大盛日本料理

營業中

休息中

今日同男友 2人第一次去大盛吃飯我地嗌左個138元既sushi拼盤,, 無錯d壽司料係幾大件,,,超長三文魚啊,,鏝魚咁但,,d 壽司飯超難食,,,仲要一夾即散,,,試問一間以壽司作主打既料理店,,為何連最基本的壽司飯也弄得如此難吃?另外我地仲嗌左一個海鮮炒飯,,,水準同樣差,,,,味道淡, 用果d海鮮亦不夠freash,,唯一可取既,係那裡的服務員都很友善

觀塘店開無耐己經有幫親 (因近巴士站，對我黎講地點OK)開頭食物同服務都OK，加上唔貴，心中評價不錯點知早幾日去食，己經變得差勁同女友兩個，中間吉晒佢都比張近收銀二人'木台'我，好! 無所謂諗住好快食完就走坐好點菜，無啦啦有兩個人返工係我後面打咭著衫... 咁我就行開比位佢地著"制服"差唔多分幾鐘都未搞掂，我就同個侍應講想轉位個侍應居然答我：得架啦，佢地好快搞掂，無人會返架啦咁我答返佢：你肯定無? 你話無就得啦，我唔想食食下又要行開佢聽到就走去問經理，經理走埋黎問我係咪想轉位，我答係佢就比左第二張二人'木台'我，好啦，終於坐定定上菜啦，叫左5種壽司點知上鬼錯其中1種唉... 算數，差唔多價無謂換黎換去，一陣"加料"就無謂食完，埋單... 雪糕都唔比粒，但格離就有喎，我都無氣啦只想走比一比，價又加左，服務又差左，食物又細左呢間野以後可以唔駛去

大盛給我的感覺，是︰抵食、服務差見到版友對這間食肆的評價幾兩極化，約40個「笑」，但亦有約40個「哭」，我不感出奇...大盛最出名的招牌菜，也許是刺身以三文魚刺身為例，$38有8件，而且每件均是大大份的刺身也尚算新鮮若果有愛吃刺身的版友，不妨考慮大盛可是，大盛的服務水平卻是差得出名叫了一個餐，等半個小時也未見蹤影，實在家常便飯而大盛的環境，也是十分嚇人的進入食肆，嘈吵程度有如酒樓...如果各位希望幫襯一家環境優雅、服務良好的日本料理，大盛免問了！

夜晚去左食大盛，有好多款野食，不過2個人食唔到多，一個牛肉飯+幾個壽司已經好夠。地方好大但張table+chairs唔大。甜蝦佢話由於係游水的，所以由6隻減到得返4隻，每隻會大d；三文魚夠大件，但d肉唔夠實，卻食得好飽!叫三文魚刺身比壽司好第一次食d咁長的壽司，由呢個長度令我諗起板前鰻魚的好味而令我覺得佢唔抵食；三文魚子無味！唔通三文魚子都要食季節？有d失望tim....本來only壽司都ok的，但呢個飯就認真嘛嘛，d牛肉比媽媽煲湯用的瘦肉還要"鞋"，同埋有好多我唔食的青椒...下次黎食的，一定要記得：1. 叫三文魚刺身2. 唔好叫三文魚壽司3. 唔好叫牛肉飯！好鞋好鞋！

之前已經聽過大盛呢個名, 我d 朋友食完都話會再去.有時收工同d 朋友去試, 真係幾抵讚;)我地叫左幾樣野食,1) 三文魚刺身- 好味, 亦都好新鮮.2) 鰻魚炒飯- 鰻魚都算多, 同埋都幾好食.3) 三文魚壽司, 鰻魚壽司, 帶子壽司, 甜蝦壽司, 海膽壽司, 炸蝦壽司( 唔記得係咪咁叫) - 全部都好大件同好新鮮~ 總之就好味~ 4) 燒三文魚腩- 好香~ 不過我無試到, 不過朋友話幾好味~服務大致上都幾好, 無其他食評講到咁差... 可能o個時我太肚餓掛, 無乜留言d 服務員~ haha不過佢地都有主動加水~ 同埋d 食物好快上台, 呢個真係要讚下! ;)

食過一次午餐已經知道一定唔會再去!兩個人叫左個鰻魚定食, 扎晃拉麵同雜錦天夫羅. 等左一陣黎左個不過不失既鰻魚定食, 差唔多食左大半碗其他野都未黎, 叫個侍應幫我跟一跟, 點知佢竟然答我無晒扎晃拉麵. 大佬呀, 你賣晒都講聲呀, 由頭到尾都無人通知我order 既野係無晒, 咁唯有轉其他麵啦, 順便叫佢跟埋個雜錦天夫羅.等多10分鐘左右終於一次過黎晒. Well...個拉麵食到我諗茶餐廳既餐蛋麵都好過佢多多聲, 個天夫羅我真係覺得只係食緊麵粉落肚.咁既服務同食物質素, 請我都唔會再去.

