大街小館

營業中

休息中

今日去黃大仙探外婆，同佢食個早飯之後見仲有時間，就到附近的鳳凰村食甜品！這間佐敦都有分店之前都食過不錯，但係竟然在黃大仙比較平民嘅地方都有一間！他們甜品嘅選擇很多，中式西式都有，特別係我老公鍾意食嘅榴槤款式也有很多選擇！鋪頭裝修略為舊一點，可能都有返一段經營時間了，不過地方尚算其理乾淨！亦都見好多街坊不停地叫外賣！心太軟配曲奇雪糕，朱古力心太軟流心得來會變熱辣辣！老公就梗係叫咗個野王榴槤，淡淡榴槤肉，加埋清甜嘅椰汁，佢話好正喎！不過我就唔太好榴槤了！叫多一份芒果班戟，芒果肉厚很甜，忌廉也是厚厚的，很香但係不太甜！特別驚喜是他們的班戟比非常香的蛋味！整體水準也很好，價錢大眾化款式多

同屋企人食完飯，就諗住喺附近搵甜品食行過呢間覺得唔錯就走咗入去啦叫左 ： 朱古力綿綿冰配脆朱古力同埋小丸子 ： 朱古力味好濃郁，脆脆係早餐食嗰隻，小丸子都幾煙韌，幾好味榴槤唔知乜嘢 ： 入邊有成三夠新鮮嘅榴槤果肉，超甜超香超好味 ， 個榴槤雪糕反而對比之下唔夠濃味，仲有其他配料好似涼粉，西米露......冰鎮椰皇椰水 ： 個底好似係牛奶布丁嘅物體，個面係椰汁加啲好似椰果嘅物體、有雜果、另外加多杯椰王水，椰皇水超清甜，飲完好舒服

喺黃大仙附近食完晚飯就想搵個地方食糖水 。路過見到呢間大街小館都幾多人就入去試下~平時糖水舖有中式甜品又未必有西式。 呢間糖水舖包羅萬有♥✨最傳統嘅中式糖水- 紅豆沙,綠豆沙,杏仁茶, 芝麻糊,糖不甩 ✨西式甜品-心太軟,窩夫 , 雪花冰, 西米露,涼粉✨連一些我叫"虧佬之選"嘅都有- 椰皇燉蛋白 ,桃膠,燕窩, 紅棗 令我最興奮嘅係連芒果/榴槤班戟都有 😍😍甜品店佢都幾專業,真係諗得出嘅糖水都有。我哋叫咗個 椰皇湯圓燉蛋白 $49滋補養顏 最緊要係佢成個椰皇上,真係功夫都唔少。 蛋白夠滑, 椰王夠香 湯圓係芝麻湯圓,整個甜品嘅甜度啱啱好,唔會太甜。椰汁芋圓西米露$36我成日都會想食台式芋圓, 玩都做得唔錯, 加埋西米露,其實份量都好大碗。榴槤班戟$33難得呢度有榴槤班戟我梗係一定要叫啦!!好正呀!一咬落去全部都係榴槤肉,又香又甜。😍😍 就算食到邊邊位都係榴槤肉,亞榴槤嘅份量好多😍😍 榴槤lover唔可以錯過。

窮遊香港-又白又滑燕窩燉蛋.上次食完佐敦分店覺得唔錯 今次見到黃大仙有所以又去左食.老婆叫左⭐️生磨杏汁燕窩燉鮮奶蛋白$75價錢偏貴 👍🏻但真係有落燕窩👍🏻杏味幾香👍🏻蛋白都做到又白又滑.我食甜品 梗係叫榴槤今次叫左⭐️榴槤綿綿冰$46可以自選兩款配料得揀左芒果魔珠 爆珠😊比佐敦分店平小小👍🏻綿綿冰榴槤味幾香 冰夠綿夏天食 絕對消暑解熱但如果想勁重榴槤味既 叫番榴槤肉球好d.總結係一間水準 唔錯相對滿記大份抵食對得住佢既價錢.#大街小館 (黃大仙)地址：黃大仙銀鳳街16號地舖.⭐️評分：味道：4/5環境：4/5服務：4/5抵食：4/5

