大盛日本料理

營業中

休息中

不嬲都覺得呢度抵,所以成日來,平時都冇咩,但有時都係失準...雜錦火鍋今次d料多番d但係,點解個湯少少酸...最後食剩一堆好硬ge豬肉三文魚sushi必食,因為真係好抵,但如果鍾意食好ge sushi ge話,佢地個飯係整得唔好...不過平都唔介意咁多,,燒三文魚鮫,我覺得都算係ok....冇咩太特別..串燒雞翼,燒得太乾....麻麻..

今日lunch 同朋友去左大盛食我地2個叫左2個三文魚生飯因為佢有8件大大件既三文魚 好抵食點知我一路食一路覺得d 三文魚有榴槤味一直係到諗係未我味覺有問題= =點知朋友食食下都覺得有 真係好難食呀: (好失望呀: (最後有問個經理 甘佢梗係吾認啦

因為我地一行5人可能夜才來(10:00)冇咩人食..得3桌左右我地不想選咩野食,所以叫左一個4人餐($378左右)+烏冬+吉列蝦卷佢地d壽司都ok,都新鮮清酒蜆好有清酒味,蜆都有肉,不會只有殼雞肉炒飯好味,因有少少黑椒,我地食不完,我仲留了明天食都ok好味烏冬,好鹹,我食了一口不吃魷魚筒好味,所有關於吉列不好吃(好淋)泡菜豬肉好味,湯不鹹仲有泡菜味,肉都不太硬總結,當然佢冇其他居酒屋好食,但以e個價錢(毎人90元)..就好好啦..不過下次要早d..因11:00一定要走!~

好耐之前係尖沙咀食過後就無再食大盛，聽聞質素差左，今晚再食，感覺所言非虛呢 ~壽司類：海膽壽司($46)：海膽鮮味又多，但$46兩件太貴了。活赤貝壽司($39)：好爽口和赤貝鮮味出晒黎。芝士蟹籽去壽司($18)：芝士味香濃，芝士蟹籽份量又多。龍蝦沙律壽司($18)：龍蝦粒比其他店既大粒好多。三文魚壽司($15)：三文魚味道ok，大件抵食。帶子壽司($20)：帶子唔腥，可以一試。芥辣八爪魚壽司($19)：芥辣味唔夠。蟹肉棒壽司($15)：簡單菜式。芝士脆心卷($25)：食落好乾身。高參魚壽司 ($25)：第一次食，味道怪怪的，唔好食。帶子沙律壽司($25)：帶子十分腥，好難食。玻璃蝦壽司($12)：蝦肉乾身無味道。小食類：芝士脆瓜雞柳串($20)：材料配合得好，雞肉嫩滑野味。黑椒大肉腸($13)：好似台式烤腸，外皮脆、肉腸鮮味juicy。和風海鮮簿餅($48)：好多餡料和芝士，香噴噴。燒銀鱈魚($48)：魚肉嫩滑鮮味，燒汁香甜。炸露荀芝士蝦卷($33)：露荀爽脆、芝士軟滑、蝦肉彈牙，perfect match。吉列炸蠔($32)：蠔味鮮，外皮炸得鬆化。炸豬軟骨棒($34)：皮不夠簿身，餡

幫襯左大盛好多年, 我估無10年都有8年, 以前只得新蒲崗一間鋪仔, 次次去都要排長龍架~近年大盛開左好多分店, 所以都好少去本店lu~近近地多數去觀塘店~平日夜晚多數唔係幾駛等位, 但假日/星期五夜晚真係好多人囉~今次平日去, 所以好快入座~次次去大盛叫野食都可以叫得好爽, 因為都係20-30一碟~是次晚餐如下:1. 三文魚刺身2碟 (ok, 大大片)2. 帶子刺身 (一般)3. 蛋壽司 (賣飛彿, 個蛋好長)4. 腐皮壽司 (ok)5. 鰻魚壽司 (無食到, but以前食過ok)6. 帆立貝壽司 (無食到)7. 三文魚子壽司 (賣飛彿, 每次必叫)8. 三文魚壽司 (ok, 又係好長)9. 吞拿魚壽司 (一般, 魚生片比三文魚短的, 是normal size)10. 牛油果軟殼蟹卷 (賣飛彿, 每次必叫)11. 海膽金龍卷(第一次叫, ok啦)12. 蒜片牛柳粒(正, 大大碟, 食唔停口)13. 盬燒牛舌(賣飛彿, 每次必叫)14. 盬燒秋刀魚(賣飛彿, 每次必叫)15. 豬軟骨拉麵(ok)16. 叉燒拉麵(ok)說實話, 比起當年得新蒲崗本店時, 水準已經差左好多, 以前10滿分

平時成日搭車都經過, 都想試下, 今日咁岩行過就一於試下叫左個鰻魚炒烏冬.都幾抵喎..有個前菜, 有個烏冬, 仲有罐汽水 都係$39...前菜係中華沙律, 有少少怪味, d 沙律仲有冰既個鰻魚炒烏冬黎到都唔算細碟, 其實個味都唔錯既..不過就淨係食到黑椒味..同埋如果可以多d 菜就更加好喇.

