大越越南餐廳

營業中

休息中

大越越南餐廳📍：沙田沙角街8-12號花園城一期地下2號舖🚗：沙田圍地鐵C出口 步行5分鐘📞：+852 2699-3535💲：~HKD120/head for dinnerFood quality✔️：法式蒜蓉牛油雞翼、青檸梳打、芝心蝦多士、椰汁三色冰、鮮椰青、脆皮鮮牛腩、豬頸肉黃金包、酥脆甘蔗蝦👌🏼：大越生牛肉什錦湯粉、沙嗲牛肉串、海鮮叻沙、軟殼蟹米紙卷總結：😋一間位處沙田圍嘅街坊越式小店 食物款式眾多 睇到我眼花撩亂 性價比高 難怪閒日都幾多街坊幫襯😋全晚性餐比最高係豬頸肉黃金包 超大份 但都係$68-$88 完全夠一位男士食飽 豬頸肉大塊又多 咖哩汁又夠惹味 又有得沾麵包🥯食 抵食之最😋牛油雞翼 蝦🦐多士 脆皮牛腩同甘蔗呢啲小食就已經算冇咁抵食 雖然都要$40-$80一碟 但炸得幾香 同埋唔會過油 炸嘢夠香口惹味已經好吸引😋佢啲飲品🍸勁抵 +$12有椰汁三色冰/青檸🍋‍🟩梳打 仲要係大杯好飲嘅 +$28有椰青 鮮甜好飲 唯一係嗰口開得勁細 搞得我食唔哂入面啲椰青肉🤔湯麵🍜嘅生牛肉什錦湯粉同海鮮叻沙就相對顯得普通啲 不過要讚係份量都好多 生牛肉什錦有生牛肉 牛腩同牛丸 而海鮮都有魷魚

🍱餐廳：大越越南餐廳🏫地址：沙田沙角街8-12號花園城一期地下2號舖☎️：26993535朋友推薦話呢間啲嘢食唔錯，今日過開嚟沙田圍，見到餐廳門口有靚壁畫可以打卡，就喺呢間呀，一於試吓，果然係食越南嘢不錯的選擇，等我分享吓下面呢三款：～大越生牛肉牛丸湯粉真材實料，材料豐富，有很多牛肉片及兩粒牛丸，還有芽菜洋蔥等配菜，牛肉嫩滑，牛丸彈牙，河粉爽口不會太軟淋，牛肉湯十分鮮甜，湯底應該係無味精嘅，店員話係用藥材同雞殼熬製，所以特別鮮味，我都飲咗少少湯，飲完不會口渴，即係就算有味精都唔會多啦🤣～越式烤豬頸肉烤豬頸肉足份量，上枱熱辣辣的，烤得不會過火，所以，肉質鮮嫩，彈牙又不韌，味道也很香口，呢個誠意推介俾大家😄～沙爹牛肉串（3串）味道唔錯，調味適中，肉質嫩滑，醬汁香料調配得恰到好處，值得一試😊

大越越南餐廳地址: 沙田沙角街8-12號花園城一期地下2號舖電話: 26993535今日途經餐廳外，被一幅大壁畫所吸引，原來是一間越南菜館，見佢乾企理，環境舒服，所以入去一試。❤️大越生牛肉什錦湯粉湯底無味精，用藥材同雞殼熬製，特別鮮甜，一碗入面有齊生牛肉、牛腩片同牛丸，用料豐富，牛肉肉質細緻嫩滑，牛腩片夠腍入味，牛丸彈牙，值得推薦。❤️海南雞 雞份量好多，肉質嫩滑，連雞胸也不會韌，無骨，雞皮爽滑不膩，配薑蓉、辣汁食，味道更豐富，食落淡淡肉，合哂我口味。❤️鮮虾米紙卷 鮮虾、粉絲、蔬菜，用米紙包著，蘸上特製醬汁，酸酸甜甜，非常清新。食完飽飽，非常滿足，值得再黎！#大越越南餐廳#沙田美食

喺親呢頭做野必食嘅飯堂~都係啲同事介紹，幫襯左好多次外賣，今日終於有機會堂食~🔹大越生牛肉什錦湯粉 🔹 有生牛肉、牛腩片同牛丸~不嬲支持開~除左好足料之外，啲河粉好滑，唔會碎~同佢個湯底真係好好味~味道好特別，係隔一排就掛住嘅味道~🔹大越三寶叻沙🔹有香茅雞翼、香茅豬扒、扎肉~三寶係另上，成碟小食咁，好開心~又唔會浸到淋哂~河粉都好大碗~叻沙少少辣，好野味~🔹芒街炸蝦餅🔹啖啖蝦肉，好彈牙，淡淡蝦肉色~好真材實料，必食之選~🔹餐飲🔹估唔到晚市野飲有跟餐價，仲要$12就有特飲！長期必選鹹檸七~佢個鹹檸真係好香，但又唔係死鹹~ 堂食可以試到沙冰~椰汁三色冰好好飲！啲冰好綿，又夠椰奶味~三色有紅綠豆加綠色條條，好有咬口~飲到一滴不漏~雖然堂食唔算多人，但外賣不絕~真係要好好支持呢啲性價比小店~

