大興餐廳 (第尾牛扒)

營業中

休息中

今曰出開旺角花墟買🌹，咁啱我哋又想食鐵板，所以我哋就去咗第尾牛扒la.. 其實都嚟過好多次，久唔久就會想嚟食吓咁lor 😃 我哋一個叫咗Tbone 牛扒配薯菜配黑椒汁，一個叫咗大蝦雞扒豬扒鐵板配薯菜配蒜蓉汁。我食嗰個豬扒雞扒都好淋，正常鐵板嘅質素，個蒜蓉汁唔會太鹹，食到蒜蓉味👍🏻T bone 又係正常發揮，個汁好味😋因為偏甜。同埋個粗波浪薯條好脆，即炸，好好味😋餐湯有羅宋湯同牛尾湯揀，兩個都唔錯，同埋最鍾意係個餐飽同牛油（個人特別愛吃牛油），包埋每人一杯飲品，人均$150，性價比算高，不過如果有埋個甜品就更好😝有個女職員特別有禮貌，值得一讚❤️

今日諗住去食牛扒一坐低個員工就掉啲餐牌過嚟叫我哋快啲叫午餐 就黎完餐牌上面寫住午餐係5:00完咁我哋就諗住叫一個午餐午餐唔記得咗係咩牛扒同埋一個晚餐 神户牛柳 總共兩個餐 因為神戶牛柳係無午餐咁我落單嘅時候就同上面一個肥叔叔落單佢話叫午餐就唔可以叫晚餐 叫晚餐就唔可以叫晚餐 我話但係個餐牌唔係寫住午餐五點先完咩落單嘅時候大約4點半 跟住佢就話星期六日係早啲喎但係個餐牌寫住午餐每日到五點咁得唔得都冇所謂 佢話有就有冇就冇囉但係我哋叫到一半佢就走咗去側邊拎住啲餐具掉嚟掉去發出噪音仲要大聲話我 狗唔X搭八 不停喺度冰冰嘭嘭 唔係細細隻嗰隻係超大聲然後我就問佢經理喺邊 問佢叫咩名我要投訴佢阿叔話佢係冇名㗎 跟住問收銀經理喺邊跟住佢話呢啲嘢唔好問我 再問啲員工 佢哋全部都卸膊最後個經理先出嚟話佢係咁嘅但係個阿伯仍然係非常冇禮貌兼夾啤住我想俾錢買難受，儘管去呢間餐廳 CLS

我是看了假食評去光顧的受害者之一，本身自己每月都會去2-3次荃灣花園餐廳食牛扒的，然後看到食評聲稱此餐廳比花園餐廳更佳，不料中伏。餐廳環境超殘舊，而且很多飛蟲，滅蟲工作沒有做好，然後來說說食物，首先是檸檬茶，128的晚餐不要省那兩片檸檬好嗎？花園餐廳的檸檬茶絕對是足檸檬的，再來是餐包，見圖，僅比牛油略大一點，又細又硬，然後是牛椒汁，粉落太多超結很難搞動，羅宋湯加了蒜頭，蒜味很重，愛吃蒜頭如我也只覺一般，湯大概只喝了3分1，不吃蒜頭的絕對受不了，到最關鍵的牛扒了，我點的是4成熟，但出來的成品絕對超7成趕8成了，已經熟到一啲汁都無，乾憎憎。如果唔係因為要比128我絕對唔會食完佢。這絕對是我30多年來食過最難食的牛扒餐了，一想到自己專門從荃灣坐車過來食垃圾，頓覺悲從中來，萬念俱灰，生無可戀，然後餐廳只收現金，信用卡想儲下分都無。希望早點結業吧，賣這個價錢但食物質素如此惡劣。

呢間餐廳食咗好多年亦都係我最喜歡的一間鐵板餐首先佢環境都係懷舊風格而員工都係好有電視劇嗰種感覺懷舊平時如果平日晚都要等位㗎今次星期日下午去 好彩仲有少少位員工做事都好爽快 即刻安排到座位同餐牌仲好快問想食咩飲咩湯？就算落咗單都係好快到中午去有午餐時段，仲有下午茶時段驟眼睇啲餐都唔錯 雖然價格已經加價但係都仲係合理價錢範圍 仍然大概$70左右平均價午餐通常主要食飯多得一個是日鐵板午餐 今次係西冷牛扒大概$79 已經有忌廉湯或者羅宋湯如果晚餐餐牌食鐵板餐係抵好多所以如果想食鐵板，又平靚正就晚餐啦印象中雜扒鐵板餐都只係$120左右羅宋湯好足料 一碗湯已經有兩至三嚿蘿蔔同菜同埋佢有少少微辣，因為加左辣椒仔依度嘅鐵板餐除咗係懷舊款式之外，佢仲係熱辣辣好新鮮 勁多煙 通常依間餐廳八九成人都係食鐵板餐係超級香 佢有蒜蓉汁或者黑椒汁 呢個係蒜蓉汁唔會係好稀 調味啱啱好西冷牛扒通常七成熟 果然啱啱好 唔會好硬好軟好有牛肉味依家望返幅相都流晒口水今次新嘗試叫咗個咖喱雞扒腸仔飯本身都好擔心咖喱會好辣好出奇地佢嘅咖喱係好有濃郁咖喱味但係唔會辣食唔到辣嘅人又想食咖喱就可以選擇佢啦雞扒都係煎得啱啱好 食到肉質好嫩