琴晚生日，屋企人話去大盛(官塘) 慶祝。諗住咁耐冇去，是但啦，點之咁就出事喇。約了九點左右，已經唔駛等位喇。不過我地十個人，去到佢問人齊未？我話黎緊，咁佢話咁等一陣。唔緊要，咪等囉。過左一陣都有得坐喇，坐中間偏後既大台。一坐低我已經見到對面勁大風，張餐紙都差點吹起。我諗住等人齊先問佢地駛唔駛轉台定點。我媽一黎度已經話好大風，咁我咪同女友坐過去，再叫個類似manager 既物體(一陣再講佢) 黎，同佢講好大風，可唔可以熄左佢。佢話等陣！咁就行左去。之後有個waitress 行黎，問我地係咪想熄冷氣。我女友話係，因為好大風。佢就語氣差差地咁話"冇架喎，一熄就要成間熄晒"我再問咁轉去後面得唔得，點知佢仲惡過我咁話"我地10點半last call，咁後面10點要執野，唔開架喇！"到呢度我已經慶慶地，冇答佢，佢就行開左。過左一陣，果個manager 物體再行黎，話後面張台埋緊單，一陣轉我地過去。我都諗住OK，點知果條waitress 話叫我地出番去等。話"窄"住晒佢地D台，我勁慶，同我媽講話去第二間食！咁同趕客有咩分別？人地坐底左叫人起番身等！？唔知係咪聽到我話走啦，個waitress 熄左冷氣

同埋幾個大學同學黎左呢間食壽司聽過幾次呢度大大件抵食, 但未試過4個人order 左雜錦壽司拼盤14 件$168三文魚$15 x 8軟殼蟹卷$38中華炒烏冬$38蒜片炒牛柳$38三文魚, 饅魚, 王子, 帆立貝, 炒烏冬都幾好軟殼蟹就好似唔係好夠脆炒牛柳就好似覺得肉質麻麻

今天晚上跟女友去食這間餐廳(是女友想吃所以就帶他去試一下) 一進去人很多但都有位置可以給我們兩位座下座位- -窄得非常但應該是我太胖吧之後再看一看我的碗有"績" 只好換一個= =果然是好了點再來就是點菜點了三文魚鰻魚玉子等等壽司等了一會菜到了點解三文魚咁細塊又咁簿呢@_@ 食落唔新建=.=鰻魚同出面食唔一樣食完有陣好"聲"既味道=.=玉子壽司還過得去第一波攻擊完了後女友話唔夠所以決定叫了一個冷麵和沙律(第二波攻擊到了)沙律水塘定沙律=.=" 拎條魚仔黎放都得= =個冷麵我冇食不過我見我女友食完就去左apm度嘔orz而我個肚仔就唔舒服左成晚直到現在=.=我會俾多次機會佢不過等我好翻先

成條禁長既鰻魚壽司... 有Heart既蝦沙律壽司... 超厚三文魚吞牙魚刺身... 又大碟又美味既鰻魚炒飯... 好滿足好滿足同好足~~~~~~ 個Menu勁多野食, 好想試天婦羅... 蟹籽沙律(勁大碟超多蟹籽)... 重有好多好多...... 下次都要帶埋屋企人來開餐\先得lu~ (連9折咭都攞埋, wahahahaa~)隔離枱嗰家日本人勁食厚厚三文魚刺身... 好勁!睇來我來緊既N次Gatherings都會選擇呢樹~~~ 5人Total: $297, 勁食後每人都係$75, GOOD~* 不過值得一提既係唔好諗住可以坐得耐(除非你hea食), 因為佢地見你食淨少少就會不停來執枱, 抹枱... 最抵死就係你都未叫埋單就擺晒d新杯筷子墊紙喺枱趕你走......算... 你平... 出面又多人排隊... 可以接受......但... 下次我打算hea食... 哈哈哈... 吹咩......

尋日3個人7點半去去咗官塘大盛食,門口人山人海, 所以去幫襯記得要book位!我哋叫咗11樣嘢,有刺身,壽司, 炒飯,小食, 炸物三文魚刺身好肥美,八爪魚亦唔會好似柴皮咁,不過蝦刺身就太細隻了.壽司方面海鮮沙律無食,油甘魚一般炸物有軟殼蟹同大蝦天婦羅,兩樣都幾好,隻蟹都算有d肉,大蝦天婦羅就有點太油,不過蝦夠大隻!另外我們又叫了wasabi炒牛柳粒,個汁好辣,不過我就好鐘意食,牛肉亦夠嫩.而炒飯就抵讚,起碼有帶子,大量蟹籽,三文魚同蝦,起碼叫做有d海鮮睇吓.呢個價錢呢個份量,我覺得好ok啦! 論服務又唔係好差,都會有人肯幫你斟吓水,但係佢哋一見你食完就會催你走ga la! 佢咁多客等緊,實屬人之常情,可以理解.

