大門橫丁串燒手打烏龍麵店 (山東街)

營業中

休息中

鍋燒烏冬好食，沙嘜湯底夠濃，略帶甜味，不辣，用鍋燒，夠保溫，烏冬用日本烏冬，明顯同普通烏冬有分別，此店食品選擇多，下次會試下串燒，唯一我覺得價錢較貴，仲要加一！

大熱天就會好想食冷烏冬，行過見到就入去試。Lunch Set 既大盛烏冬$58，包一杯野飲。個烏冬都好多料，有好多煙鴨胸、蟹柳、蟹同蔬菜。胡麻醬配冷烏冬真系好好食，呢個價錢既食物質素算唔錯。

行完波鞋街，左一袋，右二袋，肚又打鼓了，望下隻錶，一點多了，是時候去吃午餐，旺角食市當道，選邊間先不會中伏呢？阿媽教落，門面夠大，又多人吃的，應該無得輸……大門橫丁的又红又大招牌，巳好吸了，門旁的坐地食牌介紹，又火煱又串燒又蕃茄濃湯已叫人雙腳大動，很想馬上直搗黃龍！一坐下，馬上叫了自家製辛辣叉燒濃湯烏東，略嫌烏東份量不多，辛辣味籠罩著五塊肥叉燒，刺激味蕾，好味，日本叉燒不同廣東叉燒，油脂分佈恰當，肉感一流！另，女朋友又試了大門盛合冷手打烏東，這冷盤有肉絲、紅蘿蔔絲、蛋絲、螺肉及蕃茄，很鮮味，拌後，一口一口放入嘴，抵抗炎夏，是不錯選擇！黑椒蜂蜜鷄翼，燒得有些過些，不太juicy ,希望下次來時可試到其他不同串燒！而蜂密綠茶則略甜，但去中和辛辣也不錯唷！

今次又係去旺角睇波鞋😂，所以又喺附近搵食，去左呢間大門橫丁，感覺有啲似日本既串燒店。內面既座位感覺有點兒窄，好想快啲食完就走。但食物出乎預料地好味，我下次會再來食。我地叫左四樣野食：牛肉、豬軟骨、沙嗲湯，呢三樣我都好鍾意食，原來三樣野食撈埋一齊係超好味，好正，正到我一路食一路諗下次一定要再來食🤣。沙嗲湯唔會好油亦唔會辣，加埋我最鍾意食既牛肉同豬軟骨，簡直正到爆。鹽燒三文魚腩，份量有點兒細，每塊一啖就可以食晒。燒三文魚腩好難會燒得唔好食，所以連皮都食埋😂。如果可以大份少少就好啦🤔！芝士明太子玉子燒，三樣野一齊食又幾夾😋。牛肉蘆筍串燒又係我既至愛，牛肉+蘆筍=最佳拍檔（個人認為）🤣。呢個串燒好足料，我數過有8條蘆薈咁多😍，平時出面食果啲通常都冇咁多，所以好滿足。今次既感想係會100%回頭率😁！P.s:唔知係埋滿座既關係，支可樂要叫左幾次先出到來😓。

又去旺角睇下有咩好食 手打烏冬店 6點幾去到不用等位就可以入得 叫左兩個新烏冬 ~ 特上橫丁沙嗲湯手打烏冬 同 特選大門蕃茄手打濃湯 仲有汁燒豬頸肉年糕 -特上橫丁沙嗲湯手打烏冬 有牛肉同豬軟骨 仲有半隻流心蛋沙嗲湯底好普通 不太濃 同烏冬有點不夾所以不太好食-特選大門蕃茄手打濃湯 有雞肉同叉燒 仲有半隻流心蛋蕃茄湯底有味但不太濃雞肉好食  ~ 同出面食開的不同 ~ -汁燒豬頸肉年糕口感好特別  年糕黏黏的 包住豬頸肉 配埋醬汁 好食~下次多人食　可以試多Ｄ串燒　ＸＤ

