大頭芋烘焙

營業中

休息中

芋頭餡真係好夠料，又唔會太甜，就算唔鍾意食甜既人都好岩食！我本身鍾意食甜既，但都覺得呢隻味道岩岩好，原汁原味，食返出芋頭原本既味道💛💛 好多同事都話好好食，仲猛咁幫我叫其他同事快啲食！！離職前考慮過好多種散水餅，西餅、cup cake、茶包、果醬、卷蛋…… 以往大部分離職同事都係派西餅，但好多時同事都食到厭／放左雪櫃唔記得食，好多西餅最後都係丟落垃圾桶🙈考慮到芋頭酥可以放係室溫，仲可以獨立包裝，方便太忙未有時間食/食飽左既同事到想食先拎黎食😳食落又唔heavy，價錢又同出面西餅差唔多，值得推薦💛💛 （建議送比人揀原味芋頭味最大路！唔洗驚有人唔鍾意話梅／蛋黃）

蛋糕：#芋泥卷蛋甜度（5星最甜）：⭐️⭐️濃度（5星最濃）：⭐️⭐️🍴：餐刀 ✖️/ 蠟燭 ✖️ / 冰袋 ✖️/ 紙盒✔️🏷：✖️💬：好好呀，由於我哋8點先去到，但係原來佢哋8點休息。遲咗少少，但佢哋都好好，仲叫我哋唔洗擔心。🛒：荔枝角 #cakeup_荔枝角站🔘：條裝（切到6-8件㗎都）💰：$70————————————————————————性價比：中下大頭芋，大頭芋！若然講到香港嘅芋泥出品，你哋唔多唔少聽過吓𠵱間網紅店。睇個名，顧名思義都好清晰俾你知道係賣芋頭製品，今次我哋要介紹嘅係佢嘅卷蛋，搭單試埋佢哋嘅芋頭酥。先講卷蛋Size，$70，可以分到6-8件；而唔講味道之先，齋睇外表，睇得出餡料係幾足嘅，其實$70都算係咁。卷蛋外層係屬軟身嘅蛋糕層，包埋直達75%嘅芋泥，一眼睇埋去，其實幾似一碌上海粢飯。芋泥唔算甜，當中有芋頭粒粒，有硬粒，有軟粒嘅口感，奶味亦都搶到Focus。而今次起碼有8個人食完後，有6個認為芋泥唔夠香，比起係台灣食，咁係有啲出入嘅。但食得出係屬於健康Type個種，店主亦都有表示芋泥當中無加入芋頭香料，所以味道會較為天然啲。整體，普普通通。而餅店店員都有吩咐我哋個卷蛋要需要冷藏

早前收到OpenRice的宣傳電郵📧才知道OpenRice不時有$20優惠😮這期看到OpenRice x 大頭芋 $20優惠，可以以超優惠價享用無糖紅豆水+芋泥切卷/抹茶紅豆切卷😍立馬就買了2張☺️☺️☺️原本使用卷上有寫明，建議到店領取前，要打電話通知店主~不小心忘了打電話，小店中午12點開門就上去，還好店員人很好讓我領取，只是提醒說下次要早一天打電話通知😂😂無糖紅豆水味道蠻清甜，剛喝時，紅豆味不突出，是在after taste時微微嚐到淡淡的紅豆味抹茶紅豆芋泥卷 的抹茶🍵味很不太突出的，反而芋泥綿密、細緻，甜度適中，很有芋頭香，芋泥漿份量很足😘紅豆好像煮得不太透，有點硬😅(還是說它們是主打有口感的？)自己一個吃還蠻飽的😂*以上全自費

早排在openrice見到有20蚊優惠券賣大頭芋的芋頭捲蛋+紅豆水。我見媽媽好喜歡食芋頭。所以買左2張諗住俾媽媽試晚上7點前去左工廠大廈攞左原味芋頭捲蛋+抹茶紅豆捲蛋。抹茶俾左家姐(她未食)。我自己同媽媽就試左原味捲蛋真係非常多芋頭味道吾太甜比較健康。個蛋糕都幾鬆軟在店內再買多件原味芋頭酥(15蚊)俾媽媽獨食媽媽咬開。。非常多芋頭。她說幾好味。但係紅豆水她就話完全無味好淡。我估係沒乜落糖煲上去攞芋頭捲蛋時。店主姨姨細心包好俾我地takeaway。小店認真製作好值得支持

