大豐收

這次是第二次光顧，兩次用餐體驗非常良好，希望寫食評分享給大家。一到埗戶外位置雖然坐滿，但員工主動招呼我們，稍等一會便有位。坐低見到地下有一兩日煙頭，員工會主動地清理，態度亦非常友善，兩次都有同狗狗打招呼 ！雖然天氣比較熱，但戶外位置有風扇和屏蔽亦有紙巾提供，叉電位置，自助水杯暖水壺，整個用餐體驗非常良好！推介！…查看更多

蜜汁薯仔一字骨：香脆甜腍的完美交融「大豐收」在元朗開咗多年，係一間茶餐廳式小炒店。今次我就試咗「蜜汁薯仔一字骨」，香氣四溢、層次豐富的驚喜之作。🥔 薯仔部分絕對係亮點：炸醬緊緊包住薯仔，落鑊炸到外皮香脆金黃，再點上蜜糖汁，甜香撲鼻。入口第一啖，蜜糖味率先爆發，外層脆卜卜，入面就腍到好似薯蓉咁，綿滑細膩，層次分明，食完真係停唔到口。🍖 一字骨方面：雖然炸得比較乾身，但勝在醃料入味，配合炸腩角一齊食，油香四溢，更添風味。腩角的鹹香與蜜汁的甜味互相平衡，令整體味道更有層次。🫒 欖角的加入亦係一個驚喜：炸過之後香氣更突出，為整碟菜添上獨特風味，亦令口感更豐富。整體而言，呢碟蜜汁薯仔一字骨係一個甜香、脆嫩、鹹香交織嘅小炒佳作，非常適合配白飯一齊食。雖然一字骨略乾，但整體味道已經非常討好，值得一試。…查看更多

今日外賣叫咗：霸王雞 - 雞比較老香辣刴椒蒜苗枝竹炒牛肉 - 菇菌爽口，味濃酸菜炒豬肚 - 酸菜爽口，豬肚夠淋濃湯雜錦海鮮粉絲浸娃娃菜 - 濃湯鮮甜，粉絲吸收湯汁更佳配飯。整體味道夠重要配白飯，例湯出色。…查看更多

叫完單係到等外賣一直等一直等早過我叫既就拎走先等咁鬼耐都唔知張單去鬼左邊等成20分鐘都未有得拎唔好去食依間 一陣等成30分鐘都未有得食難得少去元朗想食下 點知就等咁耐都未有 係到浪費哂啲時間…查看更多

非常非常非常差嘅體驗做完gym買早餐俾老婆，第一次呢間，諗住普通菜餐廳唔會衰得去邊，點知。。。中 大 伏！！！叫咗個G餐（輕型百搭早餐），揀完兩個餸 揀 奄列 嘢飲，落完單等餐時，有個妹妹仔過黎話先生你揀咗菠蘿包就冇奄列，嗰下不以為然，哦咗聲，拎完餐就走咗。返到屋企，開個盒，老婆問個奄列呢，我話揀咗菠蘿包就冇奄列，老婆開返張相睇，算一款係指兩款奄列揀一款，下一行話"跟"菠蘿包，姐係奄列同菠蘿包應該共全！再者一條腸仔，一塊煙肉，一個菠蘿包，一杯凍飲，就39蚊，真係有埋個奄列先合理！報緊海關違反商品說明條例，差差差評！！！…查看更多

呢間茶餐廳食物都係大豐收同個餐廳名一樣，好大碟，超多餸，一啲都唔孤寒，叫咗一碟四川辣味鵝腸炒飯，有半碟都係鵝腸，味道好香，炒得好好，好野味，韭菜好新鮮冇揸，大家經過可以試下佢哋啲小菜…查看更多

又難食又貴，杯凍檸茶都沖得好難飲，成杯嘢係苦 炒飯炒到好鹹，西多士整得好求其，衛生環境仲好差！完全唔知食緊啲咩。水煮牛肉飯啲牛肉唔知點解食到好大陣臊味，整體黎講全部嘢都好難食…查看更多

話說今日收工，行過鳯琴街18號玉龍樓地下，原本打算試「紅葉🍁」餐廳，但因為諗住試下新野，就膽粗粗去左呢間「大豐收，講真門面同室內環境都一般，但抱住試新野心態，膽粗粗就試下。點知唔試由自可，一試就把幾火😡😡🔥🔥🔥叫外賣（蔥爆牛肉飯 + 椒鹽雞球飯）2個餐，比左錢之後，點知等左超過30分鐘都未出外賣（當時以我觀察堂食人數唔多）心諗冇理由等咁耐，誰不知就係呢一刻個侍應先同我講漏左一張單，仲反問我另一張單食咩，我即時址火問點解依家先通知我？但幫我落單個侍應唔覺自己有錯，反而仲要態度極差，又唔想比人退錢，但本人谷鬼氣堅決要求退錢走人，絕對唔會幫襯，無下次！🤬🤬👋…查看更多

