大觀園食坊

營業中

休息中

7/3/2019,雨一直下着，陰陰的，冷冷的，漫無目的地獨自在東大街走着...太冷太餓了，得找些熱辣辣的湯食填肚，便入了大觀園吃碗紅油重慶雲吞。叫了一碗紅油雲吞，很快便上枱，分量有點意料之外的多，略約十多廿隻，没有心思細數。雲吞是小小的，一口一隻，以上海白皮包純猪肉而成，是手工新鮮包製，值得嘉許。雖然麻辣的紅油令湯汁濃烈，但細細咀嚼，猪肉的原味仍可以透過味蕾與食客接觸。因為新鮮，雲吞皮軟且滑，"金魚尾"够長可以掛起足够的湯汁，是久違了的童年味道。吃完了一碗熱雲吞，胃是熱的，心也是熱的。付了30蚊，又可以鼓起勇氣向目標出發。

每次來到筲箕灣地鐵站附近， 女兒總喜歡 我們到 這裏附近的店舖 搵食， 其中這間是我們最愛食的 麻辣小雲吞 和西洋菜小雲吞， 他們用豬骨湯做湯底， 麻辣的程度有別於其他的 餛飩店舖 ，十分吸引， 包你一試 上癮， 雲吞 的材料也很新鮮的， 我丈夫就最喜歡吃 厚切豬扒飯， 因為這裏的厚切豬扒，真的很厚，食落很有滿足感，令喜歡吃肉的你， 大飽口福 ，胃口大開， 而且豬扒醃得很入味很淋， 另外還有豬軟骨 湯麵， 豬軟骨 炆得很入味很 有口感， 連骨都可以食埋， 這間鋪很細的， 但人流很多 ，好多時都要等位的， 下次有機會去開筲箕灣，你都可以去試下啦！

琴日 見得閒同朋友去了東大街食野。 經過大觀園食方 發現麻辣麵 超級厚切豬扒 然系入去試吓！ 入到去午市時間很多人。 環境一段   但座位很窄 座椅很不舒！ 諗著食個麵都冇所謂！ 叫左。超級厚切豬扒麵 西洋菜雲吞 咖哩牛腩飯 凍奶茶 ！ 很快就有得食 ！很大碗麵 好大塊豬扒👍 但咬落豬扒 發覺豬扒 很乾 冇汁 好硬 失望😞  西洋菜雲吞冇咩特別 算可接受 碟咖哩牛腩飯 變成咖哩湯腩水汪汪汁有點澀味. 整體很失望。 加上地方很窄 其他人出出入入都會碰到 很不舒服 這樣價錢。不值回頭！

超級五香豬扒煎蛋飯 ($46) 豬扒真係超 大 件!😱 厚度差唔多有1cm! 食落唔鞋 有肉汁 可惜油左少少 煎蛋正正常常啦 自家製醬汁香甜惹味 加分! 👍🏻*7.5/10香煎肉餅飯 ($44)呢個飯同豬扒飯係一樣既 只係個餸變左肉餅 相比起豬扒 為食妹更愛肉餅😋 除左本身肉餅肉香 調味適中 肉餅煎得香脆又唔會食到成口油 下次encore會揀呢個!💕

東大街不嬲都多嘢食，呢間係近年新開，睇佢細細間成日都迫滿人。今晚見冇咁多人就試下佢d豬扒飯。我地叫左咖喱豬扒煎蛋飯同埋超級五香豬扒煎蛋飯。豬扒好鬆軟，厚切但係唔會un。👍🏻👍🏻👍🏻可以比美銅鑼灣嘅豬扒店（炊x店）不過呢間係煎，銅鑼灣果間係炸。加埋煎蛋，簡單菜式但好好味😋但係咖喱汁麻麻哋，同埋留意返份量都幾大，女仔食可以少飯。晚飯時間，價錢都係50蚊包飲品😱價錢同連鎖快餐店差唔多，但係質素好好多👍🏻支持小店

朋友介紹我地去左大觀園食晚飯，一坐低有個靚女介紹我地食豬扒油翼飯、咖哩雞扒火腿飯、清湯牛腩飯，咁我地就叫左咖哩雞扒火腿同煎肉餅加蛋飯、西洋菜雲吞小辣两杯凍檸茶，等餐其間一直都奇怪點解一間咁細舖點會有人唱歌（好難聽)，所以去洗手間的時候竟然發現咗唱歌嗰個原來系個好瘦嘅廚房師傅擔住支煙一邊唱歌一邊跳舞一邊肉餅，當時我真係想笑但係又驚，驚啲煙灰跌咗落塊肉餅度， 到最後覺得咖哩幾有特色好似食黃色椰汁雞，個西洋菜雲吞好正，麻辣好香，個廚房師傅太搞笑又污糟擔住支煙整食物，下次去食真系睇清楚邊個師傅做。

在2019年1月13號夜晚七時至八時左右，入去嘅時候剩返四個位，但係要五個人坐，依一樣都唔係問題，之後嗌完嘢食，食食吓嗰陣，我老細突然間話我地好似連體嬰，都唔知發生咩事，跟住就唔理佢啦。一個friend食唔晒個飯，大家又唔想嘥野，咁咪幫佢食埋囉，之後有串我哋分甘同味，然後覺得開始有啲受到侮辱。所以我哋就想快啲走，嗱嗱聲埋完單，埋單嗰陣，佢就問我地邊間學校，咁我哋就搭衡怡啦，佢就話我依家衡怡啲學生咁窮嘅，認真我哋冇做錯啲乜嘢點解會俾佢鬧

openrice見d相賣相不錯決定一試店面很小, 座位不多, 要搭枱, 略嫌坐位不夠寬敞西洋菜雲吞酸辣上海麵酸辣味唔係好夠唔同出面吃個種酸辣味酸菜都不錯西洋菜雲吞好多粒, 細細粒, 好好吃, 吃到西洋菜味又juicy$33一碗真係今時今日算係咁仲有超級五香豬扒炸翼飯豬扒都幾大塊, 厚切肉質軟熟, 不錯不錯略嫌飯量唔太夠(對於男人食量來說的話)今時今日呢個價錢真係算係咁食物有質素又好味對得住個價錢絕對可以再度光顧希望可以繼續keep住水準推👍