🔍黃大仙銀鳳街16號地舖*黃大仙街坊地道推薦甜品 - 大街小館.蒜辣雞翼尖 (HK$16) 雞翼尖浸了醃汁後非常入味，有超香濃的蒜味和辣椒味，初食辣椒味不太明顯，但又暗間地突然在舌頭上爆發一下，感覺很爽，雞翼尖輕力一啜就很容易皮肉分離，皮多肉少，勝在味道夠惹味，真的一隻又一隻咁食唔停呀。椰皇蛋白燉桃膠(HK$50) 製作非常用心，一次過可以吃到椰皇蛋白、小丸子和桃膠三個不同層次，椰子的香氣撲鼻，一上枱已經非常香，入口微甜綿密，感覺很舒心，桃膠香軟滑溜，小丸子也挺有咬口，重點是份量也是很大方，吃到一半已經感到有點飽了，作為飯後甜品真是「最高」！椰汁雪耳桃膠燉木瓜(HK$45) 賣相有點浮誇美麗的甜點，拍照起來很給力，木瓜上面已經塞滿了剛剛也有介紹的桃膠，還有軟綿清爽的雪耳，店主很貼心地把暖暖的椰汁另外放在一個杯子，我們可以一邊食木瓜肉，一邊倒入少少椰汁伴著來吃，整個口感提升不少，還有一個小驚喜，就是木瓜肚內還放著兩粒圓滾滾的木瓜肉，很可愛，這裡可以感到店主的小心思和用心，十分加分喔！吃完的時候位置很快被另一群客人填滿，真是很好生意呀，下次一定會再來吃！🍽 9/

黃大仙區真係好多好高質嘅食物今次就係黃大仙一條內街發掘左一間cp值極高 好好味嘅甜品糖水店環境方面，店內座位舒適，坐得好舒服而且一入到店內已經聞到陣陣嘅椰香 非常吸引！入座之後 發現店內原來已經鋪滿一盤盤嘅椰皇燉蛋白 証明呢間店舖熱賣一定係椰皇系列！除此之外 店員都推介左唔同受歡迎嘅甜品，包括： 榴槤系列嘅榴槤腸粉 滋潤補身系列嘅 椰汁雪耳桃膠燉木瓜 南北杏海底椰燉雪梨 黑糖芋圓糖水等等 款式非常多 緊有一款係岩心水椰皇蛋白燉桃膠（$50）非常足料！ 入面包含咗小丸子 西米 燉蛋白 桃膠 再配上椰汁 層次豐富 桃膠洗得好乾淨冇雜質 燉蛋白好香滑 再配合椰汁一齊食 非常滋味！南北杏海底椰燉雪梨（$45）原隻雪梨去咗啲核之後再加入海底椰南北杏等有滋陰潤肺 去咳 美顏一流雪梨燉得好林 亦都唔會過酸 有淡淡嘅果甜啱曬啲打工仔 要捱夜 同埋女士食用整體嚟講 成間舖頭提供嘅款式好多 質素亦都好高 價錢唔算貴完全係益街坊價 會再做回頭客

竹園一帶，是一個很容易被人遺忘的地區。雖然位處九龍的中央地帶，離地鐵也不算遠，但一條小小的斜路，好像便把這個小區隔開了。也可能因此，這裡維持著數十年的風貌不變。飯後、搞掂了家庭雜事，終於可以驅車食吓甜品。今天光顧的甜品鋪，雖曰「大街小館」，但位處的銀鳳街其實只是一條小路，兩旁泊滿跨區食客的座駕。「小館」倒是貼切，店舖不大，裝修樸實，看得出有一定歷史。有別於九龍城各大知名糖水舖紀律嚴明的系統化安排，這裡說一聲就可以自己搵位入座。我點了「西瓜盅」。是半個小西瓜挖出了一個亢，再放入水果、西米露和雪糕。挖出來的西瓜肉，原汁原味榨返一小杯西瓜汁俾我。這個配搭不錯，而且份量很大。我最後都食唔晒。另外點了「榴槤至尊」，都係好大碗。舊區小店，節奏比較輕鬆。冇乜壓力下，慢慢食。大家今日終於冇玩手機，由閒話家常，講到 digital 時代的 marketing trend⋯⋯ 係咁闊wor。埋單兩位 $98，唔係特別平，質素平均，但份量大，而且勝在比較輕鬆。「揸車去食糖水」，唔想趕頭趕命的另一選擇。

