大頭蝦南風海鮮酒家

營業中

休息中

北大嶼山醫院有兩間餐廳，住附近的居民一定會識， 一間食粤菜嘅餐廳 -- 大頭蝦南風海鮮酒家。 呢間酒家出名抵食又好食， 而且份量足夠！酒家座位主要分兩部分，有蓋的戶外及有冷氣的室內，天氣涼時出戶外其實係一個不錯的選擇，好有大排檔feel燒味雙拼(燒鴨+油雞)燒鴨調味很好，咸淡適中，本身燒嘅火喉亦係剛剛好， 一口咬落去仲有肉汁爆發出嚟，係近排食過相當高質的燒鴨。 油雞雞肉滑嫩，輕輕食到仲有雞味。底部仲有幾件豬肚同豬脷，都幾好食😋南風小炒王食得出有韭菜，腰果，蝦乾，菜甫，魷魚，帶子，蝦仁等材料都係小炒王的基本配備。惹味咸香有鑊氣，有口感得嚟，層次豐富又夠夾。不論係餸飯定係啤返兩杯都係最佳選擇XO醬大豆芽炒魚鬆XO醬本身好夠惹味但唔會搶咗魚鬆嘅鮮香，魚鬆本身都好彈牙， 大豆芽亦夠香脆，三者一齊出奇地夾。我平時唔鐘意大豆芽係因為怕有草青味， 而呢道菜完全無呢個問題

同朋友喺大嶼山行完山出返東涌，諗住食埋嘢先各自返屋企，朋友聚會食大排檔就啱曬，但真係要朋友介紹先知原來東涌呢個社區都有啲街頭風味嘅大排檔行到嚟大嶼山醫院後面條路竟然有兩三檔餐廳，真係夠隱世，之後朋友就帶咗我哋入呢間大頭蝦南風海鮮酒家📍雖然行完山好攰，但都廢事食得太飽傷身，我哋幾個點咗4道菜🍽️燒味雙拼🦆🐓入去坐低之前已經見啲燒味燒得好靚，點咗豉油雞拼燒鵝。燒鵝唔會話好肥，油香味俱全，油脂分布啱啱好，好食到想再encore。豉油雞浸得恰到好處，唔會太咸，肉質都非常滑嫩，口感一流小炒皇每次試新大排檔必定要試小炒皇，一試就知啲嘢夠唔夠鑊氣。呢度嘅小炒皇真係無得頂，無咩幾可有餐廳嘅小炒皇會用帶子做食材，再加埋蝦🦐同鮮魷🦑，鮮味十足，口感都豐富好多黃金四季豆全香港真係無咩邊度食到，我哋都係第一次試，原來咸蛋黃同四季豆都可以咁夾，炸過嘅四季豆都十分酥脆，配啤酒🍻就非常夾麻辣雞煲🐓雞煲份量非常足夠，我哋四位男士都夠食，味道都好惹味，唔會太辣得嚟又夠濃味，雞件都好嫩滑，好有雞味🐥

我同幾位朋友去咗東涌黃泥屋村嘅大頭蝦南風海鮮酒家食飯，真係食得好過癮。我哋叫咗燒味雙拼，有燒鵝，同埋白切雞，兩樣都好味道。燒鵝個皮脆又香，白切雞嫩滑有嚼勁，任憑我哋如何搭配都好食。 仲有酥炸魷魚鬚 ，個外脆內嫩，配埋醬汁食好開胃。粉絲時菜蝦米煲，同埋胡椒豬肚煲都好香濃，啖啖都係好料。特別的是餐廳特地加上酸菜調味，令湯底體現酸甜味。粉絲清爽，加上蝦米煮得剛好，味道鮮美；豬肚肉質韌勁十足，喺胡椒調味下更顯得香辣可口。 最令我印象深刻嘅係醬爆蒜芯炒煙鴨胸，個鴨胸好嫩，味道好好，配埋啲爽口嘅蒜芯，真係好好食。鴨肉鮮美，蒜芯爽脆，加上醬汁的調味把鴨肉的鮮味提昇。 酒家環境都好舒服，四周係樹木環繞，有啲歐陸風情。位置就喺北大嶼山醫院隔離，門口都有泊車位，好方便。酒家的裝潢簡約大方，感覺非常舒適，席位寬敞舒適，適合一家大小來聚餐。 如果想慢慢享受一頓美食同埋一個悠閒嘅晚上，大頭蝦南風海鮮酒家係一個好好嘅選擇。服務態度好，菜色豐富，環境優美，一定會再去一次。地址：東涌黃泥屋村2號地下(東涌站A2出口)價目表：燒味雙拼$138粉絲雜菜煲$78椒鹽鮮魷$98胡椒鹹菜豬肚湯$95醬爆蒜芯炒煙鴨胸$78*人均