🥩呢間於70年代開業嘅港式扒房，曾經傳聞其實佢叫“茅屋”，但因為招牌字體太潦草，所以先被睇成第尾。近五十年來，餐廳都冇正式澄清過以上嘅傳聞，直到近年，新一代先喺IG正式解開呢個謎團。詳情可見IG擷圖。上菜好快🤵🏻伙記有啲澳牛feel，超有效率又不失禮貌仲好細心，會專登搬張櫈畀我哋擺袋，見我哋有放西裝褸，仲主動攞塊格仔枱布畀我哋冚住件褸，呢樣真係酒店級。（不過都因為呢度地方比較淺窄，其實都係自保方法之一）好有香港精神。喜出望外，比預期中好味，我覺得係我食過同類舊港式扒房餐廳中最優。🥣紅白湯都好濃郁，白湯有粟米粒🌽唔會太杰太開粉feel。小餐包就係嘉頓交嚟嘅，室溫，牛油係獨立包裝嘅紐西蘭安佳牛油🧈。晚餐$100左右鐵板扒餐牛扒可選熟度，醬汁可選黑椒汁或蒜蓉汁。上枱時醬汁已淋在鐵板上，不過因為上菜快，上到枱依然“炸炸”聲，同樣享受到食鐵板餐最重要嘅儀式感。牛扒牛質軟冧，又唔會覺得太鬆肉粉，有肉味味道當然同貴價扒房冇得比，但兩者屬兩款完全唔同屬性嘅味道追求，真係冇得比較，食得港式扒房就唔好要求食到英式扒房嘅味道，一分錢一分貨，千其唔好期望蔗渣嘅價錢可以買到燒鵝嘅味道，咁你呢餐就會食得幾開心。留

平日，只有20%嘅入座率，十一點關門，九點嘅時候已經要催畀錢埋單,同收走檯面嘅嘢,9：30起身走嘅時候啲侍應講“終於走喇”.你冇客人,全場有八成吉枱,11點先關門,咁都要畀說話我哋聽？仲有兩成枱嘅客喺度食緊野,又唔係要做清潔,我哋起身走咗你哋都未收得工啦？

以價錢黎講都真係好抵食但環境相對比較古舊因為實在有一定歷史衛生環境可以再更好鐵板唔算正宗個隻佢本身自帶薯條餐湯份量比較少味道都幾好黑椒汁唔算突出感覺甜甜地但好開胃牛扒值得讚係唔會勁韌同好乾身咁嘅價錢值得一試

呢間係飽肚之選，但就並非靚牛扒太子原來隱藏咗一間超抵食牛扒！$114已經包埋羅宋湯或者忌廉 飲品再加大大塊牛扒！非常適合，啱啱放工超肚餓嘅人 佢可以揀蒜蓉汁或者黑椒汁！ 我就揀咗黑椒汁！賣相吸引！肉質亂但咁平嘅價錢 都明顯食得出嚿肉唔係啲靚嘅肉！ 但只求飽肚就啱晒！

最近去咗第尾牛扒食飯，話說呢間舊式西餐廳，氣氛幾熱鬧。我試咗西冷牛扒餐同紐西蘭肉眼扒，真係熱辣辣上桌，但啲肉質就……唔算好出色。食落去都係普通，肉味唔算濃，冇咩特別。不過，職員都算友善，但上菜速度快，呢個就幾加分。點咗食物之後都唔使等太耐，呢個係一個好嘅優點。至於環境，通風同衛生情況一般，因為人多，空氣有點悶，坐落去唔係好舒服。希望佢哋可以改善下，這樣食飯會開心啲。講到價錢，呢度真係幾平，如果你想食牛扒但又唔想花太多錢，呢度係一個不錯嘅選擇。不過，價錢平，質素就要有心理準備，唔好期待太高。總括來講，第尾牛扒係一個平價嘅地方，適合唔想花太多錢但想試下牛扒嘅人。如果對食物有高要求，就要考慮清楚先嚟啦！

