大盛日本料理

營業中

休息中

唔知食乜好...因為有coupon, 又黎大盛...今日只係食左一個沙律, 七款壽司, 三文魚刺身, 墨魚咀 & 明太子雞翼無加一...埋單已經要$294...點解無啦啦貴左咁多? 沙律d 醬頗稀, 同埋得個酸字...壽司認真麻麻, 象拔蚌bb 又細舊又無乜味...海膽好貴, 但又唔係得別好食, 芥辣八爪魚唔好食! 想試花竹蝦又無, 象牙蚌又無...其餘三樣都几好...我地用coupon, 一人送一隻帶子皇, 總值$50...几好味, 又夠晒厚肉, 可惜我唔鍾意帶子淋patpat...haha~~~加價後好似貴左好多, 以前都係食咁上下既野, 都係一人$120左右...今晚要成$300 呀! >.<不過...服務係進步左既...無漏單之餘, 上菜仲快左好多

一星期去咗兩次比起其他地方佢都算唔錯啦有次食咗活魚剌身感覺好唔低~立魚得好少肉但係吞拿魚又幾好食~可能夠厚啦赤貝都幾大隻唔食活魚的話, 散叫好d~天婦羅拼盤 (帶子, 蠔, 虾.....唔係得菜, 幾好)就唔係幾油..........咁既價錢, 算係幾好啦

還記得十年前跟媽媽和她的朋友到這裡吃晚飯，我記得那是一間很小的地舖，不像現在的這麼大，路線亦是走高檔次的。但今次，感覺舖面大了很多，路線也改變了。可能是我記錯吧…今天二人到這裡吃晚飯，等四張枱，但不到10分鐘就到我們了。點了一個親子丼、牛肉炒烏冬、大蝦天婦羅(6隻)、芝士蟹籽卷、長三文魚壽司。親子丼︰雞件都頗多頗滑，但蛋就比較老了。牛肉炒鳥冬︰牛肉都頗多，汁都幾野味 ~ 大蝦天婦羅︰有六隻，雖不是真的很大，但炸粉不會很厚~ 芝士蟹籽卷︰喜愛芝士的，都是一個不錯的選擇，溶掉的芝士裡佈滿蟹籽，不過那些芝士是凍的 ~長三文魚壽司︰最穩當的選擇。發覺很多食客都叫三文魚刺身飯，因為真的挺抵的。$38 ，有5-6塊厚身三文魚刺身 下次可以一試 !HSBC有優惠呢

尋日同老公去左大盛..係因為佢前2日去左..話好好味..所以同我去食..我係超中意食3文魚..所以基本上係為左3文魚去..首先叫左1客3文魚刺身..睇落好令..不過咬落去個下就真係灰左..居然有骨-[]-"由於無諗過會有骨..所以大啖咬..之後要慢慢食..8舊入面有2舊骨..我好唔好彩咁食中個2舊..第1次食3文魚刺身驚有骨..但都好新鮮..幾好..跟住order左玉子,北寄貝,帶子sushi..有個人同我地講有帶子王sushi..問我地試唔試下..本黎以為$25有2件..點知係$25 1件..不過又真係好大隻..可能自己本身唔太中意食..覺得怪怪地..不過老公話好味..北寄貝就好難咬..咬左好耐..-[]-"玉子都ok既..不過不失..點左炸蠔食.黎個下真係呆左..個火唔知係唔係太猛呢..5隻蠔都好燶..仲有1隻係迷你既..不過食落又唔係太油既..只係個樣麻麻地..last仲有個清酒煮蜆..不過我覺得係清水煮蜆lo..d蜆肉掉哂..又細隻..得指甲咁大..湯又無味..好在佢有支7味粉係度..蜆又唔係好食..不過無沙已經好好..仲有個螺肉本黎係前菜..但佢等到last先送黎..問個侍應

如果話要食又平﹑又好味既日本菜(特別係壽司)，我會建議去大盛壽司其實唔一定要去元氣﹑元祿，大盛亦都係一個唔錯既選擇三文魚壽司﹑花之卷都做得好有誠意。花之卷由三片長身既三文魚包係出面，加上超多既蟹子放係面，賣相不錯，食落仲啖啖肉，非常有口感! 價錢亦不太貴 (好似係$32)我仲叫左拉麵同其他壽司，不過就無咩特別注意事項︰- 午餐無得用vip卡，vip卡只適用於晚市- 客人幾多，建議早一點兒等位

