大澳華記香脆雞旦仔

營業中

休息中

大澳最後一吃，就係呢間超級爆多人既雞蛋仔，因為係得老闆一個人整，而且係炭火整，每次整得一份雞蛋仔，大約三分鐘先一份⋯⋯所以前面排左10幾個人，最後等左50分鐘，真係等到花兒也謝了😩$23一份炭火雞蛋仔，貴就唔貴既，聞落去都真係好香炭香味，因為係即燒所以都外脆內軟，口感十分唔錯。不過老實講，味道同一般雞蛋仔無異，所以我都只會試一次就算，下次再黎大澳就唔會再試了。我覺得真係唔值得排50分鐘去食一個雞蛋仔。

We had just finished hiking and passed by this little gem late in the afternoon. We were famished and the fragrant scent of egglets was making us drool. As luck would have it, the store was closing for the day and we looked on in despair as the owner started to pack up the store. As a hail-mary we approached the storefront and semi-begged the owner to make a last batch. Not only did he oblige, but he did so with smile on his face and no attitude at all – very rare in HK these days! The egglets w

大年初二同阿女和堂妹一家三口去大澳一天遊，大約12點到，路過見到炭燒雞旦仔，見好少人排隊，立刻飛去買黎食，第一次食排左一個鐘有多，今次大約等左20分鐘左右，非正式統計大約7-8分鐘左右先完成一底雞旦仔。慢工出細貨，燒出黎既皮係好脆，裡面係好夠蛋漿，所以咬落係外脆內軟，而味道唔會太甜，亦非常有蛋香味。阿女係好鍾意食雞旦仔，而兩歲既姨甥女係第一次食雞旦仔，只係買左一底，基本上都係兩個小朋友食哂，見到佢地食到津津有味，大人都好開心！

秋高氣爽最適合行山郊遊，想喺行山前好好醫肚，大澳絕對係一個幾好嘅選擇。每逢假日東涌去大澳坐巴士條人龍都真係幾得人驚，雖然班次都算密，但睇見堆人真係會擔心大澳有陸沉嘅感覺👉🏻👈🏻一路都好想試伯伯呢間碳烤雞蛋仔，但每次一見到條人龍都打消念頭，所以今次嘅策略就係一落巴士乜都唔理就即刻過橋去搵咗伯伯先！好彩只係排第4由於佢只係得壹個爐，所以絕對係慢工出細課，如果烤得過左火嘅，佢會寧願叫你等多等，幫你整過下一底，所以質素都幾有保證係等待嘅時候，俾佢嘅紫背天葵吸引左，因為竟然用試飲做招徠，試啱先買證明伯伯對佢嘅自家製都好有信心等咗大概20分鐘，雞蛋仔終於出爐啦！影完相梗係拿拿林試一試佢啦，咬落去外脆內軟，裏面雖然唔係話好濃蛋香味，但係有一種好似食緊雞蛋糕煙靭嘅口感，個人覺得幾特別，係我暫時食過最好味嘅雞蛋仔！想話臨上山前再買多底，不過已經見到條長長嘅人龍返嚟啦，所以唯有放棄

一早聽過入大澳要食炭燒雞蛋仔 但其實我都唔知呢個炭燒雞蛋仔係一間一定要去嘅店 定係大澳係好出名食"炭燒雞蛋仔"呢樣嘢😂 所以我入到去見到呢間有條隊排緊就去左排 心諗應該係呢間喇掛😂-✏️香脆雞蛋仔 ($20)伯伯每一次同時間淨係會製作一底雞蛋仔🐥所以等候嘅時間會比較長 不過真係好想試吓 所以一定會照繼續排🤤最後等咗大概半個鐘到🙃-但味道我食完.....😳😦脆嘅部份大概只係成底嘅1/5 雖然係新鮮滾熱辣出黎後即食 但好多食落都好淋😢 食落嘅質感偏向似雞蛋糕多過雞蛋仔😢真心失望左因爲聽左好多年 而家先真係去試🤥究竟大家咁熱捧嘅大澳灰燒雞蛋仔係點解☹️定係唔係講緊呢間😦只能夠講 唯有當係當襯下小店 20蚊支持下用心製作嘅伯伯好了😗

今天入到大澳遊覽，之後11點幾快到食飯時間就經過見到賣雞蛋仔，但中午十二時先開門，行咗一陣轉頭再返去，已經即刻好人排隊了，越排越多，等左十幾分鐘就有得食啦，新鮮整起，有啲炭燒味幾特別，離遠都聞到好香，但就等得耐左少少。

難得去大澳當然要食下碳燒雞蛋仔好香碳燒味，外面脆又夠熱(即叫即做)，咬入去好多餡咁，可惜味道太淡食完後先見到隔離行入少少又有另一間，一樣價錢一樣碳燒，下次有機會再試下另一間

來到大澳一趟，打算吃最有名的伯伯炭燒雞蛋仔，才知道原來早已結業小小的大澳平日開著的店鋪不多，我們沿著人潮走發現了這樣的一間雞蛋仔不知道是不是因爲那個時候大澳都沒有其他賣雞蛋仔的店所以大家都來排這家我們大約排了30分鐘左右才到我們而且還是最後的那幾個真幸運店主只有一個爐雞色仔在爐上翻來翻去一直傳來陣陣蛋香大約烤了5分鐘左右就完成了!新鮮出爐的雞蛋仔外表微燶食落不算脆口，反而有少少似雞蛋糕但是它獨有的炭燒味道值得一試

