影片
相關文章
在香港這座美食天堂，傳統炭火燒製的雞蛋仔已經逐漸稀有，但這家小店堅守了這份古早味道。即使需要排隊半小時，顧客也甘之如飴，究其原因，絕對是值得的。炭火燒製的雞蛋仔外層香脆，內心鬆軟，帶有一絲獨特的炭香，與現代電熱爐難以模仿的味道截然不同。雞蛋的比例恰到好處，帶出淡淡的蛋香，而每一口都充滿了記憶中街頭小食的溫暖。小店的老闆更是用心，不僅食材新鮮，還確保每一粒雞蛋仔都達到最佳口感。這家小店不僅是味覺上的享受，更是一種情感的延續，讓人感受到舊時代香港的氣息。來到這裡，等待的每一分鐘都值得。
繼續閱讀
今日同朋友係大澳玩，見到條隊好長，但都係要排！依檔巴有名氣，唔係日日都開，撞正要試下。炭燒果然唔同啲，雞蛋仔燒到真係好脆，但入面仍然係好軟，而且粒粒飽滿，好正！一烤出黎熱辣辣已經好好味，然後放佢一陣後點知仲脆！每底都係精心之作，好有童年回憶，希望依種手藝可以傳承下去！
繼續閱讀
第一次入大澳，當然要試吓呢一間炭燒雞蛋仔，我一個雞蛋仔控，排咗大概45分鐘，終於輪到我，$28一個，正常價錢，即叫即整，一個一個整，所以需時，大家預留多少少時間排隊（如果想試嘅話）入正題雞蛋仔，冇乜香味，仲要係完全唔脆，又未去到淋到毛巾咁，但比預期中差好遠，完全唔值得排隊，試過一次唔會再試，如果見到三四個人排緊隊，大家想試嘅話就可以試吓排，但多個四個人就完全唔值得排。
繼續閱讀
難得去到大澳，當然要試吓地道食物除咗超大魚蛋，糯米糍等等，大澳出名嘅就係炭燒雞蛋仔😋😋香港食雞蛋仔好容易，不過「炭燒」好少見！今次慕名而去大澳華記炭燒雞蛋仔🌟跟住導遊嘅指示，好快就搵到👍🏻已經見到有接近10個人排隊中😱看來真是好出名👍🏻我等咗一段時間，雞蛋仔終於到手啦實在太香啦，急不及待放入口，雞蛋仔嘅表面好香脆🤤入面個芯軟林林，排咁耐隊都算值得😬不過聽都有講，舖頭唔係成日都開所以都係要靠彩數😝祝大家好運.📍大澳華記炭燒雞蛋仔
繼續閱讀
好得意好少見見碳烤雞蛋仔，好彩今日無乜人排隊，一去到老闆就整比我地，大概等佐3分鐘就有得食，因為得一個爐如果人多排隊真係要等好耐。真係熱辣辣又好脆，不過蛋味唔係幾夠，味道食落其實同普通雞蛋仔差唔多
繼續閱讀