大門食堂 (將軍澳廣場)

營業中

休息中

夜晚8點兩個人去堂食，見到門口有人企係度等，以為要等位，門口附近冇職員，要行到好入先有職員。等左半分鐘，等緊既客人同我地講唔駛等位，佢地係等緊外賣，叫我地行入去。我地行入去，冇人理我地，有好多位淨，但我地都冇自已行去坐低。我地同職員講「我地兩位」，然後有個職員好大聲叫我地出番去等。大聲到門口等緊既客都好唔好意同我地say sorry...之後入到去坐低，我地叫左兩個沾面，點知兩個既湯都完全唔熱，係接近凍...我地本身對野食既要求都唔算高，但呢次真係接受唔到！我地最後忍唔住叫佢整番熱...過左幾分鐘，我地期待既係一碗熱d既湯。點知...同頭先完全冇分別，甚至仲凍左！算！但真係好難食到食左一半就放棄左。以後唔會再去！

將軍澳廣場的大門去了很多次，拉麵的質素依然能夠保持，而且拉麵的選擇都非常多元化，其中叉燒大門拉麵就是我們最喜愛的，每次去都會點！除了拉麵，大門亦有很多飯類可供提供，例如是定食、鐵板，或者炒飯，以平民價的價錢能夠吃到日本餐，性價比都是相當高的！以環境來說，大門是在一間AEON超市入面，因此不是太多人知道，不用經常排隊等位，而且環境尚算舒適，亦有高枱、有卡位，和家人吃一頓簡單的便飯，都是相當不錯的選擇哦！

大門食堂大門食堂將軍澳唐俊街1號將軍澳廣場2樓📍Aeon L209號鋪

(自費食評) 新推出拉麵😍定食👌特制大門拉麵，賣相非常吸引，有一隻已切半的糖心蛋，有一塊又大又厚肉的叉燒大門拉麵的拉麵麵質比較口感份量十足大門膽膽麵，湯底好濃味，夠辣，不過他們麵底也和其他湯麵一樣，沒有太大分別，沒有咁特別的感覺一夜乾燒魚定食，製作時間比較久，大約成20分鐘，不過整體是好食的炸魷魚賣相超吸引，適合非常喜歡吃炸物的人士食，份量比較大，他們落的炸粉不太厚，OK好食煎餃子有5隻，好正，好食.

得閒無聊行吓將軍澳，咁就去咗將軍澳廣場嘅大門食堂，門口好靚㗎。一望入去佢封咗一半埸。好似唔優做咁。等咗10分鐘先叫飛入去。叫咗一個大門拉麵，一個牛肉飯定食，再加多個餃子。成餐飯嘅精髓就係，個牛肉飯得三片牛肉咁大把。當我哋食完個拉麵同個飯之後，已經問侍應我哋個膠紙搭起前後問咗兩次都答整緊喇整緊喇，最終係我哋食完個飯之後10分鐘個覺字先上枱。班侍應完全冇心做嘢，呢頭問完佢嘅嘢，佢哦完你之後就行咗去繼續傾偈，一定唔會食下一次。完全唔推介。貼錢買難受，一個字伏

(自費食評) 高質素的大門拉麵🥰特制大門拉麵$78 賣相非常吸引有一隻一分為二的糖心蛋，有一塊大叉燒，拉麵又多又爽口最緊要湯底夠香濃黑蒜油沾麵$72麻麻地西冷扒定食 $98 😂西冷扒夠多，夠飽

以為好味，專登嚟試，但覺得麵差(中伏)，仲唔想食落去，結果食半碗，炸雞尚可，地方大環境幾好，同朋友傾談，唔理食物質素就得，但整體就................，唔會推薦😪

