大良甜品鴻輝記 (已結業)

元朗又多一個選擇，今晚發現教育路新開了，一間專食中式糖水，比較特別的有合桃露，腰果露，雙皮奶，燉蛋，桑寄生蛋茶都有，實在非常難得，當晚越夜越多人，等了30分鐘才有位，店內有6張圓枱，我選了桑寄生蛋茶，價錢$20很經濟， 現在很少店有了，最難得糖水裡沒有很多點點渣，証明有洗乾淨材料先煲，糖水不過甜，有蓮子，紅棗，用料充足，飲完全身暖了，還出汗，証明貨真價實。元朗朋友真的多個選擇。朋友點了凍合桃露，味道香滑，合桃很香，相信炒過再磨，真的手功甜品。

好耐之前，糸荃灣鴻輝記常客，見最近糸元朗有分店，就一直想去試下。點知，一試難忘，貼錢買難受。當時係晚上九時後， 剛巧行過，見舖入面都好滿，門口又等緊兩三檯，就叫外賣啦。幫我落單糸一位年輕女仕，但當時佢果樣好迷惘，我心諗，我叫外賣，相信落單可以吧？！當時，我叫一個紅豆沙，一個燉蛋。一共39蚊，我見價錢正確，就立刻俾錢之後等。5分鐘後，果位女仕就攞咗個外賣俾我，話糸 綠豆沙同燉奶！！我心諗，有冇搞錯呀?!我立刻同佢講，呢個外賣唔係我，我要嘅係紅豆沙同燉蛋。佢就係門口叫呢一個外賣單，但根本無人應佢。當時我已經滾滾地，但身邊人叫我企埋一邊，佢同個年輕女仕處理。好啦，再5分鐘後，個外賣準備好，甘咪走人啦。當番到屋企 (10分鐘步程)，惡夢先真正開始。首先糸個燉蛋，完全可以用難食形容。淡而無味，同甜品既甜，完全無關係。 而且，個蛋糸完全死實實，同你期望既滑溜溜，徹底相反!  紅豆沙，甜就還算甜，但，相信糸溝左水。一碗紅豆沙，煲得正常，係會有種綿綿既感覺。可惜，呢一碗，只係一碗紅豆水！今次既經驗，真糸對鴻輝記信心扣哂，可見既將來，都唔會幫襯。

見新開張，就去試下，一試就中伏。。。我同朋友見到menu 寫芝麻糊，杏仁糊同合桃糊都係最出名，於是就叫左黎食。可以混合兩溝唔洗加錢，所以我就叫左個芝麻混合桃，朋友就叫左合桃混杏仁。糖水一到，一匙搞下去，稀到不能再稀，簡直就似係有色的水混埋一齊咁樣， 一入口，有味ge，都係芝麻味ge，但似芝麻水多過糊lor..... 我以為當我唔好彩係得我個碗係咁，於是拎左朋友個碗黎試下，同一感覺，係芝麻味變左杏仁水的味道。。。 真心真心唔會再黎食，去其他糖水鋪食好過，貴可能就貴d，但起碼人地真係糊，唔係水。。。

好正呀！終於有一間傳統中式糖水進駐啦！食過芝麻糊真係一流呀！食完買多碗外賣返去比老豆，連老豆都話正呀！由細到大都鍾意食中式糖水架可能都係因為細細個 我老豆媽咪就會帶我去以前屋企樓下食糖水，係一種好難搵返既童年回憶同味道，但人大左身邊啲朋友成日都話去B仔，講真呀我自己始終都對啲得個甜字既糖水非常一般 而家終於有多個選擇啦 足料好味唔在講，最緊要係間鋪頭既裝潢都好有細細個去既傳統中式糖水鋪既感覺啲員工服務態度都非常好有禮貌之餘又會問我碗糖水味道如何，岩唔岩食呀咁，真係一個字講晒，「掂」呀！！