大發粥粉麵

營業中

休息中

喺銅鑼灣一間粥店試咗佢哋嘅夾底粥。餐廳嘅價錢真係吸引，平易近人。可是，夾底粥分卻有啲讓人感到有些失望。整體而言，呢間粥店嘅價錢確實吸引，但食材新鮮度有待改善。希望餐廳可以加強對食材品質嘅控制，提升食物嘅水準同質素，令食客可以有更好嘅用餐體驗。

呢日工作做到好夜，就去咗呢間廿四小時營業嘅「大發粥粉麵」。店舖環境普普通通，唔算好乾淨，枱有啲油膩膩。服務方面，同佢哋講咗好幾次我哋要食咩，佢哋經常唔記得，要反反覆覆再叫先搞掂😅至於食物方面，腸粉皮滑滑嘅，上面淋嘅豉油味道都唔錯，蝦肉算新鮮；炒麵鑊氣唔錯，麵條唔會太軟腍，但味道就中規中矩。艇仔粥綿滑，材料都幾多，有魚肉、炸花生、蛋絲等等。紅豆沙煮得好綿密，甜度啱啱好。唯一失望嘅係油炸鬼，咬落去太硬喇，唔夠鬆脆，有啲難嚼。總括嚟講，呢間店勝在廿四小時營業，肚餓時有個地方可以填肚。

呢排喺香港街頭閒逛，無意中發現咗呢間「大發粥粉麵」。夜晚招牌燈光黃澄澄，24小時營業嘅字樣，好似喺熱情招呼我入去試試。入到店內，點咗腸粉、炒麵同艇仔粥。先講講個艇仔粥，呢度嘅艇仔粥材料豐富，有魚肉、炸花生、蛋絲、浮皮等。粥底綿滑細膩，一入口就順順地滑入喉嚨。魚肉鮮嫩，唔腥，炸花生增添咗香脆口感，蛋絲同浮皮則豐富咗口感層次。但同廣州正宗嘅艇仔粥相比，又有啲唔同。廣州一啲老字號嘅艇仔粥，魚肉嘅鮮味更加突出，而且配料比例更講究，各種食材嘅味道融合得更加精妙，好似一首和諧嘅交響樂。再講腸粉，粉皮薄滑如絲，筷子輕輕一夾，就感受到佢嘅軟韌。豉油味道調得唔錯，鹹甜適中，可惜同潮州一啲腸粉舖用獨特醬料配方製成嘅豉油相比，少咗一啲獨特嘅風味。潮州嗰啲腸粉豉油，可能會加入當地嘅醬料或者香料，味道層次更為豐富。個炒麵都有驚喜，麵條乾身，鑊氣十足，每條麵都均勻沾上醬汁，咬落去有嚼勁。同北京嘅炒面比起，又係另一番風味。北京炒面多用粗麵條，配料可能有羊肉等，味道偏重鹹香，而呢度嘅炒麵就偏向粵式風味，相對清淡一啲。價錢方面，腸粉、炒麵同艇仔粥加埋，都只係幾十蚊，對於荷包嚟講好友好。不過呢間店環境就比較普通，地方唔算

餐廳廿四小時營業嘅，所以如果夜晚凌晨想食一啲輕食嘅話都可以去幫襯一下，今日咁啱夜晚收工就過咗嚟試吓，夜晚人流的確比較少餐廳位置喺銅鑼灣鵝頸橋附近。✔️艇仔粥$21，宵夜嚟講呢一個價錢真係非常抵食啦，銅鑼灣呢一區都好少有呢一個價錢，有牛肉碎花生水魷魚，熱辣辣，未到唔係非常出色，但係呢一個價錢真係冇得挑剔，中規中矩真係冇乜特別，份量都算多嘅✔️叉燒腸粉$20，可能擺得太耐，所以有少少夾唔起，不過都係嗰句價錢比較平，可能一分錢一分貨嘅關係吧！

想食得清啲，是但飲咗間粥店，估唔到粥都可以咁難食叫咗皮蛋瘦肉粥，啲粥好水完全唔棉叫咗蒸蘿蔔糕， 30秒內到，食落去勁硬，好似食緊糭咁，應該係一早蒸定放喺度放咗幾個鐘頭叫咗蝦腸粉，腸粉質地ok, 但隻蝦細到大約是一個手指指甲仲叫咗湯飯，普通，魚小梅唔係好新鮮總括而言，唔會再有下次都幾難食

