你快啲飽快啲走。如果你唔貪心，建議你食完第一盤牛，可能淥下烏冬同埋公仔麵，食飽就走，真係唔需要再追加其他牛，食到自己一肚火。最後埋單都每人$300。

旺角二百幾蚊牛肉火鍋任食，性價比好似幾高就試吓去！估唔到禮拜一夜晚都咁多人好彩有訂位😃先嚟一大盤牛肉，差唔多咩款式都有：一級肥牛，澳洲M7和牛，牛板腱，安格斯牛肩胛，封門柳 ，澳洲和牛金錢展，鮮牛肉 ，牛脷片！！多到我都唔使再添，最鍾意係澳洲M7和牛好腍好好味，澳洲和牛金錢展牛肉味濃又有肉汁！簡左沙爹湯底，幾香，出面仲有好多料任取，餃子，粟米，菜，蟹柳，各式丸，汽水🥤龜苓膏都有！雪糕有好多味有綠茶、薄荷、伯爵茶、海鹽、香芋等。加錢仲可無限追加奇味雞煲任食！🍱餐廳：天下糧倉牛肉火鍋專門店 (旺角)📌地址：旺角西洋菜南街1A-1K號百寶利商業中心5樓501-506號舖

天下糧倉牛肉火鍋專門店🍲究極和牛火鍋放題🍲，每位21:30前入座只係$246，仲可以加$128加配奇味雞煲🐔，惠顧雞煲嘅話無限加雞！不過今次因為唔係太肚餓就冇叫到雞煲～火鍋湯底方面，我哋揀咗潮汕牛骨湯🐮🦴，呢個湯真係同牛肉好夾，好似令到牛肉加配好食咁！肉類方面，豬🐽、牛🐮、羊🐑全部任食！一開頭佢哋就已經會上一大碟牛肉，一款牛肉上面都有牌講返佢係邊一款牛肉，非常推介食肉獸嚟呢度，尤其是係鍾意食牛肉嘅一定唔可以錯過，佢哋嘅牛肉真心幾高質，有非常濃厚嘅牛肉味！🈹🈹🈹$2xx街市都買唔到呢個質素呢個份量，咁多款牛肉入面我就最推介澳洲M7和牛、封門柳、牛脷片！真心好推介！🉐🉐🉐其他配料方面🥬🍢，種類都算不過不失，唔算太少選擇，飲品🥤同埋雪糕🍦嘅味道都有幾多款選擇，總會揀到一款啱自己！

今日去到旺角百寶利附近諗住食一間除咗好抵食嘅火鍋放題之外，佢仲係高級嘅和牛都係任食！鍾意食牛嘅一定唔可以錯過！講到明放題除咗任食之外種類都唔少！澳洲M7和牛、prime牛板腱、安格斯牛肩胛，一級肥牛、封門柳、澳洲和牛金錢展、牛脷片、仲有鮮牛肉！全部都係任食唔嬲！除咗牛之外、豬梅片同埋涮羊肉都係任食！滿足鍾意食肉嘅你！湯底方面：有螺片鮑魚雞煲、同埋奇味雞煲可以先食雞煲後打邊爐！真係好正！另外如果係惠顧雞煲雞肉係可以無限添加雞肉唔嬲㗎！另外仲有、肉骨茶湯底、重慶翡翠綠麻辣鍋、四川紅麻辣鍋、蕃茄羅宋湯，喇沙湯底、汕尾牛骨湯、芫荽皮蛋湯，豬骨粟米湯、仲有秘制仔嘅沙嗲湯底仲有鴛鴦鍋底！除咗齊全種類多元化，味道亦非常入流！除咗湯底同埋配料出色之外！仲有我最鍾意食嘅銀針粉、火鍋店唔係間間有配上火鍋湯嘅銀針粉色香味俱全！再加上萵筍蘿蔔同埋娃娃菜全部都非常入味！想食飽肚啲嘅你除咗牛係任食之外，配料亦都係任拎唔嬲！店內嘅飲品亦都係多重選擇又係任飲！而調味料方面亦都非常之齊全！有蒜蓉、沙嗲醬、芫荽辣椒！配料另外仲有響鈴卷同埋生根都係任食！如果覺得真係唔夠飽，可以再加烏冬或者出前一丁一定食到可以好飽！價錢都只

🫶🏻餐廳非常旺場，當晚全場滿座。一坐底係紙仔選好想要既湯底同剔想要既肉類便可等食。先調好自己既醬汁、拎外面既配料同拎完飲品就有得食～🕕究極和牛放題 ($217/位)肉類款式：（任點任食）澳洲M7和牛Prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉♥️一上菜好驚喜，由於我點了所有的上述牛肉款式，係一大盤咁擺盤上枱，分門別類咁擺盤好精緻，而且份量非常足夠。太靚食前記得要先打卡！所有牛肉類色澤都帶鮮紅色，代表好新鮮，食落每款都肉質嫩滑一d都唔會鞋口。而我最鍾意係超重牛味又juicy既澳洲M7和牛片同超薄身既牛脷片。記得所有牛肉類煮至變色便可，避免出現牛肉過老的情況。🥘湯底：奇味雞煲(升級) 可免費加雞雞煲好足料，有兩隻雞腳同埋好多件雞肉，每件雞都勁多肉，一啖咬開大大舊肉好滑身，雞煲內相對少帶骨既雞。湯底色澤暗啡色，食落比較濃味而且超香，成煲雞食晒先開始打邊爐，好邪惡！仲有外面配料同迷你杯雪糕任食。想食高質牛肉火鍋，去「天下糧倉牛肉火鍋專門店」啦！

和牛放題一字咁淺，就係專食唔同部位嘅牛肉，一張紙睇晒黃金時間入咗任飲任食兩小時只需$246/位，見好多食評話雞煲好食，所以都加左$128用雞煲做湯底，單鍋已經好多雞肉，好嫩滑又入味真係唔錯，雞肉有香煎過質地非常好！惠顧雞煲湯底可以無限添加雞，但明明有好多和牛等緊我，食一煲就夠皮，如果再多啲人食會仲抵啲😍店家已經砌好一個拼盤有齊八款牛肉，全部都好新鮮好靚，我最鍾意Prime牛板腱，肉滑筋爽，一堆堆車落去好正！M7和牛好細塊，但任食都只係二百幾蚊已經冇投訴🤭🤭自助區都有好多款式，青口、豬頸肉、各種丸類、蔬菜，飲品有罐裝同支裝涼茶汽水梳打水等等，甜品有好多味道嘅雪糕，最正有龜苓膏清清熱☺️