終於又食到生牛肉湯粉啦，好大一碗，湯清，又好甜，鹹度適中，好多越南粉都煮得好鹹，芽菜好爽口，可能係我好中意食羅勒葉，所以特別中意食越南粉瓜，中意粉軟d，可以要求煮軟少少。酸辣無骨鳳爪，分量唔多，但係好好味，唔食得辣既可能會覺得有d辣，但係應該可以接受。

大越越南餐廳 • 沙田好餐廳值得再次光顧，今次再幫襯呢間越南餐廳，餐廳轉左新menu，但食物一如既往般性價比高，食物質素唔錯又抵食，非常值得推介俾大家😋😋..✅ 越式烤豬頸肉飯 🐷 $66豬頸肉係我係非常之鍾意，呢個豬頸肉油香十足，咬落好爽口，外表煎得帶微微金黃焦香，十分可口，推薦😙..✅ 大越生牛肉什錦湯粉 🐮 $73呢碗湯粉俾我感覺係好足料，入面有生牛肉、牛腩片、牛丸，有唔同款材料，湯底味道飲落舒服，亦有香料味，整體配搭唔錯😙..✅ 芒街烤雞肉串 🐔 $45雞肉幾滑，燒至外面香氣十足，3串份量唔少，肉都幾大粒，配上沙嗲醬幾惹味👍🏼..✅ 軟殼蟹米紙卷 🦀 $68軟殼蟹幾大件，夾埋粉絲同蔬菜，感覺清新，米紙卷帶少濕潤，食落唔乾，軟殼蟹仍有少少脆，好食

呢一日同朋友特登揸車嚟到花園城附近食晚飯因為佢話呢一間越南餐廳都唔錯，而且坐得舒服呢一度都係用QR code落單 🐮牛肉串燒牛肉燒得香口 ，而且不會燒得太老 越南鐵板牛肉牛肉質地鬆軟，配以洋蔥同吃有助去油膩🦐蝦餅香口蝦肉細緻彈牙 不過略感有點油芝心蝦多士多士雖然炸得香口鬆脆，但係入口一口油，夾埋芝士食，覺得好漏，而且多士邊炸燶咗少少有少少失望🍲大越生牛河湯粉湯底香甜，佢哋啲牛肉肉質細緻，牛肉愛好者的不錯選擇 ☕️越南咖啡咖啡香口甘甜 帶點苦澀 是我最愛的口味員工服務都有禮，而且會主動問我哋有冇揸車幫我哋減返1小時車租 實屬不錯🌹

蒜蓉牛油雞翼-外層炸到好鬆脆、有好香蒜蓉味、食落外脆內軟雞肉仲好滑、值得推薦👍🏻椒鹽軟殼蟹-上枱已經聞到椒鹽味😋用料相當多、軟殼蟹好大隻、好香椒鹽味、外脆內軟，一啲都唔乾、勁香脆哦👍🏻馬拉盞椰菜苗-食越南嘢點少得馬拉盞炒菜，馬拉盞好香口同埋椰菜苗好新鮮，配搭好食😆生牛肉湯粉-我同朋友一人叫咗一碗都係揀咗生牛肉，湯底鮮甜，生牛肉好嫩口，我食完碗粉忍唔住飲埋啲湯下次再試試其他食物，正宗越南菜

最近成日食好嘢有啲熱氣，今次食清小小食越南🇻🇳菜。📍沙田 大越越南餐廳我哋食左：🌟必食推薦：芝士蝦多士 （4）💰58芝士唔會搶左蝦既味道，蝦🍤肉好多，多士焗底完面頭有密密麻麻嘅芝麻好香好惹味。🌟雞絲扎肉湯檬💰63我好鐘意佢個扎肉，好彈牙，索晒啲湯汁，有3大嚿食完仲想食。雞絲有好多，好腍。湯檬好爽好滑。🌟越式烤豬頸肉飯跟荔枝沙冰💰78豬頸肉有好多，表現正常發揮。荔枝沙冰🍧，荔枝味好出，好清新。🌟田園素菜米紙卷💰55米紙好薄包住好多蔬菜同粉絲，平時出街好少食菜，米紙卷就岩晒我哋無飯夫婦。總結：大越越南餐廳價錢經濟實惠，可以係街坊之選。2人總數💰254人均💰12710分滿分味道：7/10環境：7/10價格：7.5/10#hkfoodie #hkigers #hkig #hkblogger#chansfoodie.hk#hkrestaurants#hongkong🇭🇰 #hongkongfood #hongkonglocalfood #hongkongtravel #hongkonginstagram #香港探店 #香港探店分享 #香港探店打卡 #越南菜 #沙田美食