今天我們兩個人來到大門拉麵吃晚餐🍽🍴🥰因為很久沒有來吃了😁再分享給各位網友們參考🍴🍴我們看了餐牌後，選擇了兩款不同口味的拉麵，包括:「大門特製拉麵，黑蒜油拉麵」。還有，兩款小食就是煎餃子和炸魷魚大門特製拉麵 $75它吸引我的地方就是賣相好正😍它份量夠和足料，最重要就是湯底夠熱，夠味。如果湯底唔夠熱就唔好吃了。它有一隻糖心蛋分一半，好吃，有少少流心感覺，有紫菜，叉燒，筍片，香蔥粒🥰今次叉燒比較大塊和厚肉，可以有淡淡肉的感覺。😆😆它的拉麵十分爽口黑蒜油拉麵 $62它吸引我朋友的地方就是極香濃和極美味的黑蒜油湯底，夠熱夠濃，有淡淡肉的叉燒，筍片，紫菜，香蔥粒。拉麵已經係容易吸收哂黑蒜油湯底，好美味，它份量夠和足料。以上拉麵可以追加配料，輕鬆打造DIY 個人口味拉麵小食方面:煎餃子 (5隻) ($28)煎得好脆就OK正炸魷魚 ($32)份量大😍夠脆口😁😁

特製大門拉麵 - $78拉麵係粗麵煙韌有咬口，唔錯! 但成碗拉麵得一塊叉燒🥲🥲🥲就略嫌少咗啲, 叉燒亦無特別出色，不過溏心蛋好食，合格，佢浸得夠時間, 好入味, 滿滿鰹魚汁👍🏻整個湯底豬骨味唔出, 反而有重嘅日式高湯味, 真係睇個人口味啦，我自己就鍾意鰹魚高湯味😂😂叉燒炒飯拼煎餃子 - $52炒飯係炒得幾有鑊氣，但叉燒係敗筆啊，因為的確好鞋口☹️可能換鰻魚粒，做鰻魚炒飯會更好😋餃子就正常，但冰花皮係淋嘅👉🏻👈🏻烏龍茶 - $12幾好飲，幾香但又帶有回甘👍🏻

平時行開AEON都見到呢間拉麵店🏮 最近發覺好耐冇食拉麵啦 所以就選擇試下呢間😂雖然系AEON入面 但好易見到 沿AEON入口直行到超市部就望到👀門面雖然睇落有啲迫 但其實店內超寛落 仲有大玻璃 比你望著山景食野⛰️ 超開洋😇星期日中午1點鐘到 等左5分鐘位就入得😂日式炸雞🐔 ($35) 誠意推介呢個炸雞👍🏻☺️好有驚喜外皮炸到香脆而干身 食落有咔啦聲👏🏼仲要冇用炸醬炸 食吾到有粉🤪內裡嫩滑有肉汁🤭🤤有2種食法😆重口味之選可以點沙律醬 清新之選可以加檸檬汁✌🏼大門油麵♨️ ($62) 即系日式撈麵😂吾似沾麵咁另外有碗濃湯 而系將自家製既醬汁直接放入碗到🍜吾好睇醬汁份量好少會吾夠味 其實醬油味超濃 足夠撈曬成個麵☺️配埋溫泉蛋 啲蛋汁沾滿每條麵 令麵質更滑同時又可以掛多啲汁🤤另外竹筍本身帶微辣 令味道更多層次 愈食愈開胃😋除左原味 仲有好多食法 每張枱都有介紹😂試完原味 我就落左蒜蓉同醋🤗更重口味✌🏼冇得輸價錢方面好貼地😂所以仲追加左叉燒特製大門拉麵🍜 ($78) 內有叉燒🐖竹筍 唐心蛋🥚紫菜 賣相吸引✌🏼醬油味湯底 又混上木魚湯 味道香濃而不油膩😋唐心蛋好流心 帶少少甜味👍🏻個人覺得炸雞同油麵

