大滾友火鍋

營業中

休息中

呢排天氣涼涼地，就會想去打邊爐，打邊爐食得有儀式感就會諗起大滾友！幾年前都有食過，感覺今次既服務同食物質素都好左！花膠雞湯鍋 $328養生湯底之選，滾起飲左2碗湯先再放雞。個湯非常好飲，好似有忌廉湯既感覺！雞屬於大size既雞，煮15分鐘就食得！牛肉拼盤 （細） $428打邊爐爐必備既牛！拼盤可以每款都試下！牛肉味好重，吾加豉油食都得！伊比利亞豬肉片 $228豬肉片用個擺盤造型好似皇帝頂帽，貌相奢華，仲出哂煙，打卡一流！豬肉片仲要幾重豬味！呢度既丸類同餃類都好有特色，價錢就相對較貴！黃金藏嬌和牛丸 $78呢粒吾系一般既牛丸，而系有和牛粒系系面既牛丸！外面系蛋黃墨魚肉，包住兩小粒和牛粒！有創意仲幾好食，牛肉味都幾出！黑松露蟹肉餃 $78蟹肉餃既餡料非常多，有淡淡既黑松露香味。蔬菜拼盤 $118個蔬菜拼盤好豐富，而且食得出啲菜幾靚幾新鮮！價錢就貴左啲，但的確有質素！火焰豆腐花即場點火燒下啲糖，豆腐花本身無甜味，靠啲糖黎帶味！

香港人對邊爐係有份執著同要求！呢間係我嘅最愛，呢到必叫花膠雞湯底，半隻雞以為好細，但舊舊都勁有肉，個皮仲好爽！開始邊爐前仲會比我地飲湯先，好足料所以好濃，連阿媽都讚。另外都叫多左個木瓜鯇魚湯，一樣都好足料，最正係個木瓜，人生真係未食過咁甜嘅木瓜。呢到好多菜式都100分，但自己私心推薦手打飛機丸，勁彈牙，好好食。人大左覺成日食放題，啲食材冇咁靚，不如同屋企食貴啲靚啲仲好。

琴日下午6:30左右去到餐廳都冇book位就有位坐~ 員工都快手跟住點咗一個卜卜蜆鍋🍲等咗10至15分鐘就開始滾，點知一擺落口好多沙！！！蜆嘅份量係幾多嘅，有95%嘅蜆都有沙😦配菜都好麻麻哋，其中一樣係半份蝦滑，啲蝦滑嚟到係雪到結冰，照擺落去個鍋度煮，第一啖已經覺得難食，口感好似咬緊膠，味道好腥🥲最後同店員講咗，佢無收我錢。成餐火鍋，我點左一個卜卜蜆鍋，白蘿蔔，一份羊肉，一碟娃娃菜，一個蜂巢豆腐埋單$660 性價比低囉~ 不會再幫襯。

九宮格醬料自由選擇，感覺乾淨新鮮，可按個人口味自由添加搭配。玲瓏浮凸雞鍋底(半隻雞)🐔，大大塊超厚身花膠，記得一定要先飲湯，因為真係超正！雖然係半隻雞，分量大啖啖肉，雞肉好嫩滑 。大滾友牛肉🐮拼盤，六款肉都唔錯，雪花牛味道最濃郁。伊比利亞橡果豬，豚肉味濃，肥瘦分明，滾完雞湯可以不沾調料已經好好味。手打蟹籽鮮蝦丸十分彈牙，大大隻鮮蝦製成，鮮味十足。自家製足料竹蔗茅根每次必點，清甜狗滋潤。雜菜拼盤，有油麥菜、生菜🥬、娃娃菜、紫淮山、玉米🌽、木耳、番茄🍅、蓮藕片同萵筍片，全部好新鮮。

