大頭蝦南風海鮮酒家

營業中

休息中

嚟到東涌，朋友推介大頭蝦南風海鮮餐廳，這餐廳門面好有大排檔感覺，但又坐得好舒適！張椅重好有特色！個餐牌好多選擇，有燒味，有烤鍋，有小炒！選擇多源化！朋友推介燒腩仔和燒鴨，再加個川烤魚和西洋菜！當然重要啤啤佢啦！燒腩和燒鴨首先登場！燒腩皮脆，再加上一層一層的肥瘦分明！真係超好食！而燒鴨都有少少脆皮，鴨肉夠入味而不鹹！真心好味！主角的川烤魚上枱時十分吸引！看著烤魚加熱至滾滾香氣！急不及待地搶先試味！魚肉香滑而入味！豆腐泡更吸滿魚汁和川菜味！食落齒頰留香！魚身經過煎炸，再用川味醬料烤製！魚肉特別入味而又爽滑彈牙！真的不容錯過！而炒西洋菜就剛中和了比較刺激的川烤魚！而西洋菜又淋滑，而當中的蒜頭更吸上滿滿的菜味，份外美味！

同男朋友去完大嶼山落東涌食野，佢話好耐無食，想食下大排檔就見到呢間就走左入去試下😍 🟩例牌燒味雙拼 我地叫左雙拼係燒肉同燒鵝，份量超級多，都幾抵食。值得一讚係燒肉個皮好脆好好食，就算凍左都夠晒脆卜卜！ 🤩🤩🤩🤩🤩🤩燒鵝啖啖肉，油脂豐富，唔錯❤️ 🟨 雞煲量多，夠晒入味，辣味都幾濃，雞件就算一路煲住都唔會又鞋又老。惹味但係又唔會死咸死辣，值得一試！😊 🟦 時蔬份量多，好開胃，食完咁多肉食下菜就岩晒！😍

嚟東涌搵朋友，就順便嚟呢度食晚飯，朋友有講過佢哋啲小菜同燒味都幾好味，不過呢度就比較偏遠少少，係位於村屋入面，揸車嚟會比較方便啲，因為都有少少位置俾你泊車☺️燒味雙拼食得出好新鮮，啖啖肉，而且燒腩仔一啲都唔肥，表皮脆卜卜，燒鴨都係啖啖肉👍🏻👍🏻👍🏻椒鹽炸鮮魷份量都唔少，而且炸得好好味，脆卜卜，呢個菜真係追住食🤗黑椒薯仔牛柳呢個小菜好適合送飯，薯仔同牛柳沾滿黑椒汁，牛柳一樣又係啖啖肉，而且都好林身

例牌燒味雙拼，168蚊份💰雙拼分別係燒鵝髀拼雞髀，金黃酥脆外皮同嫩滑多汁肉質，炭火慢烤肉質香氣，雞髀肉質嫩滑柔軟，配搭埋酸梅醬同薑蓉食更滋味😋黃金四季豆，98蚊碟💰大推依道黃金四季豆菜式，四季豆都沾上了咸蛋黃嘅醬，再加上四季豆脆嫩，一種清脆爽口感覺口感極豐富😋😋泰式辣椒膏炒青口，98蚊碟💰炒青香辣開胃，青口本身鮮嫩口感同甜美海鮮，吸收辣椒膏的醬汁，口感和微妙酸甜味道😀京蔥芥茉牛柳粒，118蚊碟💰牛柳粒口感細膩，每一嚿牛柳粒都沾上京蔥芥茉香味，非常濃郁惹味，保持了肉質柔軟口感脆嫩细腻多汁，送飯食一流😄

係東涌逸東邨有間隱世大排檔，有間大頭蝦南風海鮮洒家大排檔的氛圍通常非常熱鬧，享受美食和社交互動，大排檔提供各種各樣的菜餚，包括海鮮、燒烤、炒菜、煲仔飯、炒麵等等。你可以嘗試到各種口味和風味的美食酸菜味烤原條鉗魚☺️原條鉗魚在烤制過程中會變得香脆，外表金黃酥脆，內部保持著魚肉的嫩滑和水分。充滿了咬勁和鮮美的魚肉味道，酸菜的酸味為整道菜品增添了一種清爽的口感。鮮美相互融合，產生了一種平衡的味道。酸菜的酸味不僅增加了整道菜品的風味層次，享受到魚肉的美味和酸菜的獨特風味，是一道令人回味的美食。冬蔭功浸蜆☺️蜆口感鮮嫩而有嚼勁。在冬陰功湯的浸泡下，會吸收湯汁的味道，變得更加鮮美多汁，蜆肉會吸收冬陰功湯的酸辣味道，使得蜆的口感更加豐富和有趣。蜆肉的嫩滑與湯汁的酸辣相互融合，產生一種獨特的風味體驗。京蔥芥茉牛柳粒😀牛柳粒通常選用嫩而有彈性的牛肉，京蔥是一種具有濃郁香味的蔥類食材，它的獨特香氣能夠提升牛肉的鮮味，芥茉醬的辛辣性能夠為整道菜品增加一種特殊的風味層次。大頭蝦南風海鮮洒家讓人們可以在友好的氛圍中品嘗到各種美味的食物，與朋友和家人共度美好時光。

