大統領

營業中

休息中

想近近地食日本野，就去左大統領。假期晚市就比較多人排隊。配合唔同季節，都有時令既魚同限定既食材：今日就叫左個蟹膏帶子漢堡$88/3，帶子甘甜，配上蟹膏非常好味。蔥香吞拿魚蓉丼值得推薦呢個吞拿魚蓉丼，完全唔需要落豉油襯托，簡單紫菜拌飯已經帶出吞拿魚的味道。叫了刺身拼盤一客，（帶子兩切，三文魚兩切，甘蝦兩切 ），刺身食材新鮮，沒有任何筋及沒有冷凍雪藏味燒鰻魚丼，鰻魚燒得幾好，亦見少骨。一口牛定食，配三文魚兩塊，前菜，生果，麵豉湯，可選白飯/烏冬。牛肉唔會煎得太焦，可口彈牙，保留原汁原味。

晏晝行完鹿頸，出番粉嶺市區四圍搵有咩好食。最尾去左聯和墟，搵到呢間小店 - 大統領。雖然舖面唔算大，座位都有少少逼，但加埋裝修反而更加有日本居酒屋既感覺。一坐低見到佢既餐具已經好中意，非常有心思，係木造魚型既匙羹。餐廳主打都係一d丼飯，有魚生、刺身飯亦有熟食或者牛肉飯，大部份都係一百蚊至百五蚊左右，價錢都相當合理。其次亦都有壽司、刺身、燒物同定食。正當我煩惱緊食鵝肝溫泉蛋牛飯好定雙牛丼飯好既時候，店員（定唔知老闆娘）偷聽到後好細心推介左我食雙牛丼飯。最後我地兩個人就叫左＜蔥吞拿魚腩丼＞，＜雙牛丼飯＞同埋一個小食＜蟹膏帶子漢堡＞。上菜速度都好快，我諗等左十分鐘左右就有得食。先黎＜蔥吞拿魚腩丼＞$88吞拿魚好鮮甜，份量都好多絕對夠一啖魚一啖飯，略嫌係壽司飯硬左少少。但overall都性價比極高。之後就有小食＜蟹膏帶子漢堡＞$88一開以為係壽司黎，黎到先知係帶子夾住蟹膏。蟹膏超甘香，我拎左少少黎撈飯超正！最後就係＜雙牛丼飯＞$148牛既份量多到不得了，一款係安格斯牛一款係牛三角(類似平時既牛肉飯既牛肉），仲有一隻溫泉蛋，撈埋上面既辣椒絲好惹味好好送飯。安格斯牛燒得岩岩好，睇相都知好稔。另外呢

粉嶺有名的小店，因為食日本野嘅店唔多，呢間都好有人氣㗎。坐低後店員送上茶及餐牌，有丼飯、拉麵等，都幾多野揀㗎。燒汁牛脷丼（$58）個人大推呢款牛脷飯，牛脷有5-6片，軟腍入味，個汁鹹鹹地有椒香，仲有一隻鵪鶉蛋，拌勻蛋汁勁好味。芝士漢堡扒丼（$58）大大塊漢堡扒灑上芝士汁，塊扒入面亦有芝士，切開後芝士漏出黎好好味㗎，另外仲有紫菜香同蛋汁，又係正。角切魚生丼（$78）魚生同蝦籽下得很多，但魚生不是靚料，呢個價錢接受啦，加埋芥末豉油好好下飯。三文魚親子丼（$88）呢個就真係好一般，份量少，三文魚亦不夠肥，可以不點呢款。咖哩吉列炸蝦漢堡扒（$68）甜甜的咖喱汁幾好撈飯，炸蝦香口，漢堡扒超厚切，啖啖肉好飽㗎。蒲燒鰻魚丼（$98）價錢係貴左少少，但勁正呀！鰻魚肥美肉厚，甜甜嘅鰻魚汁好好味。飯嘅份量偏少，但可以叫多飯㗎，我同同事次次都要叫多飯，食飽飽好滿足。

呢間大統領日本餐廳，係聯和墟都開左一段日子，我見佢個裝修都幾日式，係木既招牌同木門，有d 心思，吸引左我入去食個lunch. 星期六 Lunch 12:40 入去都差唔多坐滿曬，好彩仲有少量位，唔洗點等就入左去食，好順利！我地兩個人叫左兩個餐，一個溫泉蛋和風牛肉飯，同一個壽司定食。先講個牛肉飯，味道就幾好，牛肉既量都唔少，汁又好入味，不過個賣相就有d 求其，隻蛋亂放埋一邊咁，有代改善。至於個壽司定食，就幾滿意，有5款刺身壽司，加三個加洲卷，仲有個麻醬烏冬，好豐富！ d 刺身都算新鮮