📍大越越南餐廳今日又去咗河畔覓食🤓比我發現咗間未食過嘅平價越南餐廳，入面環境都幾大下，不過因為就快收鋪所以唔算好多人。越式烤豬頸肉🐷 $68每塊都切得好厚！燒得好香，激起咗我個食慾🤤峴港蕃茄牛腩湯粉🍅 $63真係好鍾意食蕃茄湯，牛筋牛腩超大嚿，仲好軟腍👅海鮮叻沙🦐 $80睇張圖都知湯底有幾濃郁同足料😋豆卜索晒啲汁勁正。荔枝沙冰 $12 & 椰汁綠豆冰 $12天氣咁熱梗係晏啲消暑飲品 ，啱啱上枱嗰陣啲冰實到飲唔到，但佢溶咗之後就ok，荔枝冰好fresh，綠豆冰就好重椰奶味👍🏻

我哋今次食呢間餐廳就喺沙田河畔花園嘅附近，價錢夠哂貼地，質素亦都唔差㗎😗越式烤豬頸肉 $68份量都幾多嘅，燒到微微焦脆，偏瘦啲啲，但都幾嫩滑，點埋個醬汁，Fɪᴛ哂😙法式蒜蓉牛油雞翼 $52上枱已經好香蒜蓉味，外面炸到好酥脆，好惹味，肉都仲係相當嫩滑，仲好Jᴜɪᴄʏ添🤪大越生牛肉湯河 $62湯底以牛骨熬製，牛味好濃，河粉夠滑身，牛肉吸收咗湯嘅精華，帶點甜甜嘅味道😌大越海南雞飯 $73叫咗髀位，肉質嫩滑嘅，中間嘅啫喱層都有嘅😜 點埋個辣醬食，係幾惹味嘅，仲要跟埋油飯，咁嘅價錢都幾抵食呢到地方夠哂闊落，成班親朋戚友沖落嚟食個飯都係一個唔錯嘅選擇，畢竟越南嘢，真係愈多人一齊食先愈爽😌

餐廳嘅Menu設計靚靚成特色既越南可愛少女肖像 散叫都一樣好經濟柚子鮮蝦沙律$78上台時吸眼嘅柚子大蝦滿滿蓋住酸酸甜甜蘿蔔及青瓜絲，食落爽脆開胃大越火車頭（2份量）$133入面有生牛肉，牛腩片，牛丸，牛筋、牛柏葉，上枱大大碗河粉質地滑捋捋，湯底牛骨熬制夠濃，好重牛肉味，牛丸爆汁、牛筋同牛腩好腍，好正！足夠兩人share菠蘿熱情果特飲+$12滴漏咖啡+$12深度烘焙咖啡，每滴滴成一杯，底層已有煉奶，攪拌後甜甜的稍甘口

今天下午，我和太太到位於沙田沙角街的大越越南餐廳吃午餐。我們點了大越生牛肉什锦河粉，包括有生牛肉，牛腩片和牛丸，讓人垂涎欲滴的湯汁彷彿是越南小巷的味道。此外，我們還點了炸春卷2件，外脆內軟的春卷沾上特製的醬料，口感十足。另外我們選擇的是芝心蝦多士，外皮炸得金黃酥脆，內裡有蝦肉和奶油芝士的美味組合，讓人回味無窮。香港下午總是熱的，總需要一杯清涼解渴的飲品。我選擇了椰汁珍多冰，清新的椰子汁搭配多種口感的珍多冰，一口就讓人心情愉悅。太太則點了鮮椰青，椰子的甜香和清涼感在口中緩緩散開，很爽很爽。在大越越南餐廳享受美食，價錢合理好開心。

和女兒去吃越南菜，店舖地方頗大，裝修簡單。門外一幅很大的壁畫非常吸睛。我們二人點了：無骨鳳爪冷麵女兒很喜歡吃無骨鳳爪，又喜歡吃冷麵。這款冷麵就是她的至愛了！麵條彈牙，麵條上的醬汁微辣，令冷麵更有層次感。搭配着酸酸的無骨鳳爪，口感豐富。鳳爪十分入味，酥脆口感配上微辣的味道，十分惹味。芝心蝦多士蝦多士金黃酥脆，切開後露出裡面的芝士和鮮蝦，非常誘人。多士的外層酥脆，裡面的芝士濃郁香濃，蝦肉則鮮嫩彈牙。西貢咖哩大越三寶飯（香茅雞翼＋香茅豬扒＋扎肉）雞翼鮮嫩多汁，豬扒鮮美可口，扎肉則帶有一絲煙燻的味道。香茅雞翼、香茅豬扒和扎肉配著咖哩飯，十分惹味。咖哩飯味道濃郁，與肉類的非常夾。鮮蝦米紙卷米紙又薄又脆，裡面包著新鮮的蝦肉和蔬菜，蘸上酸酸甜甜的撈檬汁，口感十分爽口。

今日夜晚同朋友仔食飯，價錢合理之餘食物都好惹味，雖然係手機QRcode落單，但係店員見到我落左好耐都熱心幫我落單，態度都很好，下次都會再來食而且環境比起以前都光左好多