呢間以中式宮廷風作主題嘅火鍋店，環境超有feel，一入店就見到金光閃閃嘅皇帝龍椅✨宮殿風入面食火鍋真係好好feel 花膠雞一上枱時已經心心眼，成鍋雞湯呈金黃奶白色，而且已經可以聞到陣陣雞香味～啖啖雞香～搭配鮮嫩三黃雞肉天然骨膠原滋補花膠，滋補養顏，濃郁雞湯配搭花膠秋冬好滋養佢地嘅大滾友牛肉拼盤絕對要試，一盤已經有哂唔同部位手切牛肉；頂級安格斯牛排，油脂豐富，牛味十足；金錢展口感彈牙；雪花脂肪肉嘅比例剛剛好；和牛粒獨特的風味；牛舌就爽口彈牙，款款都係餐廳推薦 手打蟹籽鮮蝦丸每一粒都真材實料手打丸，充滿蝦膠彈性同埋鮮甜。 蟹黃餃餡料呈蟹黃般嘅橙黃色， 雖然蟹黃嘅味道唔算突出，但食落啖啖蟹肉，超正！伊比利亞橡果豬平時只係鍾意食牛，估唔到呢個豬咁香！肉質清晰大理石紋般嘅油花，肉味芳香濃郁焦糖豆腐花店員會幫我哋點火，一流視覺享受，豆腐花豆味濃郁，口感較為結實但十分滑嫩大滾友火鍋元朗鳳攸南街9號好順利大廈一座地下G4-G5號舖

最近在元朗發現了一間超有特色的火鍋店——**大滾友火鍋**！這裡的裝潢真是讓我眼前一亮，古代宮廷風的設計搭配木質雕刻桌椅，感覺就像穿越回古代，氣氛超級華麗！🌟#### 🥣 特色卜卜蜆鍋這裡的 **卜卜蜆鍋** 絕對是一絕！湯底鮮甜得令人驚艷，蜆肉的份量也給得很大方。搭配新鮮的芹菜和香菜，吃起來真是鮮味十足，讓人越吃越想再來一碗！🍲#### 🥩 牛肉拼盤想試試不同部位的牛肉？那就不要錯過他們的 **牛肉拼盤(細)**！裡面有手切的本地牛肉和頂級安格斯牛肉，肉味濃郁到不行，還有黃喉、牛頸脊和牛舌，真是吃貨的夢想拼盤！🥩#### 🦞 龍蝦墨丸而且，**龍蝦墨丸** 的份量也超足，口感爽口彈牙，讓我一口接一口停不下來！🍤#### 🐖 伊比利亞橡果豬別忘了來一點 **伊比利亞橡果豬**，肉質肥瘦均勻，油脂豐富，肉味超濃，滑得讓人心醉。😍#### 🥬 大滾友雜菜拼盤蔬菜方面，**大滾友雜菜拼盤** 也很豐富，生菜、油麥菜、粟米、蕃茄和蓮藕都新鮮又清甜，讓整個火鍋更加均衡。🥗#### 🥂 甜品時間最後，來碗 **火焰焦糖豆腐花**，這幼滑的豆腐花在小木桶裡，配上黃糖粉，清甜滑口，真是完美的結尾！🍮總

[✨元朗大滾友·高質華麗宮廷風火鍋🥘]#大滾友火鍋 #元朗湯底試左佢個特色卜卜蜆鍋，味道真係好鮮美😊💞牛肉拼盤(細) 款式好豐富，除左常見嘅牛頸脊、牛舌外，仲有牛骨髓、牛黃喉等等部位，有驚喜得嚟水準亦在線😘💪伊比利亞橡果豬肉質好柔嫩，亦唔會話好肥，好高質👍👍食左咁多肉類當然唔少得食返啲菜中和下啦，雜菜拼盤有粟米、蕃茄、生菜、娃娃菜等等，款式多新鮮解膩一流。🔸醬芥 $26/位————————♡♡♡♡♡♡————————✨總結天氣終於無之前咁熱，又係開始打邊爐嘅時候！呢度嘅食材高質，款式亦好豐富！餐廳環境舒適，作為元朗友又點可以錯過呢🥰📍大滾友火鍋🏠元朗鳳攸南街9號好順利大廈一座地下G4-G5號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #元朗好去處 #元朗食好西 #元朗餐廳 #大滾友火鍋 #大滾友 #元朗 #元朗美食 #火鍋 #生啤

天氣突然就變成冬天一凍就梗係要打邊爐！元朗出名既非大滾友莫屬🍲香濃豆乳蜜瓜龍躉雞湯鍋上到黎即刻嘩嘩聲中間有三朵雕到好靚既玫瑰花已經夠吸睛估唔到仲有真玫瑰花瓣湯底除左豆乳同埋哈蜜瓜之外仲有好多大大塊龍躉肉一個湯底都咁足料！❤️‍🔥牛肉拼盤有哂黃喉，牛舌，牛柳粒等等各有特色又夠牛味❤️‍🔥伊比利亞橡果豬依個係必點係豬肉界既和牛級別食落好香～又唔韌❤️‍🔥龍蝦墨魚丸入面真係有龍蝦肉墨魚味都幾重❤️‍🔥蟹黃餃一咬落去就爆發蟹鮮味味道濃郁❤️‍🔥雜菜拼盤有齊哂多款蔬菜食落乾淨又新鮮❤️‍🔥自家製竹蔗茅根打邊爐最岩飲黎下下火❤️‍🔥焦糖豆腐花依家少見既竹桶！豆腐花幾滑仲可以加少少酒有火焰效果