呢間糖水舖好多人都食過讚好，好高人氣😍係我眼中糖水好難做到好難食亦好難做到好好食。點知食過呢間糖水，原來好食既糖水可以咁好味咁有分別既👍👍唔怪得咁多人黎食！我叫左呢間店最有人氣之選既： 椰皇蛋白燉桃膠🍽滋潤一下喇！好多既桃膠，好足料。椰汁蛋白同桃膠原來咁夾，椰香味好濃，熱辣辣既蛋白好滑，桃膠索哂椰香蛋白既味道，好入味。口感又爽口。而且又唔會話好甜。🤤仲加左粒粒既小丸子落去，口感好煙韌，好味！朋友叫左： 薑汁蕃薯芋圓糖水配湯丸🍡呢碗糖水好豐富呀！🤤有唔同顏色既芋圓，仲有蕃薯🍠，小丸子同湯丸，口感各有不同，又幾match!薑汁夠哂辣，令到蕃薯🍠夠哂入味，食落又腍又甜，好滿足。芋圓口感煙韌，粒粒都唔同味道，夠哂滋味。再襯埋好香濃芝麻湯丸，真係正呀！👍最後仲叫多份 芒果班戟 食🤤呢個時節食芒果岩哂。芒果夠哂甜，又多肉多汁。軟綿綿既班戟皮，包住粒粒既忌廉芒果肉，真係好邪惡又忍唔到口呀😆😆🤭🤭

美食真是要到處發掘的，周末下午和老公到了黃大仙祠一遊，之後想吃下午茶，逛了一會來到銀鳳街的大街小館。下午3時多，甜品店剛開始營業。看過餐牌，再看看牆上木板寫著的最受歡迎甜品，有點魚與紅掌，難以抉擇。選擇很多，熱賣包括: 椰皇蛋白燉桃膠、椰汁雪耳桃膠燉木瓜、紅棗桂圓雪燕燉蘋果、南北杏海底椰燉雪梨，每日逐盅燉，都是很講求時間和功夫的!最受歡迎榜首是椰皇蛋白燉桃膠。桃膠是這店的熱賣之冠，當然想吃。又特别鍾情燉木瓜，因為原個木瓜燉市面上是很少有的，也喜歡杏汁燉蛋白。最後點了生磨杏汁燕窩燉鮮奶蛋白(熱) 和 椰汁雪耳桃膠燉木瓜。生磨杏汁燕窩燉鮮奶蛋白(熱)~ $75杏汁是生磨的，所以特别! 蛋白十分軟滑，燕窩很足料，甜度適中，味道很好又清心潤肺!椰汁雪耳桃膠燉木瓜 ~ $45非常驚喜，超贊! 木瓜中間盛滿桃膠、雪耳、西米、椰汁，還有些木瓜"波波" 是從木瓜刮出來的肉，真的十分足料!椰汁香濃，桃膠、雪耳、西米又滑又清甜，非常美味又滋潤! 聽廚司說甜味來自木瓜本身，合時又夠甜，可以無需添加糖，吃得更健康!木瓜中的材料已是滿滿的，還會跟一小杯椰汁西米，方便客人需要時再加入，十分貼心!桃膠是淺黃色透明天

飯後最適合做咩？ 當然是食甜品啦！ 個人對椰子產品情有獨鍾，所以依間野，我自己去過唔少次，但原來我沒介紹過😅今日同老公係鑽石山食完晚餐，就散下步當做運動。 行行下就行咗去黃大仙，我就同老公介紹話平時同同事嚟黃大仙食甜品。 老公話點解唔同他去下😅結果，我又去依間食甜品啦我去到必點：椰皇蛋白燉桃膠超滿嘅料入邊有桃膠、椰果、椰肉、蛋白（重椰子味嘅豆花） 他們是以冰鎮的， 所以唔會因爲冰水影響本質。 真心推薦老公對椰子無特別興趣，他喜愛食芋丸。 老公話依家芋丸無令他失望，唔會一口面粉， 咩味都沒有，有陣陣芋味。 唔錯！ 而且每碗的三色丸份量唔少咖！ 幾抵食他們的芝麻湯圓，雖然細細粒，個涵好多，一咬就爆醬咁！ 依間可算平民甜品店，價錢中等最後老公話： 下次食甜品唔使去九龍塘，依到都搞得掂！

係黃大仙附近食完晚飯 行左陣 可能天氣熱啦 於是就搵左間糖水舖入去坐下。 侍應都好快手比個menu我地睇 同埋介紹左必點糖水 聽佢講叫左個黑糖芋圓仙草凍。朋友就話想食榴槤 叫左個榴槤至尊 聽個名都知道猛料一上黎 兩碗野因為外型太似 所以都諗左陣邊碗係邊個 不過冇所謂啦 反正都大家share 芋圓幾好咬口 幾香 配埋仙草 係透心涼。 不過到榴槤至尊出場 即刻打低左芋圓仙草凍個雪糕好香好濃!最正就係果3舊榴槤肉 完全係精華所在 夠晒熟 但又唔會話太熟 如果太熟會有陣酒味 我個人就唔太好 呢個僅熟程度啱啱好碗榴槤至尊好食到就黎連個碗都食埋