經過呢邊食肆好多次，今晩終於有機會一試！等大約 15 分鐘先可入座！燒粟米：半枝，好香，有啲粟一燒香味，火候十足，微燶而不乾！粟米好甜！極高水準，讚！燒雞翼：雞中翼兩只，雞皮微燶鹽餣，juicy！（欠相片）鮮蟹肉番茄濃湯手打烏冬：高溫鐵煱上枱，保持熟湯！烏冬彈牙！蟹肉無特別！番茄湯極上牛肉手打烏冬：同上面個烏冬差不多，不過隻蛋幾好味！牛肉就冇乜特別！整體不過不失！總結：地方雖然逼夾，但食物質素佳！三個字「會在來」！

晚上喺旺角嚟到呢間日本餐廳，聽朋友講呢到專食烏冬同拉麵。呢間餐廳好易搵，正正喺十字路口既街口，而兩個人一去到就有位，幾好。一坐低就覺得餐廳入面有啲焗。落單就係望完餐牌，揀好想食既餸，再揀埋湯底。然後自己tick落餐紙。呢到主打烏冬，亦可以轉拉麵。我就叫咗一份吉列豬排拉麵，湯底係黑蒜油。朋友就叫咗個牛肉烏冬，湯底係魚湯。上菜速度都還好，大約等十五分鐘。當我份吉列豬排上菜時，真係令我同朋友都有少少驚喜。因為份豬扒真係幾大份。及後所有野食上哂枱後，我地就熱加加啲媽師，起動喇。兩個湯底十中好入味，而朋友果碗既魚湯更加係令我眼前一亮。反觀佢既牛肉就有啲被比較下去，外觀好似普通打邊爐落幾塊肥牛咁，同餐牌圖片差天共地呀。但整體上味道幾好，推薦大家食下。

今日約左個好耐都無見既朋友出黎旺角食飯，佢提議食大門橫丁，我未食過咁就試下啦估唔到我地8點9左右去到都要排隊，好彩等左10分鐘就有位入面都幾迫，同隔離張台都痴得幾貼，朋友話好似去左canteen食飯咁我地叫左個沙嗲湯牛肉豬軟骨鍋烏冬share，由於係set好左想轉第個湯都唔得個湯底咸左少少叫左燒魷魚，芝士明太子玉子燒，同一份軟殼蟹沙律個芝士明太子玉子燒好好味除左環境迫d外我覺得呢間日本烏冬店都ok,價錢方面唔算貴下次再去旺角又諗唔到食咩我都會去呢間

這個星期日天氣突然凍左, 左行右行沖左入黎大門橫丁 見到個鳥冬幾暖幾吸引。 入到門口, 店內裝潢比較台式。因為位比較少, 都好貼心有個籃係発底。同女朋友叫左佢必嗌既燒魷魚筒,兩個烏冬 同忌廉蟹餅。烏冬比預期細一d, 但個湯底都唔錯, 可惜用料都同樣比較少, 不過天氣凍, 食落去就好暖心。試盡全港九燒魷魚筒既我倆覺得大門橫丁既魷魚算白港中上水準。我個人喜歡再少一d汁。味道就唔會太濃。忌廉蟹餅無影相唔好意思, 我覺得值得一試, 口感不錯。不說啦 去相。。

係旺角上完堂，諗緊食咩好，就諗起同老公拍拖時食過這間烏冬！烏冬選擇多，湯底配搭又多，連材料選擇都係好多！很適合小編最怕得太少選擇而唔知點間。小編其實很喜歡個大蜆個烏冬，不過琴日先係屋企食完，所以今日間左炸蠔烏冬。烏冬蕃茄湯底，濃味而且個煲仲係超級熱，好岩d 鐘意食熱到燙的朋友！烏冬口感都是爽口彈牙。至於炸蠔又一般，蠔肉太細了，沒有口味同蠔味，雖然個炸皮都香脆可口，但是主角欠缺質素，下次都係叫返海鮮！

