大越越南餐廳

營業中

休息中

今日放工後同朋友黎到沙田圍一間越南餐廳食野--大越越南餐廳。餐廳面積大，座位寬敞，坐得舒服。我地叫咗一碗大越生牛肉牛腩片湯河粉（$65）同一碟越式烤豬頸肉飯（$63）。河粉非常大碗，加入適量嘅牛肉，非常飽肚，河粉入面仲有一舊白蘿蔔，好清甜。而豬頸肉嘅肉質好爽，肥瘦適中。小食方面，我地叫咗$42沙爹牛肉串（3串）同$53芝心蝦多士（4件）。沙嗲牛肉串d肉好大舊，肉上面放咗d 脆脆。至於芝心蝦多士，多士炸得非常脆，咬落去會食到融融地嘅芝士同蝦，賣相吸引。飲品方面，我地叫咗凍蜂蜜玫瑰柚子茶同椰汁冰。朋友話杯椰汁冰好清爽，飲到椰子嘅香甜味道。而我杯凍蜂蜜玫瑰柚子茶甜度適中，飲品上有三粒玫瑰花浮上面，增添了視覺美感。

一直都幫襯開，但最近叫午巿套餐追加的小食時，發覺份量少咗成一半，以前加廿幾蚊追加的地道煎扎肉，大到要一個長方形大盒先放得落，夠兩個人食，而家價錢不變但份量少到用一個細碗形盒就放得落，變咗一人份量。近排啲新員工嘅服務態度又差，一個二個好似古惑仔咁，黑口黑面，一句多謝，拜拜都冇講，比起以前嗰班會記住熟客嘅親切員工差好遠。最近叫撈㩚粉外賣時，間唔中唔記得俾個汁我，搞到我要食乾粉。總括黎講，越做越差，唔值得再幫襯！

星期六下午14：30，下午茶時段直入，app落單仲係見到下午茶價錢（生牛肉粉$40），點餐後不久就有食物到，份量望落正常，味道正常。點餐後版面都仲係下午茶價錢，食食吓大約14：45左右，聽到有其他入店無耐嘅食客問有無下午茶，店員話3點先有...心知不妙，點解明明頭先14：30入嚟嘅我又點得到下午茶呢？到埋單時，詢問店員，店員語氣慢不經心講咗句［頭先改咗，係3點先有下午茶］意思係無辦法改得返單價兼且黑口黑面...最終以午餐價埋單，呢間食一次就夠bad service, 味道一般ps:店外foam board 明明都係寫14：30開始下午茶、14：30app 內都係show 下午茶價錢但埋單收午餐價，尤如海鮮價嘅越南餐。絕非明碼實碼

河粉晚餐今天晚上，我來到沙田沙角街的大越越南餐廳晚餐。這是一家以越南料理為主打的餐廳，聽說他們的河粉尤其好吃，所以我充滿期待地走進了這家餐廳。坐下後，我迅速翻開菜單，寻找著火車頭牛肉河粉的名字。火車頭牛肉河粉是他們家著名的招牌菜之一，以細緻的河粉配上嫩滑的牛肉片，吃起來頗有嚼勁，而湯汁鮮美的滋味更是讓人食指大動。我迫不及待地跟服務生點了一份。河粉端上桌後，一陣香氣迎面而來，讓我忍不住咽口水。河粉看起來細緻而白淨，搭配著鮮紅的牛肉片，顏色鮮豔吸引人。我先蘸取了一些湯汁，將河粉滾進嘴裡，頓時感到舌尖的溫暖。河粉滑嫩的質感和牛肉的鮮美交織在一起，彷彿在口腔中為我舞動一場美味的交響樂。我很快地將整碗河粉吃得乾乾淨淨，感到非常的滿足。除了河粉，我還品嚐了他們家的炒菜和雞串燒。炒菜的色香味俱佳，每一口都是新鮮蔬菜的香氣，帶來滿滿的營養。雞串燒則是十分澎湃，外焦內嫩，一口咬下去，彷彿整個味覺都被醒著，非常過癮。這頓晚餐不僅讓我品嚐到了越南料理的獨特風味，也讓我感受到了美食帶來的喜悅與滿足。大越越南餐廳的河粉、炒菜和雞串燒都是无可挑剔的，讓我下次再來必將再度品嚐這些美味佳餚。

今次係第二次過嚟，上次食得太高興、忘記寫，今次要邊食邊寫先得！食嗰陣得10度，仲好味！重點推介：一人馬來叻沙湯底火鍋，湯底味濃，微辣中帶花生香！再加埋d海鮮配料，一個字「正」！兩個字「好味」！！我哋另外點咗三寶飯，香茅豬扒加雞翼，仲有扎肉，啲肉全部都有醃過！入口仲要熱辣辣！絕對係即叫即整！仲有個新鮮熱辣辣嘅炸春卷，包住新鮮嘅生菜，即刻覺得無咁熱氣最後，椰汁紅豆冰有驚喜，紅豆起沙！杯面有刨冰！好飲！

