大澳榕樹頭

營業中

休息中

公平咁講，服務態度冇問題，店員係禮貌的。但產品就非常差。第一，以每杯約$50-70 （未計加二服務費前，係，加二，因為新年紅日假期去）飲品，我冇諗過係用外賣杯上枱⋯⋯ （店員解釋，杯洗唔切，請見諒）第二，叫左3 杯凍飲，全部都一粒冰都冇。杯飲品係室溫。 室溫熱情果梳打，想點？第三， 點左一「壺」茶。店員介紹時的確係話一壺，點知黎到只係普通一熱杯⋯⋯第四，點餐時得知小食雞翼因有調味粉可能會有少少辣，因我地有小童，店員都好好，話會留兩隻雞翼唔落果啲調味粉 。失望既係，黎到全部雞翼都係一樣，冇留到兩隻唔辣⋯⋯

哎呀，其實講真，到「大澳榕樹頭」飲茶食飯真係一個開心事！🤤 今次叫咗幾樣嘢，每樣都順我意得嚟就好足料。首先，個辣肉腸薄餅真係得意喎，酥脆底加上芝士🧀，咬落去香濃又惹味，好似聽日又想返嚟一樣。再嚟嗰碗黑松露長通粉，呢個就真係勁喇！每一啖都食到黑松露嘅馥郁香氣，蘑菇又鮮味爆煲，通粉彈牙得嚟唔爛，掛汁又好，絕對係正中我個胃口🍲！最後，當然少不了甜品，New York Cheesecake啦！輕爽唔膩口，入口即溶，真係想即刻再嚟第二件。飲呢杯Iced Cappuccino，面頭嘅奶泡都係滑滑地，咖啡味道又正。🍰☕️坐喺度，吹吓海風，食住美食，真係幸福到冇朋友喎！唔洗高貴食材，都可以做到花小錢食大餐嘅感覺。下次想帶多幾個貪吃鬼嚟，一齊share，嘆咁好嘅食物和環境！

小朋友唔洗返學終於可以入大澳玩早排兩次都打風去唔成改期又改期今次天公造美🥰閒日明顯少人d可以優哉游哉經過哩間前舖賣特色野傳來香噴噴味道老闆娘熱情招待原來後舖是小cafe可以0距離坐在棚屋上食嘢不過得兩張枱於是去坐船仔睇海豚先🐬今天太好運海豚不停在眼前跳落船正好肚餓老闆是廚師這是用新鮮牛油果+菠菜打的青醬加上最愛松子同開心果仲有芝士非常好味pizza脆底又係好好味絕對用心製作加上風味十足嘅環境實在好滿足😌

【土耳其風格，外面雅座悠閑打卡】 經過一間土耳其民族風的店，裡面竟有一小小打卡餐廳，木棚搭建，棚下是水😍一目大澳山水，漁棚上屋，搭有微風輕吹，真的令人身心舒爽。點了一件芒果芝士蛋糕，甜甜不酸，很可口，及一杯咖啡，忘了什麼咖啡，很特別的！雖然座位不多，地方不寬，但是這裡真的很舒服。 大澳榕樹頭 (大澳)大澳吉慶街68號地舖

在大澳行街無啦啦比個阿姨叫左入去間鋪頭入面的小Cafe, 佢熱情招呼，見個位都幾private，又望到靚景就坐低左，叫左洛神花soda, 店員推介係在香港種，又冇加山渣，飲落都幾好味，又有啲洛神花在杯底可以食，覺得唔錯，另外又叫咗杯熱情果柑橘soda，成杯都好好味，好fresh,又有啲柑橘咬下，甜味好適中，樣靚可打卡，最後叫左蟹肉蟹膏意粉，意粉好彈牙，蟹肉夠多，好好食，份量唔算特別多，唔大食的ok, 不過入去坐要好小心電話，因為地方好細，一唔心可能會掉嘢落河，做文青打卡食嘢不錯，但要同小心的人去，不然掉嘢下河就不好了。