今日同女朋友過咗嚟東涌食酒家，呢間酒家開咗好多年所以想過嚟再食！回想起幾年前公司的飯都喺呢度食，餐廳喺東湧站行過嚟十分鐘左右。鄰近大嶼山醫院滷水拼盤9/10分。呢個滷水拼盤好入味亦都好多分量，有雞爪鵝掌豬肚等等，性價比十分高的呢個浸菜味道正常，會令到我哋食得開胃！人類同樣都比較多豉汁蒸鱔9/10分。呢個味道有驚喜，首先係即叫即蒸嘅而且非常新鮮！加上豉汁都落得比較多，好入味的非常推薦大家過嚟食，佢嗰度仲有即燒乳豬！今次太少人所以冇食到

跟屋企人黎食飯先知原來咁隱閉有間大排檔嗌左個雞煲都幾好食，麻麻辣辣咁，吾算係好辣，不過好入味，d雞肉大舊得黎又好滑，好食，不過半隻雞吾夠食，下次要叫1隻先得d燒鴨都吾錯，又吾會好肥同多油，d肉都吾鞋，個酸梅醬好好食

大頭蝦南風海鮮酒家就好像一個隱世的農家海鮮飯店，充滿生機勃勃和野外情趣。最重要的是每一道菜的鍋氣十足，分量都好大，每個人都吃得很滿足。燒味雙拼烤鴨金黃酥脆的外皮，光滑而有光澤，脆皮包裹著嫩滑的鴨肉，再醬點獨門秘方的酸甜汁更是令舌尖驚艷。色香味俱全的小炒王這道菜巧妙地結合了鮮嫩的帶子、彈牙的魷魚、鮮美的蝦球和金黃的腰果，色澤鮮亮，每一口都讓人愛不釋口。蜜椒番薯牛柳粒的塊狀牛肉保持了其鮮嫩和彈性，每一口都帶來滿滿的肉汁和口感，而且蜜椒香甜，番薯綿密。

難得好友從加拿大返港渡假，說很掛念港式大排檔風味既美食。去完天壇大佛遊覽就順便去［大頭蝦南風海鮮酒家］尋找隱世美食😋可能到達時時間尚早，未到晚餐時間，所以酒家未有太多食客。酒家有露天以及室內位置可供選擇，枱與枱之間非常闊落。因為貪有冷氣，我同朋友選擇左坐室內既位置。大頭蝦南風具有一般大排檔特色，客人可直接於餐牌上圈出心水靚餸。酒家主打特色風味小菜、烤魚雞煲、燒味、炭燒乳豬等等...........餐牌上樣樣都吸引，樣樣都想食。但我地只得2個人，所以唔能夠叫太多餸。我地選擇左：🥢燒味拼盤（白切雞🐔+燒腩仔🐷）首先份量比預期多，白切雞雞肉鮮嫩，雞皮彈牙爽口；燒腩仔肥瘦相間，外皮香脆，一入口就有油脂溢出，連埋芥辣一齊食就仲更加惹味😋😋🥢欖菜肉鬆四季豆🫛好香好夠鑊氣，完全突顯大排檔應有既風味。食落唔會太油，調味剛剛好，送飯一流😋😋😋🥢重慶香辣雞🐔煲一樣係分量十足，半隻雞已經係滿滿一大盤。雞肉非常鮮嫩，再配上獨制醬汁，味道出色豐富之餘又唔會太辣。🥢韮菜花炒鹹肉呢道菜又係非常足料，鹹肉大大片，數量仲非常多；夠鑊氣之餘，又鹹香惹味。呢餐真係食到非常飽，朋友話返加拿大前一定要encore再黎食多次😍

經過東涌， 見到都幾多人食緊喱間大排檔， 原來叫大頭蝦， 見到有燒味食、 酸菜魚，烤魚食， 仲有鑊氣小茶食， 見到好多食緊烤魚、 蒸魚、 雞煲， 成個場都好有鑊氣好香， 我就叫左胡椒豬肚雞食， 佢用左打邊爐的爐熱住， 熱辣辣甘食雞煲， 好味！ 2個人食都好大煲， 雞肉好多件， 而且好軟好林， 雞件好滑， 而且雞肉唔肥， 豬肚好有咬口， 洗得好乾淨。 另外， 我仲叫左菠蘿咕嚕肉，汁醬較得剛剛好， 菠蘿好新鮮好甜， 成個菜好開胃， 酸酸甜甜！ 咕嚕肉好香餸飯一流！