隱世 隱蔽 在沙田圍的小店性價比高，環境還非常越南🇻🇳服務水平正常🍤鮮蝦米紙卷米紙卷非常煙韌 清新而且不油膩🐷 🥯豬頸肉黃金包麵包跟咖喱的組合永遠不會輸，加上有爽爽豬頸肉的加持，$68抵吃峴港番茄蟹膏蝦丸扎肉湯檬既有蟹膏，又有蝦丸，加上湯底的蕃茄非常多，值得一試芒街烤雞肉串(3串)+ 椰汁綠豆冰雞肉的口味相當不錯，有雞的口感跟味道，雞肉沒有被醃死了綠豆冰沒紅豆冰那麼飽滯，口感更輕盈清新，有趣的嘗試大越越南餐廳 (沙田)沙田沙角街8-12號花園城一期地下2號舖

天氣涼涼地， 當然要食一些暖胃的食物啦， 冬天暖胃之選， 羊腩煲會係我的首選🤭， 一食全身都會暖笠笠🫢。 老公介紹這間的羊腩煲先不錯～（5⭐️最高）古法羊腩煲（細）中間包括一件生菜。而羊腩煲內有紅羅白、馬蹄、薑蔥，足料羊腩🤩。味道適中，唔會太鹹💕越式烤豬頸肉撈檬 份量十足而且撈檬熟得好爽😊， 加上生菜🥬及秘製甜酸汁， 越食越開胃。越式燒頸肉， 外皮煎得脆脆，而內裏肉質卻煙煙韌韌， 而且切得厚厚😝。 真係好想追加😋

係住宅區肉嘅抵食越南菜，份量幾多，CP值幾高～湯頭係用藥材同雞殼熬製，味道鮮味同濃郁！🔹烤牛肉串撈濛（$63）個人鍾意呢個同香茅牛肉撈濛，好多料，仲有蔬菜絲，口感冇咁單調～🔹峴港蕃茄蟹膏蝦丸扎肉湯濛（$70）除咗生牛肉湯濛，暫時都會揀呢個，湯底比較開胃～🔹芝心蝦多士（$53）麵包嘅厚度適中，炸得好脆！芝心多得嚟又唔會好漏～🔹法式蒜蓉牛油雞翼（$52）蒜蓉同牛油香味剛剛好，微微脆口～🔹青檸梳打（跟餐+$12），飲品仲有推介越南咖啡同埋珍多冰～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10CP值： 8.5/10推介值：7.5/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯

過開嚟沙田圍呢邊搵個朋友聚聚佢話呢間越越南菜好食又抵食於是呢晚試試佢~首先吸引眼球嘅係佢幅超巨型壁畫離遠都見到呢度有間越南菜餐廳入面原來好大好闊落有大枱有卡位👍🏻👍🏻 不錯👍🏻❤️軟殼蟹米紙卷❤️$62食親越南菜我都鍾意嗌米紙卷佢呢份米紙卷大大份好足料個軟殼蟹都啖啖肉😍配埋佢個魚露好好食❤️法式蒜蓉牛油雞翼❤️$52另一個食越菜必點嘅一定係牛油雞翼佢都做得唔錯👍🏻個蒜蓉牛油味勁香炸得夠香口但入面好juicy🤤一個字：正👍🏻❤️大越海南雞飯❤️$73朋友點咗海南雞飯我試咗個雞非常滑，唔會過生或過熟👍🏻點埋佢個辣汁好好味👍🏻👍🏻❤️越式烤豬頸肉湯金邊粉❤️$63而我就點咗湯金邊粉第一個觀感係好大碗😂😂唔似出面嗰啲夾兩箸就食完我通常都習慣試下個湯先要讚讚佢呢個湯底幾鮮甜👍🏻唔係嗰啲食完好口渴嘅味精湯睇返餐廳介紹原來話個湯用雞殼+藥材熬成唔怪得咁鮮味👍🏻另外佢個烤豬頸肉都好得整到脆邊又唔柴切得厚薄適中口感好好👍🏻👍🏻下次如果試其他主食都會想點個豬頸肉做小食😂

之前有一段時間經常會去沙田圍附近食lunch，呢間餐廳食咗幾次都唔錯！我就揀咗食越南撈檬粉，味道酸酸甜甜夠開胃，肉類份量都幾多，幾惹味之餘又唔會煮到好乾，加上一啲生菜同青瓜，感覺幾健康🤣！雖然唔係喺沙田附近住或者返工嘅話應該唔會特登去食🤣，但係呢啲街坊餐廳都值得推薦！以下就揀咗幾款食過嘅菜式俾大家參考！⭐️泰原香茅牛肉撈檬粉 $55⭐️越式烤豬頸肉撈檬粉 $55⭐️大越生牛肉湯粉$53⭐️芒街炸蝦餅 $56呢款小食比較特別，同出面食嘅炸蝦餅有啲唔同，蝦餅抵免都鋪滿芝麻去代替炸粉！

