天下無雙

營業中

休息中

如果講到香港特色美食，車仔麵一定係榜上有名，尖沙咀嘅天下無雙就係其中一間地道車仔麵店。呢度嘅車仔麵選擇多到眼花繚亂，每樣餸都係精品，以下就介紹幾款必食推介。首先係 蘿蔔豬皮秘製豬大腸陳皮鯪魚餅配讚岐烏冬加咖喱汁，呢個組合真係已經贏晒！咖喱汁香濃但又唔會太辣，烏冬煙韌有咬口，豬大腸處理得好乾淨，加埋軟腍入味嘅蘿蔔，真係一流。另一個必試嘅係 鬼馬炸魚腐、無雙魷魚、爆汁潮汕牛肉丸配油麵加腩汁。炸魚腐吸收曬啲湯汁，魷魚夠彈牙，牛肉丸真係會「爆汁」，啖啖都係驚喜，腩汁濃郁但又唔會太膩，配油麵嘅口感真係岩晒。小食方面，荔枝蝦球係超有創意嘅一道菜！蝦膠外面包住小米，炸到外皮香脆，內裏嘅蝦膠又彈牙，配埋少少泰式辣醬，酸酸甜甜嘅味道真係令人停唔到口。另一款小食就係 白醬蝦，用炸過嘅原隻蝦淋上微Wasabi味嘅沙律醬，食落少少芥辣味好開胃，又唔會太刺激，真係幾特別。飲品方面，當然唔少得一杯 凍檸賓，呢度嘅凍檸賓保持水準，酸甜比例啱啱好，飲完好解渴。

🩵牛魔王麵餐牛魔王有牛腩、牛筋、牛丸、牛柏葉，餸菜份量唔少，煮得好入味，腩汁都幾濃，成個湯頭都好香腩汁味🤤🩵自選車仔麵最少選三款餸，揀左無雙魷魚、豬手、鬼馬炸魚腐，魷魚因為係辣既所以會另上，水魷偏厚身，好有咬口，辣辣地又幾惹味～ 豬手有兩大件，仲可以揀菜底，通菜好新鮮，爽口！🩵炸雞髀係回憶味道既生炸雞髀，無炸衣係外層，雞肉肉汁滿滿，推薦👍🏻🩵凍檸檬薏米水健康之選～ 薏米份量都唔少，清甜解渴☺️

呢度車仔麵款式都幾多，有d款式有d都未見過，我地就叫咗2碗車仔麵同小食試吓。無雙魷魚，陳皮魚旦，秘製豬大腸，粗麵加埋秘製辣汁呢度無雙魷魚果然係招牌，味道好惹味，少少辣辣地，魷魚非常脆口，而豬大腸唔係平時果d好粗嘅腸，而係我鍾意食嘅質地，薄薄地煙煙韌韌，唔算太肥，好味，加埋佢地嘅秘製辣汁，勁正。生菜魚肉個湯好濃，魚肉冇腥味，爽口彈牙，加埋生菜食好夾。韭菜餃，陳皮鯪魚餅，蘿蔔，粗麵佢地嘅湯底味道都幾濃郁，好夠味，韭菜餃好飽滿，入面好足料，豬肉同菜比例啱啱好，蘿蔔好入味，冇渣，好清甜，而陳皮鯪魚餅都幾特別，好香陳皮味，鯪魚餅食落煙煙韌韌。今日油菜係生菜，煮到啱啱好，冇過熟，保持爽脆。涷檸茶，夠酸，茶味濃

今日同朋友行開尖沙咀，意外發現呢間車仔麵小店😛一入去就聞到濃濃嘅湯底香味，令人忍唔住想試下😋車仔麵配料款式多😋首先，蘿蔔真係好清甜，咬落去好有口感，令人覺得清新。再講講墨魚餅，口感爽口，裡面有好多墨魚粒，食落真係好滿足🤩陳皮魚蛋都好食，味道恰到好處，唔會太膩。至於豬手，入味得嚟又唔油膩，每一口都充滿咗肉汁，真係唔可以錯過。而魚肉燒賣就更加唔使講，簡直係一絕，鮮味十足，我同朋友都食唔停😛😛飲品方面，鹹檸七真係好飲，酸酸甜甜，啱啱好解渴!最後，呢度嘅秘製麻辣醬真係好香，配上任何食物都提升咗層次感!再講，老闆娘真係好好人🫶多謝你 我一定會再返來幫襯！