早前一直發現有這家日本食台， 因舖位看似很細， 一直也未有幫襯！ 早前終於在看電影前去試！ 簡直一試就愛上！ 當日因時間早， 大概六點鬆啲， 人也不少！ 點了北海道魚生飯！ 我不愛三文魚子， 要求改第二種魚生， 我就改了帶子！ 嘩！ 海膽和帶子好鮮甜！ 全部魚生都非常新鮮！ 大愛！老公跟朋友點了軟殻蟹蟹籽炒飯、海膽雞肉蟹籽炒飯（唔太記得全名😅😅）。 好正！ 兩樣定食都係100元左右！ 囝囝叫等鰻魚飯定食反而就無太大驚喜， 但也不錯！價錢也是中上， 不過相比之下， CP值超高！ 已再去幫襯！下次會試午餐， 超抵食！ 而且老闆娘鰻少東服務態度好好！ 愛上了這家店了！

粉嶺都算係個美食沙漠要搵一間好食又有誠意嘅日本餐廳真係唔易呢間小店開左一段時間門面好簡樸，帶點日本風一個定食入面有前菜有湯有魚肉，好抵食，份量大質量都好ok，魚生好新鮮

週末原想試另一間西餐，但接近落場時間不接生意。結果路經大統領，門口掛着"營業中"，就入去試下啦。其實又幾好彩，此店到三點又到落場時間，但店員說可以落單，因為仲有幾分鐘至到三點，我就立刻點了鰻魚飯定食。之後都見有人想入，但店員都禮貌表示落場不做生意。店內走懷舊日本風，位子不多，但坐得舒服。等了一會食物到，正常水平啦，98蚊來說是恰如其分。此店不收信用咭，若想大吃一頓就先預備定銀両喇。

同一個位置，之前已經轉手過好多餐廳！ 今次嚟到聯和墟呢個日本餐廳，都係粉嶺朋友介紹！ 佢啲裝修都好有特色，同埋呢間小店好有誠意！ 晚飯時段，我哋叫咗北海道刺身丼，入邊好多材料，有蟹肉，有蟹子，有馬糞海膽，有三文魚，仲有帶子！ 唔係誇張我覺得材料仲多個飯，材料多到遮住左個飯！ 我覺得海鮮刺身好新鮮，$148,有咁多材料，性價比好高！ 馬糞海膽好鮮甜，帶子又夠大粒！ 我覺得成個飯好高質！ 而且佢一個丼，配有麵豉湯，中華沙律，同埋水果！ 俾我感覺好有誠意！ 我哋仲帶咗兩隻燒蠔，我覺得燒蠔麻麻哋，所以下次應該都唔會叫！ 但係就一定會encore北海道刺身丼！ 👍🏻😍朋友講午餐嘅價錢仲抵食，仲有我最鍾意嘅火炙係列，而且午餐食嘅餐牌同晚餐不一樣！ 下次一於試吓佢嘅午餐

屋企人生日，近近地去咗屋企附近一間日本菜食。平時有閒錢都會去食，難得生日就食豪啲，嗌咗幾樣野食。第一道係日本蠔，由於我無食到，所以根據我屋企人覆述係幾甜同唔錯，$58 咁大隻都可以接受。第二道係金鯛魚刺身(半條)，師傅整咗兩款食法，我個人喜歡灸燒，因為腩位燒香咗個種油脂味真係好吸引😍。食落去好香👍🏻，普通刺身個款我就一般，無乜特別。配上新鮮Wasabi 值得加分。第三道係櫻花蝦炸豆腐，正常水準，有好多櫻花蝦，如果少返啲木魚氳汁會好啲，唔想浸到太腍。第四道係季節限定嘅蕃茄軟殻蟹青瓜冷麵，酸酸甜甜幾開胃👍🏻。蟹唔會擺到腍曬，仲係脆口。最後一道係花膠豚肉鍋，呢個就一般般，湯底麻麻但都足料。整體而言，北區有間有水準同有心做嘅日本餐廳真係好少見。希望可以keep住水準。