好耐無去過沙田花園城附近食野，經過想食越南野，就去左呢間越南食肆試試。入到餐廳，感覺很親民、地方大、寧靜，適合朋友傾下計食野。打開餐牌，被佢既價錢嚇左跳，好耐無見過餐牌上既食物價錢咁平，一個菜都係$33，今日叫左幾款野食，未有試佢既菜，下次有機會再試。軟殼蟹米紙卷HK$ 62軟殼蟹脆卜卜的，好好味，但略嚴米紙質地軟厚，影響左成個米紙卷既味道，如果加上更多配料，相信味道會更出色。酸辣無骨鳳爪 HK$63大大碟，夠晒份量，酸辣味道剛剛好，加上芹菜紅蘿蔔等配料，非常惹味，好耐未試過食咁好味既酸辣鳳爪。廣寧炸春卷（4件）HK$48熱辣辣送到，外層春卷皮脆卜卜，內裡餡料豐富，食一件都夠晒飽肚生牛肉河HK$74湯底味道一流，一般食完生牛肉河都會好口渴，但食完呢個成日都係口渴既感覺，湯底無味精烹調，值得一讚，牛肉份量剛剛好，質地不太厚不太薄，食落有口感，正今次食飯埋單$2XX，感覺好抵食，有機會會再食👍

位於沙田越南餐廳🌟※#海南雞叻沙※🌟份量好多，叻沙教幾辣呀～🌟※#生牛肉河粉※🌟生牛肉份量唔少，河粉底亦都夠厚，2個麵食已經食到飽飽了～🌟※#脆皮牛腩※🌟呢個脆皮牛腩出面比較少有，外層都算脆，肉質幾好。🌟※#魚露通菜※🌟通菜既魚露汁帶少咸，通菜份量亦同其他菜式一樣多😆🌟※#鹹桔水※🌟食左咁多熱氣野，飲番杯鹹桔水就岩哂了~➡️沙田都有越南餐廳，位置方便就腳～想食就唔洗再出市區了。

一路都好鍾意食呢間餐廳嘅越南嘢，今日去咗嗰度食下午茶，然後就用個app落單，當時係兩點幾，我冇留意到下午茶原來係三點開始，我照落下午茶餐嘅蝦多士，落單後亦都冇人同我講話唔得，然後埋單嘅時候職員就同我講話未到下午茶要收返我正價，我就話咁你個app又俾我照落？咁收到我嘅order你哋又照做？佢冇理到我，我都費事同佢嘈，但係對呢啲唔覺得自己有問題既餐廳好失望。蝦多士我之前食過，覺得好好食，但係今次我亦都覺得差咗，因為非常之油，又到食落去一啲都唔鬆脆同以前完全唔同。

*:.｡. .｡.:*大越越南餐廳-沙田*:.｡. .｡.:* ✨海南雞飯✨手機落單時可以揀‘盡量要雞髀‘😂好搞笑 仲要唔洗加錢。雞肉份量十足，肉質嫩滑，點埋薑蓉食 正👍🏻✨一人火鍋✨想不到係越南餐廳會有一人火鍋😹材料好足，蕃茄湯底濃郁無味精，肥牛滾完都唔會‘un’，牛肉彈牙爆汁。一個人都食到超級飽✨芝心蝦多士✨好驚喜😳蝦多士炸到脆卜卜又唔覺得好油膩芝士做到流心效果🦐蝦滑仲好彈牙👍🏻👍🏻

推門入去這家越南小店，一股香氣迎面撲鼻，令人胃口大開呀！首先點了一碟脆皮春卷，啖啖肉丁配上爽口的生菜，外皮金黃酥脆得嚟唔會太油膩，入口即化，真係一流👍！再來試咗招牌的越式牛肉粉，牛肉嫩滑又多汁，湯底香郁，湯頭清甜得嚟又有足夠嘅深度，每一啖都舒服得滯。特別提一提，裡面嘅生牛肉，一碟認真充滿驚喜，有咗滋味滿分咁，加上粉條彈牙又滑溜，真係食到停唔到口！食物色香味俱全，服務仲好親切，整體黎講呢間店確實窩心又滿足。記得試埋佢哋嘅菠蘿冰沙，清新解膩之嘛！依家諗起啲菠蘿顆粒喺口裡嘅感覺，都係三個字——唔錯過！😍 咁岩口，食完之後心情都跟住感到陽光普照呀！下次再黎，我準備試埋其他嘅小食添！🌿🍍🥢