話說2月4日響銅鑼灣香港大球場睇完波，因為牙肉腫痛上火，咁就同老婆去咗呢度食碗粥，坐低叫咗兩個粥同蘿蔔糕，食到一半見到張餐牌原來綠荳沙，但食完碗粥同蘿蔔糕之後已經幾飽，再食唔落其他，之後一心唸住叫個綠荳沙外賣番屋企下吓火，第一次隱約聽見廚房入面同阿姐講話無，之後以為阿姐無咗件事因為幾分鐘都未到，再隔多一陣唸住埋單同阿姐講仲有個外賣綠荳沙未到，之後有個阿姐扮儍行埋嚟話無凍，得番熱嘅綠荳沙，我同老婆confirm佢講咗幾次一定係講緊綠荳沙！咁無耐接受個熱嘅唸住番到屋企都變凍啦，點知攞完個外賣搭緊巴士途中望一望個碗居然係”紅”荳沙嚟！有無搞錯！一碗十幾蚊嘅綠荳沙都要搞到咁唔老實，變相靜靜雞迫人要個紅荳沙！賣晒咪話賣晒囉，夾硬整個紅荳沙落去唔係嘛？！真係以後唔駛旨意再幫襯！！！無下次！！！

病，所以食粥!點解幫襯大發? 因為係巴士站旁，食完就坐過海巴士歸家!入到餐廳環境一般，枱面，地板，盛載調味器皿都有點污糟.但無計啦! 唔多舒服唔行得太遠，點咗碗艇粥多蔥同米粉，米粉話炒緊要等等.艇碗配料有碎牛肉，魷魚，花生同蔥花，最易出問題就係碎牛肉份量不足，大發無出現嚟個問題，份量足夠，反而魷魚份量略為少咗D，最大問題係花生好明顯唔夠脆，蔥花亦唔夠新鮮，米粥亦比較水無掛碗.炒米粉用上幼身米粉夾自己口味，問題係食到一D米粉口感硬少少，果種硬似係炒完放底好耐收乾水果種硬，但佢啱啱炒起喎.食完粥慢慢行去巴士站，等兩部巴士先有位坐，唔舒服唔理咁多關愛座照坐，之後有件大媽上車，單單打打話人霸佔關愛座!你估我想坐關愛座架咩! 我大大份份都要人關愛㗎!

凍冰冰，星期日早上七點幾，突然間想食粥。飛車過來買外賣，門口大量車位。這間店舖轉左手一段時間，今天終於第一次幫襯。有兩個姐姐，努力在工作。一個在處理麵粉糰。另一個跟客人落緊單。叫咗皮蛋瘦肉粥，牛脷酥，炸兩。姐姐話炒麵是剛剛炒起，看來很香，見到顧客食得滋味，也叫了一份！哎呀，忘記了走蔥，回到家給老婆鬧，因為阿女不吃蔥。她吃了一啖牛脷酥，說炸得很好。返到屋企仲好熱！ 粥夠棉，也夠足料。炸兩回到家，索了豉油，淋左，冇法子。炒麵不算油。加少少辣椒醬，不錯。會再來的。

一入去坐底已經無人理，唔緊要，叫人落單叫三四次都無人應，唔想做生意既唔好開鋪啦，我真係第一次遇到咁既情況，其實都唔係要求高，淨係想搵人落個單都咁難，都唔係想要d咩服務，連落單咁基本既服務都做唔到就唔該你唔好開門做生意

喺銅鑼灣有時想食啖粥👉🏻👈🏻除咗可以去Hysan Place嗰啲貴價餐廳之外🤔，其實行幾步路，喺鵝頸橋都好多小店可以選擇我話明係小店就當然唔係好大間啦，但係呢就二十四小時營業，所以就算夜一夜呢都有嘢食我哋幾個人多數每次每人叫一個粥，然後就大家分享嗰啲炸兩啊，炒麵啊咁粥嘅配料方面有好多種配搭，基本上講得出嘅配搭雙拼都可以，我就揀咗豬紅皮蛋粥炸兩呢如果撞正師傅係剛剛新鮮出爐炸起再整呢，係好鬆脆

逛完商场出来太饿了，所以就近随便走进了这一家。点了牛肉片米粉和肠粉，两样做的都不好，不仅味道不好， 最主要的是食材也不新鲜。肉片有股怪味，米粉不鲜，而且没什么味道，不推荐这家！！