豬軟骨米線啲豬軟骨幾入味，肉林，骨仲有少脆。點左酸辣湯底小小辣，有雪菜拌，幾開胃。啲米線係幼米線，唔太林唔太硬。覺得杯奶茶最好味，好香茶味，唔鞋口幾滑，好香港(⁎⁍̴̛ᴗ⁍̴̛⁎)👍

好食嘅嘢唔需要太多花巧嘢，呢間大觀園就印證左呢個事實，簡單嘅一塊豬扒一塊肉餅一隻煎蛋加豉油就已經係一盒好好食嘅飯，當然背後佢哋落過啲咩功夫就得佢地知啦，畢竟我只係負責食哈哈

大觀園其實都開咗一段時間，以前未裝修個環境就比較舊，但係自從裝修左之後，成個環境光猛咗，而且成間舖都乾淨左好多，食客坐落都舒服d大觀園出名嘅有小雲吞同埋厚切豬扒，不過今次我並唔係介紹呢兩樣，而係香煎肉餅同凍檸茶呢度嘅凍檸茶茶底幾正架，有茶味而且帶微微苦澀再加埋新鮮檸檬，好fresh香煎肉餅飯就咗睇個樣就平平無奇，但你一食會好有驚喜，因為你會發覺原來佢將一邊煎到香脆，食落口感好好，而且佢肉餅調味都恰到好處，食到肉餅香又唔過咸，加埋佢個秘製鼓油 好正！如果加少少佢既秘製麻辣仲正！

由街角的店搬進有座位的店鋪，經歷了風風雨雨，但食物質素又如何呢？結果是維持不變地好！我好喜歡吃這裡的重慶麻辣抄手（要無湯那款，味道會更突出），約$30就有好多粒，份量足以飽肚！但。。。厚切五香豬扒更厲害，味道與灣仔食雞扒那間更好，為什麼？五香厚切豬扒拼炸雞翼飯（鼓油汁）$4x豬扒面積隨時大過你的臉，見到實物會O嘴的！豬扒鬆軟，聽聞老闆每天會親自挑選豬扒，保持質量，所以每次吃的口感也是非常鬆軟，五香入味，十分好吃；鼓油汁又香又甜，不會太咸，撈飯一流；炸雞翼是好吃的，但由於豬扒太驚艷而忘了那當時仔細的味道豬扒是非常非常厚切，目測有手指1節厚，記得一定要點叫五香厚切豬扒才是這種類型啊！正！

近幾天天氣好得不得了，藍天白雲秋風起，令人心花怒放。蜜桃小丸子趁著這個適宜登高的季節，到了港島行山，事後回到筲箕灣，決定到馳名的東大街掃街！這陣子就是喜歡吃辣，知道有一間食店有重慶紅油小雲呑，當然要一試。食客可選擇不同程度的辣度，由於蜜桃小丸子吃不到很辣，所以只選了bb辣。湯底是精華所在，有很多蔥花、芝麻和小辣椒，看似清淡但辣度卻剛剛好，少少刺激而不會令你吃到流哂汗和鼻水。至於小雲吞，一隻一隻小小的，包了豬肉，一啖便吃完。對於一向喜歡啖啖肉的蜜桃小丸子來說，著實有點細和不到肉，如果可以大回一點便好。

一年半前仲係筲箕灣做野，成日都去大觀園食野，鐘意佢有人情味大碗又抵食尤其鐘意佢既蛋牛包，熱辣辣真係超好食今日新工作關係重遊舊地，當然要再去食逛左一round東大街，發現有好幾間店都唔同左，有d以前好鐘意既餐廳都轉左手連大觀園既裝修同人手都唔同左最重要係蛋牛包都無埋！真係有些少失望環境變左高級餐廳咁不過都坐得舒服左！但係連侍應都唔同埋，以前好似有對父子檔，加埋d呀嬸，好有親切感，依家變左金毛侍應，寸得黎都肯做野既，但感覺已同以前不同！餐牌都無咩點變係無左蛋牛包同一d小食囉之前既蛋牛包熱辣辣咁勁好味架仲要係糧尾恩物點都好，食物質素無變先最重要雞扒麵，酸辣湯仍然係大大碗微辣，但好鬼正！上海麵都係咁彈牙！奶茶好香滑，都唔錯既埋單$40我見到好多人叫肉餅飯，睇落幾好味下次有機會試下先

呢個五香豬扒煎蛋飯非常美味， 一般都只用簡單調味的炸豬扒，但係這裏用上了五香粉，簡直係色、香、味俱全。連埋隻可包蛋，同飯撈埋一齊食，相信大家都諗到嗰個口感有几香大家睇下? 佢個荷包蛋真係煎得好滑㗎，蛋香係一流 ，再加啲豉油汁，美味無窮，由細到大都咁鍾意食這個做法!平時好鍾意食雲吞嘅我都會周圍食唔同店自制的雲吞，今次呢一個用西洋菜去做既真係未試過，一見到西洋菜就覺"甜喎"，好有新意，亦都好好味，感覺特別多汁! 另外，記得要辣呀，好嘢味㗎