大池記大排檔

大池記大排檔今次介紹喺啟德站附近一間大排檔叫「大池記大排檔」，呢間大排檔最近推出咗小菜優惠，小菜價錢由$32-$68不等，最正竟然係有羊腩煲，每台食客最多只可以叫兩款優惠小菜，輪椅人士要喺度食嘢超方便，門口又無一級，完全係一間無障礙餐廳！1.鹵水豬頸肉$55（8.5/10）呢碟鹵水豬頸肉份量好多，豬頸肉肥瘦比例8:2，比較肥咗少少，如果肉多返少少會更好！2.沙爹粉絲海蝦煲$48（10/10）呢煲沙爹粉絲海蝦煲係優惠小菜，唔好以為優惠就味道一般，海蝦非常鮮甜彈牙，海蝦都有8隻，如果粉絲再重多少少沙嗲味就更好！3.寧夏新鮮羊腩煲$58（10/10）呢煲羊腩煲係優惠小菜，唔好以為優惠就骨多肉少，每一舊羊腩都係細骨為主，羊肉唔會有羶味，羊皮唔會似橡筋，都好軟淋，成個煲大約有10舊羊腩，其他配料有支竹同馬蹄等等！4.豉油王新鮮鵝腸$98（10/10）呢碟豉油王新鮮鵝腸份量都好多，鵝腸洗得好乾淨，食落口感爽口彈牙，唔會過咸，味道啱啱好！5.熱奶茶$12（7/10）呢杯熱奶茶如果濃多少少會更好！6.熱咖啡$12（7/10）呢杯熱咖啡有少少苦！7.白飯$12（1碗）（8.5/10）叫咗兩碗白飯，白飯濕咗少少，口感無咁好食！2人總共價錢$307個人口味總評分：8.71/10@dachikiltd    地址：九龍城啟德沐寧街10號Oasis Place地下D-F號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#大池記大排檔 #大排檔 #啟德 #啟德好去處 #啟德美食 #無障礙餐廳 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

今日去啟德探屋企人，屋企人帶我去食，佢哋平日成日會去食嘅街坊食堂，食大排檔風味嘅小菜晚飯。小菜館有嘅菜牌有好多選擇，孖寶又有，特價菜又有，選擇超多。菜牌仲有介紹呢間小菜館自設農場，每日提供生劏肉類到店。菠蘿拔絲咕嚕肉即叫即做，上枱熱辣辣，大大碟。咕嚕肉皮脆，拔絲效果好好。肉質好爽，啖啖肉，菠蘿係新鮮菠蘿，酸甜美味。沙嗲粉絲生蝦煲 呢款特價菜竟然只係$48 ，而且性價比超高。淨係蝦都有八隻，蝦好有鮮味，肉質彈牙，爽滑粉絲加上爽口芽菜吸入沙嗲湯汁，超好好味。頭抽王鵝腸又係另一特價菜，只係$38 ，鵝腸係新鮮嘅鵝腸，已去除所有肥膏，口感非常爽脆，配上頭抽，好鮮味，還有大量芽菜。翡翠海皇炒飯炒飯炒得好有鑊氣，米飯粒粒分明，配料份量慷慨，好多蝦仁同埋帶子仔，仲有生菜絲，食落爽口美味。凍咖啡最後嘆返杯凍咖啡，大大杯，甜度適中。…查看更多

椒鹽蒜香骨 $118外層炸得香脆不油，蒜香撲鼻，排骨肉質結實帶少少肉汁，味道鹹香比例啱啱好，惹味得黎唔會太咸潮式鹵水拼 $38$38食到個鹵水拼盤真心抵，有豆腐、鹵水蛋同豬頭肉，款款都吸晒鹵水的香味，豬頭肉切得薄片，非常爽口，食落唔覺太肥膩蒜茸蝦乾蒸勝瓜 $38同樣係抵食之選，勝瓜蒸到剛熟，口感爽軟多汁，蝦乾鋪面香氣濃郁，整體味道清新藍妹啤酒 $38白飯 $12大池記大排檔 (九龍城)九龍城啟德沐寧街10號Oasis Place地下D-F號舖…查看更多

潮汕鹵家孖寶裏的鹵家鵝件拼鵝腸，鹵水香氣濃郁且不嗆，鵝肉軟嫩入味，鵝腸爽脆彈牙，鹵汁的鹹香與食材本味交融，地道潮汕鹵水的功力盡顯。 金蒜銀絲蒸元貝，同樣出彩，金蒜鋪滿元貝，經蒸煮後蒜香撲鼻卻不奪主，元貝新鮮飽滿，咬開時鮮甜汁水與蒜香在口中迸發，銀絲襯底吸飽鮮味，口感層次豐富。 鹵水新鮮乳鴿一隻，鹵水滲透至乳鴿肌理，外皮鹵香濃郁，肉質嫩滑多汁，鹵水的鹹香與乳鴿的鮮嫩碰撞，越嚼越有滋味。芒果椰奶西米露，芒果香甜、椰奶醇厚，西米軟糯，清甜解膩，為這頓鹹香風味的餐食畫上圓滿句號。…查看更多

【全啟德最抵食打冷小炒大排檔😱平到喊！200蚊兩餸仲有38蚊特價，呢間「大池記」抵到你唔信！】 話說啟德近年新舖開到燶，但要搵間抵食夾大件嘅打冷小炒，真係要靠緣份！直到遇上呢間「大池記」，先發現原來啟德都有呢種街坊價、足料又好味嘅隱世大排檔💎 今晚兩個人撐檯腳，睇住張單都覺得癲左😲潮汕鹵水元蹄$60一份，鹵水滷到入晒骨，豬皮Q彈入味，肉質鬆軟唔柴，仲要份量十足，一個餸兩個人share都夠晒喉！跟住個自選潮汕鹵家孖寶$228，鹵水鵝件拼墨魚真係絕配！鵝件皮脆肉嫩，鹵水香味濃郁到冇得彈；墨魚爽彈鮮甜，每一啖都係大海嘅味道🌊仲有個花菰滑雞煲（例），雞肉嫩滑入味，花菰吸晒雞汁精華，惹味到癲！再叫兩碗白飯$12，拌住啲汁食，簡直係碳水天堂～ 最誇張係仲有特價小菜38蚊一個，每檯可以點兩個！呢個價錢喺啟德簡直係做慈善🥳無論係街坊落街食飯，定係約埋朋友傾計吹水，呢度都係絕佳選擇！環境夠晒大排檔風味，師傅落鑊鑊氣十足，食得出嘅镬氣同真材實料～ 講真，喺啟德呢個新區，想搵間抵食、大件、好味嘅打冷舖真係唔易，「大池記」絕對係良心之選！兩個人食到捧住個肚走，先使300蚊，抵到你唔信！仲等咩？今晚就約埋朋友衝啦🐛 📍…查看更多