大鬍子 (已結業)

叫左個麻辣雞絲米線小辣，雞絲得幾條 成碗米線無味$48黎講 份量超少感覺似係味精+水😥原本想試酸辣粉同埋麻辣燙，但係應該冇下次了。竹園街市應該有其他比較好食嘅嘢。…查看更多

今日點了一個外賣麻辣雞米線，在app下單會比較優惠（大約$36,原價），店員一直話冇收到app訂單，叫我現場畀原價佢。但係佢講呢句說話嘅時候我已經喺app度畀咗錢。其實我都明白店家會想賺多啲錢，但係如果你畀唔起優惠，咪唔好喺個apps上面度比優惠囉，而唔係喺咁要求個食客取消訂單。之後個阿姐就繼續話自己收唔到，咁我咪同佢講既然我錢都畀咗app，最多咪等下。之後佢部app機響度成條行都知佢收到外賣單，咁我咪行過去問佢到底收到我張訂單未。個阿姐同我講話張單係第二個人嘅，仲未收到我嗰張單，我見等咗咁耐都未有，咁埋打算同app講要取消張訂單。咁我咪問佢係咪要我同app講話佢哋一直收唔到張單，所以我要取消訂單。之後個阿姐有突然間話收到我張單。咁我見佢收到咪算囉。其實講真我到走之前都唔見有第二個人或者外賣哥哥嚟攞單。點知！！！！！！！！碗麻辣雞米線攞到返屋企，淨係得米線冇雞？！！！我嗰下真係心諗，點解連嚿雞都唔肯畀我食... 仲要碗面浸味其實似味精加水加米線，好彩app有得退錢。但係我嗰晚成晚就淨係得米線落肚，仲慘過食麥當勞。…查看更多