好老實講， 我都幾喜歡光顧小店， 希望支持一下小店。但若果不好食(個人感覺)，我會如實講出我的感受!請店主見諒， 因我不是賣廣告!知佢出名和見人多排隊, 所以買來試下! 一排就排了大半個鐘! 說實在, 佢真係碳燒的, 但可能人多排隊, 師傅未等雞蛋仔涼透變脆已經入袋, 所以食入口時是淋的! 而且蛋味亦不是太足! Anyway, 總算試了! 但下次未必會再買! 論價錢, 佢不算貴, 但論質數就只屬中下貨, 自己食過都知有不少檔口好食過佢。

山長水遠入大澳探朋友，當然要食出名雞蛋仔。我記得幾年前食過雞蛋仔伯伯既雞蛋仔，那種入口鬆脆既感覺，真係回味無窮。出面無一間店舖能比得上！所以今次懷著期待既心情再戰雞蛋仔！行呀行，見到有兩間炭爐雞蛋仔，其中一間有二十多人排隊，我估就係阿伯啦！但係明明記得阿伯年紀好大架，呢個似叔叔多啲！唔緊要啦，可能係屋企人掛。。跟住就排左一小時十五分鐘！終於到我啦～點解⋯雞蛋仔唔係金黃色既？而且唔係入紙袋即散開一粒粒既？個外表同一般雞蛋仔無分別，原來唔係伯伯果檔⋯噢。。。算啦，等我試下先。外層都算脆，裡面有一半係空心既，另一半都算軟熟，但無咩蛋味喎。級數低過北角雞蛋仔少少，仲要等咁耐，一定唔值囉！真係超懷念伯伯既雞蛋仔，其實伯伯仲會唔會開檔呢？今次大澳之行真的好有失落感，食唔到念念不忘既味道⋯

呢間可能唔係出名嗰間，但係喺大澳街市隔離，比較當眼易揾。我同朋友去買嗰時咁啱人唔多，但下晝三、四點回程就見到店外人潮洶湧，大排長龍，建議想食要趁早，2pm前好去排，如果唔係人太多，又要露天曬住等勁唔舒服。呢個雞蛋仔口感比平時嗰d好，冇烤得太脆，搞到好似食空氣咁，亦唔算係太鬆軟變到好似海綿蛋糕，反而好厚實同有彈性，啫係好彈牙、QQ嗰種感覺。同埋烤出黎真係金黃色好靚，味道又幾香但係唔會太甜，幾好幾好。值得一試呀

正所謂難得好天氣又喺屋企坐到悶悶地 ,就決定去大澳行一個圈,當做吓運動 經過咗成個鐘嘅路程,終於去到目的地大澳!!!一入到去見到好多唔同嘅小食檔不過都好似冇咩特別咁,所以行過就算…但係突然之間我見到一條望落去好似長過彌敦道嘅人龍(講吓笑啫不過堅係起碼有廿幾人排緊),我就緊係唔蝕去龍頭睇吓咩事啲人咁緊張,行緊去嘅時候開始聞到一陣香味,一睇原來係雞旦仔呢一吓真係忍唔住 自己都排埋一份。排排吓老細突然間派個紙袋仔俾我, 我就問做咩事要派紙袋仔,原來雞蛋仔唔係不停供應,所以冇紙袋仔嘅朋友就唯有下次早啲嚟啦

黎到大澳，點可以唔試下佢最出名既炭燒雞蛋仔架因為朝早落大雨既關係，所以假日都未見多人，排左大概十分鐘左右就到我可能因為後面有人排隊既原故，雞蛋仔都未完全乾透就入袋，所以無甘脆唔會太甜，頂果啲因為無焗住，所以脆啲。外脆內軟 而且粒粒都有料到，唔會空心其實唔係睇住佢整，我都分唔出係米碳燒

話說，我的同行者很喜歡吃雞蛋仔星期六下午才入大澳，行1行見到很多人排隊，我們又去看看遠處傳來陣陣炭爐味，再加上雞蛋既香味我們決定去排隊買雞蛋仔怎料，雞蛋仔很好賣，叔叔說有紙袋就有得賣，沒有紙袋就賣完我們很好運拿到紙袋，排了15分鐘，有傳聞既炭燒雞蛋仔吃雞蛋仔，雞蛋味很香，味道控制和火喉控制非常好值得推介給大家但一定要早點去排隊

第一次同另一半去大澳郊遊, 當然想試下一些地道美食, 在街市旁, 見到好多人排隊, 得知原來賣碳燒雞蛋仔  我們先前往文物酒店, 回來仍然見到有人排隊, 排了十五分鍾, 見到雞蛋仔伯伯倒蛋漿, 我們炮製碳燒雞蛋仔 眼見伯伯十分辛苦, 我同另一半自己心裡覺得一點內疚, 所以我們都十分珍惜每一柆雞蛋仔, 籍這機會在這裡替他打氣, 果然碳燒雞蛋仔同平時一般不同, 口感外脆香口, 有碳燒味道, 不枉辛苦排隊得到的 $17一底其實幾合理, 相信食過的人都十分認同, 下次去大澳都會再光臨