今次同女友黎左觀塘既大盛試菜其實之前都有食過 不過唔系成日食7點半去到 全場爆滿 不過等左10分鐘就有位一坐低 6人座位 分左做2張2人台中間果張台空左 唔洗好似平時咁迫叫左5樣野食牛油焗雙菇($22)味道出色 但溫度略嫌未夠熱加洲卷($15)依個卷物系應該點沙津醬先好食 甜甜地+沙津醬 正!!!三文魚+甜蝦刺身($40)差-_- 擺得衰都算 三文魚太凍&無鮮味 甜蝦唔甜+有d唔新鮮蒲燒曼魚($21)食左一啖先影相 本身長少少 曼魚汁都夠 正!!!!炸軟殼蟹($27)越食越細隻 以前佢隻蟹可以一開四都好大件 依家一開二乍陰公-_-不過系幾好食既 我諗宜家隻蟹既份量得以前既60%左右-_-d野食黎晒 就收晒你d碗筷 好似趕住吹你走咁-_-落完單之後 d侍應唔識覆單 如果落錯野都唔知點拗^^食物及服務均有改善空間小弟有八五折卡 埋單果時一如以往送雪米磁^^

曾經, 這兒是我的lunch飯堂...看著折頭愈來愈少, 質素時好時壞, 也就慢慢淡出我的menu之外......今次回來, 想念$15一客的花之卷~雖然三文魚不算肥美, 但這個價錢+size的確能滿足我這個花之卷狂熱者~三文魚刺身飯依舊厚切8件, 每塊足1cm厚, 只可惜鮮味欠奉, 送多兩塊都滿足不到我......鰻魚壽司不過不失~ 很瘦, 但味道ok...

很久冇試過日本野lu, 近近地落去KT大盛食過Dinner...可能早既關係(18:45), 間鋪無乜人, 很易揾位, ...三個人同Nice Service 既 店員點了以下美食1. 三文魚壽司 - 不過不失, 魚片勝在夠長2. 鰻魚壽司 - 個人覺得偏硬, 一般水準3. 芝士蟹籽壽司 - 呢個芝士味十足, 蟹籽新鮮非常, Good!!4. 火炙三文魚腩壽司 - 很肥美的三文魚腩, 不錯呀...5. 蟹肉棒壽司 - 這個麻麻地, 唔夠鮮, 比起其他壽司店差太遠了6. 海膽赤蝦壽司 - 不過不失啦7. 帶子壽司 - 好鮮好肥美...8. 火炙芝士蠔情卷 - 口感得個脆字, 略覺蠔味不足...9. 鰻魚飯 - 呢個正, d鰻魚比起'鰻魚壽司'內的鰻魚焾得多香得多...10. 串燒帶子 - $26 四粒 非常抵, 味道也不錯11. 燒銀鱈魚 - 很香肥美, 正呀!以overall食物水準同Price呢講唔算抵, 折左每人要成$100落樓...用$100去其他壽司店食d質素可能梗好呢...

今日突然想吃日本菜, 於是和同事去左大盛吃Lunch, 唔知點解今日超多人去宜間嘢我最鍾意佢地個set-lunch其中一款, 自選壽司六件, 另配是日式手作壽司卷(每日不同不過又係好細件). 我就最鍾意order 三文魚+海膽赤蝦+吞拿魚($41), 早排見到佢既sushi都係縮左水, 今日見到佢又好似無咁細, 但仍然唔係正宗日本米, 如果只求填飽肚, 這個價錢都尚可接受. 不過佢比以前有改善,飯後飲品可自選(例如檸檬茶, 咖啡等) 不再局限罐庄汽水...另外埋單後保留收據, 一個星期內再去幫襯, 可享收據銀碼總金額的10%discount

媽媽有飯局,又見咁耐無去過大盛,晚餐不作他選一於這間.由於時間尚早沒有訂位也好快可以入座了.雖然只有2人還是被安排到4人枱,可以舒舒服服地食啊!芒果蟹子沙律:$29,青瓜超多,芒果卻很少兼切得好薄,幸好唔會好酸,鋪上面的蟹籽超多,可惜有渣的,所以沒有吃得太多.要彈是沙律醬,應該話沙律沙先啱,完全沒有味道,淡茂茂.刺身:$58,三文魚和三文魚腩,前者$40,後者多$18.$58,考慮過後還是吃三文魚腩.嘩,一吃不得了,三文魚超肥美,又夠魚味,油份多,仲要厚切.正呀!58元有8件唔算貴,只是我們只有二人每人分四件有點兒漏啦花之卷壽司33元,這個失望到不得了,三文魚味欠奉,只是切得厚厚的.飯又硬硬的,超級唔好食,下次可以不叫海膽金龍卷$29,海膽少量,紫菜太淋,飯又太硬,味道一般三文魚壽司2件$15,三文魚味好過花之戀壽司的,尚算食到魚味.帶子壽司2件$20,帶子超薄,帶子唔夠新鮮.雞泡魚干$31,燒得唔夠乾,唔加檸檬汁味道更好總括來說大盛的食物仲係未回復番以前水平,難怪七點幾還是一半人也沒有.雖然食物唔算貴201元(85折後),也食得好飽,只是驚喜欠奉,又無乜衝動再去食啦!除非掛念三文魚腩