大不如前串燒質數差左幾皮個燒野師傅唔係放假就一定換左人碗麵質素保持到 好食 色香味俱全樓面經理服務好好牛舌 咸到食唔到 -10/10分汁燒魷魚鬚 合格啦 6/10分黑松露金菇牛肉卷 Bad 3/10分七味豬頸肉 不錯 7/10分芝士蟹籽雞肉串 品質下降 肉太乾身 4/10分蜜糖黑椒芝士腸 無特別 6/10分黑豚肉包海鮮菇卷 豚肉味比菇覆蓋哂 2/10分芝士燒玉子 幾好食 8/10分燒三文魚腩 味唔錯 但配料太多 3/10分炸墨魚餅 一般 個心無料到 7/10分沙嗲湯底 極上牛肉拉麵 仲保持到水準 9/10分唔會再食 一次衰過一次黑名單睇住呢間野4年內 質數由排哂長龍變唔爆場由好好食變好難食掰掰👋🏻👋🏻

之前同朋友誤打誤撞，路過呢間「大門橫丁」，食過佢嘅蕃茄濃湯烏冬，當時覺得湯底十分出色。餐廳位於轉角當眼位置。而裏面坐位比較逼夾，基本上隔離枱嘅對話，都聽得一清二楚。幾個月後嘅今日再黎，餐牌換左，當然價錢都換埋。。特上橫丁沙嗲湯手打烏冬 (豬) $76沙嗲湯底味道濃郁，烏冬彈牙有口感，豬肉味道普通，反而溏心蛋比較出色。蕃茄湯極上牛肉手打烏冬 $76番茄濃湯對比上次，今次淡咗好多，已經唔再濃湯，失望。烏冬同樣彈牙，牛肉份量多。鹽燒牛肋骨 $38牛肋骨牛味頗濃，但肉質有d靭，真係要俾啲牙力。

約左閨蜜dinner再加老公們4個人食飯去左食大門橫町❤️白酒煮蜆呢個要成百水，不過好好味特別係個湯，食完蜆肉後連湯都飲埋甘滯朋友嗌左個素食拉麵，好dry呀🙈上面我嗌既雞扒拉麵，佢既雞扒真係好食雞皮整到肥肥地，連我吾食雞皮既人都食哂另外佢地都有串燒嗌嫁不過我地都試到，下次食可以一試

訓左個午教訓到夜晚11點 跑左個步就約定朋友一齊穩食♨️一見到佢係深夜都營業既中價日式料理就急急腳甘沖去了🚕餐具套有好日風既圖案.我叫左炸蠔胡麻湯底烏冬烏冬同一般高質烏冬一樣 偏彈牙有嚼口配料方面有魚板同溏心蛋溏心蛋亦沒太大驚喜湯底好重芝麻味 濃厚的湯底掛係烏冬上面俾到人好豐富既口感而且我食曬成碗之後都無好濟既感覺 的確抵讚.炸蠔方面佢既蠔係偏細個勝在夠多 五個炸蠔食到我好滿足惗起都回味.另外叫左個巨峰提子梳打($24）咁既價錢禁既容量就太細了上枱有d失望但幸好味道不俗。.呢間勝在係深夜宵業 訓前飽飽甘食一餐暖暖地的確好滿足佢好似仲有宵夜串燒優惠 大家可以得閒去試下喔

其實佢由一開始響太子花園街同其他分店開既時候都知道佢既坐位係迫，如果鐘意坐得舒服既朋友呢度唔係咁適合，價錢一般唔算貴，不過佢烏冬冇特別，其實係食佢個湯底試過佢既蕃茄湯底，沙嗲湯底其實係幾好味，而佢既串燒都ok...不過今次我見佢出左個蟹肉烏冬，真係唔好食，佢啲蟹肉完全冇蟹肉味，最失敗係佢仲有啲蟹殼囉，姐係當你食烏冬既時候要lun骨咁雖然唔係好多殼但有殼既烏冬都夠死啦不過今次佢整好左個冷氣涼好多囉，上次冇冷氣熱死