Happy Easter Holiday，食個甜品慶祝一番。去屋企附近甜品鋪-大街小館。9點幾好滿座，好在等左一小陣就可以入座。餐牌好多選擇，店內都有推介甜品。見到滋補燉糖水系列，二話不說就order杏汁雪燕燉蛋配湯丸，店員一捧上枱，大大碗，杏汁味道好香，雪燕分量又多，滿滿燉蛋，仲有四粒大大粒黑芝麻湯圓，$38真係超高值！另外叫左個芒果綿綿冰，芒果味重，仲配有綿花糖及蘆薈👍🏻，口感綿綿。再叫左份糖不甩食，共有8粒，好多花生碎鋪滿面，香口而且甜味剛剛好💯

今日約左朋友係鳳凰村打冷，順路去左一街之隔既大街小館到食甜品，其實呢到不止一次聽朋友提過抵食又好味，不過縱使身住黃大仙，但平時真係好少黎鳳凰村呢頭覓食，始終唔係太就腳。可能我地八點幾算早黎，入面只得一兩檯係到食緊糖水，空間感幾好檯同檯之間唔會話好逼，環境幾清靜同朋友傾計好舒服。我地兩個人叫左三款甜品，其中朋友極力推薦呢到必食既椰皇蛋白燉桃膠我地當然唔會走雞啦，有口皆碑果然不無道理，個椰皇體積不細，而且裝滿到接近漏出黎，裡面材料又好足，面鋪滿晒桃膠，底又有好厚既蛋白及椰肉，真係無諗過會有咁多桃膠，椰香味好濃，四十幾元真係性價比好高的說。第二樣叫左既甜品係雜果水晶芋圓黑糖天使麵，其實都係因為見到賣相色彩繽紛好吸引，諗住剩係叫黎打卡都抵，點知唔止賣相得，大碗得黎有好多唔同既食材，西米露黑糖麵芋圓生果咩都有，夾得黎又有唔同既層次口感，一次過滿足不同既願望，十分消暑透心涼，特別係黑糖天使麵好香黑糖味，不過芋圓就略嫌硬了點唔夠軟綿綿，總括來說超級滿足的說。最後一樣係心太軟，食落沒有甚麼特別，不過不失，同坊間既沒有太大差別，朱古力醬叫做夠熱夠溶，但個雪糕味道質感就一般，但咁既價錢來說算係合格的了。我

女友住黃大仙，送女友回家途中經銀鳳街發現了這間隱於內街中的糖水店，見椰皇甜品系列非常吸引，便放膽入去試一試，果然值得。一翻看菜單就見到"冰鎮椰皇盅配椰皇水"，圖片非常吸引，二話不說就點了一份。再翻看菜單，原來仲有好不同款式的甜品，包括焦糖燉蛋，心太軟，香蕉船，芒果撈河，燉糖水系列，芋圓系列，窩夫配雪糕系列等等，款款都好吸引，其中女友見到榴槤系列的"榴槤至尊"就急不及待點了一個。兩款甜品都超大份又好好味，性價比極高。先說冰鎮椰皇盅配椰皇水，裡面西瓜蜜瓜又爽又多，椰汁味又夠香濃，小丸子口感夠Q，仲有布甸，整個甜品層次豐富，配上一杯椰皇水，好像吃了一餐椰皇宴。榴槤至尊又係一絕，老闆送上來時已經表示佢地所用既榴槤比其他店所用的香甜並落足料，果然一試就知道佢既用料有多好，榴槤肉齒頰留香，榴槤汁與雪糕西米亦好配合，女友不停盛讚，吃得幾乎一滴也不剩給我。難怪我地食甜品途中發現好多街坊不停入來，可見這間甜品店的吸引力。離開後，便與女友約好下次經過，會再來試芒果撈河，芋圓甜品及西瓜盅。

今晚約咗表姐去黃大仙試一間港式新派甜品店🍧 揸車嘅朋友可以留意返附近有咪錶泊車好方便，不過因為附近都有好多餐廳，所以都可能要搵一陣先搵到位😅雖然係話新派甜品，但係都有好多中式糖水揀😁今日我地都不約而同咁揀咗好滋潤嘅糖水😉表姐揀咗椰汁雪耳桃膠燉木瓜，滋陰養顏，功效可媲美貴價的燕窩、花膠，好少係街外既糖水舖見到有得賣😗真係超級足料，d桃膠多到就嚟要瀉出嚟😂 我個人就麻麻地食木瓜，所以就揀咗椰汁燕窩燉鮮奶蛋白😋鮮奶蛋白好滑，配埋椰汁好香😊 燕窩本身冇乜味，但係配埋落個糖水令整個口感更豐富👍🏻👍🏻