荔枝角站一帶嘅工廈一向都好多好飲好食好玩嘅嘢會發掘到。🏭 今次就發現到一間由一位港女親自創業嘅芋頭相關專賣店。⁣⁣⁣💁🏻⁣⁣⁣⁣⁣台式芋頭酥（芋頭/話梅餡:$15／蛋黃餡:$20）【好味度：8/10】⁣⁣⁣⁣店舖嘅主打當然不能少有芋頭酥。😆 呢度嘅芋頭酥仲有唔同餡料。😋 酸酸微微嘅話梅⁣⁣⁣⁣減輕咗芋頭酥嘅heaviness，蛋黃餡就可以提升多一層味道，兩個都好夾個芋頭味。😛 熱辣辣個時食，外皮比較鬆化，好香口，但係酥皮乾身唔膩，好健康。⁣⁣⁣😇⁣⁣⁣⁣⁣原條爆漿芋泥蛋捲（$75）【好味度：8/10】⁣⁣⁣⁣平時我都唔係一個愛食芋泥嘅人，厭佢好杰會章住個口。😕 但係呢度嘅芋泥竟然冇以上嘅問題，好綿滑又不失芋頭味。😆 細問之下發現原來佢特別從台灣訂購水芋，令到口感更綿滑。⁣⁣⁣🇹🇼⁣⁣⁣⁣⁣芋泥蛋糕（$60）【好味度：8/10】⁣⁣⁣⁣呢個同上面嘅有啲相似。😚 一層層嘅蛋糕比較貼近台灣古早味嘅做法，實在而少啲空氣在內，令到食落簡單但依然吸引。😗 雪凍嚟食，更加會有雪糕的質感。⁣😯⁣⁣⁣⁣⁣原來老闆係曾經多次求台灣老牌嘅芋頭酥，先至獲得當地老師傅教授嘅機會。😲 對於咁勇敢同堅毅嘅年青人創業

我係一個非常非常鐘意食芋泥嘅朋友仔，但香港好少餐廳有得食芋泥，有芋泥嘅食物都只不過係得少少，價錢又唔平！上網見到大頭芋呢間係專賣芋泥蛋捲，我已經係佢吸引左！70蚊一件爆一漿芋泥蛋捲，對我黎講一啲都唔貴，見到啲芋泥多到咁好想一啖咬落去！食落好重芋味，成個口都係芋泥好正！見意切細細件咁食，如果唔係好鬼飽！台式芋台酥$15焗返熱泥食係好食嘅，不過我都係鐘意蛋捲嗰隻爆漿嘅感覺！另外購買嗰時，老闆娘好耐心咁介紹佢每一款產品！感覺佢好用心經營！加油

這次有需要大量訂芋頭酥送禮。Facebook 問了幾次店主也很快回覆。獨立包裝雖然要加一點錢，但價錢都合理。提貨那一天，有點迷路，差一點趕不上關門時間。原來店主準備去地鐵站找我。提貨的時候發現店主還送了我一個芋頭蛋卷和一些小蛋糕。這次店主太慷慨了，我第一次收到這麼多試食（不過可能可憐我迷路吧LOL）回去我留起一些自己試吃，芋頭甜品不太甜，適合大多人士食用。收到芋頭酥時，大家也說顏色很可愛，反應不錯！我自己反而喜歡芋頭蛋捲，感覺很實在。

最近忽然覺得「芋頭」非常大熱，不知是否當做季節，北上都飲了不少芋頭做嘅飲品！在台灣都一樣容易搵到芋頭奶和芋頭蛋糕這類食品，真心大愛可惜在香港就唔容易搵到！今日有意無意在某apps見到介紹「大頭芋」還有團購優惠，在openrice好評都不少，所以專程出到長沙灣買來試試。今天買了芋頭蛋糕和芋頭卷 。發覺兩者其實在味道上分別不太（不知是否自己味覺有問題😅）只是型狀不同。但應該芋頭卷嘅芋頭比芋頭蛋糕為多，所以價錢上都有出入。味道上蛋糕的部分好新鮮，鬆軟，雪了一日都唔會好實，好乾。而芋頭的部分好軟，好滑，亦不會太甜，有濃濃的芋頭味，我個人覺得剛剛好！老闆建議雪凍食，真心雪凍比溫室溫度較好味下次一定要試埋其他產品

