大食代 (新港中心)

營業中

休息中

幾日前黎尖沙咀行街，見附近有間foodcourt就去食了，重點係地方大空氣流通，之後行左一圈見一間好似麻辣燙最多人，所以就去試下啦。揀左個$66既酸菜魚，等左成8-10分鐘先到我，我拎完就真係嘩左聲，咁既價錢，咁個份量真係夠哂誠意啦！個姐姐拎餐前同我講落小小辣野味啲，本身自己唔食得辣，但見佢咁熱情同我講咁就要個bb辣啦。可能自己鍾意食酸菜味道真係唔錯！而辣亦都可接受。上次去食間專食酸菜魚既要百幾蚊。所以今次真係物有所值，不過我覺得配料多但魚就5塊有啲少而啲飯又唔係好熱。但總括黎講係一個唔錯嘅選擇

行經新港中心見到有個food Court，咁啱有啲肚餓，就落去睇吓有咩食。行咗個圈發現個場都幾大，有差唔多20間檔口，本身有啲想食辣野，見到有人食緊一鍋熱辣辣裏面好似有青口、蝦既湯， 睇落幾吸引。走去問在場嘅職員，佢哋話係韓國屋嘅豆腐辣湯，跟住我就走去買啦！等咗差唔多5分鐘一個熱辣辣既湯就整好，急不及待試咗啖湯，OK喎少少辣幾惹味，送飯一流，撈下撈下原來個底仲有啲粉絲，幾好味，涼涼地食呢個幾暖胃，吾錯！

同女友去尖沙咀諗住去canon毒氣室睇下新機r5 r6去前去大偈代行個圈睇下有冇岩食既tea set落去見到下午茶做8折，可加5蚊買汽水咁就睇中四川麻辣燙跟住問佢有冇茶餐，佢地就話好細size, 叫我地點返大既，ok, 我地都鍾意食，有既又唔貴，就點左個肥牛米線同牛肉公仔麵但係原來冇折85喎，四川位姐姐話85折要拎單聽日再黎食先有，5蚊加汽水又冇，話星期六冇優惠。。。。咁即係冇平囉。是但啦，都叫左，咁咪照食。肥牛米線唔辣，唔錯，料又多，有我女友覺得好食，不過食唔哂，要我埋尾😱😱我叫左自選配餸加公仔麵，中麻辣，衰在冇叫佢走酸菜，我唔鍾意食酸味餸（檸檬酸糖就鍾意食😅），好在岩岩食覺得酸味可以接受。公仔麵較硬，差左啲。麻辣味唔濃又唔夠辣，反而比我越食越酸，酸到之後頂唔順，食哂啲餸同麵，湯飲唔落。😵😵全單一舊，汽水之後上左7仔買（5蚊汽水星期六冇喎，不過宣傳上寫星期一至日喎）得閒無事可以黎食下，不過唔好信佢啲宣傳廣告，冇既都放出黎扮有，不係就又你呢樣或者嗰樣，做埋啲promotion 都做得屎過人，唔怪得平時都咁小人黎食啦

今天我們一行八人，來到尖沙咀食飯。人人有不同的喜好，去food court食就最好！有好多不同選擇。其中一間賣中式的餐廳CP值最高，50幾蚊有飯有湯仲有碟菜！今日我就試左菠蘿咕嚕魚柳+蓮藕湯。甜甜酸酸的魚柳份量多，好醒胃，粉醬略嫌多左小小但可接受。反而令人驚艷係個蓮藕湯非常鮮甜，而且無乙味精的感覺。相當有誠意。✔️總括而言：要傾一堆人食飯食乜真係好難達成共識。food court 就係好好的選擇，而且地方大唔怕坐耐小小。選擇又多，絕對係好選擇。