車仔面貴為香港地道美食重要一員，因早期小販以改裝的手推車四處販售而得其名，至今成為香港代表美食之一。位於尖沙咀嘅天下無雙，店家嘅辣醬夠晒惹味，今次點左自由選，揀左鬼馬作魚腐，手工雲吞，鷄翼尖粗麵，鬼馬炸魚腐，惹味十足，越吃越上癮！手工雲吞皮薄餡靚，面底少辣，惹味無比!街頭小食唔少得腸粉，甜酱芝麻花生酱混酱，色彩豐富，腸粉十分幼滑!另外叫左扎肉，紫菜，牛柏葉出前一丁車仔麵，腩汁昇華味道層次，扎肉肉香酥爽韧，牛柏葉爽口彈牙!小食拼盤有咖喱魚蛋，魷魚同廚師腸，小食掃街回憶返曬黎!

夜晚同朋友諗住快食之後去下場，發現原來呢間車仔麵開到咁夜去到凌晨12點，下次喺附近飲完野肚餓可以嚟醫醫肚🤤✨豬八戒麵餐 $85朋友唔想諗就直接話要食呢個餐，入面有豬皮、豬紅、豬腩肉、豬大腸、豬耳、豬手，麵底就揀左米粉，非常豐富多餸，懶得諗就揀呢個餐👍🏻✨自由選麵餐 $57蘿蔔、紫菜、蠔皇小花菇油麵蘿蔔炆到好甜入味！車仔麵必揀既餸，蠔皇小花菇味道香濃，菇味十足☺️✨生菜魚肉 $28有驚喜既生菜魚肉，魚肉口感好彈牙，店員主動提意加了胡椒粉，味道更佳😍✨檸檬薏米水 $15老闆娘話佢哋既檸檬薏米水係自定製的，更加要試吓，養顏美白集於一身😍✨凍檸賓 $15好耐無飲過既檸賓，甜甜酸酸的，好開胃，好岩餐前來一杯🥃

車仔麵有多款搭配自由選擇😍小食都好有特色！！！————————————————————💛 鬼馬炸魚腐、無雙魷魚、牛丸粗面（咖喱汁湯底）---鬼馬炸魚腐幾少有幾特別！外脆內軟！無雙魷魚口感絕佳，夠彈牙！牛丸粗面口感都唔錯，幾索湯～咖喱汁湯底好濃好夠辣，幾過癮～————————————————————💛 雞中翼、牛筋、陳皮魚蛋公仔麵（回味麻辣醬湯底）---雞中翼多肉汁，牛筋爽彈！陳皮魚蛋都好入味，份量足料！公仔麵配麻辣湯係個特別嘅配搭～————————————————————💛 白醬蝦---呢道小食又係好特別！芥末醬配沙律醬調成白汁～蝦肉炸得外酥內軟，層次豐富～————————————————————💛 燒賣---魚肉燒賣點豉油辣椒油食～港式小食少不了嘅一份美味～————————————————————

今日去咗一家主打港式車仔麵嘅餐廳，真係滿足到爆😍😍！🤩 牛魔王麵餐 呢份麵係牛肉控嘅天堂！有牛腩、牛筋、潮汕牛肉丸同牛柏葉，全部處理得一流！牛腩炆到軟綿綿，味道滲晒入去；牛筋彈牙帶勁，食得好開心；潮汕牛肉丸爽口彈牙，肉香撲鼻；牛柏葉就夠晒爽脆，仲帶住陣陣鮮味。湯底濃郁但唔會太膩，配埋一碗熱辣辣嘅麵，幸福感爆燈呀❤️❤️！🤩 車仔麵自由配搭 自由揀餸先係車仔麵嘅靈魂！我拎咗墨魚丸、豬紅、無雙魷魚、豬大腸同墨魚餅，再加埋秘製辣汁同菜底，完美嘅組合！墨魚丸彈牙夠爽，豬紅滑溜溜入口即溶，魷魚鮮嫩有嚼勁，豬大腸處理得乾淨冇異味，仲帶住陣陣香氣，墨魚餅就外脆內嫩，一啲都唔膩！秘製辣汁微辣開胃，食到停唔到口🤤！🤩 秘製滷水雞翼 雞翼滲滿滷水香，皮滑肉嫩，甜鹹味道調得啱啱好，食得出滷水係有功夫嘅！一啲都唔會死鹹，真係好正👍👍！🤩藤椒魚皮口感爽脆，藤椒香氣濃郁，麻香味層次豐富