由於奄列早餐店已經買少見少～所以揀咗呢間食早餐～位置較窄～人流都唔少奄列蛋雖然較老～但味道不錯～無酸宿味但鮮牛肉麵則有些難吃～似係用返沙爹牛肉啲肉（當然無沙爹味）～所以又硬又有雪藏味…查看更多

食開嘅茶記無開，於是隨便咁入咗喺哩間大豐收。首先我要講咗個結論先。難食唔衛生絕對無下次叫咗個乾炒牛河，等咗成十幾分鐘都未上。期間隔離枱都有一齊催單。終於上菜嘅時候我翻開晒成碟河粉，得兩塊半完整嘅牛肉片，我有個掙扎過好唔好問佢哋係咪正常，但係都係算數了。點知一食入口，河粉好硬好似未煮透咁，又勁重燶味，中大伏了。第二樣嘢就係佢哋居然攞晒啲蔬菜出堂食區切菜，一路食一路聞住啲菜草味。仲有幾個廚房師傅唔著衫唔帶口罩走出走入。咁你哋個廚房要嚟做乜？最大鑊係連最後杯奶茶都難飲，無茶味嘅。早知去七仔叮杯麵好過。…查看更多

嗌左兩個外賣，乾炒牛河同豬扒炒烏冬，碟乾炒牛河連啲牛沖都一陣濃屎味，點食呀？成碟冇郁過😰個豬扒炒烏冬，啲烏冬偏硬，不過茶餐廳唔會要求佢用靚烏冬，但係舊舊豬扒都燶㗎，呢碟就齋食烏冬夾走啲豬扒，呢間嘢出產致癌物質🫠師傅，炒燶嘢就洗下個獲先啦，食晒你碟野生cancer啦，冇下次👋🏻…查看更多

呢間街坊茶餐廳算係環境比較乾淨同地方坐得比較舒適既一間，平日下午茶時段唔算太多人，可以一個人靜靜地坐下。下午茶餐點選擇都不少，價格同一般茶餐廳差不多。咸牛肉炒多鮮茄豬仔包，豬仔包較淋，如果烤脆身啲會更好，咸牛肉料唔夠多，多啲會更惹味🤫…查看更多

又是母親大人不想煮飯的日子，所以她建議到舅舅家附近用膳。這裡的環境與一般的茶餐廳無異，有卡座也有普通的餐桌，但以茶餐廳來說這裡也算是整潔。馬拉盞通菜炒鮮魷通菜新鮮又爽脆，每一口通菜都吃得到馬拉盞的香味，配上爽口彈牙的鮮魷一起吃相當不錯，而且惹味又濃郁!沙嗲支竹牛仔骨煲支竹完全吸收了沙嗲那份香濃惹味而變得特別美味，牛仔骨吃上去特別香口鬆軟，只不過沒有什麼肉香味，而整個牛仔骨煲的味道上有點過咸。椒鹽蝦蝦肉爽口彈牙又鮮甜，配上惹味的椒鹽後特別滋味可囗!沙薑雞雞肉的肉質尚算嫩滑，肉香味也頗濃郁，把雞肉醮些沙姜醬汁一起吃更為美味!金銀蛋白菜仔白菜仔相當清甜，而皮蛋和咸蛋的蛋香味也非常濃郁，只不過這道菜真的過咸了而影響了整碟菜的味道!豉汁蒸倉魚倉魚非常鮮甜，配上香濃的豉汁後味道變得更為濃郁美味!整體上，這裏的食物有好又有不好，特別是他們的菜式大多都過鹹。…查看更多

元朗雞地呢間茶餐廳，成日都有甩漏，一係漏單，一係整錯野食，d侍應真係做出真我，黑口黑面好似客咁，服務勁差，野又唔好食， 仲要油淋淋，份量又少，又唔係平普通一個炒粉麵都要6，70蚊，仲要等左半個鐘先有， 過左20分鐘追佢餐，仲覺得佢冇錯 ，個廚房佬仲勁大聲嗌出嚟，大家樂都要等啦，咁多野煮！我心諗係咪要等半個鐘咁耐呀，同埋大家樂唔洗等20分鐘以上囉，唔個個個仔老細定老細個仔(做收銀既後生仔) 聽到一句道歉都冇，以後唔會再幫襯。仲要唔送外賣。外賣自取都仲到咁衰。嬲…查看更多

Looked at many pictures on OpenRice for this place and thought the food looked good. I’ve tried but was quite disappointed. The pics can be deceiving. The rice dish did not have enough sauce and the fried pork was tasteless. The soup tasted like water. …查看更多