大糖

營業中

休息中

馬鞍山大部份餐廳都係早收，十點後都冇地方吹水。而家終於有地方，可以食完飯坐低食糖水，唔使咁快散場。糖水種類豐富，選擇多，有中式糖水，刨冰，窩夫，芋圓，仲有主打既芒果甜品。- 清湖映月 (芒果，雪糕，紅豆，紫米露，椰纖果) ($38)招牌甜品，好足料，成碗都係配料。 芒果好甜，紅豆，紫米露都好夾。- 椰汁紫米露芋圓 ($30)依碗係熱食，椰汁味好重，好香濃。芋圓煮得軟硬適中，有咬口。今次試咗偏中式既糖水都唔錯，下次要試下刨冰消暑。大部份糖水價錢唔貴，$40 以下有好多選擇，亦無偷工減料，可謂性價比十足。最重要係開到凌晨一點，夜晚想食糖水，或者揾地方吹水，就有個好地方。

以前成日食大埔真是好食，今日經馬鞍山食左呢樣，唔記得43定48蚊。價錢唔係問題，品質先真是令人嬲爆，垃圾中的垃圾。低級糖䊢加D冰沙，加埋一粒士多啤梨都未必有。真是委屈左自己個胃。低級糖溝冰真係浪費左一日食甜野quota。好嬲!

食過兩三次呢間 覺得整體算唔錯 但有啲item麻麻地 上次試過個紫薯棉棉冰 啲冰冇咩味 唔係好知食緊咩 但呢間嘅芋圓整得幾好食 煙韌有咬口 仲有窩夫都岀色 上台熱辣辣即叫即整 外脆肉軟

見新開，買腐竹蛋白果糖水試下點知一款毫無技術可言既糖水 可以無腐竹味，無甜味，完全無味。同清水無分別。湯圓三粒 三粒都未煮熟！！伏到…………………………..呢！！！

馬鞍山最近新開左呢間糖水舖，一開張就好受歡迎，可能因為馬鞍山真係美食沙漠啦哈哈每一晚都好多人坐喺度食，今日我都去咗堂食我叫咗呢一個甜品，叫做童趣其實就係兩個雪糕球，加雜果因為我揀飲擇食，就膽粗粗問吓老闆可唔可以水果淨係要芒果同西瓜，結果係可以嘅雪糕就可以自己揀味道，我見到都有七款雪糕味道揀，都算幾多。個雪糕係幾好食嘅，但係唔知點解溶得好快男朋友叫咗呢個我唔記得叫咩名啊，就係綠茶雪糕，加刨冰，加小丸子加紅豆佢超級滿意，嘩真係好高質，好足料