山長水遠入東涌食飯絕對值得，因為真係好好味。在東涌站A出口行十幾分鐘，或坐巴士幾個站到逸東邨，酒家就在居逸樓對面（北大嶼山醫院隔離）。酒家分室內和室外用餐區，室內部份有黑色寬闊大桌枱，室外部份就像大牌檔，特別有風味。燒味和小炒是它強項，此外還有火鍋、雞煲等。這類大牌檔風味的酒家今日已愈來愈少，值得去捧場。✴️燒味滷水雙拼燒味和滷水的確出色，兩者都是熱的。油雞肉質嫩滑，雞皮爽彈。滷水雜錦有豬脷、豬腳仔和鵝掌翼，全都入味又夠腍。✴️南風小炒王小炒王盡顯廚師手藝和誠意。足料：帶子、蝦乾、魷魚、腰果、韭菜、菜脯功夫：炒得香口乾身而韭菜得持翠嫩誠意：除韭菜外，全部食材大小均等✴️豉汁蒸鱔我承認我最喜歡食白鱔，這碟蒸鱔好得。白鱔新鮮，豉汁濃味，蒸得剛好，鱔肉爽滑。

呢間餐廳比較隱世，位於屋村之中，唔行入黎根本唔知原來隱藏左間海鮮酒家，環境唔算大，不過有室外室內位置，坐室外另有一番風味店家推介烤魚，雞煲，望見隔離枱盤烤魚真係嚇親，勁大條！下次叫多幾個朋友一定再黎試，今次試試麻辣雞煲，小麻小辣醬汁惹味，越食越濃，雞肉嫩滑掛汁，燒味拼盤有燒鴨，燒腩仔同蔥油雞，燒腩仔最出色，燒到層皮脆卜卜，半肥瘦，食落脆皮香口，菠蘿生炒骨，食落脆口，配埋酸酸甜甜既汁，吾錯！食左好多肉，最後叫左碟豆豉鯪魚炒油麥菜，豆豉味好香，菜炒得夠翠綠爽脆

話說姑媽姑丈移民多年，一直想念港式味道，今次接機一盡地主之宜，近近地帶他們到東涌這間比較港式地道風味海鮮菜館，有別於一般酒樓酒家風味先叫了港式燒味拼盤雞肉肉質好嫩滑，燒腩仔皮脆肉厚，多吃幾件也不會咸，燒鴨香口而不肥膩菠蘿生炒骨大大件啖啖肉，粉團薄但食落很脆口，炸得剛剛好而且不會太多骨豆豉鯪魚炒油麥菜姑媽姑丈至愛，豆豉鯪魚滲透入每條油麥菜，食落不會過份油膩，菜不會炒過火，很爽脆重慶香辣雞煲叫了半隻雞，份量也不少，上枱會配埋爐，炒滾後，醬汁掛雞，每件雞肉大大件，不會煮到鞋口，肉質嫩滑掛汁，香香辣辣味道濃郁而不會過咸過辣，屬於合家歡也能接受的辣度大頭蝦南風海鮮酒家東涌黃泥屋村2號地舖

睇嚟就到行山季節，開始要物色行山落腳點，行完大嶼山嘅郊野公園嚟呢間開嚟逸東邨附近嘅酒家，食返啲地道小炒補充體力就最有秋意大胃本來唔好小炒王，皆因無法愛上韭菜花，但因為次次同人食，都總有人會嗌呢味，但呢碟小炒王竟然令大胃追住食，因為佢地真係炒得好爽，未食過咁翠綠咁爽脆嘅韭菜花另外蝦仁、蝦米、帶子、魷魚等等好鮮爽啖啖海鮮好彈牙。腰果保持乾脆，功力好深厚呢度都有雞煲食，重慶香辣令成煲雞好惹火雞肉好嫩好靚，肥瘦剛好撈晒辣汁勁香勁索味，半隻雞份量都幾多味道辣而清楚，唔會一味辣到灌晒可樂奶油蝦醬汁香濃到癲，令人不辭𦧲蝦殼嘅勞苦，首先吮蝦頭，勁多蝦膏，蝦殼都容易咬開，裡面嘅蝦肉多肉又入味，奶油嘅香氣注入蝦嘅每一部分

唔係住喺東涌嘅朋友帶我嚟，都應該唔會發掘到呢間中菜😅呢度環境好寬敞👍❤️黃金鮮魷好大碟😯香脆唔油膩，鹹蛋黃味濃郁😍魷魚鬚口感彈牙，好食！🤤❤️燒味雙併色澤好靚仔，兩款都有髀位😁雞肉肥瘦適中，肉質嫩滑爽彈，燒鵝都唔會韌，唔錯👍⭐️麻辣雞煲辣度適中，個醬汁幾惹味，但略嫌油膩咗少少～#東涌美食 #中菜推介 #東涌中菜 #小炒推介 #大排檔推介 #中式美食 #雞煲推介 #燒味推介 #港式燒味 #燒鵝 #白切雞 #鹹蛋黃魷魚鬚