老闆超級nice😍係一個頂級咖啡迷，去到世界各地唔同地方蒐集咖啡豆、配料、茶具🙌🏼喺呢度可以試到香港其他地方試唔到嘅土耳其咖啡！店舖門前係賣世界各地異域風情嘅耳環、貓眼石、水晶…好似瞬間轉移逃離咗香港咁🫶🏼店嘅後方就係cafe嘅座位，望到成條大澳運河，好似去咗威尼斯咁chill😆打卡一流呢！不過座位得8個好少，記得要早啲book位因為朋友生日，老細仲得登送咗杯咖啡畀我哋🫶🏼超有人情味😍試咗杯泰奶，香料味好重唔會死甜，好地道嘅一杯泰奶🫶🏼啲茶具都好精緻好有心嘅小店！去大澳Chill 一Chill強力建議加入行程🙌🏼當日仲見到燒天夕陽～太幸福了🥰

差唔多一年前造訪，當時疫情慨嘆生意難做，好開心今次重訪爆場！今次坐唔到本店嘅河㫠位，去咗另外一邊場地更大，但有鐵絲網，好彩都唔熱 (ꈍᴗꈍ) ꜆꜄꜆꜄꜆小店主食及小食選擇不多，反而蛋糕款式常有新口味，上次試左雞翼同蛋糕，今次主力叫左兩個意粉，保持水準～𖡥蟹肉蟹膏意粉 $158上次食過返尋味，encore，蟹肉唔係用普通雪藏蟹，由外國訂返黎，真材實料啖啖肉𖡥鹹蛋卡邦尼意粉 （忘記價錢）有驚喜，鹹香味好重，意粉剛好吸收左蛋黃既流油，非常惹味！原來鹹蛋係搵隔離街坊秘製，唔會曬得太乾，先可以保留油份𖡥土耳其果茶 （凍） $58 𖢄姐姐極力推介𖢄加咗少少蜂蜜，唔會太甜同無香精味，好refreshing! 上回試食菜式，有興趣嘅朋友可以試吓，全部都好有水準～ 每次嚟都同老闆傾咗好耐計，佢真係好有熱誠好健談，大家有機會去支持下！仲可以探吓店內嘅小鸚鵡🦜

當時我地入嚟攞飛由於太多人啦 所以唔知要等幾耐唯有企係佢鋪門口左手邊到等🫤咁佢左手邊擺咗部風機點知個男侍應出嚟態度好差咁話我地類似企喺度阻住晒，又覺得我哋係唔幫襯企喺度嘆佢個風機之後熄咗佢 比說話我哋聽我哋成頭問號？？？😅我哋咪就係等緊位入去佢餐廳真係呆哂 立即唔入去食費事比$攞難受 同埋以後都唔會嚟呢間！後尾上佢社交平台見到原來個男人已經有前科原本諗住開開心心入去食，都會咁😅

依間cafe 係大叔的愛黎過取景😝❣️去到發現真係名符其實既隱世小店😀，係一間雜貨店既入面再入面既露台。 露台就係漁村旁邊，望住條河食野真係幾chill🥰，不過店舖既空間其實好窄，去果日因為係紅日坐滿哂都幾迫，同埋太多人坐唔到靠河既位置。 本身因為個景先黎食，點知食物有驚喜，估唔到咁好食😝。 Marble Cheesecake ($58) 芝士蛋糕超級有質素！我係唔太中意食cheesecake既人都覺得好食～ 好香芝士味但食落唔會太濃太漏，質地比較挺身唔會鬆散，但入口又好軟滑😝。 蛋糕中間係朱古力餅，朱古力味唔會太濃，同蛋糕幾夾，下面既餅底好鬆脆，牛油味幾香❣️成個蛋糕食落幾有層次～ 土耳其雞翼（$58） 依個雞翼既調味好特別好好食，係🐾出面無食過既味😛，雞翼整得好多汁好滑，推薦大家試下🤎。 另叫左一杯芒果汁（$52）同蘋果茶（$52），芒果汁好足料，用新鮮芒果打出黎，成杯都係芒果肉，芒果味好香好濃，唯一缺點就係好多渣。 蘋果茶就比較死甜，又有啲酸，唔洗嗌☺️。 另外店主們都好nice好多野同客人傾，🤣👍🏻不過去果日紅日太多人所以坐得唔太舒服，平時去小人啲可以坐係河邊位應該會好啲～ 🐾大澳榕