懷舊之夜 - 穿梭時光1️⃣9️⃣8️⃣0️⃣ 📽️🎞️ ⏩️ 2️⃣0️⃣2️⃣4️⃣突然就諗起細個好鍾意食 🤣🤣雜扒餐🤣 好想食返懷式餐廳的牛扒 。🐮🐮🐮咁就見到人介紹依間扒房😼 咁咪食下囉叫左個西冷牛扒 7成熟，因為鐵板上枱就啱啱好喇😼😼㨂白湯（忌廉湯），再加杯凍檸茶 ，啱曬！！真心 食完真係，童年回憶都返嚟🥰🥰😋😋 好好味，仲食得好飽🐷🐷🐷食完仲有時間去睇返套戲，啱曬👍🏻👍🏻

伙記帶自卑的妝容、不可一世的態度去招呼你。垃圾員工一蘿：下單的下錯單，煎扒的煎錯扒，沖飲品的沖錯飲品。食物：正宗低級扒餐，用醃肉粉炮製劣質肉，配以業餘級廚藝，再加上唔尊重自己、唔尊重客人的調味汁。環境：窄、暗、舊。人均索價140。總之由員工質素、食物、環境、性價比都力臻第尾。永不光顧。

基本上每個月都會幫襯一至兩次，唔講得上係熟客。間嘢無論啲餐具、枱椅、到枱布都舊到基本上一早就要掉，我估大家上得去都叫做已經有晒心理準備，食物質素亦然，預咗係呢啲level嘅嘢，有waiter/waitress自動埋嚟落單，一百蚊唔唔洗有湯有鐵板有嘢飲，收貨啦。只不過冇諗過去到收銀埋單果吓，二百四十幾蚊，我都已經唔敢拎張五百蚊出嚟要佢找，因為坐喺度食果陣已經聽到有客拎五百蚊出嚟埋單都有啲不愉快狀況發生，所以我畀3張一百蚊收銀果位女士，不過好快唔夠兩秒，我發現銀包有張五十蚊紙，咁就同收銀果位女士講：「唔好意思，我有張五十蚊，我畀二百五十蚊啦。」個收銀女士拎咗我張五十蚊紙，啤一啤我，然後好悔氣咁掟番張一百蚊畀我，係掟出嚟，唔係放低或掉/拋出嚟，仲要係少少打橫咁向住側邊果個唔知係箱仔定牌仔掟，廣東話就叫「pat」（第六聲，一pat屎/一pat嘢）出嚟。受到呢啲咁冇禮貌嘅待遇，以後都唔會再幫襯了。

話說好多人食牛扒都鍾意食半生熟至八成熟，但我哋一家人偏偏鍾意食全熟。今次嚟到太子呢邊第尾牛扒食，晚上六點半已經人頭湧湧。我哋今日三口子分別叫左晚餐既鐵板牛仔扒、西冷及肉眼。三份全熟唔該。叫完立即有牛油餐飽同湯，我哋有揀牛尾湯同白湯，齊齊飲足料羅宋湯。隨後不到十分鍾三款扒一齊上。夠熱、夠汁也夠熟。不過不得一贊既係，三款十成熟既扒食上囗都好嫩，一D都唔老同煙韌。所以，接近百零蚊一個餐加埋飲品同一個方便既地區，都真係叫抵食。

巳經黎過好多次食過唔同扒後,最後都係鍾情返肉眼扒一入座就立即叫野食佢既羅宋湯每次都係咁好飲既,加埋個叮熱左既餐包,真係無得輸!(不過餐包要趁熱食阿,如果唔係會韌架)招牌鐵板肉眼牛扒  $116肉質好夠淋,唔會好勁梳打粉味

今日上去食個鐵板午餐，本身由入座到用餐過程都幾好，坐低問你飲咩湯，是日鐵板餐亦都好快送上，侍應態度正面又快手快腳。味道從來唔會有要求，因為港式扒房就係呢啲味。最大問題係買單嘅時候。身上無散紙比左$500，收銀員問我有冇$100紙，我話無之後就開始黎料，黑面開夾萬拎紙幣，再我有冇$2，我都話無！最後佢就黑住面咁好大力將啲銀仔拍個張枱度比我。我理解餐廳唔收電子支付嘅原因，但係唔理解無散紙就好錯係客人錯嘅感覺。