今日難得黎到長沙灣特登黎試下呢間大頭芋位置相對偏僻，唔係最多野食嘅億利大廈都要搵左一陣上到去其實係佢地嘅工作室黎嘅但就有少少位置可以堂食今日好好彩四款芋頭酥都齊晒不過我都只係試左原味😜芋頭酥用好靚嘅碟裝住！店員都好細心，額外俾多左杯水我🙇🏻‍♀️味道好好，不會過甜但酥皮不會太酥脆，反而有煙韌嘅感覺！最後叫多左一個堂食，四個帶走😂😂另外仲要左出名嘅芋頭蛋卷帶走超重手超多芋！中間滿滿是芋泥糕體也很結實，很喜歡這款呢個相對比較甜一點不過做下午茶都好好！下次有機會一定會再買！

本人屋企一家大細有5人，一個長者，兩個小朋友。我們家兩個百厭星最為食，經常都讓我買糖果及香口野，薯片給他們吃，我當時又太放縱他們，以致他們現在過胖，又有蛀牙，現在也不太敢買零食給他們。但他們放學回家也經常嚷肚子餓，要吃東西。我家長者又嘴饞，卻不愛吃飯，常說嘴巴無味。因此我決定為他們尋找健康，有營養，又好吃的小食。消化餅小孩又不愛吃，雪芳蛋糕老人家又嫌無味。直至我找到大頭芋的這款芋頭酥。它真材實料，用鮮芋頭打成芋泥，有營養又好吃，又不會太甜，老少咸宜。買了回來小孩及老人家也都外吃，我和太太都很喜歡。現在很放心及他們吃這有益的小食。我和太太喜歡放進微波爐再吃，外皮會更酥脆可口。小朋友就喜歡放進雪櫃再吃，質感會像雪糕般軟滑。老人家就愛蒸熱吃，芋頭味更濃更出。非常推介這芋頭酥，「大人細路都啱食，有營健康好好食！」大家也可買給親戚好友，佳節送禮也是不錯的選擇。棒棒的！

本身搵緊附近有邊Ｄ新餐廳可以試,呢間烘焙店全部都係賣我最愛嘅芋頭乜乜乜！所以就上去睇下有無得買,店主自己做門面之餘仲要整埋野食真係忙到爆,我地想買芋泥卷，佢就即刻跑入廚房新鮮卷畀我地,芋泥本身同一般芋泥蓉唔同，佢裡面有好多好大粒的芋頭粒仲有少少咸味，咁就會好快食滯，加上佢價錢仲好平，性價比超高,另外買的原味芋頭酥，佢都係新鮮出爐，所以熱辣辣芋頭味飄香，問落先知道原來芋頭酥上面的漸變色係精心研製, 同芋泥卷唔同，佢個芋蓉相當綿密，由於唔係好甜外面又好酥脆, ,最好味其實係個蛋糕身，唔知係咪新鮮出爐關係，個蛋糕好鬆軟又厚，熱辣辣仲有微甜感覺

我除左係麻辣控，同時都係芋頭控，閒時會去街市買半邊芋頭蒸黎就咁食😋，幾個月前上網搵到呢間鋪，今日有機會路過啦！中午12點半入到去，店主問有無預訂，我以為要白行啦，好在4件原味同芋泥蛋卷有現貨，店主仲推介蛋黃味芋頭酥，既然黎到，都買左兩件蛋黃味，6件芋頭酥店主幫我裝入盒，拎上手仲暖暖嘅，新鮮出爐喎！返到公司仲暖嘅，急不及待食左一個原味，酥皮唔油膩，淡淡嘅芋頭香，比台灣出名嘅兩家芋頭酥店還好食（分別係老豆同個仔開嘅），台灣嘅我只食到奶味同甜味，芋味欠奉，其中一間我仲專程去買😒，另一間係桃園機場咁啱見到，香港呢間，比台灣價錢貴少少，份量又細少少，不過呢啲唔係問題，最重要好食得多，分享左一件畀同事，佢都認同（我都有分享台灣買嘅芋頭酥畀佢）。夜晚食完飯，就即刻開埋個蛋卷，拆開包裝紙已經聞到蛋香味，蛋糕好好味，包住厚厚嘅芋泥，仲咬到芋頭粒，可能因爲凍食，芋香味無咁出，不過真係純芋泥，唔會有好假嘅香味，死甜或者奶味，$70一條蛋卷仔好似有啲貴，不過真係真材實料，好好味。