我地一行4個人，坐低咗已經冇人serve，然後scan QR code 睇menu後，話要落單，個姨姨不停話「轉頭黎」、「轉頭黎」⋯佢來來回回幾次都未幫我地落單⋯ 已經覺得好無奈，個人有啲火😒 最後落單叫咗一件cake、兩個意粉、一個pizza、一杯咖啡⋯ 之後就等等等⋯等等下個姨姨話其中一個「大蝦青醬意粉」賣哂，但其他唔岩口味，最後一個疑似老闆的男人走黎推薦其他意粉，我地重覆多次話其他意粉唔口味，佢最後的建議是「我地可以照煮呢個意粉，但冇蝦」，我更無奈咁問「即係你會照收呢價（$158），但只系煮個青醬意粉比我？」佢話「係」，真系吾想再講其他野，最後我地將意粉轉其他野，轉另一件cake，之後又系等等等⋯等左45分鐘有多⋯ 最開始order的第一件cake都未送到黎，重點係cake絕不是即叫即做！！價錢唔平我都算，隔離枱遲過我地都已經食咗一半😡 我知你好「忙」，有啲客坐低一陣都見唔對路走埋，但唔夠人手、好忙呢啲原因，絕唔應該系客人來承受⋯就算係要等，fine，但暫時將一件cake、一杯咖啡上枱比客人食住先，都應該唔需要等45分鐘掛？！

我地兩個大人拖住一個小朋友仲有一個BB嚟到大澳榕樹頭，就係見open rice好似評價唔錯，仲要有靚景，我哋喺門口等位，初時有位姨姨叫我哋等等，裡面已經埋緊單，我哋都冇問題..都係等一陣，然後好快有個男人就叫個阿姨帶我哋去隔籬舖「斯人地方」，仲話坐得舒服好多，點知去到原來個靚景俾鐵絲網圍住晒🥲算啦..坐低咗就算數..好！叫嘢食..個高高地帶眼鏡阿姨就同我地講「我寫你哋係3個人啦！你知啦！老細見人多但叫得少嘢食會唔鍾意」😑😑 我哋都未落單就俾說話我哋聽我哋想order咖啡，問姨姨有咩推介？佢話Americano同冰滴咖啡，但我唔飲齋啡，再指住幅open rice相問佢有冇呢杯「Godiva Mocha」…姨姨話「下？你一定要熱呀？死啦！唔知有冇人沖添，唔知落咗order會唔會俾人鬧添㗎」😐 我想講…一杯咖啡都6、70蚊，我想飲熱咖啡呀，你咩事呀😑最後我哋order咗兩個意粉、一個pizza 同兩杯咖啡☕️杯咖啡到咗，張相就如圖🫠點解同open rice睇嘅相完全唔同🫠味道係0尊重咖啡之餘..連攪拌匙羮都冇另外意粉還好，pizza唔ok

店前半部係民族風雜貨店，後半部卻是開揚露台位置。用餐環境清幽，棚屋河景一覽無遺，仿如香港世外桃源。小店曾經係《大叔的愛》嘅取景地，冇諗過食物質素超高水準，卻又唔多傳媒報道，呢間隱世 café 值得更多人認識呢～———❝ Pasta with Crab Meat & Crab Paste in Cream Sauce | $158醬汁加入蟹膏烹調煮成，整體 creamy 得嚟帶有蟹味鮮香。材料更有大大嚿蟹肉，用料絕不吝嗇。意粉亦驚喜地做到al dente嘅完美口感，實屬高水準之作。若要喺雞蛋裏挑骨頭嘅話，個人認為意粉份量可以再多少少🤣評分：8/10———❝ Turkish Style Chicken Wings | $58雞翼以多種調味料及香草醃製，做到入味、帶脆邊、唔油膩，各方面皆盡顯廚師心思。雞翼外皮微辛惹味，肉裏卻是微鹹不辣的另一種風味。外面未曾食過同樣味道，亦說不出確實醃料，只能說這是小店的秘密配方吧～評分：7.5/10———❝ Fresh Lime Cheesecake | $??餐牌上没寫的是日special 甜品，任性没看價錢就點了🙈蛋糕質感順滑，芝士味道香濃，當中帶淡淡青