尖沙咀大食代food court 中式小炒餐廳鹽酥雞扒貢丸湯河粉($48)尖沙咀搵到既附近間food court就入左去搵晚餐。係好多款式揀，因為係商業中心地帶既地理位置，價錢比一般嘅貴少少。揀左間中式店就搵左位坐，大食代地方寬敞，多位。但食物質素就冇專店較好。 鹽酥雞上枱係凍， 似已經擺咗一段時間， 鹽酥雞肉汁脂肪當口感軟淋淋，貢丸味道比較好少少，但湯底似清湯冇咩味道，同河粉既都得煮太耐，夾起身比較容易爛。

食Food Court 既原因不外乎都係想「平，快，飽」。如果抱有太多寄望，請付出多點錢去間高級餐廳坐低慢慢食。今日lunch就去尖沙咀大食代買個外賣飯盒反公司食，$6x 蚊既海南雞飯套餐包括有海南雞飯，一客小食，例湯。外賣飯盒外表賣相不太差，雞肉同飯既分量亦不算少，比例恰當，小食看起來都不錯，不過食落去海南雞不滑，雞煮得有點老同鞋口，味道是一般的咸味。至於油飯，雞油飯入口比較油膩。另外，其中豆腐呢客小食帶酸，可能天氣熱,在製作過程中已經變壞了，實在有點失望。由於是外賣，所以都費事花時間反去換。希望下次有機會再幫襯可以有進步吧~~

其實本身都唔係好想係度食，因為明知質素唔會好得去邊得黎價錢又貴，係遊客先會黎。除咗pepper lunch 之外好難搵到一間啱心水又唔會overprices ，最後係燒味櫥窗見到啲燒味個樣都算係咁就決定食燒味，單併$48，腩仔或者燒鵝雙拼就$60，包兩條菜心同一碗清湯，見佢個燒腩仔個樣燒得唔錯我就決定要燒腩肥叉飯。其實都overprices左不過算啦，但求Ok。結果一見到賣相即刻想爆粗， 份量少，燒腩仔薄切，叉燒一睇有經驗既就知佢張原本條叉燒開一半再斬比我，結果就係又係薄切，其實好多時坊間既做法如果條叉燒太厚係會切開一半再斬，但味道會大減因爲外層燒香左層皮得返一半。60蚊你比咁既份量，佢又公平呀，我見到其他人嘅分量唔係博切就係勁少份量。味道方面係兩者都冇乜味，腩仔個皮輕輕的脆因為太化了。個飯偏淋，個薑蓉係冇薑得黎勁大粒蔥，等於蔥同油我會形容。雖然係任裝但係送俾你都嘥氣。好似我一早所講其實我真係冇乜期望所以都唔算失望，但$60咁嘅質素咁嘅份量，除咗離譜都唔知點形容好。

-這天在尖沙咀逛街，忽然口渴想喝點東西🥴記得這裏有一間水果店，便決定來這裏試一試新鮮果汁🍹♥《梨汁》一看價錢嚇到了！其實也預料到會比較貴🤦🏻‍♀️這杯梨汁就大約$30左右吧～不過人頭湧湧，似乎很多人光顧🤨大多是遊客，始終這個地方是遊客區～的確是新鮮榨汁，開放式設計讓你任意觀看～感覺是沒有用糖水的，喝起來也不算太甜💛不過由於沒有隔渣，¼的杯子都是梨渣喔sad所以喝起來更少，性價比真的一般，不考慮回購～

有時候在尖沙咀上班時候想不到吃什麼，這裡近近地 都是一個選擇。Food Court🍴好處就係選擇多，而且可以因應自己既口味 就算大顆兒一起也可以按自己餐點再圍埋坐埋一齊食呢。呢間既蒸飯不錯，北菇滑雞飯套餐🐥🍚🥢。一個套餐有蒸飯`炒菜`中湯，其實也算抵食，而飯蒸得宜；雞也嫩滑 味道也好；蒜蓉炒椰菜雖然是跟餐 但也算不錯。以這個價錢在尖沙咀吃午飯也算是個快速好選擇。如果怕人太多 不想待在這裡吃，外賣回公司吃也是一個好方法呢。

