大樹先生的家 (D2 Place TWO)

今日約咗兩個朋友晚飯，其中一位會帶埋小朋友出席，所以揀咗大樹先生之家。我都係第一次去呢啲親子餐廳，我哋喺坐低睇吓有啲咩嘢食發現價錢都係偏貴，拿刀奶啦梗係要照叫啦，揀咗三個主菜同一啲小食，就去玩嚕。場入面分三個大遊戲區域:第一係波波池、第二沙池、第三係一個自由天地。波波池係幾好玩嘅，夠大同埋都多波，凍大人都玩得。可惜嘅係，入邊有好好多外物，例如濕紙巾咁。感覺唔太乾淨，一般般。然後，我哋去咗自由區域玩，嗰啲扮煮飯仔、坐車。係要除鞋入着襪入去。因為食物到我哋就去食嘢先，食物份量大味道幾好，應該嗌少一個主菜先啱。味道唔錯，因為份量太多食唔晒要拎走。豬手係炸得幾香口、蘑菇帶子飯亦都好creamy、三文魚意大利粉嘅三文魚幾多。呢一餐嘢食得滿意，只係貴咗少少。應該唔會再嚟。…查看更多

個場內係非常baby friendly，但可惜啲staff黑口黑面，對小朋友完全不友好，態度差，見到小朋友撞到枱角，問左句有冇事，連ice compression都冇，冇follow up。枱上有個媽媽箱，有圍兜呀紙巾呀之類，見到冇晒圍兜叫佢fill(佢貼住話冇晒可叫佢地fill架），但個員工 一句回應都冇 黑口黑面咁fill比我地。大人冇著襪，就話唔比入去，要主動問佢先知有襪賣。成個場嘅員工都非常唔baby friendly。非常失望另外個貝殼粉唔建議食。薯條亦好似擺左好耐然後翻炸咁。…查看更多

今次係我第二次去大樹先生的家依度玩既野同銅鑼灣都幾唔同我地最鍾意就係依度既沙池同埋波波池🛝佢另外有劃分BB區域，小朋友玩得好開心。晚餐方面，我哋揀咗醬燒比目魚，泰風黃咖喱名蝦田園湯包，貓貓飯團配粟米蕃茄汁，樣樣都好好味😋！最值得一讚嘅就係佢哋嘅兒童餐，貓貓飯團造型非常精美，氹得小朋友非常開心，接近食晒成個餐添！…查看更多

大樹先生嘅家荔枝角店自2022年起開幕至今，遊樂區令人耳目一新，專為0-6歲嘅小朋友設計嘅五大主題式遊戲空間，令小朋友可以喺大樹樹洞區建立秘密基地，或者喺化妝區化身小公主同小王子，充分發揮想像力大樹超市同露營車區更係帶嚟創意同互動，令小朋友玩得唔亦樂乎化石，令小朋友玩得唔亦樂乎嘅恐龍探索區。餐點方面，全新菜單提供多元選擇，黑松露野菌意式燉飯搭配北海道帶子，風味獨特，粟米湯清新可口，凍檸檬茶則令人神清氣爽，貓貓飯團同蜜味烤雞翼亦各具特色，深受小朋友喜愛，整體而言，大樹先生嘅屋企唔單止係一個玩樂天堂，更係家庭聚餐嘅理想場所，令人感受到親子互動嘅美好。🌳大樹先生的家荔枝角店🏡地址:荔枝角長順街15號D2 Place Two 1樓#Hannahbaby2021 #Haileybaby2022 #親子 #親子好去處 #親子活動 #好物分享 #香港bb #荔枝角 #大樹先生…查看更多

首先大人需要低消150蚊，呢度已經好搵笨，相當於谷著大人強制消費，仲要節假日俾埋139嘅清潔費，亦都貴得離譜，一個三歲小朋友同一個一歲小朋友，加埋兩個大人就要成650蚊，價錢呢啲都唔係重點，重點係啲食物質素係好難食，小朋友都食唔落，全部預製叮熱食品，都未坐低就要嗌定啲嘢食，小朋友全部都急著去玩，返到黎咩都凍曬，都唔知係咩規矩。最可惡嘅係有個平陰扎馬尾女侍應，小朋友只不過最後想影多張相，加埋時間連兩分鐘都無，黑曬口面唔耐煩，驚死人阻著佢搞衛生，咁嘅服務態度收埋服務費我都唔知服務係邊。最後都唔會再黎呢間，銅鑼灣店好過呢間多多聲…查看更多