去之前都冇抱好大期望，因為通常有景就嘢食一般難得嚟到就試下啦～經過間餐廳嘅時候差啲miss咗，因為舖頭前面係賣飾物我地去到嗰陣暫時冇位，老闆問我考唔考慮過隔離食，話都幾靚景，有個姨姨就帶我地去睇，不過我地見到有鐵絲網遮住個景，於是留咗電話等呢間算，繼續周圍行下先大約大半個鐘就打嚟話有位入到餐廳原來真係好細，靠河得2張四人枱，我地就坐入一張二人枱，好彩坐低冇幾耐其中一枱走咗，侍應話可以幫我地調過去靠河坐揀咗blueberry smoothie 同埋Godiva朱古力兩杯都好飲蟹肉意粉：好食！都多蟹肉撈埋忌廉汁好正大蝦青醬意粉：啲蝦肉好食，不過個醬就一般，上面嗰碟好食啲Lime cheesecake: 好清新，餅底又好食整體嚟講啲嘢食都唔錯，服務都好好，望住呢個景食好舒服，涼涼地有啲風，不過食緊嘢嗰陣都有啲擔心跌嘢落河餐廳廁所都ok

知道呢間cafe可以近距離坐喺海邊望海景棚屋，想打卡既港女（即係我）就梗係要黎…✨🐾 Pasta with Shrimp in Homemade Pesto Sauce 自家製青醬蝦意粉（$158）💛💛💛💛💛呢個真係好好食…可能我平時都係食開卡邦尼、肉醬意粉等，呢個味道真係第一次食到，冇上面兩款意粉咁heavy，但又少少creamy，青醬味道柔和，蝦都好鮮甜！🐾 Palace（Turkish Premium Dessert）（$）💛💛💛💛🖤店主話係DHL空運返黎既土耳其特色甜品！酥皮夾住土耳其本地開心果，仲有少少帶甜味既醬，喺香港真係第一次食！一場黎到不妨試下，不過一個人食曬就會比較漏~🐾 Organic Kombucha - Peach (sugar-free)（$58） 💛💛💛💛🖤橙色嗰杯就係喇，店主介紹係用酵母發酵blend買桃汁整成既飲品，飲落好似sparkling咁，有清甜桃香味✨✨坐到近海仲可以打卡，嘢食亦非常有特色，個人覺得值得黎💤人均消費$60，另加一整體推薦指數：💛💛💛💛🖤

🔅大澳榕樹頭🔅大澳🔅咖啡🔅特登為左一杯好咖啡而入大澳，真心感動！真係好好飲🫶🏻週末同人迫都係物超所值！大澳出名黃店👋⭐️大澳榕樹頭係過左新基大橋之後的小店，係出名沙翁隔離～ 男友話係果度飲嘅冰滴咖啡係全港最好飲嘅咖啡！一試，覺得溫度變化控制得好，烘焙感足夠，啖啖咖啡香係口入面迴盪～好正～ 呢隻豆對溫度變化唔係好敏感，層次可能唔係好多，但個味道係好正另一杯仲正～誤打誤撞再叫左杯藍山咖啡，用越南咖啡沖製方法～ 嘩一飲真係會嘩一聲，個咖啡烘焙味好香濃，仲有一種特別嘅甜香，無加煉奶，都係齋啡，但係個香味係非常特別～我甚至幾乎想建議可能有貓屎咖啡嘅味道～其實我都唔係非常熟悉咖啡豆，但係明顯飲得出分別巨大，而且烘焙感同咖啡嘅品質非常靚(o^^o) 我地亦叫左一件栗子蛋糕，佢係用新鮮栗子打磨而成嘅 moose cake，有少少粗糙嘅栗子粒粒，聽哥哥講仲話落咗Rum酒～加上少少海綿蛋糕底，好好食🥰因為一啲意外嘅事故，我哋冇完成晒成個栗子蛋糕，店家就好好咁樣比多咗件new york cheesecake我地🥹 我地都非常唔好意思～ 芝士同樣打磨得非常好食，最正係佢個餅底，除咗餅乾之外亦有帶甜嘅sugary