去東涌探朋友，帶左我去呢間係北大嶼山醫院隨近小路，話東涌必食。係一間好有特色既園林大排檔， 平日都爆曬場！三個人叫左四味餸。黃金四季豆：黃金四季豆非常美味，豆子炸得非常香脆，口感很好，並且蛋黃調味恰到好處。豆子的外層酥脆及果上滿滿的咸蛋黃，而內部仍然保持著豆子的嫩度。咸蛋皇很恰當，增添了豆子的風味，讓人一口接一口地吃下去。麻辣雞煲：這道麻辣雞煲味道很棒，而且非常開胃。雞肉非常嫩，配料的也很多，讓整道菜的味道更加豐富。燒味拼盤：燒鵝及豉油雞，雞肉肉質鮮嫩，豉油味香甜。此外，燒鵝保留了本身油香，一吃就能感受到肉質的肥美。小炒皇：這道小炒皇是有鮮蝦，蝦乾，帶子粒，韭菜，腰果，用料十足，味道很好，每一種食材都得剛好，韭菜爽甜，非常惹味。總的來說，這些間居民大排檔菜肴都非常美味，每一道菜的風味和味道都很獨特，而且烹調技巧和配料的選擇都非常恰到好處。份量亦都十足，如果你想品嘗美味的中式小炒，這些菜肴都是非常不錯的選擇。

難得入黎東涌，看看openrice的推薦，發現呢度都幾多人黎過所以都試下。所以呢度環境都幾清幽，同埋一到夜晚都開始多人過嚟食，打開餐廳都見到唔少嘅選擇。然後嗌咗四樣嘢，滷味、椒鹽魷魚、燒腩仔同埋一碟菜。我覺得最好食係椒鹽魷魚，可能因為我最鍾意食係海鮮，另外嗰兩樣嘢就朋友食曬。燒腩仔個皮都好趣，但係要送飯先得，滷味尚算入味！我哋食食吓飯嘅時候，都有店家嘅大狗係餐廳附近行嚟行去，無法都幾乾淨，感覺係附近嘅人嘅寵物，都幾可愛！

同朋友到東涌outlet shopping之後就行10分鐘到附近的黃泥屋村啖美味----大頭蝦南風海鮮酒家，一間䇄立10幾年的值得一再幫襯的小炒燒味酒家。有戶外茶座及室內冷氣座任君選擇，這裏出名燒味、烤魚、鷄煲及鑊氣小炒😋😋。二話不說先叫一碟燒味相併解解饞，燒腩皮鬆化脆口，肉嫩。燒鵝一睇，不得了，皮每次都有網格的，皮下油脂不多且不油膩。皮雖薄但有油香、肉嫩多汁，醃得入味又不咸，令人一試愛上，所以口碑不俗。跟住點咗人氣嘅酸菜烤鯇魚，菜做到色香味俱全，上臺時魚是未全熟的，加熱其間，誘人香味一波一波源源傳來，聞著垂涎，肚在打鼓了。魚肉厚又嫩滑，花椒酸菜調到味道剛好，酸酸辣辣開胃美味，魚成隻前臂般長，肉厚但不嚡，滑滑嫩嫩。食不停筷，食極都咁多肉，各部分都滑滑的。今晚肉多且天氣熱就點了個金銀蛋浸莧菜，菜雖普通，但鑊氣搭夠朋友還問我為何食到種特別的香味，我覺那是油泡金蒜及鷄肶菇所得的蒜香奶油味，莧菜又新鮮沒有老梗，碟頭又大，沒有點米飯主食，我們食到肚食不下也未能清盤衹能打包回家再吃。

