天ぷらまきの

營業中

休息中

自從有一次喺日本地下街食完天婦羅之後就一直念念不忘。喺香港試咗好多間一係就唔熱，一係就好油膩。今次介紹依間日本過江龍主打即叫即炸天婦羅，原材料亦都有日本直接運到港，保證食到日本嘅原汁原味。特選天丼 送到嚟嘅時候已經好震撼，原來啲天婦羅堆到成座小山一樣。最顯眼嘅一定係虎蝦，夠晒長同埋大隻，內層嘅蝦肉仲係保持鮮嫩嘅狀態。而另外海鮮方面仲有鱔魚、海鰻、魷魚。蔬菜類則有北海道舞茸菇、南瓜、法國邊豆，實有一樣啱你食啊。天婦羅盛合丼依款同樣有我最鍾意嘅虎蝦，但係就仲有魷魚和雞胸，每一款都夠晒香脆，同埋最緊要係夠晒熱辣辣。海苔明太子天婦羅遠睇仲以為係炸香腸，入面係夠晒鹹香嘅天婦羅，炸到香脆口感都幾特別。天ぷらまきの (旺角)旺角旺角太子道西193號MOKO新世紀廣場3樓352號舖

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯日本過江龍天婦羅專門店喺香港而家都開咗三間分店，嗰日經過旺角新世紀MOKO，一於試吓！至福天婦羅便當 ＄198便當有刺身，前菜，天婦羅，白飯，味噌湯。可以滿足晒你所有願望！刺身有吞拿魚，三文魚同帆立貝，每款有兩件，味道鮮甜天婦羅包括： 虎蝦，雞肉，露荀，舞茸菇等等日本雞蛋天婦羅（$18）雞蛋外層包裹住薄薄嘅麵粉，咬落去中間仲係流心嘅，超級邪惡！淋上少許嘅天婦羅醬料，好滋味！非常推薦天婦羅盛合丼虎蝦，魷魚，雞胸，野菜雜錦，南瓜，金菇虎蝦一共有三隻啊！成個配搭非常之豐富喎，而且係期間限定，比較有特色嘅，反而係個雞胸，因為其實食落去係唔柴，而且南瓜真係好好食！海苔明太子天婦羅（$68）鹹香定明太子外層包裹住海苔，沾上麵漿再攞去炸，外層香脆，熱情果芒果梳打（$38）酸甜之中，亦有非常之濃郁嘅果香！沖繩四季柑梳打（$38）非常之清新嘅酸味特別適合食天婦羅飲又可以解油膩如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯天ぷらまきの (旺角)旺角旺角太子道西193號MOKO新

好耐之前係日本食過專食天婦羅餐廳竟然係香港都見到開左呢間見個meun入面d野食都幾吸引🤩D座位都好寬落，坐得舒服既2個人叫左2個主食+1個小食整體黎講都可以既份量都足夠，味道都好味都算係有驚喜既😂天丼蕎麥麵定食個冷麵好味，估唔到仲配埋飯😂😂醬漬三文魚伴天婦羅雞蛋丼個飯就唔係太多，天婦羅雞蛋幾特別，係用溫泉蛋整成，所以入面係流心既😊粟米野菜什錦天婦羅有紅蘿蔔🥕洋蔥🧅果d，野菜食落口都好甜香口。

今日星期日，見旺角 MOKO food court重新開，見到有一間天婦羅就諗住試吓。侍應一開口就話60分鐘交枱。即刻乜嘢興趣都冇晒。食日本限住60分，咁趕做咩要辛苦自己。仲話做天婦羅，除非一坐低佢啲嘢根本預好炸好晒就攞出嚟俾你食，如果唔係睇唔到點樣60分鐘內可以食。呢啲咪就係話港人唔鍾意香港消費嘅原因囉。

呢啲商場入面嘅日式裝修嘅食肆，你會期望啲乜？---- 嘢要好食？可以嘅！我食個豚肉天婦羅蛋丼係好食嘅，有汁、飯軟硬適中、蛋炸得啱啱好（有少少流心，脆邊）、豚肉靚又好食；再叫咗個炸苦瓜，加少少所謂海鹽（其實我唔識分係定唔係海鹽🫢），甘甘脆脆，過癮。---- 環境理想？新裝修，實ok嘅，乾淨！枱夠大，又唔會同其他枱太過貼。---- 服務超讚？未必有，冇乜印象有，但最記得係有個姐姐（定妹妹，唔肯定）放碟炸苦瓜落枱果陣聲都唔聲吓，求其放低就轉身走左，似係茶記啲fd。可能我自我感覺高尚，希望食個人均$150左右嘅午餐要有比茶記好嘅服務🫣---我會番食。

行街發現MOKO嘅food court「重開」行入去先知原來而家冇咗food court，變成五間食肆其中一間喺最入邊靠近電梯位置嘅就係呢間天婦羅餐廳今日係平日嘅晚市，人流唔算多，都坐得舒服😌我哋坐吧枱望住個廚房都唔會大油煙我哋每人叫咗一個定食，一個係燒鰻魚配天重$158另一個係天丼蕎麥麵定食$148食物都係即叫即炸，所以好新鮮上菜都好快，每種食材都炸得啱啱好天丼裡面嘅飯雖然唔多，但因為天婦羅嘅份量都多尤其係天丼蕎麥麵定食仲要配多碗蕎麥麵所以好飽肚雖然價錢唔平，但係份量都好足，都算抵食

之前來呢到食過紫蘇牛柳同雪糕，味道正常，所以今次試下佢既套餐，叫左一個至福天婦羅便當。個侍應一捧過來，我已經聞到一陣腥味，咁我都照試，舊魚一咬落去，唔止腥，仲有陣燶味，又燶又腥。其他既天婦羅都有陣燶味，成世人都未食過過有燶味既天婦羅。刺身唔夠新鮮，前菜都唔係特別好食。食完仲要唔飽。唔知佢那裡來既自信賣呢個價錢。唔會再幫襯。服務態度正常，不過如果你一個人，就算間鋪係空都唔會比你坐卡位。商場都好多選擇，唔洗食呢間。覺得好快會執笠。#地雷系食店