今次係我第2次再試! 價錢比以前貴...可能通脹啦 而家咩都貴.諗住加底可能會多d啦 點知加底加左成$10 感覺同無加無乜分別..唉..算啦麵底有公仔麵,螺絲粉,長通粉,我簡左螺絲粉...((好似健康d,自己呃自己 ) 湯底味道無以前咁濃..但整體味道都keep到既..我嗌左果個係八寶(我記得既就有鴨胸肉,雞蛋;墨丸;牛丸;)下次可以再試下佢果個牛魔王!全牛 (牛丸;牛筋;) 我仲+左5蚊雞加多個栗米(姐係M記果隻牛油栗米) 總結: 價錢已經無咁抵!不過相當飽就真既! 鍾意番茄可以一試!

今日去左尖沙咀大食代，其實我都係第一次尼，係入面食左E間專食番茄菜式的鋪咁我E碗野就大約$45,$46，係尖沙咀尼講都算平E碗係牛丸，花枝丸，螺絲粉番茄湯份量好大份，番茄湯味道好濃，仲有少少粒粒番茄，味道唔算太鹹牛丸，花枝丸都好味；不過如果牛丸原粒上的話會比較彈牙螺絲粉軟硬度適中野飲要另外買的我地去果時8點幾冇咩人，隨便行行行就有位；地方有D迫，不過foodcourt一向都係咁因為湯底，材料真係好味，所以下次都會再尼

工作關係，又經過新港。見時間不早，就食埋晚餐先。行左個圏，決定試呢間蛋包飯。牛枊粒就一般喇，淋嘅，少少牛味。啲蒜粒唔知點解好硬，一路食一路驚咬磞牙...🤣個蛋包包唔似我想像中果種炒蛋厚嘅，佢係類似煎蛋咁薄薄一層包住啲飯。面頭有茄汁同麻醬，個味都唔錯嘅。總括黎講，都合格嘅。

尋晚經過附近，諗住快食個晚餐，然後去上堂。聞到隔離食韓國炸雞好香，鈎起心癮食韓國野。我地叫左個泡菜豬肉炒粉絲...麻麻地。無咩材料炒個粉絲，炒完再加啲泡菜同豬肉喺面，成個粉絲都無咩味。另外叫左個石頭雜錦飯，好普通。最衰就係無得自己混醬撈野...有試埋個炸雞，聞落好香，個皮都算脆，但夠雞肉就無咩味。總括黎講，好一般...價錢都唔平架...平均會個六十幾，未必好快再食🤣

週未去尖沙咀行街，週圍都係人，為了避免同人迫，等到下午茶時段先食Lunch，果然係少啲人，好容易就搵到位坐。叫左一個咖哩牛肉蛋包飯，首先，份量真係好足夠，一個女仔食絕對夠飽。牛肉都好足料，入口無渣，日本咖啡無咩辣味，本人超怕辣，但都可以食晒，怕辣的人都可以試下。個蛋包飯包得好好，蛋炒得比較薄身，蛋的份量有點少，飯係甜甜，好好味。仲有麵豉湯送。因為甜品係另一個胃，食完lunch再買左一個鮮果窩夫，窩夫味道唔錯，但底部有碳屎，分數大減!

其實我好小會比差評，因為可能只係廚師當日一時失手，但以下呢個蒸飯請恕我真係搵唔到任何優點首先飯質過濕偏爛，連中心位置都口感偏爛，猜測應該喺落太多水所致鹹魚竟然偏淡，有一刻我懷疑係咪鹹魚嚟肉餅很重荳蔻粉同花雕酒味，醃料分量拿捏"超級失敗"， 感覺就像從未有入廚經驗的人製作，另外肉餅肉質梅爛。 整個飯就是一個災難現場，不過我唔係一個浪費嘅人，只要係心入面諗住非洲同敘利亞嘅小朋友，係可以堅持食曬嘅.......而跟餐嘅炒雜菜亦喺災區之一，口感味道都唔多講，首先改善衛生情況吧， 隨菜附送一支曱甴腳，感謝我沒有肚痛.....間野喺大食代入面近門口位置，牌匾寫 "港式點心|蒸飯"