成日都覺得東涌冇嘢食今日去朋友屋企嘅時候佢就帶咗我去佢屋企附近有一間大排檔外面一啲都唔起眼 但入到去就知好地道👍🏻-燒味雙拼燒味有驚喜 燒鵝醫汁惹味雞肉質嫩滑 兩個人食幾個例牌啱啱好-水煮牛超香水煮牛 不過都真係有啲辣我哋今日叫左個標準辣度牛肉份量都好多配料除咗芽菜之外，仲有寬粉-椒鹽鮮魷朋友話去到大排檔一定要叫椒鹽鮮魷即炸即食 熱辣辣炸粉薄 唔怕食到成肚麵粉咁岩戒緊精緻澱粉既我都忍唔住食多咗幾舊🤭食完行返出去就已經係巴士站，可以去返地鐵站好方便👍🏻

好耐冇食過大排檔，天氣涼涼地，就坐係岀面食下香港風味，黎到東涌大頭蝦大排檔～最方便既係，門口就可以免費🆓泊車🚗#東涌美食#東涌#香港美食#香港風味#大排檔#hkfoodblogger #hkkol #hkfoodig #hkfood #有鑊氣#烤魚#好多款式#健康飲食#四季豆#美食#相機食先#hongkong #hkig #852food🥢巴蜀烤魚用上原條魚，特別厚肉，魚肉嫩滑鮮甜，而且煎香，外脆內嫩，再加上烤多一陣，麻辣味更滲透魚肉，好少魚骨，聞到都已經流晒口水🤤🥢酥炸雞軟骨超邪惡！即炸勁熱辣辣，每粒size 不同，有大有細，勁香脆可口，咬落去仲會係嚓嚓聲，骨頭雞肉很均勻，很讚既小食🫶🏻🥢肉碎炒四季豆干扁鹹香既四季豆，帶有少許肉碎，最適合🈴️用來撈飯，一流🤲🏻

去完東涌outlet shopping，想搵小炒又老字號又想支持小店，Openrice下搵到呢度，喺東涌屹立左10幾年嘅酒家，大排檔風味依家香港較罕有；地點又易去，東涌地鐵站A出口行10分鐘左右。職員服務好好介紹。望下餐牌，好多人都想食，主打燒味，炭燒乳豬，特色小食小菜，烤魚雞煲。叫咗燒味雙拼，白切鷄同燒鵝，燒鵝皮脆，燒鵝同雞都份量多，啖啖肉；白切雞阿仔最啱食；蛋花粟米魚肚湯，又係好大份，三個人兩大一細都飲咗好多碗，好足料同鮮甜，大人細路都啱飲；魚香茄子煲好惹味又夠鑊氣，真材實料，送飯一流；我至愛欖菜肉碎四季豆，又係好大碟，好香；成餐都好好味，連阿仔都好快就食晒d餸。

之前有朋友介紹所以去左食呢間隱世既大頭蝦海鮮酒家，估唔到咁有驚喜～薯仔牛柳粒，一拎出黎就知好夠鑊氣，牛柳粒十分嫩滑，好味～ 但最驚喜既係 d 薯仔，外皮香脆，內裏綿密軟滑，味道完全超越想像，暫時食過最好味既薯仔係佢！唔係誇張，真係每一啖都令人欲罷不能，呢道菜俾我既感覺是：超、超、超好食！😋😋😋面醬肉碎生菜，呢道菜感覺有少少麻婆豆腐的變種版，用既係碎肉和生菜，配上甜鹹的面醬，味道好濃郁，生菜爽脆清甜，呢個配搭非常好 👍🏻川味烤鯇魚，我地要小辣，感覺啱啱好，魚肉經過烤制之後變得十分鬆軟，而且嫩滑，滋味非常 😋今次晚餐好有驚喜，價格合理，份量十足，食物質素好高，期待下次再返黎試下其他菜式！

大頭蝦南風海鮮酒家 (東涌)📍東涌黃泥屋村2號地下呢間真係超級穩世餐廳, 唔係講笑, 係超級有風味, 睇下張相就知冇用錯穩世一詞!通常愈穩世就愈正, 果然係真!燒味雙拼一上枱,我地都不禁”嘩”一聲….叉燒同燒肉都勁大舊… 厚切..燒肉皮勁脆.. 肉質唔實,油脂分佈均勻, 叉燒切到好大塊勁滿足!川味烤鉗魚, 辣度可選魚大條, 開邊, 魚肉超滑, 個湯底味道調得幾好, 加左花椒,因為我叫小辣既關係, 所以辣椒唔多, 唔會辣到我食唔到..仲有芽菜, 豆卜, 都好入味…而且係有埋GAS爐, 個勢已經贏哂!