4個人食左一餐,幾開心呀 第一眼看見大門口,還要為關門大吉招呼得唔錯,會主動推介活魚刺身,好明顯好識得做生意三文魚剌身好新鮮海膽加飯不錯,但不夠吃活魚刺身,送上來魚咀還會動,豬妹大叫很變態,沒有吃食完之後,重會殷勤問剛才合不合口味 埋單$510其實都覺得有點貴

聽d朋友講大盛唔錯幾抵食,不過上網d人又講到好差咁wo.所以就去試下喇.入到去諗住坐梳化位會舒服d,但個waitress話因為星期日做清潔所以唔開個邊,咁就唯有坐中間啦. D位睇落就好似密麻麻咁,但坐落都唔係好逼姐.一坐低,個waitress就放低餐牌斟茶仲叫我地小心熱茶. 我地諗住叫個壽司餐但又唔知點揀法,所以就叫左個waitress黎問下佢. 不過壽司種類就唔多,同埋佢跟餐個個咩卷物又指定左冇得揀,本身想試炸蝦卷,不過佢就指定左個三文魚咩咩卷,好彩我都食架,如果唔岩食個個卷咪冇得叫壽司餐囉佢有d小食.花之戀都係15蚊有2件,所以我地都叫左黎試下. 我地叫左3樣野食, 壽司餐,花之戀同鯖魚定食. 個waitress話要等20分鐘,問我地介唔介意等. 橫掂有時間梗係等啦.食食下見到隔離食緊三文魚刺身,嘩!真係好大件囉. 之後我地就叫左三文魚同帶子刺身, 真係好大件囉!!!總括壽司都ok呀.價錢又唔貴,42蚊就有9件壽司!都幾抵個鯖魚又真係等左ok耐都幾好食. 加d檸檬汁仲好食! 個花之戀好抵食!3文魚$40有8片 又大片又肥又新鮮!帶子好鮮 不過我自己就唔係好中意食 埋單每人一百都唔洗

我決定唔會再去的了其實我之前都去過這裡幾次但因為今次的奇遇都OK搞笑下所以我決定打死都唔會再去話說都係KT分店...我食到碟我覺得有D酸酸地既蟹籽沙律跟住就梗係走去同個職員講啦點知佢叫我等等然之後拎走咗我碟沙律入去過了一陣之後佢拎番一碟野出番來,我開頭以為佢拎番碟新既俾我啦....點知好笑既事情就發生了....個職員竟然同我講佢地個師傅試過味話覺得冇問題...下....我即刻覺得O哂嘴LAW...我心諗唔係麻冇事呀麻拎我碟野入去揉完再拎番出來??? 哈哈我覺得真係好冇耐囉既然佢地D STAFF咁都做得出我都唔寄望投訴得去邊囉唉唯有當自己當黑啦,總之一定冇下次

圖為衛生情況，滿枱都係蚊滋飛來飛去－＿－真係頂唔順先叫換枱，點知冇人處理仲要冷淡對待寧願餓死都唔再食事緣今日好想開開心心咁同女朋友去食日本野，女朋友又大讚好食咁就去試下。一去到已經其實唔係好中意佢的環境同埋服務態度，但本住食飯開心就算都沉住氣。奈何在食野中途成日有d蚊滋飛過黎，想話搵個經歷黎換一換?殊不知個女經理冇理我之餘就叫左個男經理過黎，面帶不悅咁同我講"冇?換wo，等下啦"咁我心諗"都食到7788，算啦，橫掂都冇下次，咁就同佢講唔駛換由佢。之後我搵部相機出黎影低d證物，個男經理就即刻走埋黎，以為我係度攪事咁超差態度咁講"咁不如幫你cancel左佢啦,唔好食喇" 問題:如果經理存心以為我係攪事就好大問題，因為我相信冇客人想攪事，投訴得一定有原因。你唔去正視問題之餘，仲要令個客更加唔順氣，這是服務性行業的大忌，亦看出其危機管理的能力幾低。係呢個消息滲透性高的年代，商標形象唔止係靠廣告，而係靠人同人的消息互傳，口碑做得好就會愈做愈有，相反就只有做臭自己公司。最諷刺ge係日本野應該係最講禮貌，因為日本係最講禮儀的民族，只係抄野食唔抄埋人地民族的神粹，真係好失敗。我當時並無作出任何行動1.