大飯糖甜品小食屋

營業中

休息中

知道美林冬菇亭新開左糖水鋪, 一直都想去試, 今日終於的起心肝行過去試下！一入到鋪頭, 感覺好寬敞乾淨(真係好少香港糖水鋪唔駛背對背咁坐!!), 同朋友黎傾下計食下糖水就最正!! (可惜今日得我自己一個)甜品方面真係花多眼亂, 又有中式, 又有西式(心太軟呀～ 木槺布甸呀～), 綿綿冰, 軟雪糕....... 真係要幾分鐘先揀到食乜由於最近心火盛, 所以叫左小丸子綠豆沙涼粉下一下火!! 雖然綠豆沙自己都煲到, 但一試就知呢間鋪係唔係用心去整。唔好講笑, 堅係真材實料。食到有好香臭草味, 可能係個人喜好原因, 勁like 出面啲糖水鋪真係唔多有咁傳統呢風味!! 而且啲綠豆煲到綿晒, 好有媽媽煲既感覺聞到隔離枱食咖哩野好香, 又叫碟咖哩魷魚拼盤試下。一食真係停唔到口 啲咖哩唔止聞香, 食都好香!! 好濃咖哩味, 但又唔會好辣。蘿蔔無根又好甜, 魷魚又夠爽口, 仲有魚旦, 豬皮, 腸仔。真係買返屋企做餸配白飯都得!!!食完真係大滿足 下次要同啲friends黎試埋其他野先!!

唔講唔知，屋企附近原來開左間甜品店，聽講仲要係有水準既。朋友話想試下喎，咁岩啦，反正都未食過，就睇下佢係咩料啦😆原來果晚有promotion, 其中兩個甜品有特價，咁就叫左其中一個試下喇雪糕既口感幾綿，似係用自家雪糕機整。紅豆偏大粒，幾有咬感，至於Baileys味就集中喺河粉度，唔算太濃酒味。啲可可脆片係特別版黎喎, so cute!呢個芒果之城，睇落無咩特別，但其實內有乾坤食落去裡面原來有星星架！係啫喱黎，呢個位可以稍微加分！有樣野不得不提，就係上菜既速度真心快！唔使一分鐘已經黎齊哂，好開心丫！同行既朋友都好滿足！

本來對大飯糖冇乜興趣，因為大圍果邊都有唔少糖水鋪，但質素真係麻麻，所以都冇諗住去試。點知見到張傳單，入面啲款式多到目不暇給，決定今晚一戰！間店好大又光猛，唔似其他甜品店咁逼逼夾夾，又要搭枱坐到周身唔舒服，食完就俾人趕走，呢度坐位闊落又多位，就算食甜品都可以慢慢坐，食得舒服啲！佢起碼有五十樣甜品揀，大有大食，細有細食。我最欣賞佢有得自選甜品添！唔使吓吓俾人set死哂要你食咩款就咩款，又可以因應自己既食量叫，好貼心！我地食量細，叫咗個3.6牛奶軟雪糕拚焦糖燉蛋，同埋自選甜品蛋糕加原味奶凍。個軟雪糕好實，好有奶味同埋唔易溶，奶凍同燉蛋都唔太甜，感覺幾健康。總之食得舒服，開心，食甜品都係想咁！大飯糖真係令我驚喜，希望佢保持水準，繼續包羅萬有，我就繼續支持！

吃飽晚餐，經過附近的美林冬菇亭，見到大飯糖已開業，當然要去試試喇。我們叫了雜果心太軟，雜果不是罐頭貨，心太軟雖然沒有驚喜，但也沒失望。另也叫了3.6牛奶雪糕x焦糖燉蛋，牛奶雪糕好香滑，但燉蛋上的焦糖有很強烈的燶味，放入口，即時吐出來，實在受不了，而燉蛋也有莫名其妙的黑點，但又不是雲呢拿籽，視覺及口感都接受唔到。最奇怪的是，每當我們試新店時，大多數既食肆店主或管理層都會過嚟問吓食物如何？有沒有甚麼需要改善的？而這間店，店員收碟時，即使見到人家吐番pat黑焦糖及嗶走燉蛋黑點及食剩個燉蛋，都冇問一句，仲以為附近開了甜品店就唔駛再出大圍市食甜品，結果....唉！

新店開張, 聽店員講係第三分店.先講裝潢: 草地招牌好靚, 但旁聽的渠蓋設計, 加上門口黑漆漆, 實在有點奇怪. 店內十分寬敞, 目測有過百位, 有吧檯(我最討厭的), 但有大量可組合的二人檯, 十幾二十人搵位都應該無難度, 論空間感一定滿分.服務: 新店新店員, 產品未太熟悉, 但都帶有笑容, 十分有禮食物質素: 軟雪糕楊枝金露~好鮮, 足料, 100分, 友人分別食紫霞仙子, 蛋白杏仁茶, 心太軟, 評價唔差.價錢: 30~50, 價格OK, 份量算區內較大.