位於東涌嘅大頭蝦南風海鮮酒家，絕對係一間值得一試嘅餐廳。-薯仔牛柳粒-爆香咗芫茜、西芹、洋蔥、青椒，薯仔表面煎香，裡面就好粉好淋！牛肉超級無敵軟嫩，勁Juicy！勁有穫氣～超級香超級好食！-面醬肉碎生菜-估唔到生菜都咁入味！生菜保持到爽脆口感，加入辣椒同肉碎，好惹味呀！-川味烤鯇魚-條魚好嫩好滑，魚肉好厚身，啖啖肉！仲加入咗好多配料，好香好濃郁，但唔會太咸，微辣嘅風味會越食越想食！條魚真係好正～屋企嘅老人家都話好食～啲豆卜仲要索晒啲湯汁😍-清涼爽-好耐冇飲過呢罐嘢ヽ（´∀｀）ノ係兒時回憶嘅味道😆入面有涼粉，食完辣辣哋嘅川味烤鯇魚再飲佢，好正好解辣！

📍位置：近東涌站 A 出口，由東涌消防局要走大約十分鐘，在醫院的對面。🏠環境：以樹叢為門面，設有室外座位和燒味檔位，客人多而熱鬧，充滿大排檔風味，而室內面積則較古色古香，以黑色為主，舒適簡單。🤵🏻服務：人手下單，不收加一。🍽️晚市：提供各式小炒，雞煲、火鍋和烤魚。🥢燒味拼盤（豉油雞+燒腩仔）$158份量挺多，燒肉外皮香脆，肥瘦相間，入口就油脂溢出，蘸上芥辣更惹味😌。雞皮和肉都是嫩滑，不失為一個不錯的冷盤😙。🥢巴蜀川味烤魚 $358紅彤彤的湯底，但嚐起來其實辣度不高😌，鱸魚大條肥美，肉質新鮮嫩滑☺️，先煎半熟，需要再滾一滾，配料挺多，豆卜、芫茜🌿、芽菜、辣椒等，吃完都很飽肚😊！🥢椒絲腐乳炒通菜 $72份量多，通菜很爽口鮮甜😋，用腐乳炒就更香，只是汁太多了😗。🥢南風小炒王 $108材料豐富，有韭菜、蝦仁、帶子、果仁、魷魚等，炒得有穫氣，最特別是加帶子😍，很爽滑鮮甜，而韭菜鮮甜無渣🥰，整體高質👍。

南風小炒王 海鮮雜錦炒韮黃，蝦仁、海蛪、章魚鬚、腰果份量比例平均，炒香有鑊氣，落埋乾蝦風味十足。椒絲腐乳炒時菜今次係食通菜，腐乳較多浸時菜夠味，香味俱全，椒絲不算多，味道對整體不影響，作一點綴。巴蜀川味烤魚辣油搶眼，事實上不大能吃辣的朋友都可以一嚐，建議開爐滾多5分鐘，如果自己一個或帶1/2位朋友，可選擇半條，烤魚好入味，豆卜吸晒辣油魚汁，都唔錯。燒味雙拼燒腩仔配沙薑雞，雞唔多油，正常發揮，燒腩仔皮脆肉嫩，有碗飯配會更好。凍檸水3片檸檬少許糖漿，冰鎮清爽。凍檸茶緩一緩肥膩感。侍應服務態度良好、有人情味

今天晚上去東涌探朋友，晚飯食「大頭蝦南風海鮮酒家」，平日晚上都幾近滿座。先叫個「燒味雙拼」$138，有燒鵝同燒腩仔。想不到大大份，份量想普通酒樓2倍吧，十份抵食。溫度微暖，燒腩仔脆香，咬下去脆卜卜，肉汁滿溢。燒鵝燒到色澤鮮艷，什是吸睛，加上酸梅醬酸甜酸甜的。再來個黑椒茄子牛仔骨，份量也是抵食，牛仔骨好入味也不會太老，好食也高質。仲有茄子等，京蔥等，送飯一流。另外用熱窩上，可以保持溫度，慢慢食都唔怕。最後要個腐乳炒通菜，鑊氣十足，又係大份，通菜都好新鮮脆口，正。平時仲會有師傅係到燒乳豬，有得食又有得睇表演 好得意！太飽食唔到甜品,下次要再黎！