喺尖沙咀行街想搵小食吃，又想搵個地方歇下腳，去位於亞士厘道既天下無雙就適合不過。呢間舖頭嘅裝修好有港式風味，地方唔係好大，會見到遊客專程黎食。餐廳住打車仔麵同埋唔同嘅港式小食， 種類好多。可以一次過試曬香港嘅特色😎 我哋就唔叫咗唔同食物，質素都唔錯！1）懷舊四寶麵 - 入面包括豬皮豬紅魚蛋蘿蔔，配料好足。豬紅豬皮鹵得好入味，大粒的陳皮魚蛋，香甜嘅蘿蔔，非常惹味2）荔枝蝦球-外貌精緻，好似粒荔枝，蝦肉彈牙，鮮味十足，外脆內軟3）藤椒魚皮： 麻麻香香，香得過癮，魚皮都好爽彈，忍唔住一口又一口咁食4）熱情果特飲-解暑解膩之選，飲落好refresh！

近排有朋友喺外國嚟香港，梗係要帶佢哋食啲地道嘅美食啦，見我哋今日喺尖沙咀，而且唔係太肚餓，於是就揀咗嚟呢間天下無雙度食車仔麵。呢度門面裝修都好搶眼，好有香港懷舊特色，就連碗碟嗰啲都係有一種復古味，用嚟打卡都幾靚。食物方面亦都絕對稱得上係好好食！見到咁有特色，一坐低就想叫魚蛋同埋腸粉，呢度咖喱魚蛋少少辣，咖喱野味，腸粉嘅醬汁亦都好豐富，腸粉又好滑，真係堅好食！今日試咗幾款自選車仔麵都覺得好正～首先要讚一讚就係個爆汁潮汕牛肉丸，真係有爆汁嘅效果，勁好食，而且魚片頭都相當有照口，稻庭烏冬嘅口感亦都好煙靭，抵要俾$18，而且覺得呢度嘅清湯都好好味，最後都真係飲咗好多湯，都唔覺得口渴。另外就係蘿蔔都好好味，唔會食到好多渣，墨魚丸同越南扎肉都好出色，相對嚟講覺得好少車仔麵地方有越南扎肉食，粗麵更加係我食過覺得最出色嘅。另外就係個豬大腸都好正，完全冇怪味，真係香港地道美食～

今日食香港回憶車仔麵車仔麵是一道相當受歡迎的香港街邊小吃，麵條的選擇和配料的多樣性讓人每次都可以有不同的體驗。麵條煮得剛好，口感滑順，但湯底有時候味道不夠濃郁，讓整碗麵的風味略顯平淡。總的來說，車仔麵是個方便快捷的選擇，但如果能加強湯底的調味，會更令人滿意。煎釀三寶通常包括青椒🫑、魚蛋和茄子🍆，這幾樣搭配得相當好。香氣撲鼻，煎三寶是一個非常適合分享的小食，不過稍微調整一下醬油味道會更好。炸魚腐的外皮金黃酥脆，內裡則是鮮嫩的魚漿，吃起來口感相當不錯。不過，有時候魚腐的調味不夠，讓人感覺有些單調。若能搭配一些特製醬汁，比如蒜香醬或酸甜醬，會更提升味道。總體而言，炸魚腐是一道值得嘗試的小吃，但需要加強調味的部分。這三道小吃都有其各自的魅力，雖然在某些方面還可以改進，但仍然是香港街頭小吃中不可或缺的美味選擇。對喜愛探索不同風味的人來說，這些小吃都能帶來不錯的享受。賣相：★★★★☆口感：★★★☆☆環境 ：★★★★☆整體評分：★★★☆☆天下無雙 (尖沙咀)尖沙咀亞士厘道16號地舖#車仔麵#煎釀三寶#美食推薦#美食日記#唔食唔知腸胃好#foodiefatty#foodie#foodies#foodi