好失望！2008-07-16琴晚生日，屋企人話去大盛(官塘) 慶祝。諗住咁耐冇去，是但啦，點之咁就出事喇。約了8:30點左右，已經唔駛等位喇。不過我地十個人，去到佢問人齊未? 我話黎緊，咁佢話咁等一陣. 中間吉晒台無人坐. 個侍應居然答:未齊人一定唔比坐.唔緊要，咪等囉......等左差唔多1個鐘. 人齊.成餐飯都冇心情食.已經餓都唔餓 d野食上得好慢. 我地嗌左個138元既sushi拼盤,,.無錯d壽司料係幾大件,,,超長三文魚好,.啊d 壽司飯超難食.仲要一夾即散.叫鰻魚飯等左差唔多半個鐘.問果職員幫我跟一跟.佢咁答我地:得架啦好快搞掂....又半個鐘.我地又問果職員個鰻魚好慢點知佢竟然答我: 無落單算數 .叫雜錦天夫羅拉麵等左一陣點知佢竟然答我無晒拉麵.唉要凍水個職員話凍

由初初開就幫襯到而家, 中間有一段時間我堅持唔再去因為野食既質素變到好差好差...但係男朋友成日都話要食, 所以早几個禮拜五路過又去左0個日嗌左日式炒雞肶菇, 串燒墨魚咀, 泡菜雞翼, 三文魚刺身同一堆壽司第一樣黎左三文魚刺身, 好厚呀...仲好味過上次跟住就黎埋其他熟野啦, 雞肶菇有d 辣辣地好好味泡菜雞翼第一次試咋, 都几好喎, 不過得兩隻少左d...好似要廿几蚊架!串燒墨魚咀又係好好味, 雖然炸(佢話燒, 不過我覺得似炸)得乾左d...但係墨魚咀0個陣味仲好濃, 加埋d 淮鹽同檸檬汁, perfect!食到呢度, 一舊壽司都未見過...開頭都諗住係太多人做唔切但係食晒熟野都係影都未見, 當然就要求救啦叫個女侍應幫手去追, 追完又無返轉頭...過左五至十分鐘捉返同一個女侍應再去追, 佢追完又係無話返比我聽有定無?再過多五分鐘, 我捉住0個個女侍應, 我問佢到底有無追, 有定無壽司?佢話"有有有...黎緊黎緊...."說時遲就那時快...隔離檯0係我追第二次既時候佢地順便叫0個個侍應幫佢地加單, 我追第三次既時候人地0個d 加單壽司都黎左, 我d 壽司去左邊??!!?!?!? 跟住0

和男朋友來吃晚飯由於本人一向都喜歡光顧這間日本料理但今次的ｓｅｒｖｉｃｅ令我失望了一到步前面有２個師奶等緊台經理問男友想唔想搭台，我地決定唔搭隔左無耐經理叫我地跟住前面２個師奶行就ｏｋ點知去到係叫我地同佢搭台之後出番去同經理講個經理話係我地話可以搭台之後都話安排番ｔａｂｌｅ俾我地呢個時候已經多左２對情侶等台點知佢唔俾番台我地先反而俾果２對情侶先．．．入座後天花滴水...好彩食2未黎姐叫左天婦羅蝦3文魚剌身飯以價錢而言..食物質數及份量不過不失最後埋單時送左9折卡俾我同男友唔知係咪知錯想補償番呢

家姐話好耐無黎過, 今日下午就黎食啦!可能星期六關係,無乜人流喎!坐低家姐已叫了午餐$42的刺身冷麵,有三文魚,吞拿魚,劍魚,蝦,八爪魚,刺身水準好一般, 麵又唔夠凍.這個餐包汽水或麵鼓湯.串燒有雞軟骨2串 和雞腎$45(,都唔錯.燒雞泡魚干($30)呢個唔點沙律醬反為仲好味.壽司,帶子還可以,油甘魚一般,三文魚唔知搞乜無呢味道.鰻魚家姐話勁好味.燒羊扒勁唔得,好似雪蔵貨, 無厘味道 天婦羅味道不錯,燒三文魚也是不錯.燒物仲保持到水準.還有,家人食的2個拉麵服務有咩,已經無乜人仲要俾門口位人坐, 咁都算啦!想搵個待應已經好難.仲要無人斟水,唔通下午免加一就乜都唔洗做,如果唔想斟水咪放低個壼俾人自己斟,而唔係搞到個客無水飲囉!5個人食了503　 　