話晒都係第一次寫食評，左諗右諗究竟寫邊間先好呢?諗諗下，不如就寫大盛啦~ 無他既，小女子既公司由尖沙咀搬左去觀塘，係觀塘食lunch都未食夠十餐。lunch time時行過見到餐牌好似幾抵，又由其中一位男同事介紹下，就試下啦!我地1:45入座，當然有位啦~ (因為大多數人都係1:00pm lunch，食完仲唔閃咩)我地一向係尖沙咀食既都唔平，一個lunch，一定無$50都走唔到。眼見一個刺身餐都係$40。我地同行4人，每人都叫左一客。先黎個麵鼓湯，見到個湯，大家都唔敢比任何期望。味道一般啦~ 麵鼓湯內都有少量既海藻同埋一少舊既油豆腐‧以呢個價錢有湯同汽水送，還想要求什麼呢?刺身: 一共有5款，每款2件三文魚:厚切，肥美，新鮮吞拿魚:都係厚切，不過有少許渣，唔夠三文魚咁出色八爪魚:薄切，ok啦，食得出係新鮮彈牙既魚:我一向都一對佢普通既，我覺得佢無魚味‧不過今次食落又ok喎。都係厚切，可能因為都夠凍，所以食起上都係得ok，起碼唔係"梅"既甜蝦:就好係無咁得啦~隻蝦好似想"nut頭nut尾"比較細隻。如果隻蝦好d，個刺身就perfect啦!仲有個有麻醬加少許沙律醬既冷面‧面就真係無咁特別，

今天放假便約了死黨行街,因有老友生日便相約買生日禮物,買完再去食飯,原先都不會來這店食飯,原先在旺角買完嘢仲想去板前食但太多人等位所以才選擇這裡,當去到時已是9:00pm多,不是很多人應不用等位,但也要等,因侍應忙於返枱冇人理你,到得閒帶你入座又帶你去清潔緊D枱,跟住又叫你去埋便梳化位坐,但要坐中間不可坐旁邊D位,因如有多人要泊枱,我們總共得兩人坐中間仲乜?你如再有多位人客要入座是不是應叫我們坐一旁好讓你方便泊枱讓客人可以坐在一起,而不是叫我們坐中間,到時是否我們又要起身掉枱,我問侍應是否這樣叫她解釋,她無言以對又叫我們坐返原清潔個張枱,好好玩呀?行來行去?終於可以坐低叫嘢食,叫了兩碟三文魚刺身,但有魚骨你食過未?蚧籽沙律,一般啦,天婦羅炸虾,幾好香脆又新鮮,帶子刺身同甜虾刺身都OK,又叫了清酒煮玫瑰螺出事啦,D湯入面有細條魚骨仲加送用來洗煲的鋼絲刷的鋼絲,今次真係好嬲,先前D問題都算,但真係忍唔到要搵經理來,但我唔知呢個係唔係經理?講比佢聽D食物有問題,佢答你話返比厨房聽,幫你取消碟嘢就算,跟住攞埋D証据就走人,你話呢D叫乜服務?如大家有兴趣來這店光顧要有心理準備,因呢到大多數D侍應

19.2 個仔話想食日本野, 成7 點, 和花亭實冇位, 於是就去大盛點了玉子壽司2 客,凍冰冰又冇味三文魚壽司2 客,無乜魚味鰻魚壽司2 客, 其中一客d 味怪怪地, 無食炸蝦天婦羅, ok la 鹽燒三文魚腩, ok la 雞肉炒烏冬, d 烏冬又唸又冇味仲有豬軟骨拉麵, ok la 水準真係好唔掂, 唔會再去3個人, 9 折咗都要$220, 唔好食

28.2為了儲85折優惠,食埋今次啦!點了帶子壽司$20,無食魷魚蟹子$19,好腥三文魚壽司$17X4=68,無乜魚味芝士蟹子$20,多蟹子鰻魚壽司$18,無食海膽金龍卷$55,幾好味炸蝦天婦羅$32,夠脆炸軟殼蟹卷$45,不錯鹽燒三文魚腩$18,超,唔掂燒雞泡魚乾$30,一樣勁串燒帶子$25,超鹹芒果蟹子沙律$28,好多蟹子生薑牛肉燒$38,有蘇味鹽燒雞翼$20,無食雞肉烏冬$45,無食海鮮炒飯$48,還可以海鮮火窩$48,湯好甜,材多,有青口,三文魚,蝦,小棠菜日式炸蝦餅$38,粉超多水準又再差過上次服務,今晚唔多夠人,又唔執野,最衰就係有位待應乜都唔理係咁放碟野落,整到我部相機,激死5個人食21樣$615,超抵