天氣凍嘅時候特別想打邊爐，喺元朗我嘅首選係大滾友，叫返我特別鍾意嘅花膠雞湯底，雖然淨係叫咗半隻，但係都好夠食，雞嘅份量好多，雞髀位更加係肥美，花膠都係大大塊，充滿骨膠原大滾友牛肉拼盤（細）：食呢個牛肉拼盤一次過，就可以試晒唔同嘅部位，牛柳粒可以淥耐啲～全部牛肉都有好濃郁嘅牛肉味伊比利亞橡果豬：呢一款豬肉就比較肥，但係又唔會覺得特別溜，而且有豬肉香味，唔會嚡口大滾友雜菜拼盤：呢個雜菜拼盤，真係有超多嘅蔬菜，包括唐生菜、油麥菜澳洲帶子片：帶子片嘅味道比較淡，但係肉質都幾好黃金藏嬌和牛丸4粒：呢款其實係墨魚混合和牛，味道都算新奇，而且兩款食材我都好鍾意，墨魚嘅味道會比較突出竹蔗茅根：呢度嘅竹蔗茅根都係真材實料，而且味道唔會過甜，好啱打邊爐嘅時候清熱氣

幾約中學老師聚舊，每年都會約一次以前中學嘅老師食飯，答謝老師教導。女生當然要滋潤一下，轉季點鍋底，半隻花膠雞 。雞件好新鮮，花膠非常多。牛肉拼盤(細) 拼盤好大碟。自選手打丸，蝦丸，粒粒彈牙。伊比利亞橡果豬，出煙效果令人開心，豬片好嫩。大滾友雜菜拼盤，有粟米，淮山，生菜，娃娃菜，蕃茄。好豐富。 響鈴拼盤$88 非常之驚喜有鹹蛋黃味。兩杯生啤 ，真係要啤單啤佢。火焰焦糖豆腐花，甜品凍暖之間好特別。環境擺盤好規好有特色。

最近約咗朋友入元朗，就係為咗食呢間大滾友火鍋。見到呢間餐廳有花膠雞湯，而且湯底好似好濃郁好好味咁，bookmark左好耐終於去到試。一去到餐廳，環境好有復古，好有氣派。一坐低職員就好熱心咁幫手點單。見到有好多湯底揀，不過為咗個花膠雞湯，於是諗都冇諗就直接落咗花膠雞湯底。個湯真係好好飲，飲多咗幾碗先開始打邊爐，我哋仲有牛肉拼盤，全部牛肉都好有牛味，豬肉都唔錯，蔬菜拼盤都好大兜，多啲朋友食會更加開心。

踏入11月 終於feel到天氣開始凍啦🥹又係到打邊爐既時間🤘🏻今次去久違既大滾友食卜卜蜆鍋 有超多大大粒又脹卜卜既蜆🫶🏻鮮味十足 食完已經飽左一半🤣牛肉拼盤有7,8個部位 包括牛黃喉 牛舌 骰仔牛 牛頸脊 雪花肥牛等等🩷骰仔牛我自己好鍾意食 咬落爆汁好juicy 牛舌彈牙有口感 牛味香濃 黃喉爽脆 點少少醬油已經好好味😋🐷伊比利亞橡果豬有豚肉界和牛之名食落完全無豬味 好嫩滑 油脂分布平均 厚薄適中.🧀芝士腐乳牛丸係店家手打😋咬落係濃濃芝士 但唔會太膩食咁多肉當然唔少得菜去中和返～紫淮山我鍾意食爽脆既口感 所以落湯2,3分鐘已經食得如果想食淋身既可以煮多2分鐘～🤤🥙雜菜拼盤有勁多唔同既菜款 食到我地捧住個肚🤰🏻.最後仲有火焰焦糖豆腐花🫶🏻完美