這都算是我的食堂之一, 平均每星期都去一次, 但宜家越來越唔得, 第一, 服務員的態度好差, 男經理還好, 但女待應真係十問九唔應, 第二, d碗筷好dirty, 有一次, 隻碗痴住左d食物, 我要求換另一隻, 但佢竟然背住我抹走d 食物就當換左, 激死人 "~" 第三, 以前三文魚, 立魚等壽司好長的, 但宜家每次去食, 每次就短d同薄d, 太過分了 !第四, 刺食唔新鮮, 兩日前我食帶子, 但好腥同"梅"另外, 如果有去過尖咀果間, 你就會發現仲差過官塘那間, 因為貴d同細碟d的不過, 仲值得食的還有芝士蟹子壽司

食過幾次, 都係親朋戚友生日, 柴娃娃一齊去. 一年前都OK, 有用心做, 現在只有出菜保恃速道. 壽司飯很凍又硬, 破壞了原本加大主食的心思, 用更厚更多更大的三文魚片, 亦只浪廢.是否推出龍蝦粥, 放棄了蟹粥?? 六個人都話失望. 最有趣, 待應很忙, 很忙, 忙到心算加數都錯, 忙到餐牌上的價錢也不清楚,十足funny.到此要有心理準備, 漏單, 無人招呼, 食到滾水淥腳(收野超快)....唉, 要做多轉嘛.....

係附近返工, lunch 都 ok, 價錢唔算貴, 幾十蚊一個 set, 不過好多人, 一定要早去夜晚食過一次, 都唔算平, 不過味道唔錯, 可能我有小朋友, 安排我坐左係角落, 好靜, service 又唔錯, 可以一試. 我聽到有 staff 同客傾計, 佢地人多, 可以揀條魚即刻開呢 !

去apm玩........肚餓想食飯.....但唔想食美食廣場...(又貴又細...)去試新野......返工見過這間店....想試好耐.....都係坐落就叫三文魚刺身....ok雙拼$39...平.......再叫....但環境就比較差左d.....可能做d平平平民路線吧!!!!

某日我經過此店，發現觀塘分店原來在觀塘道旁，打算找天一心去吃。幾星期後，我到此餐廳吃東西，拿了一張票，但最令人感到不平的是，他們只讓大桌先進去，我們兩人卻無奈地等候。進了去，發現燈光十分暗，還比新蒲崗總店。到叫壽司的時候，經常漏單，職員態度亦版總店差。而且那些壽司雖然長，但十分薄。你付出便宜的價錢，服務及食物便會較差。你付出昂貴的價錢，服務及食物便會較好。

飲凍水要俾錢,落漏兩次單,職員推卸責任,態度差.一家人一行九人吃晚飯,好多人.一去到話熱水器壞左,於是要凍水,跟住話凍水要買,買左之後一陣隔壁台竟然有熱水,問下個職員,跟住d態度好差,又話人地果d唔係熱水又多好解釋,最後先幫我地倒熱水,用左好多時間.好,叫野食,分左兩次叫,點知d野食上得好慢,我地九個人,一碟一上唔洗一分鐘就食哂,之後第成三個字,先上第二碟,三個字一少碟甘..........中間問左職員跟單,一個鐘先上得四碟野,原本第二張單落漏左!!!!!成個鐘先知!!!!根本個職員無跟單!!!!!好,再落,又落多兩次單,成家人已經餓都唔餓,點知又等下等下.....等左差唔多半個鐘,我地落果兩張單d野食就係上極都上唔哂.問果職員,佢竟然同你講"無落單".成家人即刻話要賣單,我地果時已經坐左個半鐘!!!!野食都唔想要,我地要賣單,佢就即刻整好叫你外賣.我同妹妹記得係一個女仔落單,問佢究竟係甚麼事,個女仔話"我只係負責寫單,唔係負責入單,佢地有無入我都唔清楚." 個職員話說不負責任!!!!!對唔住都唔講!!!好嬲!!!!本身係慶祝母親節,點知遇上服務這麼差的大盛日本料理店!!!不懂控