餐廳採用日式趟門， 內裏別有洞天 ，日式嘅佈置充斥著整個餐廳環境! 餐廳特別有一個夏季期間限定嘅餐牌 ，全部都係凍食，有烏冬，亦都有冷麵。 索價68蚊至到88蚊不等， 豐儉由人！店裏面嘅餐具都好別緻， 呢個先至係日式餐廳應該有嘅態度！吉列豬扒凍烏冬拼番茄汁（$68）～ 前菜雖然都係一啲來貨嘢 ，但主菜吉列豬扒算係幾多件而且炸得好香口， 凍食烏冬都好特別， 番茄加上麻醬， 兩者加埋以為會好怪 ，但實際上會有驚喜！ 可惜紫菜已經唔夠脆 ，彷彿已經放咗一段時間。軟殼蟹凍烏冬拼番茄汁（$78）～ 基本上同上面嗰餐一樣，只係豬扒變成軟殼蟹， 軟殼蟹原隻上，用料十足， 以呢個價錢嚟講算係抵食之選！

位於聯和墟，墟裏面最好食嘅日本菜！我今次食三文魚親子丼，三文魚新鮮有淡淡魚油香又夠多片，仲要厚切，三文魚子有啲鹹鹹嘅新鮮味，配上麵豉湯同西瓜海帶等於前菜，非常適合夏天食。而且唔使$100性價比高值得推薦。

這家的刺身很新鮮， 最讚係鵝肝壽司中，好大塊呀⋯⋯明太子雞翼也很好吃，釀入雞翼的明太子不太咸，豬豚角串（忘記了正確名稱）也意外驚喜，一點也不肥， 想不到他的賣相似東玻肉。芝士燒蠔還好， 很新鮮，燒牛舌也很棒， 很用心的燒，不會太乾！這家價錢唔算貴，那麼多東西都是$5百多， 但已經很好吃，想不到朋友隨便找一找，找到個寶！下次會再光顧

復活節最後一日，係屋企休息！由於天氣真係好熱，最想食嘅嘢，湧上心頭嘅就喺日本嘢。係粉嶺聯和墟有一間叫大統領嘅鋪頭，開咗一段時間，食過幾次。點解！？依家先寫下食評？因為我食咗一碗「甜」嘅「茶漬飯」,好特別想同大家分享下。 價錢係一個set lunch。小朋友都岩食嘅前菜，味噌湯好好味，足料！ 三文魚啱啱熟，又有魚子，望上去已經好好味。 你睇下幾靚，入面有滿滿的甜茶。就係禁，將甜茶加入去碗飯度。嗱，一食落口開初時，有啲糖水噤嘅味，食多兩口就慣，係幾特別嘅。我個人覺得唔啱食都可以去試下。另外叫咗依個飯，漢堡扒真係勁好味，你睇下幾厚，重點仲要係入面勁多肉汁，真係好鬼好味。日式咖哩，怕辣都啱食，推介！

今天晚上同老公到粉嶺联和墟試這間日本餐廳，雖然是公衆假期，但可能是7pm ，並未有太多人等位。入去坐下看看餐牌，也有很多種類食品供選擇;定食，拉麪，刺身，炸物，甜品……我同老公叫了一個滑蛋吉烈朱扒定食，蒲燒鳗魚丼同雜錦天婦羅。吉烈朱扒，炸得味道剛剛好，朱扒好juicy.啲蛋好似蛋包钣咁嘅賣相，啲蛋好滑。蒲燒鳗魚钣，啲汁同啲鰻魚也整得很好味。只是白反沒有汁及芝麻，略為遜色。至於雜錦天婦羅:有炸虾，炸冬菇，炸紫薯，炸南瓜，炸红蘿蔔。炸物每片也很厚，口感不錯，只欠缺蘿蔔絲，而點炸物的醬汁又比較淡味，有冇點也冇分別。一坐下，侍應先放低羹及筷子，還奉上熱茶。很有禮貌及周到。蒲燒鳗魚丼，大大盒，啲湯有蜆肉，有些心思。並非一般平常出面飲的味精麫豉湯。滑蛋豬扒钣，整體有95分。啲蛋浆舆钣撈埋一起，不會有太乾的感覺。服務員每位也很有礼貌。而且此钣店沒有加一，整体價格與質數是相宜及高的。臨離開時見隔離枱食客叫了油魽魚刺身厚切及清洒煑蜆;好有興趣下次再光顧的時侯嘗試！

自從2年半前喺東京食過 「鰻 駒形 前川」的鰻魚套餐，我都冇再食過鰻魚飯🤭 因爲覺得我以前喺香港食過既都🤐🤐🤐 今日誤打誤撞，因為 #聯和墟 最愛飯堂冇曬 #蟹肉蟹膏飯 ，所以大膽試試佢既 #浦燒鰻魚 ，🤩 眼前一亮～ 肉夠厚，又夠滑，魚皮煙韌帶膠質，汁另上又唔太濃😋😋😋 如果燒香少少，白飯加d芝麻就perfect 池啦！ #好想再食