經過亞士厘道，就見到呢間非常吸睛嘅天下無雙 ！餐廳主打車仔麵，仲有藤椒魚皮、荔枝蝦球呢啲特色小食提供～✨自選四餸麵呢碗叫咗爆汁汕頭牛肉丸、秘製豬大腸、滷水蛋、時菜配油麵，加咗秘製辣汁小辣！汕頭牛肉丸一咬落去有爆汁嘅效果！秘製豬大腸特別爽嫩，好有水準～✨懷舊四寶麵湯底係用鮮雞同埋金華火腿熬製而成，清澈得來味道又鮮甜！麵底揀咗幼麵，加腩汁小辣！四寶有蘿蔔、豬紅、豬皮同埋魚蛋呢四款車仔餸！蘿蔔軟腍香甜！魚蛋好入味！豬紅嫩滑！豬皮個口感好似海綿咁！味道經典～✨鬼馬炸魚腐炸魚腐好有驚喜！成個感覺真係好似食緊炸蝦片咁啊～✨凍鴛鴦

這裡有幾款招牌麵，料很足，不用動腦子想如何搭配配菜，就已經搭配的很美味！## 牛魔王麵餐湯底好醇厚，牛腩肉質鮮嫩，入口即化，散發出濃郁的肉香，油脂與肉質交融，牛筋筋道十足，咀嚼時能夠感受到其彈性與韌性。潮汕牛肉丸好彈牙，牛柏葉微微的脆感，讓整個麵層次分明，口感豐富！## 八寶麵餐滑嫩的雞翼尖，紅腸香氣濃郁，蘿蔔清甜的口感與湯底的濃厚剛好形成對比，增添了一絲清新。豬紅的滑膩與豬皮爽口有嚼勁，陳皮魚蛋的彈性與陳皮的香氣結合，增添了一抹獨特的風味，蠔皇小花菇則用其獨特的鮮香讓整道面餐更加香氣十足！## 煎釀三寶有微辣的尖椒、軟嫩的茄子和紅腸，肉餡的美味滲透其中，形成了獨特的層次感！

今日嚟到一間位於尖沙咀嘅車仔麵店，今次的餐點真係相當精彩！讓我同大家分享一下我嘅食評。首先講講三餸車仔麵。酸齋的選擇無疑係一個大膽嘅決定。酸酸辣辣的味道配上柔軟嘅麵條，整體味道非常和諧。而且酸齋嘅酸度恰到好處，唔會過分搶味。再來係蘿蔔，呢個餸真係有水準。蘿蔔煮得透爛，充滿甜味同埋口感非常嫩滑。佢嘅湯汁滲入麵條內，令整碗麵增添一份清甜嘅味道。最後係冬菇，冬菇嘅選擇令整碗麵有咗濃厚嘅香菇味道。冬菇煮得適中，保持咗嚼勁，味道亦相當濃郁，每一口都充滿咗豐富嘅香氣。再嚟講下個韭菜豬紅肥腸小食。韭菜嘅清香配上豬紅嘅滑嫩，肥腸嘅爽脆口感，三者配合得天衣無縫。每一口都能感受到唔同層次嘅口感同味道，真係令人欲罷不能。依間車仔麵同小食真係十分唔錯，每一個餸菜都有佢獨特嘅風味同口感，絕對係值得再嚟一次嘅餐廳！🎉

新開的特色車仔麵店🍜除了套餐之外，還有自由選擇麵餐✅也可選擇不同款式的麵底、湯底及辣度🌶️還有三十多款香港地道特色街頭小食😃懷舊四寶麵，非常豐富🤗有齊蘿白、豬皮、豬紅、魚蛋🍡蘿白夠爽，豬皮豬紅夠入味，魚蛋夠香辣😋加上自家秘製辣醬，非常惹味🫶燒賣大大粒，皮薄餡靚🤤每一口都吃到滿滿魚肉🐟夠足料👍再配搭燒賣豉油，令到味道更提升🔝咖喱魚蛋濃郁可口，份量也不少😁香濃咖喱味，口感彈牙多汁💦