最近天氣凍咗，又係時候想打邊爐啦！想搵間坐得舒服，又可以打卡嘅餐廳打邊爐。呢間我食完真係覺得高質，因為用料真係新鮮，而且食完唔口渴。🍲特色卜卜蜆煲味道超級鮮甜嘅蜆，蜆肉肥美，份量好足，底下仲有啲芽菜朔晒啲湯汁，好鮮甜，非常推介！🥩大滾友牛肉拼盤內有好多唔同部位嘅牛肉，食得出有牛頸脊、牛舌、黃喉等，配咗卜卜蜆嘅鮮味湯底，豉油都可以唔使掂，又香牛味，我自己個人最鍾意食嘅係黃喉，另外牛頸脊同牛肉片我都鍾意。🐷伊比利亞橡果豬呢個係餐廳嘅推介嚟嘅，食落去真係同其他嘅豬肉片完全唔同，沒有臊味，而且肉質嫩滑，果然係推介。🦐蟹籽鮮蝦丸手工丸其實有好幾隻味，我就揀咗蟹籽蝦丸，好彈牙。🐟自家製炸魚皮呢個超吸引呀！快炸魚皮勁脆，充滿着鹹香，就咁食又得，快速點湯汁又得，完全冇辦法停止食炸魚皮嘅感覺🤣好快清哂。🍀雜菜拼盤好多唔同種類嘅蔬菜，眼見有金菇、蕃茄、木耳、油麥菜。🔥火焰焦糖豆腐花非常打卡able 嘅小木桶豆腐花，黃糖份量非常足夠，豆腐花都好香豆味，打完邊爐食返個甜品好滿足，為呢一餐畫上完美嘅句號。食評總結：喺香港難得高質嘅打邊爐店，好多小食同食材都係自家製，肉類嘅質素好好，而且店內環境同餐具好有氛圍感，

天氣開始涼涼地，係時候打下邊爐，同朋友一齊嚟左位於元朗嘅宮廷式火鍋店😍😍特色卜卜蜆鍋一上枱卜卜蜆鍋冒起熱煙，每一隻蜆肉慢慢咁開口，蜆肉好大粒好鮮甜又冇咩沙，加入芫荽芹菜同芽菜令湯底更加鮮甜😙😙牛肉拼盤(細) 包括牛頸脊、安格斯牛肉、牛柳粒、牛黃喉同牛舌。牛肉味濃郁，輕輕一灼已經食得。仲有比較少見嘅牛黃喉，爽脆彈牙，有啲似牛柏葉😂😂伊比利亞橡果豬係我嗁最愛，肉質鮮嫩帶有啲肥肉，食落都好爽口，值得encore!!!😚😚鮮鮑魚洗得好亁淨，有鮮味之餘又彈牙😋😋黃金藏嬌和牛丸，外層係粒粒手打墨魚丸，內裏包住和牛肉粒，非常彈牙🤪🤪🤪大滾友雜菜拼盤，一個拼盤有齊平時打邊爐嘅蔬果，除左有蕃茄栗米蓮藕之外，仲有生菜、娃娃菜、油麥菜、木耳、萵荀，款款都洗得好乾淨又鮮甜👍🏻👍🏻火焰焦糖豆腐花，店員係我地面前燒起啲黃糖，食落帶有少少焦糖味，豆腐花亦都好滑亦帶有豆香味😬😬竹蔗茅根清甜，飲返杯潤下喉都唔錯😝😝

最近天氣涼左，打邊爐就適合了。今次同屋企人去左好有宮延風嘅元朗大滾友打邊爐。湯底叫咗玲瓏浮凸花膠雞，用三黃雞熬6個鐘而成，難怪雞味濃郁。仲落左大量厚身花膠，骨膠原滿滿，果然係鎮店湯底！牛就叫左大滾友牛肉拼盤，一個拼盤可以試勻七個部位！有頂級安格斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒同牛舌。牛肉各有特色，本地牛頸脊最出色，味道清甜軟滑。屋企人仲叫左伊比利亞橡果豬，食橡果大嘅豬仔肉味會更加濃郁。手打蟹籽鮮蝦丸用新鮮蝦仁由自家手打，手打嘅鮮蝦丸口感特別爽口Q彈。澳洲帶子片大大片又新鮮！大滾友雜菜拼盤都係必叫之一，望落好靚擺盤勁用心。種類多又大大份。最特別係有埋台灣嘅紫准山係外面火鍋店較少見。最後當然要叫埋甜品，火焰豆腐花原桶豆腐花口感滑溜，特別之處係店員會係面前加酒精再點火，等火熄滅之後就可以享用啦！自家製足料竹蓆茅根清熱下火。〰️〰️📍 大滾友火鍋 (元朗)元朗鳳攸南街9號好順利大廈一座地下G4-G5號舖