酥脆富牛油香嘅外皮，幼滑夾甜蜜嘅芋泥，究竟有幾耐無食過咁有層次分明又唔heavy嘅芋頭酥我仲記得細個外婆好鍾意帶我去屋企樓下嘅茶樓，佢有時會出啲特色點心，我最鍾意食嘅就係嗰度嘅芋頭酥同沙翁，每次都會叫外婆買俾我食。熱辣辣嘅芋頭酥，外脆內軟，口感香氣一流 色香味俱存，次次都食唔停口。一次食曬成碟三個都得。慢慢食食下，我同婆婆嘅角色調轉咗，由佢買俾我食，變咗我買俾佢食。婆婆開始年老，要長期食藥，食到個口長期無味。但係成日好鍾意食芋頭酥送藥。再慢慢食食下，間茶樓都執埋。我同婆婆都好想揾返啲差唔多既芋頭酥，彌補返心中嘅缺憾。我行咗香港好多零食鋪，搵咗好多唔同牌子嘅芋頭酥，有台灣嘅，有中國嘅，有新加坡嘅。每隻總係爭咁啲。有啲唔係啲皮唔脆，就係啲餡太淡。又「漏」又唔好食。食完一次就唔會想再食。有次無啦啦喺網上面見到大頭芋嘅評價唔錯，就買咗返嚟試。唔試無事，一試就知出事。係銀包出事。咬落去先係酥香可口，再慢慢嘴嚼，芋頭香滲透齒頰。我就知道，呢個就係我要搵嘅芋頭酥。我即刻再訂多幾盒俾婆婆，再留左兩盒自己食。到而家已經就快食哂，就嚟要再買。多謝大頭芋，係你 令我揾返咁好食嘅芋頭酥，係你 令我搵返我嘅童年

係未食芋頭酥之前，一睇到佢既外型已經覺得好靚，好吸引，一層層既酥皮整到好似玫瑰花咁靚，見到就好想即刻食第一啖。食左第一啖已經感受到芋頭酥裏面既餡又甜又香滑，唔會太膩，太乾同太甜，做得啱啱好，食一舊都唔會即刻好飽，仲想即刻食第二舊添！而且啲芋頭好香好鮮甜，有好濃嘅芋頭味。芋頭酥個表面做到一層層咁，唔會好厚同好大舊咁，咬落去好有口感，每啖都充滿住芋泥，芋頭味令人感覺好滿足。芋泥質感綿密，而且好多芋頭粒，仲要好大粒添！芋頭酥簡直係平時做做下嘢，或者溫書既時候肚餓既最好選擇，更加係下午茶既必備首選，好值得推介俾身邊既朋友，同學，家人食，芋頭控更加一定唔可以錯過呀！

最近聽到身邊嘅朋友大推呢間shop嘅芋頭酥 睇埋佢地ig page都見到有好多好評 再加上我真係好鍾意好鍾意食芋頭嘅product 亦好掛住係台灣食過正宗芋頭酥嘅味道😕😕所以早幾日突登上去佢地嘅門買左半打原味芋頭酥試下係咪真係咁吸引!! 唔誇張 一入鋪頭一陣陣嘅芋頭香味已經撲鼻而來🤤🙈因為新鮮出爐嘅關係 拎到番屋企都仲係熱熱地 食落d酥皮都仲係脆 個種口感真係冇得輸👍🏼👍🏼一入口除左有芋頭嘅香甜味之外 仲有陣咸香味  岩晒我口味😻我d朋友果然冇推薦錯 屋企人試左都讚不絕口 我諗我會係不久嘅將來再回購 正呀!!😼😼😼😼