【 🔥鹽燒鯖魚定食 *人氣之選* 】---💰價錢：$62---👉🏻 定食包括前菜、麵豉湯及珍珠白飯👉🏻 凡惠顧套餐，均奉送指定飲品乙杯( 揀左蜜桃茶🍑 )～～～📍評分：8.5/10～～～⏩ 呢間日式餐廳已經 encore 過幾次😛，將軍澳分店屬於幾隱世既角落位置😹，要行入Aeon先揾到！餐廳入面環境都夠開揚，靜靜地傾下計食餐飯係舒服既😚！不過服務態度就um🫣，真係值得改善下lor！～～～鹽燒鯖魚外皮燒得好香脆🔥，燶邊位真係我最愛😎！味道食落好有焦香，加埋鹹鹹地既鹽味鯖魚🧂，餸飯一流！鯖魚油脂香豐富🐟，配埋檸檬汁同白蘿蔔蓉食唔會太油膩，有魚油香得黎食落係清新既💦！而且魚肉都多汁鮮甜😋，味道唔會腥，口感亦幾滑唔柴👌🏻！配埋日本珍珠米食正正子😛，珍珠米獨特既米香🍚，加埋煙韌軟糯既口感真係特別好食！成個定食set有埋軟滑既凍豆腐、暖胃既麵豉湯🍱，真心抵食既！蜜桃茶個人覺得就偏甜左d，不過包埋餐飲仲想點🤣！～～～✅ 整體黎講，咁既價錢仲要唔收加一‼️，呢間日式餐廳既料理真係超高 CP 值😝，仲要係有質素，想靜靜地享受下日系風情既推薦黎試下💛！～～～性價比：4.5/5回頭度：4.5/5賣相：4/5環

餐廳景色好好，好開揚，夠光猛，睇景色都可以睇到好遠，要咗個赤大門沾麵，份量一般啦，可能細食嘅女仔會夠飽，不過男仔就應該會唔夠飽喇，個沾汁都唔係好辣，偏咸，$65。

想話如果疫情影響，客量低嘅話，都希望飲食從業員可以做返比較有禮貌同正常嘅服務，除非忙到趕唔切招呼！親子丼 $45雞同蛋就係親子丼，多滑雞嫩，不過飯超濕超淋，而且醬汁稀，冇味，搞到好清淡。。。媽媽話佢個大門拉麵都麻麻，蛋凍，湯唔夠滾，但明明係最後上枱！食到佢一肚氣，係胃氣！另外係店員好搞笑，我地係門口做緊安心，你地個體温測量機係店內，我地未搞掂佢不停叫「量體温」，我想問安心緊點同時量體温呀？？你比我慢慢黎好冇？？入座時你地一枱一位客，仲要食完，咁趕做乜？？用餐時段其他店員都只係吹水，完全唔理客人或者門口入座，我無下次

食拉麵，一定係飲啖湯先。令到個口充滿着湯嘅香味再食拉麵。叫咗大門濃厚拉麵-湯底有櫻花蝦嘅香味，不過一啲櫻花蝦殼都見唔到。食晒成碗都會覺得好膩。麵底- 係厚身，方形嘅拉麵，咬落好友趙口，叉燒- 正常餃子🥟- 煎餃子，細細粒，兩啖一粒，啱啱好。有少少燶邊，更加好味每台有個水壺，自己可以加水。總結：兩個拉麵，一個小食，共$175。不過不失的正常拉麵，沒有特別驚喜。

呢間餐廳地方夠大闊落，午餐時間冇乜人，因為唔算就腳，在超級市場旁邊，屈埋一邊一啲都唔起眼，因為冇乜人，所以坐得舒服。特製大門拉麵午餐包一杯飲品，價錢＄75唔洗加一，價錢算相宜，碗麵有一片叉燒、三片紫菜盒一隻流心蛋，棉質比較煙靭，比較粗嘅麵底，外面比較少拉麵店用呢種麵，麵粗所以吸唔到好多湯，而且要咀嚼時間比較耐，個人就唔係好習慣，不過味道唔錯嘅！如果唔飽，加$18可以加倍忌廉薯餅一塊，都幾好食，好 creamy。整體來講，拉麵唔算出色，但係價錢取勝！